|
! (¦//¦) رابطة مهندسي هندسة اسيوط (¦\اـ\¦)!
سيداتي سادتي أرحب بكل المهندسين والمهندسات الجدد معانا من كلية هندسة أسيوط سواء كنتم من اسيوط او وافدين إليها وأقدم لكم هذا الموضوع المتواضع لخدمتكم هدية مني ليكو والذي سيتكلم عن كلية الهندسة بجامعة اسيوط وهذا رابط موقع الكلية http://www.aun.edu.eg/fac_eng/arabic/index.htm ساتكلم أولاً عن الكلية منذ انشائها تم إنشاء كلية الهندســــة عام ١٩٥٧م بمبنى الجامعة القديم بالوليدية حيث بدأت الدراسة بها فى العام الجامعى ١٩٥٧ / ١٩٥٨م. ومدة الدراسة بالكلية خمس سنوات منها سنة إعدادية لجميع الطلاب ثم أربع سنوات بالأقسام العلمية المتخصصة. أقسام الكلية تضم الكلية منذ نشأتها خمسة أقسام علمية متخصصــــة :- قسم الهندسة المدنيــــــة. قسم الهندسة الكهربائيـــــة. قسم الهندسة الميكانيكيـــــة. قسم الهندسة المعماريـــــــــة. قسم هندسة التعدين والفلــــزات. الدرجات التى تمنحها كلية الهندسة :- درجة البكالوريوس فى التخصصات السابقة الذكــر. درجة الدبلـــوم. درجة الماجستيـــر. درجة الدكتــوراه فى الفلسفــــــة. موقع كلية الهندسة تجاور كلية الهندسة كلية الحاسبات والمعلومات وتقابل كلية علوم تقريباً حيث المسافة بينهم شارع بالطول مبنى كلية الهندسة ساحة الكلية (زي فناء المدرسة كده) وهي مكان تجمع الطلبة بين المحاضرات ويوجد عدة أبنية بالكلية منها مباني الاقسام الخمسة الورش المدرجات (4 مدرجات كبيرة) الكافيتيريا شئون الطلاب نظراً لإن الموضوع يختص بطلبة اعدادي هندسة فحكلمك عن كل اللى حتحتاجه في اعدادي هندسة وسائل الراحة والشراء طبعاً الساحة مكان التجمع الاول ثم الكافيتيريا (لجميع الاغراض اكل – شرب – حل واجب – راحة بين المحاضرات) الجمعية (الدور الارضي لمبنى ميكانيكا)وهي مكتبة متكاملة ستجد فيها معظم الاغراض التي تحتاجها مكتبة اعدادي (وهي في الدور الارضي بمبنى الهندسة المدنية) وده للمذاكرة او الاطلاع وده هي اللى نفعتني في المذاكرة الترم التاني بصراحة أما الاماكن الرسمية للمذاكرة فهي قاعات الاستذكار الهادئ أ – ب – ج – د حيث الأخيرتين قريبتين من هندسة والاولتين بعيدتين قليلاً وهم غير تابعين لكلية الهندسة وإنما لجميع الكليات مشهورين جداً ولو سالت عنهم أي حد حيدلك عليهم القاعات مكفية وصالحة جداً للمذاكرة الهادئة المفردة حيث أن التكلم فيها ممنوع تماماً مواد اعدادي هندسة الرياضيات مادة ترمين امتحانها ترمين من 300 درجة 150 لكل ترم منهم 40 اعمال سنة و 10 شيت و100 امتحان التيرم الفيزياء مادة ترمين امتحانها ترمين الميكانيكا مادة ترمين امتحانها آخر العام فقط 30 درجة امتحان ميد تيرم لكل تيرم 10 شيت كده 40 لكل تيرم +امتحان الفاينل آخر العام كده 200 درجة اجمالي الحاسب والبرمجة مادة ترم اول فقط امتحان ترم اول فقط حتدرس فيها لغة البيزيك BASIC وطبعاً المادة بالانجليزي اللغة ترم اول فقط وامتحان ترم اول فقط حتدرس مبادئ بسيطة جداً وكلها من اللى فات عليك يعني من الآخر آخرك فيها الجيد جداً لو بتفهم انجليزي من 50 درجة منهم 15 الميد تيرم الرسم الهندسي مادة ترمين امتحان آخر العام فقط اتقل مادة على قلبك مش عشان صعوبتها لكن عشان الادوات اللى بتيجي بيها من 150 درجة 30 درجة ميد تيرم لكل تيرم 90 درجة امتحان الفاينل بيتوزعوا على رسمتين رسمة كبيرة 60-70 درجة رسمة صغيرة 20-30 درجة الاسقاط الوصفي مادة ترمين امتحان آخر العام 100 درجة 15 امتحان الميد تيرم كده 30 و10 هدية او شيت +60 درجة لامتحان الفاينل موزع 15 درجة لكل رسمة مادتي الاسقاط الوصفي والرسم الهندسي متلازمتين 100 وصفية + 150 رسم هندسي = 250 درجة وامتحانهم آخر السنة مع بعض تكنولوجيا الانتاج مادة ترمين وامتحانها آخر العام فقط السكشن بتاع المادة ده هو الورش حيث الورش هي التطبيق العملي للعمليات اللى بتدرسها من حدادة وسباكة ونجارة وسمكرة وتخطيط وشنكرة ودراسة بعض الماكينات مثل المخارط والمكاشط والفرايز الخ مش فاكر ترتيب درجات المادة ده دلوقتي المادة ده رخمة جداً للى مش بيبحها ولذيذة جداً للى بيعشق ميكانيكا الكيمياء مادة ترم ثان فقط وامتحانها اكيد برده ترم تاني فقط السكشن بتاع الكيميا هو العملي للتجارب بتروح السكشن في الجامعة القديمة في معمل الكيمياء الكبير سكشن ساعتين بتتمنى يكون تلات ساعات بتفضل واقف طول السكشن بتشوف اغلس معيدين ممكن تشوفهم هناك بس بتبقى عايز برده وقت اطول عشان تلحق تعمل حاجة في التجارب مش حتحس بيها في السكاشن الاولى لازم في السكشن يكون معاك (البالطو + النضارة الواقية) دول مش حتخش السكشن من غيرهم (انابيب الاختبار + الماسك) دول عشان تشتغل بيهم (حامل الانابيب + الفرشا ) دول موجود منهم في المعمل بس تقدر تجيب انت حاجة خاصة بيك حيتم الاعلان عن كل ده في اول سكشن ومش حتحتاج تشتريهم اول سكشن حيدوك هما اول مرة انابيب تشتغل بيها بس اللى حيتكسر على حسابك (كلها بـ 15 قرش الانبوبة ):d المواد الفرعية حقوق الانسان ترم اول امتحان ترم اول ولا يوجد امتحان ميد تيرم 50 درجة لا تضاف للمجموع تاريخ العلوم الهندسية مادة جديدة انا كنت تالت دفعة تاخدها يعني انتو الرابعة المادة ترم تاني لا يوجد امتحان ميد تيرم 50 درجة لا تضاف للمجموع ***** مدة المحاضرات والسكاشن الافتراضية هي ساعتين محاضرات الاسقاط الوصفي وتكنولوجيا الانتاج ساعة واحدة سكشن الرسم الهندسي ثلاث ساعات تقسيمة الطلبة الدفعة حوالي 1400 طالب (في سنتنا) يتم تقسيمهم على 4 مجموعات كل مجموعة تحوي 10 سكاشن كل سكشنين متلازمين في معظم الاحيان سواء سكاشن او محاضرات كل سكاشن المجموعة الواحدة مرتبطين بنفس المحاضرة وتؤخذ المحاضرة في المدرج يوجد في الساحة مدرجين اساسيين هما أ و ب حيث أ للمجموعتين الاولى والثانية وب للمجموعتين الثالثة والرابعة وتتبادل المجموعتان فيما بينهما بحيث لما ده تكون في محاضرة دول يبقو في سكاشن وهكذا يحتوي السكشن الواحد ما لا يقل عن 30 طالب ويتغير العدد طبقاً لأعداد المحولين من كليات أخرى او اللى حولو من الكلية او الوافدين من دول اخرى كاصحاب المعادلات ممكن تلاقي حد جديد لسه جاي معاك بعد شهرين من بداية الدراسة عشان بييجي من بره وبياخد اجراءات ومدة عقبال ما بيوصل المصاريف المدفوعة للحاصل على الثانوية العامة المصرية هي 200 جنيه المصاريف المدفوعة للحاصل على الثانوية العامة من الخارج 2000 جنيه بالنسبة للدكاترة اللى بيدو المادة فهم كتار جداً للمادة الواحدة لذا فمن الصعب عليا ذكرهم بيكون على الاقل في 4 دكاترة للمادة الواحدة كمتوسط واحياناً بيكونو 7 واحياناً 8 حسب ما بيقسموا نفسهم الفيزيا والكيميا والرياضة والميكانيكا دكاترتهم من علوم الانتاج والوصفية والرسم الهندسي والحاسب من هندسة اللغة من اداب حقوق الانسان من حقوق تاريخ العلوم الهندسية واحد من هندسة مجهول الهوية ^_^ طريقة التنسيق .... إذا حصلت على 85% فأكثر فهي امتياز (ز) 75-84% فتقديرك جيد جداً (ج ج) 65-74% فتقديرك جيد (ج) 50% فأكثر فتقديرك مقبول أقل من 50% فأنت ضعيف (ض) مستوى متدني فانت ضعيف جداً (ض ج) بس مش عارف نسبتها كام عند حصولك على مجموع مرتفع جداً تحصل على امتياز مع مرتبة الشرف لدخول الاقسام ترتيب الاقسام حتى العام الماضي كان كالتالي الهندسة الكهربية الهندسة المعمارية الهندسة المدنية الهندسة الميكانيكية هندسة التعدين والفلزات حيث قسمي الهندسة الكهربية والمدنية يحوي كل منهم على ثلث الدفعة بينما المعمارية حوالي 75 طالب فقط والهندسة الميكانيكية 20% من اجمالي الدفعة والبقية في تعدين وكانت هذا الترتيب ثابت مدة طويلة ويتخلف باختلاف اعداد الداخلين الى الاقسام حيث تغير هذا العام نظراً للزيادة المهولة لداخلي قسم الهندسة المعمارية واصبح كالتالي الهندسة المعمارية الهندسة المدنية الهندسة الكهربية الهندسة الميكانيكية هندسة التعدين والفلزات ويتم حساب مجموعك بجمع مجموعك في اعدادي هندسة ومجموع الثانوية العامة الخاص بك فكان نصيب الهندسة المعمارية هذا العام 154% والهندسة المدنية 151% تقريباً حسب آخر احصائيات وصلتني ملحوظة : الكلام ده كله بالذاكرة الشخصية عدا التعريف بالكلية اللى في البداية بس يعني كلام مش رسمي وقد يحتمل الخطأ وهو يعبر عن وجهة نظر صاحبه فقط :d يلا عايز اشوف كل الوجوه بتاعت اسيوط هنا |
انا للاسف
مش داخلة هندسة اسيوط:o انا داخلة هندسة اسكندرية:049gc0: بس حبيت اشاركك:078111rg3: لان فعلا مجهودك اكثرمن رائع:078111rg3::078111rg3: ربنا يبارك فيك معلومات هايلة:av4056bb7jp3: عن الكلية تقدرتفيد بيها اى حد داخلها ويارب الرابطة بتاعتك تحقق نجاح عظيم:078111rg3: وانا اسفة لو اتطفلت |
لا ابداً مفيش تطفل احنا بنرحب بالضيوف
نورتي الموضوع يا ايمي |
انت ابتديت من غيري يا محمد ماشي ... بس انا كده هشيل كل مواضيع هندسة اسيوط كده
|
انا عايزة اعرف تنسيق كهربا خد من كاااااااااام السنه دى اللى يعرف يقلى
|
انا ومع الاسف تحويلى مقبلش ان ارجع المنصوره
وهحاول محاوله اخيره اقدم طلب التماس لو مش قبل هضطر اسفه انى ادخل اسيوط بعيد عن اصحااااااااااااااااابى |
____*** ---j---o---e--- ***____
انا دخلت هندسة اسيــوط
انا يوسف عبد الكريـــــــــم من المنصــــــــــــــــــــــورة |
اقتباس:
ابقى اظهر :stickjo4: وعلى فكرة انا كنت بتكلم فيها مش سايبها يعني |
اقتباس:
|
ربنا مــــعاك
|
كنت هابقى معاكم بس الحمد لله تحويلى اتقبل وسلااااااااااااااااااام
|
أنا مش أسيوط
بس مجهود متميز |
اقتباس:
حيبقى العيب الوحيد إنك حتسافري بس اقتباس:
اقتباس:
اقتباس:
|
معاكم فى هندسة اسيوط
محمد بكر من دمياط |
اهلاً بيك محمد معانا واهلا بالدمايطة كلهم :)
|
اهلاً بيك محمد معانا واهلا بالدمايطة كلهم :)
شكرا على الموضوع و شكرا لك |
اوووووووووووووووف
ايه العالم المتطفلة ديه ايه اللى دخل حد والموضوع مش موضوعه بس على فكرة انا هندسة اسكندرية وحبيت اتطفل انا كمان:d:d:d بس صراحة انا دخلت لان الموضوع معمول فيه شغل جاااااااامد حقيقى البشمهندس محمد دايماااا بيعمل الشغل ده مش جديده عليه يعنى وربنا يوفقكوا ويكبر رابطتكم كده ومعلش استحملوا المطفلين اللى زى :):) |
اقتباس:
بالعكس انتو تشرفوني مدايقني اني اللى عاملهم الموضوع لسه مظهروش :d |
انا مش مدايقني إنه المتطفلين كتير :d
بالعكس انتو تشرفوني مدايقني اني اللى عاملهم الموضوع لسه مظهروش :d شكرا على الموضموع بس ممكن شويه معلومات عن الأقسام و تنسيقها |
اقتباس:
لما تيجي تاخد رد تقدر تدوس على كلمة اقتباس اللى بتكون اسفل الرد زي الاقتباس اللى انا عامله ده كده بالنسبة لتنسيق الاقسام انا ذكرتها في الموضوع او نبذة عنها عايز اعرف منك التنسيق تقصد بيه ايه اكتر بالنسبة للاقسام لو عايز تعرف عنها شوية تقدر تزور الموضوع ده كل ما يخص اقسام كليه هندسه |
حصرياااا النتيجة النهائية لنسب دخول الاقسام للفرقة الاعدادية 2009/2010
حصرياااا النتيجة النهائية لنسب دخول الاقسام للفرقة الاعدادية 2009/2010 من قلب شئون الطلاب بكلية هندسة - جامعة أسيوط اتيت لكم بصورة من النتيجة النهائية لنسب تنسيق الاقسام وذلك عشان خاطر عيونكم اى استفسار اخر انا فى الخدمة........................ م/ ياسر جلال (اولى مدنى) |
مجهود عظيم من شخص عظيم
ايه ده بس احنا مش اد ده كله:d:d.. (مجهود عظيم من شخص عظيم) شكرااا لك كثيرا يا باشمهندس محمد على وبالتوفيق ان شاء الله فى القسم اللى انت دخلته باذن الله :022yb4::022yb4::022yb4::022yb4::022yb4::022yb4: |
ارجو من جميع من دخل كليه هندسة اسيوط الاشتراك فى هذه المجموعة
http://www.thanwya.com/vb/group.php?groupid=68 |
تسلم لمرورك تركي هاكر وتسلم على إتيانك بالنتيجة
|
ده انت اللى تسلم على الموضوع الرائع ده
|
انا فدمت الحمد لله و طلعت الجامعة حلوه جدا
الللى رايح الكشف الطبى يوم 31 يقولى |
ana kman ademt el7amd lellah bs hwa el wa7ed lazem yeroo7 el kash el teby youm 31 wla mmkn f ay w2t tany |
la2 elmafrood te7dar fe ma3adak
ma3takedsh enaha mafto7a |
هو مش مفروض ان انت تروح يوم 31
ممكن تروح فى الدراسة |
إلســلآم ع ــليكم شوكــرن ليكـ يـآ بشموهندس مح ـمد على إلموضــوع إلج ــميل ولو إني مركزتش غ ــير فى وصف إلكولية وأمآكن إلموذآكــرهـ وطنشت جزء إلمواد ـههههههههههـ <<< يخ ــوف أنـآ إن شـآء الله يوم 31/8 يوم إلكشـف إلطبــي هروح ويـآريت إلكل يكون موجود وميـآج ــلش بس هيبـقى سهـل ولآ أروح أتلطـع فى إلح ــر وإلصيــآم ... ؟! |
سؤال تـآني بإلنسبــه لموضوع إلكورســـآت لو ركزت فى إلمُح ـآضرآت وكده ووآظبطت بإستمرار يبقى مفيش دأع ـي للكورســـآت .... ؟! ولو ح ـبيت أخ ـد إيه إلمواد إللى بيكون ع ـليهآ إلع ـين يع ــنى وبتكـون فين |
اقتباس:
لأ هو سهل بس حتتلطعي اه :d لأنه بالطابور واحد واحد اقتباس:
أيوه مفيش داعي لأي كورسات بضيع الوقت ومش بيديك زي ما حيديك الدكتور لو (ولو تعني الاستحالة) حبيتي تاخدي كورسات فهي لا تخرج عن تلاتة الرياضة والفيزيا والكيميا والميكانيكا اصل الرياضة والميكانيكا بيديهم نفس الدكتور بس طبعاً كل مادة بحسابها :d بعد ما تبدأي الدراسة وتعرفي الدكاترة اللى حيدوكي لو عرفتي تحضري مع دكتور تاني احسن من ده ماشي لو معرفتيش وسايفة نفسك مش فاهمة يبقى خدي مش مشكلة بس نصيحة أخوية متحطيش ابداً الكورس دلوقتي في دماغك غير لما الموضوع يتأزم بس والترم الاول سهل (طبعاً مش بتكلم عالفيزيا :d) |
إلســلآم ع ــليكم شوكــرن ليكـ يـآ بشموهندس مح ـمد على إلموضــوع إلج ــميل ولو إني مركزتش غ ــير فى وصف إلكولية وأمآكن إلموذآكــرهـ وطنشت جزء إلمواد ـههههههههههـ <<< يخ ــوف أنـآ إن شـآء الله يوم 31/8 يوم إلكشـف إلطبــي هروح ويـآريت إلكل يكون موجود وميـآج ــلش بس هيبـقى سهـل ولآ أروح أتلطـع فى إلح ــر وإلصيــآم ... ؟! معلش بقى انا من بعيد شويه فينفع اروح على الدراسة ؟؟؟؟؟؟ |
أنـآ روحت إلموضوع سهــل جداً بس هتروح تسـال على طيب بيطرى هتلآقى جنبهآ مكآن إلكشف إلطبـي هتآخ ـد إستمآره عليهـآ صورتك وفآضيــه على شبـآك جنبهـآ تدفع 10 جـــ وتآخ ــد بطآقة صح ــيه صفرآء وبع ـديهآ بكم متر كدهـ فى خيمــه هتكشف عن إلنظــر بس وهما هنـآك هيكتبوا لآئق على كله ( من ع ـظآم وقلب وأسنـأن وكله ـهههههـ ) يعني مع ـــــدي بسـلآمة وترج ــع تآنى على هندسه تودي إلورقه دى و تتخ ــتم وهتأخ ــد ورقة من قدام إلكوليــه فيهـآ إلج ـدول بس فـآضى لسه هتملآه لمـآ ينزل إلج ـدول ويتع ــلق بس إلتعب كل إلتعب فى إللى مرح ـهآش قبل كده هيلوش ذى ح ـآلآتى وواح ـد يودي فيه وواح ـد يجيبه ويبقى ملطشــه لآنهـآ وآسع ــه جـداً وإلامآكن تتوه فيهــآ |
انا يوسف من المنـــــــــــصورة
مروحتش يا جماعة الكشف الطبى انهارده اعمل ايــــــــــــــه ؟ بليز حد يرد علــــــــــــيه لانى كنت مشغول بتقديم الالتماس |
في يوم تـآني للمتخ ــلفين 10 / 9 يوم إلاتنين |
بنــذر هو إلج ــدول إللى إستلآمآنه بس كده أول عن أخ ـــــــــر كده |
هوه ينفع نروح الكشف فى الدراسة
بليز حــــــــــد يـــــــرد عليــــــــــــه ---_^يــــــــــــوســــــــــــــف^_--- |
اقتباس:
هو إللى اع ـرفه إن فى بنـآت إلسنوات اللى فـآتت كآنت من بـلآد ورأح ــت فى إول يوم وع ـملت بس هسـآلكـ وأشــــــــوف |
اكون فى غاية السعاده لو ده حقيقى لانى تعبت على اما قدمت
|
اقتباس:
مش مكفيكي كل ده وعايزة تاني :d اه هو ده بس الجدول باقي بس تعرفي كل سكشن حيبقى مكانه فين وده حيتعلق بورقة قدام شئون الطلاب جنب ورق النتيجة والاعلانات وكده |
هو إلج ــدول إللى إستلآمآنه بس كده أول عن أخ ـــــــــر كده جدول ايه اللى بناخده |
اقتباس:
جدول الحصص :d حتلاقي واحد كده قاعد وبيوزع ورق في الساحة لو ملقتوش يبقى الجداول خلصت يعني خدو من اي حد وصوره وكمعلومة جانبية لو حبيت تعمل اقتباس تقدر تدوس على كلمة اقتباس الموجودة تحت كل رد |
طيب لو حد معاه الجدول ده يارينت يرفعه علشان انا هروح على الدراسة و ممكن ما لائيش الراجل ده
|
اقتباس:
دنتا لو رحت دلوقتي احتمال مش تلاقيه لو رفعه هنا من اللى جابوه يبقى خير وبركة لو مفيش تصوره اول يوم سهلة بس اهم حاجة تروحو تشوفو اساميكو في كشف الاسماء عشان تعرفو مجموعة كام وسكشن كام غالبا اول اسبوع اجازة من السكاشن بس في محاضرات |
طب محدش يعرف يجيبه من الموقع بتاع الكلية
|
هو ما فيش حد من اسيوط خالص
|
أنـآ سـآلت لكم ح ــد فى إلكوليــه واكدت لـي أنه ع ـآدي تروح أول إلدرآســه لإنكـ من بلد تآنيه وليكـ عُ ــذر السفر بس إلآضمن وإلآســلم تح ـآولأ تيج ــووا 10/9 يوم إلاتنين |
طب الورق اللى متوزع فيه الفرق و المجموعات اتعلق ؟؟؟؟؟؟؟؟
|
ممكن حد يقولنا بس ميعاد فتح المدينة الجامعية ؟؟؟؟؟؟؟؟؟؟
|
| جميع الأوقات بتوقيت GMT +2. الساعة الآن 11:56 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.