انا زهقت بقى
 

ياجماعة انا فى تجارة كفر الشيخ و مقدمة فى قسم انجلش و لغاية دلوقتى لسة النتيجة مظهرتش و بيقولوا فى نص شهر سبتمبر
و انا جايبة المجموع الاعتبارى بتاعى 403.5 و خايفة انى متقبلش و انا مش عايزة تجارة عربى لانى بصراحة مش اصوم اصوم و افطر على بصلة حرام كدة
انا كنت عايزة حد يطمنى بالله عليكم
و كمان كنت عايزة اسال سؤال
هل ينفع انى احول تربية لو متقبلتش فى تجارة انجلش ولا خلاص باب التحويلات قفلت خالص ؟
ياريت ياجماعة اليدخل يطمنى علشان انا زهقت و اتخنقت و هموت قريب بالسكتة القلبية :040vk0:
انا تعبت بقى من كتر انتظار نتيجة التنسيق الداخلى
و كمان سؤال
انا فرصتى ضعيفة فى القبول فى تجارة انجلش ولا لا؟;)

احنا بجد مش زهقنا وبس احنا طهقنا وهنطق وهيجيلنا السكر والضغط من الوزاره الى ربنا بلانا بيها دى انتظار فى نتيجه الثانويه وانتظار فى نتيجه التنسق بتاع الكليه وانتظار فى نتيجه التنسيق الداخلى بتاع الانجلش احنا هيجيلنا انفلونزا الانتظار بجد حرررررررررررررررررررررررررررررررررررررررررررررام
انا رايح اه بكره الثلاثاء لما اشوف بس انا فى بنها

يابنتى قولتلك قبل كدا .. حطي في بطنك بطيخة صيفي .. ان شاء الله هاتخشيها غصب عنهم

ربنا يسمع منك يا فامبير يارب
بس انت مقولتليش على حكاية التحويل لية تحويل لو ما اتقبلتش لقدر الله ولا لا باب التحويل اتقفل

والله نسيت .. معلش بقي

اللي اعرفه ان حاليا باب التحويل اتقفل خلاص .. يعني قضى الامر .. ادبستي في تجارة خلاص

عايزة تحولي بقي لتربية .. استني لما تخلصي سنة اولي جامعة وابقي حوليلها السنة الجايه اللي بعدها !!

انتو مستعجلين على النتيجة لية يا جماعة لسة بدرى على فكرة لسة باب التقديم مفتوح ان شاء اللة الكل يقبل متقلقوش وادعوا ربنا فى الايام المفترجة دى ربنا معانا كلنا

يا لهوى انت عايزنى اضيع سنة من عمرى
لا خلاص تجارة مش مهم بقى ادبست و الكان كان
الحمد لله شكرا ليك يا فامبير و رمضان كريم
كل سنة و انتم طيبن
دمتم فى رعاية الله

شكر يا جماعة بجد لكل الردوا علية
و ربنا يوفق الجميع و نتقبل كلنا ان شاء الله
كل سنة و انتم طيبين و رمضان كريم

الله اكرم وانتي طيبه
يااااااارب كلنا نتقبل ان شاء الله

يا جماعه روحت الكليه النهارده وقالولى تعالى يوم 1/9 وهتكون النتيجه ظهرت وعلى فكره قالولى حاجه كدا معرفش صح والا غلط قالولى على فكره انت كدا كدا داخل والسنه دى بالذات هناخد عدد فوق المطلوب ويمكن ناخد تحت الى جايبين 40فى الانجلش كمان عشان السنه الجايه مفيش ثانويه عامه فهنكتر الدفعه السنه دى والله اعلم معرفش بقا حقيقى والا لا وقالولى يوم الثلاثاء الجاى تيجى تشوف نتيجتك وتجهز فلوسك
والمصاريف يا جماعه للى فى بنها 3200 هى كانت كدا السنه الى فاتت اما السنه دى قالولى هتغلى دا غير الكتب طبعا قالولى من 1500 الى 2000 جنيه والله واحد من الشئون قالى احنا بنقبل كل الى بيتقدم لو جايب 20فى الانجلش عشان انتوا الى بتدونا فلوس انتوا الى بتسندوا الجامعه واحنا عندنا مبنى لسه جديد لتجاره انجلش بس بيتعمل جديد قالى هنعملهولكوا منين دا من فلوسكم طبعا قلتله اه هى حكايه فلوس يعنى مش مجاميع قالى لالا خالص بس برده لازم نكتر العدد شويه عشان الفلوس الى بتتدخلنا

ربنا يطمنك يا عمرو
ياريتنى كنت فى بنها مش فى كفر الشيخ انتوا عندكم جامعة لارج خالص
احنا برضة قالوا لينا هنقبل كل الاتقدموا فى تجارة انجلش و قالوا يعنى انتوا هتتدفعوا فلوس و كمان نرفضكم
و قبلوا السنة الفاتت الجايب فى الانجلش 37 من 50
شكرا يا عمرو بس احنا عندنا مقابلة انجلش

ايه يا جماعه النتيجه عمرها ما هتبان دلوقتى انتو مالكم كده النتيجه بعد تانى اسبوع من الدراسه وانا قلت كده فى توبك تانى
كمان مفيش حد اسمو قدم فى تجاره انجلش ومتقبلش
الكليه بتنزل مرحله تانيه وتالته ورابعه لحد ما يخدو العدد المطلوب الى له الحق يقلق الى جايب اقل من 390 انما الى فوق كده داخلها وهوه قاعد فى الهووم زى ما بيقولو :d
متقلقوش كده ان شاء الله خير

طيب مفيش اى اخبار عن الانجلش بتاع القاهرة
الواحد قلقان اوى علشان مجاميع عالية جدا مقدمة
السنة دى
ياريت اى معلومة عن تجارة انجلش القاهرة

انا قولتلك ايه يابني قبل كدا ؟! ..

عشان تعرف بس ان كلام فامبير عامل زي جهينة .. عندي الخبر اليقين http://l.yimg.com/us.yimg.com/i/mesg/emoticons7/15.gif

مايبي .. اذا كانت دي تجربة شخصية حصلت قدامك فعلا .. يبقى كلامك سليم

مانا قولت قبل كدا اخر الاخبار ..

1- الدفعة الجديدة عددها 500 طالب

2- نتيجة التنسيق الداخلي ان شاء الله متوقع ظهورها في الفترة بين 7/9 لـ 14/9

3- مافيش دفعة في مدينة الشيخ زايد .. كلهم هايبقوا داخل الحرم الجامعى في مبنى الكلية

4- ميعاد التقديم هايقفل ان شاء الله يوم الخميس 27/8

ياربــــــــــــــــــــــــــ كلنا نقبل بقى والنتيجه تظهر خلى الواحد يرتااح
ع العموم انا كلمت الكليه بجامعه المنصوره وقالوا بردو ع اول تسعه
ربنا يســــــــــــتر

انا اسف لكن الكلام دا خطا النتيجه لازم تظهر قبل الدراسه ولو باسبوع لكن مفيش حاجه اسمها بعد الدراسه باسبوعين ازاى يعنى

يا حظك لا انا معندناش الحمد لله لا مقابله ولا بتاع احنا عندنا زى ما قولتى الجامعه اكس اكس لارج مش لارج بس بقولك لما روحتى تعملى المقابله ايه الى حصل؟والا المقابله بتبقا بعد ما تقبلى

لا تعليق!!!!
اصلى فعلا مقدرش اتكلم
ربنا يخليك لينا يا فامبير يا رب ويطولنا فى عمرك ويعلى مراتبك

ههههههههههههههههههههههههه
هنشحت صح؟

كل سنه وكل اعضاء المنتدى عاما واعضاء تجاره خاصا واعضاء تجاره انجلش خاصا خاصا بخير يا رب
وربنا يوفقنا ونتقبل
بس بجد انا حاسس ان 1/9 اكن التنسيق بتاع الثانويه العامه هيظهر من الاول والله

احنا ظهرت لنا كده
ظهرت بعد تانى اسبوع من الدراسه وقلنا للاداره نحضر فى عربى ولا انجليزى قالونا الى مقدم انجلش يحضر فيها وبعد اول اسبوع النتيجه ظهرت ده الى حصل معانا السنه الى فاتت فى المنصوره والحمد لله كلنا اتقبلنا

يارب يا محمد كلنا نتقبل
بس غريبة يعنى انها تظهر فى الدراسة المفروض تظهر قبل كدة علشان كل واحد يعرف راسة من رجليةو يعرف هو فين بالظبط فى عربى ولا انجلش
شكرا يامحمد
فى رعاية الله

والله ياعمرو انا لغاية دلوقتى معرفش اية المقابلة دى كل القالوة لية ان احنا هنتصل بيكى و هو تقريبا قبل مانقبل فى الكلية و قالوا هيسالونى شوية اسالة الله اعلم اية نوع الاسئلة دى بجد
انا سالت طلبة من الدفعة الفاتت قالولى مكنش عندنا مقابلة ولا حاجة حظ بقى:blush:
انا عندى الكشف الطبى يوم السبت
حد عمل الكشف الطبى ولا لا و العملة هو عبارة عن اية يعنى
بالتوفيق

هههههههههههههه انا عرفتها لما دخلت الكليه نفساه مظهرتش غير ساعتها لعلمك
اصبري اصبري
وربنا يسهلك ان شاء الله

اية الثقة الزايدة دى يافامبير :mad:
ماشى ياعم جهينة :p
رمضان كريم هتعطشنا كدة
كل سنة و انت طيب

شكرا يا يميم بصراحة طمنتينى انى هقعد كمان شهر على اعصابى:blush:
رمضان كريم
كل سنة و انتى طيبة

لا مش ثقة ولا حاجة .. اصل انا سألت واحد صاحبي في تجارة انجليش بنها

وقالي انهم ماعندهومش تنسيق داخلي

فاجيت اقولهم هنا ان بنها مافيهاش تنسيق داخلي ماصدقونيش .. لغاية ماعترفوا بنفسهم !

لو سمحت انا عاوزه اعرف نتيجه تجاره انجلش المنصوره بالنسبه للمرحله الاولي والمرحله التانيه هتظهر 1-9 ولا ايه ؟؟؟؟

لان انا كنت علمي رياضه ومرحله تانيه ياريت حد يفيدني

اللي اعرفه ان نتيجة التنسيق الداخلي بتاعة تجارة انجليش مالهاش علاقة بمرحلة اولي او تانية

النتيجة اللي بتنزل بتبقي نهائية

وبتشمل على اسماء الناس المقبولة كلهم سواءا مرحلة اولي او مرحلة تانية

بالنسبة للميعاد .. انا ماقدرش احددلك ميعاد معين

لكن بداءاً من اول يوم 1/9 ابدأى تابعى بقي

بصى هو الكشف الطبى دا تقيل شويه وفيه شويه ارهاق انتى بتروحى كليه التربيه الرياضيه عندكوا وتبقا فيها الكشف دا والكشف بيبقا ايه بقا على الفرازه الدكتوره قاعده ومعاها سماعه وعماله عدى يا ابنى عدى يا ابنى عدى يا ابنى وانا كمان لابس نظاره المفروض اكشف نظر قالتلى لا ولا يهمك يلا كدا خلصتوا شوفتى بقا مرهق ازاى

خلاص يا فامبير انت هتزلنا والا ايه طب عارف لو مقبلتش هاعمل فيك ايه؟:028ja7:

وبعدين يا gamalewees
ايه الاسم دا وكمان كتبتى فى البروفيل بتاعك طالبه جامعيه(تجاره انجلش )يعنى بتقوليلهم داخله داخله رغم عن انفهم

شكرا ليك فامبير ع ردك

وانا كنت في الجامعه النهرده وقالي بعد 15-9 اسالي وقالي ان مفيش حد هيترفض كلو بيتقبل بس الترتيب بيبقي حسب المجموع وجبت رقمهم عشان ابقي اسال بدل مروح وارجع ع الفاضي
ودا الرقم 2243974 عشان اللي عاوز يسال

وياريت تعتبروني اخت ليكم ونكون اصدقاء وياريت نتعرف ع بعض

والله يا عمرو اسمى دة لة موضوع طويل مش هيهمك بس انت قصدك يعنى انى داخلة باسم ولد عادى مش هتفرق كتير ولد من بنت
اصل ابن عمتى قالى متدخليش المنتدى باسم بنت ادخلى باسم ولد;)قولتلة مفيش مشكلة عادى و بعدين متفرقش ولد من بنت
انا اسمى سهام و بعدين انا بكره اسمى اصلا:bosyht9:
اة بالنسبة لطالبة تجارة انجلش ففعلا انا هدخلها بقى بالعافية غصب عنهم هى غلاسة بقى حد عندة مانع

ع فكره يا سهام اسمك جميل اوي وانا بحب الاسم دا موووووووووووووووووووووووت

ربنا يكرمك والله يابنتى كلك زوق والله بس بحس انة تقيل شوية
انتى اسمك بقى اية ياجميلة
و اكيد طبعا كلنا هنبقى اصدقائك و انشاء الله تتقبلى

ربنا يخليكي ياسهام انا اسمي اسراء ياجميل

اسمك جميل يا قمر
كل سنة و انتى طيبة
رمضان كريم عليكى و علينا

انا مش قصدى والله بنت والا ولد انا كان قصدى ايه الاسم دا بس
لكن اسم جميل اوى يا سهام وعادى مش تقيل والا حاجه
وبالنسبه لطالبه تجاره انجلش هو حد يقدر يكلمك حد خالص انتى بالذات تدخلى غصب عنهم ومحدش عنده مانع ههههههههههه

ربنا يخليكي ياسهام وانتي طيبه ياجميل

رمضان كريم

الله اكرم يا جميل
شكرا ليكى يا اسراء
عقبال لما نباركلك على قبولك فى الكليةو تجيبى امتياز انشاء الله:av4056bb7jp3:

ربنا يخليكي ياسهام ميرسي

اة بحسب حد عندة مانع ولا حاجة كان هيشوف شغلة :abdoog8:
اصل انا هدخلها انشاء الله غصب عن الكل هى بقى غلاسة و خلاص طبعى كدة اعمل اية لازم اغلس:p
انا بهزر طبعا معاكم انشاء الله كل العايز حاجة ياخدها فى بركة الايام المفترجة دى
رمضان كريم
كل سنة و انتم طيبين:)

بصوا من الاخر بقي باين عليا مش هتقبل في حته خالص هههههههههههههه وفي الاخر هيخدوني في عربي شفقه واحسان دول شلونا وبعدين هو انا لو مش اتقبلت في تجاره انجلش في جامعه ممكن احول انجلش جامعه تانيه ولا قضي الله انا جايبه مجموع اعتباري 415 بس برضه علي اسوء الفروض ممكن احول من جامعه للتانيه واقدم انجليزي في الجامعه التانيه

اصل عقبال ما العذاب الى احنا فيه دا يخلص ويشفقوا علينا ويطلعولنا النتيجه الجامعات كلها هتكون قفلت تقديم الانجلش ونتايجهم بانت ندعى بقا ميرموناش فى عربى الى فيها الاف مؤلفه

والله يا جماعة المنتدى كان واحشنى اوى يالا مش مهم
على العموم يا جماعة اتقبلتوا ولا لسة فى تجارة انجلش
ياريت الاتقبل يدخل يقول انة اتقبل و فى اى كلية
الف مبروك للاتقبلوا
كل سنة و انتم طيبين

هتلاقى موضوع يا جماوليز انا عامله اسموا تجاره انجلش او تجاره القاهره 2010
ودول الى اتقبلوا والا لا فى القاهره اما عين شمس النهارده وهنعرف لما يجوا من الكليه وبنها المكوسه لسا مبنتش وانتى عامله ايه دخلتى والا لا؟