طب الإسماعيلية
 

فى حد هنا ياجماعة فى طب الإسماعيلية وياريت اللى فى طب الإسماعيلية يقولوى هو ايه نظا م amrican system وايه مميزاته وهو بيطبق بجد فى طب الإسماعيلية وياريت حد يقولى ايه هى المواد يتاعة اول سنه
وياريت حد يورينى عينة كده من المحاضرات وهل نظام american systemده حيطبق السنة دى فى طب اسكندريه ولا لا ياريت ياجماعة تردوا عليا وتكون اجابات موثوق بها :039uw8:

ايه مفيش حد طب الإسماعيلية

النظام ان مفيش حاجة اسمها تشريح وفسيو وبيو وكدة
لا في انك تدرس الاعصاب بالتشريح والفسيو والبيو والامراض وهكذا
والنظام حيطبق في الاسكندرية فعلا السنة دي

ع كده بقى حتروحوا المستشفيات من سنة اولى ولا ايه

أنا داخلة طب الاسماعيلية بس هموووووووت وأحول

ليه بس يعنى انتى رايك انى محولش

انا صراحه مش طب اساسا بس اعرف واحد صحبى هنا على المنتدى طب الاسماعليه هخليى يجى يرد عليك .....

متشكر جدا بس خليه يجى يرد بسرعة

اولا وده للعلم طب اسماعيليه رقم 2 علي الجمهوريه بعد القاهره وده حسب ترتيب عالمي واعتقد ان القاهره متفوقه عشان هي العاصمه

ثانيا بالنسبه لل amircan system هو فيه هنروح مستشفيات من سنه اولي

انا مش عارف انت عايز تعرف ايه بالظبط

الاحسن: اسأل السؤال وانا هجاوب

انا عايزاسأل يعنى انتوا بتدرسوا نفس المواد وانتو زينا ست سنين ولا ايه هل النظام معتمد ع self learning
وبصراحة انا عمرى ماسمعت عن دكتور مشهور خريج طب الإسماعيلية وبعدين مين قال لحضرتك ان طب الإسماعيلية التانية من حيث الترتيب ياريت تجيب المصدر:d

اه هي نفس مده الدراسه والنظام بيعتمد علي self learning يعني الدكتور بيحدد الحاجات اللي انت هتشتغل عليها في المحاضره يعني ممكن المحاضره كلها نص ساعه

ممكن حضرتك تتدينى مثال للحاجات اللى بتاخدوها والمواد واليوم بيمشى ازاى

علي فكره انا لسه رايح اولي يعني مقدرش اقولك اليوم بيمشي ازاي

ثانيا هو مش حضرتك طب الزقازيق صح؟؟؟

لأ انا طب طنطا

اوكي طيب انت عايز تعرف الحاجات دي عن طب اسماعيليه ليه؟؟؟

tayeb ana da7'la 1 bardo bs alex w nezam teb el isma3lya 7ytb2 3andena el sana de f ana 3ayza 2a3rf ya3ny howa el dr. masln msh byshra7 7aga fel mo7dra 7'ales just by2ool titles keda w e7na ely bnsht3'l 3aleha ?
w so2al tany ma3lesh.. el examz teegy ezay ya3ny ?! lw ana delwa2ty ba7'od el lecture w bageeb el info. mn marage3 w bta3 el exam ygey mnen ?!!

اولا انا بكره الكتابه بالطريقه دي يا اما تكتب عربي يا اما تكتب انجلش

ههههههه انا بهزر معاك

المهم ........... ال amircan system ده بيعتمد علي problem solving بمعني في جلسه المعيد بيعملها وبيحدد فيها المشكله والاهداف وكل حاجه عنها واحنا طبعا هنشتغل علي المشكله ونحاول نحلها وبعد الجلسه بأسبوع بيبقي في حاجه اسمها جلسه مناقشه كل واحد بيعرض وجهه نظره واللي وصله والمعيد بيصحح المعلومات الغلط وطبعا كل واحد بيضيف اي معلومه جديده زميله جابها ............. وبعد كده مشكله جديده وهكذا

المهم كل دور الدكتور تحديد ممكن المراجع او مواقع الانترنت اللي تجيب معلوماتك منها وممكن يشرح شرح بسيط بسرعه

وطبعا في الاخر هتمتحنوا في المشكلات دي

يعني من الاخر نظام بيعتمد اكتر علي الفهم مش الحفظ

النظام ده جميل جدا كفاية اسمه بس وده المفروض اللى تدرسه كل كليات الطب لان دههو الصح
بس للاسف هيبقى زينا زى غيرنا ومصر متعودة على حاجة مش عتغيرها يا بختكو والله

ليه ؟؟؟ هو انتي طب ايه؟؟؟

للاسف طب طنطا

حاضر هاكتب بالعربي :d
وعلى فكرة أنا بنت مش ولد:( :$ في ولد في الدنيا حيبقى اسمه فنكوشة :p :p
طيب في سؤال أنا مفهمتش برضه يعني كده مفيش حاجة تتحفظ خالص كله بيعتمد على إنك تفهم وتعبر بـاسلوبك في الامتحان ؟؟ بس تقريبا كده المنهج حيبقى كبير قوي لإن مفيش مصدر نذاكر منه كتب أو كده يعني ولا إيه ؟؟ وشكرا على الرد طبعا :d

لأ اكيد في حاجات لازم تتحفظ بس مش هيبقي الحفظ كتير زي كليات الطب التانيه لأنك انتي اللي جايبه المعلومات فا هتلاقي نفسك حفظتيها بسهوله
بالنسبه للمنهج مش هيكون كبير ولا حاجه لأن المعيد بيحدد الهدف من المشكله واحنا بنشتغل علي الهدف ده يعني مش هنجيب كل حاجه يعني تقريبا هنركز علي حاجه معينه بمعني تاني المعيد بيبقي عايز يعلمنا حاجه معينه فهو مش بيقولها بطريقه مباشره زي الكليات التانيه ونحفظها وخلاص .........لأ هو بيعلمهالنا بطريقه تانيه بتكون ممتعه اكتر ومن الصعب اللي احنا ننساها لكن تقريبا نفس حجم المنهج في الكليات التانيه

خلاص فهمت شكرا :d

اوكي وأي استفسار تاني انا مش موجود:d

بهزر طبعا اي حاجه عايزه تعرفيها انا مش موجود سوري قصدي موجود:d

طبعا مع احترامي لطب الإسماعيليه
أنا مش عاجبني النظام ده خالص
أنا الأفضل إني أتعلم كل حاجه نظري
وده إللي بيحصل في ال 3 سنين الأكاديميك
بعد كده أبدأ أطبق عالعيان من سنه رابعه
وده إللي موجود في بقيت الجامعات
يعني أنا مثلا مش متخيل إن في طالب سنه أولى لسه ميعرفش يعني إيه thorax
مثلا يشوف شخص مريض أو إنه يتعلم على حد تاني
أنا أبدأ أعمل النظام ده بعد الكليه أبحث أنا بنفسي عن حلول لمشاكل واعمل أبحاثي
بس مش وانا لسه أبيض مش عارف حاجه خالص
ده وجهة نظري وانا أحترم تماما كل وجهات النظر التانيه

ههههههههههههههههههه علي فكره انا بحترم اي وجهه نظر تانيه وبحب الحوار بس انا ضحكت لسبب ارجو اللي انت متزعلش لما اقوله

السبب: ان نظام ال amircan system بيطبق في كل الدول المتقدمه زي فرنسا وانجلترا وامريكا والامثله طبعا كتييييير وحضرتك جاي تقول ان النظام ده غير مفيد ومش عاجبك يبقي حضرتك حاجه من اتنين يا اما متعصب يا اما جاهل وسوري طبعا وكمان حضرتك مش هتفهم اكتر من خبراء التعليم في العالم كله واللي طبعا مقتنعين بالنظام ده ودوره في خلق طلاب مبدعين ولا ايه؟؟؟؟؟

علي العموم وجهه نظرك لازم اي حد يحترمها
شكرا نورت التوبيك

أنا بحترم وجهه نظرك ده جدا
بس ده لو كانت أحسن كان أولى إنهم يطبقوها في قصر العيني
أو عين شمس أو المنصوره أو شبين ....
أنا لو مكانك وعرفت كده كنت هحول

ليه كان اولي يطبقوها في القصر العيني او عين شمس ؟؟؟؟
علي فكره كل كليات الطب هتبقي amircan system بدليل ان اسكندريه اول سنه ليها السنه دي amircan system

وكمان انا هحول ليه ؟؟

اولا انا عايش في اسماعيليه
ثانا كل المعيدين صحابي ......... ههههههه يعني كله تمام

المعيد هيديك مشكله عن القفص الصدري وده بيبقي في جلسه وانت بتبحث عن حل للمشكله واكيد طبعا عشان تلاقي الحل لام تعرف تركيبه وكل حاجه عنه وبعد ما فهمت شويه عنه تحاول تلاقي الحل وطبعا البحث ده مدته اسبوع لان بعد الجلسه الاولي هيبقي فيه جلسه مناقشه بعدها بأسبوع وكل واحد بيعرض اللي وصله والمعيد بيصحح المعلومات الغلط وانت طبعا بضيف اي معلومه انت ما جبتهاش وبعد كده المعيد يقول حل المشكله ويشرح الموضوع وبعد ما تعرف كل حاجه عن القفص الصدري ما بتاخدش اي حاجه نظري غير لما تخلصه عملي يعني هتروح مستشفيات وتشوف حالات وكده يعني من الاخر العملي والنظري بيبقوا مع بعض مش زي كليات الطب التانيه العملي واللي انت تروح مستشفيات بعد 3 سنين

ههههههههههههههههههه يعني انا احنا بناخد كل النظري زيكوا + العملي (اللي انت بتقول انتوا بتاخدوه)+ بنروح مستشفيات ونتعامل مع المريض

وعايزني اشك ان النظام ده مش حلو؟؟؟؟؟؟؟؟؟

مش أنا إللي بقول إن احنا بناخدوه
ده أكيد أمال انت مفكر إن احنا بنعد نذاكر نظري بس كده وخلاص
مهو دخول المشرحه ده عملي
تجارب الفسيولوجي والبايو ده عملي
شرايح الهستولوجي إللي بتشوفها تحت الميكروسكوب ده عملي

هكلمك بصراحه : ما اكدبش عليك انا كنت خايف من طب اسماعيليه لكن بعد ما اتناقشت معاك انا مقتنع بطب اسماعيليه 1000 % لسبب بسيط جدا
اولا كلامك كله متناقض مثلا تقولي كان اولي يطبقوه في القصر العيني او عين شمس

ودي مشاركه ليك في موضوع تاني

يا جماعه أحب أقول حاجه
إنتو مخدوعين في طب عين شمس
وطب قصر العيني
أول تلات سنين في الكليه
إللي هما الأكاديميك
يعتبروا مبيخدوش حاااااجه خاص
بالنسبه لطب شبين وطنطا والمنصوره
نص المناهج.


ثانيا بسألك السؤال بتروح لموضوع تاني خالص

ثالثا ياريت تكتب عيب واحد في طب اسماعيليه

أنا أقصد أهميه الجامعه كإسم
مش كمواد
الدكاتره في قصر العيني أحسن دكاتره على مستوى الجمهوره وعين شمس برده
لأن عندنا في السنتر كل الدكاتره من هناك
أنا قولت إن عين شمس وقصر العيني مش بياخدوا حاجه زياده عننا في الدراسه
بس هما أفضل في العملي
فين التناقض ده بقى مش فاهم
علاعموم أنا سالتك سؤال قولتلك إنت مقتنع ؟؟ قولتلي آه
خلاص انت حر
بس أنا عن نفسي مش عاجبني النظام وقولتلك أنا لو كنت مكانك كنت هحول
وبعدين فين المواضيع إللي أنا روحت فيها بعيد ؟؟؟

النظام كله مش عاجبني

اولا سألتك ان خبراء التعليم في العالم مقتنعين بنظام amircan system ودوره في خلق طلاب مبدعين وسألتك عن رأيك؟؟؟؟؟
رحت قايلي القصر العيني وعين شمس في رأيك هي دي اجابه السؤال؟؟؟


ثانيا سألتك بقولك هحول ليه؟؟؟؟؟؟؟

رحت قايلي بندرس الصدر ومش عارف القلب وحاجات زي كده هي دي برضه اجابه السؤال؟؟؟؟

ثالثا سألت سؤال جاوبتك عليه بتاع احنا بناخد الصدر ازاي صح؟؟؟؟

رابعا سألتك سؤال قلتلك عايزني اشك ان النظام مش حلو ؟؟

ماجوبتش خالص

خامسا قلتلك انت بتقول النظام مش عاجبك اوكي هاتلي عيب واحد فيه؟؟؟؟

طبعا ما جاوبتش

سادسا موضوع طب القصر العيني وطب عين شمس ووجهه نظرك فيهم مش عايزين ندخل في الموضوع ده لأن فيه موضوع كامل انت موضح فيه وجهه نظرك والناس ردت عليك فا مينفعش تيجي تغيرها دلوقتي وتقول احسن دكاتره والكلام ده

سابعا مفيش حاجه اسمها كويس في العملي ووحش في النظري لأن العملي ما هو الا تطبيق للنظري

ثامنا انت مش عاجبك ولا طب القاهره ولا عين شمس ولا اسماعيليه واكيد طبعا اسكندريه امال ايه اللي عاجبك؟؟؟

اوكي ايه اللي مخليه مش عاجبك؟؟؟؟؟

إجابه أولا : قولتلك رأيي مش عاجبني النظام ده . قولتلك كانوا أولى انهم يطبقوه في قصر العيني
وعين شمس
إجابه ثانيا : أنا كنت بقترح عليك إنك تحول لو النظام ده مش عاجبك
وقولتك إحنا بندرس بالطريقه ده إنتوا بتدرسوا إزاي؟؟
إجابه رابعا : هو ده أساسا سؤال ؟؟
أنا بقولك إنت مدام مش شاكك في النظام ده وعاجبك خلاص كمل
قولتلي هو انت عايزني أشك في النظام ؟؟ المفرض يعني إن ده سؤال ؟؟؟
إجابه خامسا : قولتلك إن النظام مش عاجبني أنا شايف إن طريقه دراستنا في بقيت الكليات أحسن بكتير
إجابه سادسا : أنا مغيرتش ولا كلمه عن طب قصر العيني وعين شمس أنا قبل كده مقولتش إن دكاترتهم وحشين وبعد كده رجعت قولت لأ دول حلوين أنا من الأول قولت في حاجات كتير من عندهم ملغيه إحنا بناخدها
كلامي وااااااااااضح جدا في الموضوع ده
إجابه سابعا : انت مش فاهم قصدي كويس أنا بكلم على العملي إللي من أول سنه تانيه إللي هو التدريب في المستشفيات على أساس إن إمكانيات المستشفيات عندهم أحسن وإن عندهم حالات أكتر فهدرب أكتر وأحسن
مش قصدي العملي إللي في الكليه قصدي مره تانيه التدريب
ثامنا : معروف لكل دكتور بشري في مصر إن طب المنصوره أفضل طب في مصر
بقيت الكليات زي بعضها تقريبا بس لكل كليه ميزه يعني مثلا طب طنطا أو طب بنها مفيش بينهم فرق كبير
بس طبعا من ناحيه الإسم طب عين شمس وقصر العيني أحسن
زي ماقولتلك إنت مدايق نفسك ليه انت مقتنع بالكليه بتاعتك خلاص
متشغلش بالك بغيرك

انتو يا دكاترة ليه مختلفين على النظام
المهم مش مين النظام الاحلى
المهم مين اللى متفوق فى النظام بتاعه
يعنى بما ان كليات مصر كلها مش معترف بيها عالميا
لازم كل واحد يركز ف التفوق ف كليته
ولو افترضنا ان الامريكان سيستم احسن نظام لو متفوقتش فيه مش هيساعدك فى حاجة لان ساعتها دكتور متفوق مثلا ف طنطا احسن منك
والعكس فى طنطا
فلو كل واحد مقتنع بكليته يخليه مقتنع بيها ويركز ع التفوق فيها وخلاص
لان كده كده كل هيدرس من تانى عشان ياخد الزمالة

هههههههه اوكي مفيش مشاكل بس ممكن طب اسماعيليه مش عاجبك في ايه ؟؟؟؟؟ يعني النظام مش عاجبك في ايه؟؟؟؟؟؟

لأ هو بيقول وجهه نظر انا شايفها انها غلط فبحاول اوضح وجهه نظري لكن في الاول وفي الاخر بنتناقش عادي بطريقه حضاريه