هل تشعر بالراحه بعد أزمات الثانويه وان كان البعض مازال فيها
 

بعد أزمات الثانويه من امتحانات لنتيجه لتنسيق لتحويل لتظلم للألتماس هل مازلت تملك روح ودافع ومجهود لتذهب للكليه وتفعل شيء يستحق المديح هل سرحت بتفكيرك ذات يوم وقلت سأضع أسمي بين العباقره مثل أينشتاين ونيوتن وأرشميدس وجليليو جاليلي وغيرهم أم أنك تفقد للأمل وتتعللل بان الوسايط هيا اللي ماشيه البلد مصر في أنتظار زويل جديد فهل تستطيع أن تلبي النداء أم مجرد أنك ستزيد المتحرجين شخص :078111rg3::078111rg3:

اولا عنوان موضوعك غريب اوي لان اكيد اي حد هيشعر بالراحه بعد الثانويه
ثانيا اعتقد ان مفيش حد بيفكر في زويل والكلام ده كله بيفكر في الشغل دلوقتي يعني معظم اللي داخلين الكليات مش حبا في الكليه لا هما بيدخلوا عشان مستقبل وشغل الكليه كويس بدليل تلاقي اي حد يسأل في المنتدي عن مميزات اي كليه تلاقي الاجابات لما تتخرج هتشتغل كذا وكذا عمرك ما لقيت حد قال الدراسه ممتعه او مشوقه

أه هو ده التفكير الغالب عندك حق لكن انا بدور على حد في روح زويل ولا نفسه طويل يقدر يعملنا حاجه بدل التخلف اللي عايشين فيه

لا مش هتلاقي لان زويل كان داخل كليته بمزاجه لانه هو حاببها عشان كده ابدع فيها لكن متلاقيش حد داخل حاجه بمزاجه يا جاب مجموع قليل التنسيق هو اللي وداه الكليه يا جاب مجموع كبير البيت هو اللي وداه برده الكليه

فعلا عندك حق يا تيمو يعني انت مثلا داخل طب وأنت كنت عايز كليه تانيه

فعلا انا بحب مجال الهندسه جدا وقادر علي الابداع فيه ولما دخلت علمي علوم مضطرا كنت عايز ادخل طب اسنان برده البيت مرضيوش ودخلت طب بشري

والله يا تيمو أنت نفس مشكلتي بالظبط ياله مجبر أخوك لابطل

يعين الأباء دول نعمل فيهم أيه وكأن اللي مش حيبئى دكتور حيبئى فشل حسبي الله ونعم الوكيل

بس برده انا ابتديت اقتنع وخلاص اقلمت نفسي علي المجال ده وربنا يسهل

طيب في حد يا جماعه في كليه هو أاساسا مبحبهاش وعايز كليه تانيه

ياااااااااااااه دول كتير اوي وانا منهم انا ان نفسي ادخل صيدله بس ياله بقي حكم الاويييييييي;)

بجد يا شيمو انا بئا بفكر زي زويل وليه متفكريش زيه

افكر زيه ؟؟؟؟؟؟؟؟؟هو فيه حد أصلاً بقى يفكر فى الزمن ده كل الى بنفكر فيه حناكل ونشرب ايه وبس مبقاش فيه حد عنده ابداع فى مصر

ههههههههههههههههههههههههههههههههه على فكره يا جماعه زويل مش عبقري يعني ولا فذ هو راجل مجتهد ومش عنده يأس بس يا ريت كلنا نبئا زيه وبطله احباط

ههههههههههه ماشى يا احمد المهم موضوعك ده حلو اوى
فعلا ليه جيلنا ميطلعش منه احمد زويل او فاروق الباز او حتى نجيب محفوظ وانا ان شاء الله نفسى بجد اقدم حاجه مشرفه للبشريه
وان شاء الله نلاقى علاج لكتير من الامراض

يعني نحط أدينا على خدنا وناكل ونشرب وبس والله لو الحياه كده بلاش منها حنبئا زي الانعام يعني

والله كويس يا كارمد تفكيرك ده ويا ريت علاج أنفلونزا الخنازير أول حاجه

ماشي يا كارمد أوك انا موافق دي أسهل حاجه وعلى رأي المثل علاج بلاك روز ال ولا بلاش لتطردني من المنتدى

انا بئا مش ناوي على حاجه انا ناوي أبئا شاعر كبيييييييييير زي احمد شوقي

و عايز تالف فى ايه يا شاعر؟؟
يا ريت تالف فى ايام الثانويه العامه وعذابها

لا انا بألف غزل بس وان كان شويه عن حال العرب اللي مش عاجبني أفتكر دي ليه مستقبل وحبيع القصيده بميه جنيه أكيد حبئا مليونير في سنه بس بالنسبه لقصايد الغزل

كلام ليجو صح 100% وان شاء الله يا شيمو ربنا يوفقك وتاخدى نوبل

يلا ربنا معاك و ربنا يستر على محبى الشعر منك

ليه يا جماعة الاحباط ده فيها ايه لما يبقى عندك طموح تبقى حاجة كبيرة هو يعني عهد العباقرة انتهى ولا ايه
كل جيل فيه العباقرة وفيه العاديين بس دلوقتي معدش في حد بيفكر ينبغ في أي مجال
هو يعني اللي داخل صيدلة دلوقتي علشان يشتغل في شركة ادوية ويجيب فلوس طب فيها ايه لو جنب الفلوس فكرت تعمل دوا جديد يعالج المرضى
او الدكتور كذلك ليه ميفكرش يعمل عملية جراحية جديدة او ينبغ في مجاله
ماهو السير البروفيسور مجدي يعقوب اهو والاستاذ الدكتور محمود غنيم برده متخرجين من طب ومن مصر وبقوا نوابغ وفي غيرهم كتير
الفرق بينا وبينهم ان هما مكانوش بييأسوا ما هما اكيد قابلوا مشاكل وصعوبات وازمات لكن قدروا عليها ووصلو

طبعا هتقولو عليا اهبل وعلى الأخ محمد برده اهبل
وكل الكلام اللي فوق ده تخاريف
ولا حياه لمن تنادي

الصراحه يجماعه موضوعكم لفت انتباهي بس ايه اللي يمنع حد يكون عالم انتم نسيتوا حاجه مهمه ان زويل كان في امريكا مكنش في مصر والله انا ليا اصحاب عباقره وتفكيرها جامد جدا بس هم مستنيين فرصه والابداع يجماعه بييجي لما يكون الانسان فعلا عايز يبدع وطبعا اللي عايز يدخل كليه علشان يطلع يشتغل ده مش عيب بس لما يطلع كده اكيد في مشاكل هتقابله في الشغل ومواقف جديده متعودش عليها لازم يتعامل معاها بذكاء والا ممكن يخسر شغله وتعب السنين ولازم صدقوني اي مجال شغل هتبدعوا فيه والا مش هتقدروا تستحملوا المجال اللي انتم فيه

بس انا عايز اقول اني دخلت الكليه اللي انا بحبها فعلا كليه الهندسه ولا حد عندنا في البيت ضغط عليا او اي حاجه بل كل حاجه انا عملتها لنفسي احنا عندنا في البيت حريه لكل واحد يقرر مستقبله