|
حيلهم بينهم!
ازيكم ياشباب يارب تكونوا تمام :022yb4: شوفوا هى الفكره زى البرنااااامج كده بنفس الغلاااسه:d احنا هنختار عضو وهنقعد نساله اسئله رخمه حتى لو فيها شويه خيااال يعنى مش لازم كله وااااقعى احم احم ده بينى وبينكم بس ادااام العضو هنقوله اننا متاكدين من السؤاااااال وانه حقيقى وواقعى جدااااااا ;);) وهنشوووووف رد فعل العضو وهنعرف ننرفزه ولا لا :angry2::angry2: وطبعااااااا مش هرشح اى حد غير بعد مواااافقته وانه مش هيزعل خااااااااااااالص من الاسئله لانها هزاااار بس وهنزهقه كتيييييير لحد ما يجيب اخره او احنا نجيب اخرنا منه انا بس هااااااخد رايكم فى اللعبه ولو وافقتم هرشح اول حد ياااااارب تعجبكم واصحى مالقيش التوبيك فى خبر كان قولوا يارب القوانين بقى علشان التوبيك على كف عفريت وربنا يستر 1\يسمح بمشاركه جميع الاعضاء علشان يسألوا العضو 2\الاسئله المستفزه تبقى بحدود يعنى من غير تجريح وبلاش الاساليب اللى تزعل العضو مننا 3\العضو اللى هيكون موجود معانا هيبقى بناء على موافقته وانه راضى عن كده 4\وبليز هى فى الاول والاخر هزار يبقى بلاش نزعل من بعض والله مالاقيالها قوانين خااالث هم دول لحين ميسره;) ياللا بقى انا كده بيس |
ولا اكنى فهمت حاجة:d |
اقتباس:
وانا ولا كأنى قرأت حاجه :028ja7: احم احم بصى ياستى الفكره عباره عن انى هختار عضو وابعتله اوك لو وافق اوك هيبقى معانا واحنا بدورنا هنرخم عليه يعنى من الاخر نسأله اسئله مستفزه تطلع عينه وطبعا هو متقبل كده ملناش دعوه احنا لحد مايجيب اخره ويقول فعلا ان احنا استفزناه او احنا اللى نجيب اخرنا ومانعرفش نستفزه وصلت ولالسه |
اقتباس:
طب وايه لزمتها يا سيتى نستفز العضو ايه المتعة فى كده يعنى بالعكس دى حاجة هتسبب مشامل |
اقتباس:
بردو اولا العضو اللى هيبقى معانا هيبقى موافق ثانيا الاستفزاز هيبقى بحدود يعنى مش هندوس اوى لدرجه تزعل كل الناس وان شاء الله مش هيحصل مشاكل ولا اى حاجه لاننا هنراعى الحدود واحنا بنسأل ونستفزه ثالثا ماتستعجليش انا متاكده ان التوبيك هيبقى فى خبر كان كمان ربع ساعه ولايهمك ماتستعجليش |
اقتباس:
خلاص يا ستى نجرب حلقة ونشوف هيبقى عامل ازاى وبعدين نحكم على المووضوع بالتوفيــق |
هههههههههه ماشى اوك ربنا يستر بقى |
اقتباس:
:d Don't worry بس حطى القوانين ونظميها عما تشوفى مدى تقبل الاعضاء للموضوع |
laa ana worry 5ales |
هههههههههههه الفكره حلووه اوووي بجدد بس لما العضو يعرف اننا بستفزه مش هيبقي فيها متعه حيلهم بينهم كان بيبقي مقلب بس انتي هنا هتعملي مقلب في حد عارف انك بستفزيه !!! بس نبدء ونشووف . شكراا علي الفكره بجد حلووه |
منوره ياباشهمندسه واحنا هنحاول نستفزه على قدر المستطاع ولو ماعرفناش يبقى احنا اللى هنستفز عادى اهم حاجه نطلع منها مستفزين حد وخلاص هههههههه هنحاول بجد |
حلوه اوى الفكره بس يلا عايزين نشوف اول حلقه بسرعه بقا بموت انا فى الحاجات ديه |
لألألألألألألألألألألألألألألألألألألألأ
دى فكرة جميله جدا انا مستنيه |
يا جماعة دي فكرة حلوة قوي
و انا معاكوا بس يا تري هتبدوا امتي |
اقتباس:
هههههههههههه اهلا ياميرووو ان شاء الله هنبدأ بس ربنا يستر انا حاسه ان الموضوع دا اخره كده خبر كان مش عارفه ياميرو خايفه اختارك اول عضو ربنا يستر |
اقتباس:
منوره يادوك وان شاء الله نحاول نبدا قريب |
اقتباس:
منوره يااستاذه فاطمه ان شاء الله هحاول نبتدى قريب ربنا يستر بس |
اممممم موووش فاهم ..:blush: او بمعنى اصح .. مووش عارف الهدف يعني .. :d بس لو لمجرد الرخامه .. يبقى يلا .. سيري على بركة الله .. طب في البرنامج .. الضيف الغلبان مبيبقاش عارف .. انما هنا .. العضو هيبقى فرحان بنفسه وهو بيتبهدل ؟؟ والاسئله الغلسه دي زي ايه ؟؟ .. ماهو كرسي الاعتراف مليان اسئله غلسه زيه .. :bosyht9: انا شكلي مش فاهمه ولا ايه ؟؟ لالالالالا .. دي تبقى عيبه في حقي .. امال اذكياء ايه بقى ؟؟ ( يادي الاحراج :blush:) فهموني تاني .. ممكن افهم .. احتمال قوي والله .. :d ( عطني وش عندك يلا قول .. حبيبي ) :p |
:blink::blink::blink: معلش ممكن تقولي تاني هو ايه الهدف من الموضوع :unsure: |
حاجة كده خطرت علي بالي
هو العضو اللي هنرخم عليه هيبقي عارف اكيد ان ده مقلب يعني بيضحك علي نفسه |
المفروض الفكرة مش تكون كده
|
ياللا يا جماعة ابدوا بقي بس قولولي الاول مين هيكون عمرو رمزي
ههههههههه |
بصوا ياجماعه اللى عنده فكره جديده للتوبيك وعايز يعرضها يتفضل كتجديد |
انا عندى فكرة احنا ممكن نحط 5 اسماء ونعمل تصويت واللى اسمه هاخد اكتر الاصوات هو اللى نرخم عليه
|
سوري
بس مش هتبقي حلوه لانه لازم يكون العضو مش عارف ان احنا قصدين نستفزه لانه لو عارف هتبقي رخمه ولا ايه ؟ |
اقتباس:
انا لأ:049gc0: بلاش تجربى فيا ده انا غلبانه :006et4: وبعدين مش هستحمل الرخامه بقا ابعدى عن ميرو خالص:040vk0: انا بموت فى الحاجات دى لما تحصل مع غيرى مش معايه:romarioxp6: اشوف اول حلقه لو عجبتنى خلينى انا التانيه اوك:p وعلى فكره التصويت دى افرض حد اختاروه الاعضاء وهوه مش عايز هيبقا ايه بقا |
بصوا انا عارفه ان العضو لو عارف ان احنا بنستفزه هيبقى صعب استفزازه وهتبقى رخمه بس مش مستحيله ان احنا نستفزه بس فى نفس الوقت لو قولنا انه حوار عادى وبدانا نستفزه هنزعله فانا عايزه حل وسط وانا مستنيه حلولكم واللى عنده اقتراح يتفضل يقوله انا معاكم |
لاء انا هتفرج اونلى :d انا اكتر واحدة الناس حاولت تستفزنى بس مش بهزار بقى:blush: يعنى من الاخر هشوف ايه نظام الموضوع ده بس حاسة انها منكن تفشل منتظرين اول حلقة |
اقتباس:
اه والله يابنتي مفروض يعملولك وسام :d |
حيلهم بينهم!
السلام عليكم
ممكن من كاتب الموضوع انو يختار كام عضو ويراسلهم بالرسائل الخاصه ويتفقو على عضو خاص ويطلب من الاعضاء معينين انهم يرخمو عليه لان لو كاتبتو اسم العضو اللى انتو هترخمو عليه فى الموضوع ممكن يشوف اسمه ويعيش الدور ويتفاعل مع الموقف ولا رايكم ايه؟؟؟؟؟؟؟؟؟ |
ايون ايون مثبطين الهمم قريتوا عليه من دلوقتى انه هيفشل اعيط يعنى ولااعمل ايه ههههههههههههههههههههههه وبالنسبه ل dr\g.t.m الفكره حلوه بس نشووووف مين هيعرض افكار كمان اللى عنده فكره هديه ربع جنيه :022yb4: |
انا عرض فكرتين يبقى كدة انا حسابى 50 قرش
هههههههههه |
هههههههههههههه طب نكملهم اربعه علشان نقفل الجنيه:d بصراحه الفكره الاخيره عجبتنى نختار تيم علشان يشتغل ونختار عضو التيم يشتغل عليه من غير مايعرف بس التنفيذ هيبقى صعب بس موضع نقاش بردو ;) |
اقتباس:
ازاى يعنى :006et4::006et4: |
ان احنا نعمل تيم
ووتيم يستفز شخص والشخص مايخدش باله صعبه |
اقتباس:
شويه بس حلوة :friendsxs3: |
يلا ادينا مستنين صراحة بحب ارخم على الناس فى انتظار الرخامة نيهاهاهاهاهاها
|
بالاضافة للفكرة اللى فاتت احنا ممكن نعمل موضوع تانى كأن الموضوع ملوش صلة بده بحيث ان ان الاعضاء ميعرفوش بحيث انهم يفتكروا كأنه برنامج اسأله بس ويبقى اسم الموضوع بأسم برنامج معين بس ميظهرش من الاسم كأنه كأنه مقلب بس بعد ما المقلب يخلص الموضوع يتحذف على طول علشان اللى عليه الدور فى المقلب ميلحقش يلاقى المقلب اللى حضل فى العضو اللى قبله وبعدين يتبعت رسالة خاصة للعضو اللى عليه الدور ونقله فى برنامج هيتعمل وكده برنامج هتتكلم فيه بصراحة وكده ويتعمل موضوع ويبدأ وتبدأ الاعضاء ترخم عليه وفى اخر المقلب يتحذف الموضوع وهكذا بس متنسوش الموضوع ده اولا لازم يتحذف بحيث ان اللى هيتعمل فيهم المقالب مش يشوفوه اى خدمة واى حاجة تحتاجوها عن الفكرة انا موجود بس حسب الظروف ممكن كل اسبوع او اسبوعين مرة بدخل فى امان الله |
مش هقول غير ربنا معاكي ومنتظرينك باذن الله |
اقتباس:
فكرة كويسه |
ايه يا جماعة انتوا نسيتوا الموضوع كده لية
امتي بقي هتبتدوا انا مستنية |
قريبا جدا
مع انى مش متفائله والله وحاسه ان النت هيفصل ولا الجهاز هيتحرق ايه الافكار السودا دى |
فى الانتظار
|
ممكن نعمل توبك كأنه حوارعادى زى فكرة العضو رونالدينهو
وفى النهاية نعرف العضو ان ده كان هذار مش اكتر |
السلام عليكم و رحمه الله و بركاته
أحب أقول انه الموضوع إن شاء الله هيكون كويس بس أنا هتفرج بس لان مش بحب حد يزعل مني ومتابعه إن شاء الله تحياتي لحضرتك ..... |
| جميع الأوقات بتوقيت GMT +2. الساعة الآن 04:49 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.