كيفيه قضاء يومك أيام الدراسه في الكلية
 

شكرا علي النصائح دي
ويا رب نعدي علي خير من الكليه دي

شكرا على معلوماتك
وان شاء الله نحاول نطبقها
بس بصراحة صدمتنى
انا ايه يدخلنى كلية جهنم وعذاب زى دى

يا بشمهندس
سيبها على الله ربنا يسهل
هما خمس سنين وهيعدوا يعنى هيعدوا يخلصوا بقى 5 يخلصوا 7 زى ما يخلصوا
صراحه النظام ده حلو اوى والى هيمشى عليه (اكيد مش انا)اكيد امتياز كل السنين
بس هو صعب مذاكره كل يوم ويوم او يومين اجازه ده انا ما عملتهاش فى ثانوى
يلا ربنا يوفقنا كلنا والكليه ان شاء الله سهله حتى لو صعبه هنقول عليها سهله
وكل سنه وانتم طيبين
رمضان كريم

ههههههههههه
ايوة كده
هى ديه الناس المتفوقه

بما إنك في اعدادي يبقى الكلام ده مش بتاعك


احنا السكاشن ده بنحضر منها اللى يكمل المحاضرة ونادر لما المعيدين ياخدوا عليها درجات
المعيدين بيكبروا دماغهم ويسيبولنا حرية الاختيار
شايف الديموكراتية :d

اقتباس:

طيب المذاكره ازاي .. سؤال وجيه http://www.elostaz.com/montada/image.../vip/sm179.gif

اقتباس:

محاضره+ سكشن+ حل مسائل+ حل امتحانات السنين السابقه (مهم جدا الامتحانات ديه)

كل ده
ايه رأيك إنه امتحاناتنا السنادي جت مختلفة في كل المواد عن جميع السنين السابقة
بس طبعاً احنا سنتنا مميزة من ايام الثانوية العامة
عشان كده مش حقارن
يلا:bosyht9:

اقتباس:

بعض المواد الدكاتره بينزلوا لها كتب... بالذات اعدادي... خد بالك بيجيبوا اسئله من هذه الكتب و لكن تبقي ملزمه الامتحانات هي الاهم(امتحانت السنين السابقه) ليه؟؟ لأنها هي بتخليك تعرف الدكتور بيفكر ازاي و بعض الافكار بتتكرر فيه نقطه مهمه هنا

احنا بيحط امتحانا 4 دكاترة
منهم دكاترة بتبقى لسه جايلنا طازة في نص السنة من امريكا وواخدة الدكتوراة
كتب ايه يا راجل :d

اقتباس:

في الكليه مش زي ثانوي.. الافكار ممكن تتكرر و لكن بتحريف... لكن نظام الاقي مسأله بأرقمها تيجي زي الثانويه العامه (نظام البصمجيه) داه تنساااااااااااه..... قلما و نادرا حدوث ذلك

قلما اه
في ثانوي كنت بتفهم
في هندسة بتحفظ وياريتك عارف تحفظ ازاي ولا منين ولا فين:d

اقتباس:

حاول تذاكر المحاضرات و السكاشن اول بأول و لا تجعلها تتراكم عليك.قدر الامكان.. لأنها للأسف حتتراكم عليك آجلا ام عاجلا ( ربنا ببشرك )

اول جملة تقولها صح
وابقى قابلني لو ذاكرت محاضرة بدري :d
مجرد التفكير ده شيء صعب اصلاً :d

اقتباس:

حوال تأخذ قسط مناسب من الراحه ( بس متسوئش فيها http://www.elostaz.com/montada/image...on_mrgreen.gif ) يوميا علشان متزهقش من المذاكره لأن معظم اعملك دلوقتي هيكون مع علمين فقط من العلوم اللي عرفتها قبل ككده .. الفرعين هما: الرياضيات و الفيزياء تخيل كده 5 سنوات مفيش حاجه غير رياضيات و فيزيا ( يعععععععععع )

احم احم
قسط راحة
دحنا من غير مذاكرة ومكناش عارفين ناخد قسط راحة
معندناش اقساط احنا في هندسة
كله كاش :d

اقتباس:

الفتره ديه تبقي معسكر ..معسكر مغلق لما حاجه تقف معاك لا تترد في سؤال الدكتور امو المعيد او زملائك مش عيب يعني حتي ولو اتريقوا علي تفاهه سؤالك

انت في معسكر طول السنة اصلاً :d
ودكتور ايه ده اللى تستجري تسأله
طب افرض سألك السؤال المحرج "انت مش سمعتني وانا بقولها في المحاضرة ؟ " :d
حتعمل ايه ؟

اقتباس:

و ملكش دعوه باصحابك اللي في كليات اخري زي اداب و تجاره ...الخ.. لأن طبيعه مذاكرتك مختلفه عنهم.. انت محتاج مجهود جامد في حين هم المجهود اللي هيبذلوه اقل منك فمش لما يقولوا لك ياللا نخرج في اي وقت كده توافق.. لأ .. لازم تشوف هل تقدر فعلا تخرج معاهم ولا عندك حاجات كنت المفروض تخلصها بس مخلصتش او مزنوق فيها اوي و مينفعش تتأجل

هما دول اصلاً بيروحو كلية عشان تعتبرهم في كلية
دول بيروحو يخبطوا عالباب لقيو في محاضرة يدخلو ملقيوش بيروحو

انت بتروح لو في محاضرة بتدخل لو مفيش بتستنى المحاضرة اللى بعدها عادي يعني :d

وكل سنة وانت طيب في كلية الهندسة
احم قصدي الهلوسة :d

طب لو صاحبى فى علوم من نفس الكلية أخرج معاه ولا لأ

علوم صعبة

خخخخخخخخ

سؤال ممكن أنفض وأدى الدكتور خمشتاشر جنيه وينجحنى فى الأمتحان

آه وليه لأ بس يريت تبقى تسلملي على الدكتور

دكتور في منصب دكتور جامعة وتقوليله خمستاشر جنيه
ده اهانة
ده ممكن يشيلك عشان الكلمة ده بس

نقطة التحول في تفكيره ممكن تبدأ من الف جنيه فأكثر :d


كان واحد بيحكيلنا على واحد معانا في هندسة اسيوط قسم ميكانيكا
معروف دكاترة ميكانيكا دول اعقد دكاترة بعد كهربا او قبل كهربا كمان
المهم

دكتور اخد موقف من طالب
حلف عليه مش حينجحه طول ما هو عايش
الحمد لله الواد ده باقيله 13 سنة في سنة رابعة مش عارف يطلع منها
بيشتغل شغل خارجي وهو لسه في الكلية

جاب كل الوسايط والحبايب الممكنة والدكتور يقوله ابداً

يعني الحل الوحيد إنه يقتل الدكتور ده عشان يعرف يعدي :d

وتقولي خمستاشر جنيه
ده فيها مؤبد في هندسة :d

ايه يجماعه اللي انتم بتقولوه ده والله انتم واخدين الحكايه جد اوي اوي زياده عن اللزوم والله في ناس اعرفهم شخصيا بتعمل كل اللي في نفسها وبتذاكر كويس وبيجيب تقديرات جامده بس يمكن علشان هما في هندسه طنطا اللي مفيش حد بيحترمها مش عارف السبب لغيط دلوقتي ولا الجماعه بتوع التجاره دول في اول سنه بيقعدوا علي السلم علشان جيش المغول اللي داخلها ولا بتوع العلوم اللي كلهم بيدخلوا قسم كميا علشان في منتهي التفاهه ويهربوا من قسم الطبيعه اللي بيخشوا عشره او عشرين بلكتير ميه

سيبوها على الله يا جدعان
و أول بند فى القانون متقارنش نفسك بحد كله ليه نصيبه
بس خير اللهم اجعله خير بروف أنس بيتكلم عن هندسة طنطا ؟؟؟!!! أنت هندسة طنطا يا بروف أنس ؟

[

بجد أنت كده طمنني على مستقبلي

ربنا يكون في عوني

اولا انا عاوز اضيف تعليق على الجملة ديه

التكرار بيعلم الحمار مش الشطار وخلى بالك لو كتبتها بالتعديل ده يبقى

معناها ان كل الكلية هتنجح:d:d:d

وثانيا الكلام اللى قولته صعب حد يعمله دل انا مكنتش بعمل ربعه فى ثانوى
وكمان على حكاية مذاكرة الاسابيع انا فى ثانوى اساسا كان كله بيتركم على بعضه ما عدا حاجتين هما الرياضة والفيزيا وممكن تقول االرياضة بس عشان كان كلها حل ومفهاش حكاية النظرى ديه

بس والله ربنا يفوقنا ويكرمنا بتقدير كده يارب واخيرااااااااا شكراااا على النصايح ديه اللى بالنسبالى مستحيل امشى عليها بس اهو الواحد يوهم نفسه احسن :blush:

ولا أن كنت هعمل كده أصلا

ربنامعانا و معاكم

.
.
.
.
.
على قكرة الكيمياء مش في منتهى التافه و لا حاجه ..بالعكس صعبه ..و فيه كتير برده عايزين يروحوا قسم فيزيا. و مش بيهربوا منها ..عموما تقبل مروري ..و مش عايزة اطول عشان ده ملوش علاقه بالموضوع

لا ياعم عبد الرحمن انا هندسه شبين الكوم بس انا اصلا من الغربيه وكل اصحابي الكبار عني في هندسه طنطا

بالنسبه لكليه العلوم انا كل اللي اعرفهم ودخلوها بيدخلوا قسم كميا وهم بعضمه لسانهم بيعترفوا نه تافه انا مبجبش كلام من عندي دا كلام اكتر من واحد يمكن بالنسبه لكليتكم حاله خاصه

مش ناوى تحول لطنطا ؟
كان نفسنا نشوفك هناك

و على فكرة واحد صاحبى فى شبين هتبقوا تتقابلوا

بالتوفيق يا بروفسير

انا والله كنت عاوز احول طنطا بس في رغبات التحويل لقيت جميع كليات الهندسه ماعدا طنطا باين عليها قفلت بس هندسه شبين كليه جميله جدا والكل بيشكر فيها من حيث نظام الدراسه وكل حاجه يعني

حاضر هقله فيه باش مهندس بيسلم عليك

انا مش هديله مواقف خالص
وخلاص علشان خاطرك نزودله ربع جنيه مخروم من بتاع زمان :039uw8:

قول يا رب نقدر نمشى على ربعها
وبعدين زى ما كان بيتراكم فى ثانوى وكانوا بيقولولنا نصايح اد كده ومش كنا بنعمل بيها
ربنا هيسترها معانا برضه
وبعدين كل واحد ليه سياسه فى مذاكرته يعنى بتختلف من حد للتانى
وبعدين ياااااااااااااااااااااااااااااااااااا رررررررررررررررررررررررررررب استرها معانا وعدينا منها ان شاء الله ونطلع منها دكاتره برضه ونطلع عين الطلبه هما كمان

بصوا بقى كل واحد يذاكر براحته


أنا عن نفسي مبعرفش أذاكر الا لما يبقى قدامي طبق بصارة بالزيت الحار يستاهل بقي

ياااااه تخيلوا جعت

ولما انت مش هتعمل الحاجات دي تاعب نفسك ليه

يا عم ما فيش اسود بياكلوا بصارة

ههههههههه تصدق ضحكتنى
بص انا بكره واحد اللى يتكلم فى حاجة هوا مش عارفها
انت تعرف ان قسم كيمياء اسبيشيل اعلى قسم فى علوم
ياريت يا حبيبى لو مش عارف حاجة متتكلمش
انا صحيح مش فى علوم بس انا شايفها انها من اقوى الكليات بس للاسف مش واخدة حقها
ياحبيبى كلية علوم من الاساس بتطلع علماء مش مدرسين زى ما البلد المتخلفة دى بتقول
معلش سامحنى بس انا مش بقدر اشوف ناس فى كلية بيتريقوا على ناس فى كلية تانية
انا بحمد ربنا انى مدخلتش علوم لانها من اصعب الكليات فى مصر وانا بعتبرها اصعب من هندسة

فعلاً
كلية علوم اصعب من كلية هندسة

وفعلاً
الكلية مش واخدة حقها

وفعلاً
محبش حد يتكلم في حاجة هو ما شفهاش او ميعرفهاش

عشان كده انتو الاتنين متحكموش على اي قسم مشفتهوش
ومتقلش على حد متخلفين
لأنه اي كلية زي ما بتطلع علماء بتطلع سفهاء

والمدرسين مش حاجة حقيرة عشان تعتبرها ذم لبتوع الكلية

***************************
كلام عام بقى
ياريت محدش يتكلم على حد من كلية تانية بسوء
واللى بيقول كده اعرف إنه فاشل في كليته ومش داخلها غير للمنظرة بس

فعلا لو شوفت الكليات القمة فى اوروبا و امريكا هتلاقى الترتيب ده
1 _ كلية سياسة و اقصاد
2 _ كلية العلوم
بعد كده الطب و الهندسة و الحقوق

والله الراجل ده اصدى البشمهندس ده بيتكلم كلام زى العسل
وانا معاك فى الراى

نصائح جميله اوى هاخد بيها ان شاء الله