أمين مخازن يبيع 90ألف كتاب مدرسى لمحلات البقالة والفول وان خلص الفول هو مش مسئول!!!!!
 

أمين مخازن يبيع 90 ألف كتاب مدرسي لمحلات البقالة والفول

• احفظ الخبر
• اطبع
• أضف تعليق
• ارسل

9/9/2009 12:49:00 PM
كفر الشيخ - تمكن أمين مخازن بالإدارة التعليمية بدسوق بمحافظة كفر الشيخ من سرقة 90 ألف كتاب مدرسي خاصة بعهدته وبيعها لأصحاب محلات البقالة والمطاعم.
وشكلت مديرية التربية والتعليم بالمحافظة لجنة لفحص عهدة مخازنها قبل العام الدراسي الجديد، وتبين وجود عجز بنحو 90 ألف كتاب مدرسي خاصة بالمدارس الثانوية التجارية نظام الثلاث سنوات.
وواجه أعضاء اللجنة أمين المخازن ويدعى "يوسف.ص.ا" فاعترف للجنة بأنه قام ببيع هذه الكتب نظرا لمروره بضائقة مالية وعندما شعر بأن اللجنة ستقوم بإبلاغ الشرطة فر هاربا.
وتكثف مباحث كفر الشيخ جهودها حاليا لسرعة القبض على أمين المخازن، كما أخطرت النيابة التى تولت التحقيق.

ما رأيكم فى هذا الخبر ؟؟؟؟؟؟؟:bosyht9:
واليكم الرابط
http://www.masrawy.com/News/Cases/Ge...r/9/books.aspx

لو كل واحد مر بضائقة مالية وعمل كدة كانت البلد خربت ياما ناس مرت بضائقة مالية وما عملوش كدة
يمكن لو كان أخذ فى الكادر ما كانش فكر يعمل كدة
:078111rg3:

لا حول ولا قوه الا بالله

عندك حق فعلا
ليس الحل لكل من يمر بضائقة مالية هو السرقة
وعامة أغلب المصريين فى ضائقة مالية وربنا يوسعها على الجميع يارب

لكن حكاية الكادر لا أعتقد انها كانت ستفرق مع شخص خرب الذمة اساسا
وخاصة انه لم يعدل رواتب كثيرين من المعلمين ومازالوا بضائقة مالية
وفى انتظار فرج الله

شكرا لمرورك الكريم

يبقي انت اكيد في مصر

اكيد فى مصر طبعا :)

امين المخزن خرج بالكتب دى كلها ازاى ؟؟؟؟؟؟؟ ممكن حد يفهمنى؟؟؟؟

لا ايه طبعا

ازاى عيب الطلبة اما تتسرق كتب من المخازن؟؟؟
كان واجب على الطلبة يعملوا دوريات حراسة والا ايه حضرتك؟؟؟؟

فعلا اكيد في مصر ... ربنا يستر

ممكن افهمك لو فهمتينى انت كيف خرجت المرأه الحديديه ورامى لكح وممدوح اسماعيل من مصر وكل اللى سرقوا مليارات الجنيهات مش بتاع الفول والطعميه اللى انت عايزه تعرفى ازاى خرج الكتب!!!! بسيطه جاب عربيه نقل وحط عليها الكتب وخرج ! طب هتسالى الامن مثلا راح فين !! سهله غفير قاعد بيشرب شاى اعطاه اى مبلغ وخلصت الشغلانه !

لا دول خرجوا ازاى بقى ده كلام سياسة عليا !!! تفتكر امين المخزن خرج زيهم؟؟؟؟؟؟؟؟

بعدين طبعا هأسأل والأمن فين؟؟؟ وهو حمل لواحده 90الف كتاب؟؟؟؟
لا ياعم ده تلاقى الغفير اللى كان قاعد يشرب الشاى اما اخد الاى مبلغ قام حمل معاه مجدعة يعنى :d

ممكن كل شىء والله

ربنا يستر

وممكن تشوف من هنا

الكتب المدرسية

شكرا لمرورك

اشكرك لمتابعتك
لكنى اختلف معك فى هجومك على التعليم الفنى فقط فهى منظومة متكاملة من التسيب
ومن عدم جاذبية الكتاب المدرسى للطلاب
تجد جميع الطلاب من الاعدادى للثانوى العام للثانوى الفنى لا يستخدمون الكتاب المدرسى ويهجرونه اما لمذكرات المعلمين او الكتب الخارجية
وبالعكس احب اعرف حضرتك انى كمدرسة ثانوى تجارى اى تعليم فنى لدينا فى التعليم الفنى انضباط ونسبة حضور مطبقة بالفعل لآخر العام لن تجد مثيلا لها فى الثانوى العام الذى يهجر طلابه المدارس ويهربون منها خلافا للإنضباط الذى تلقاه فى التعليم الفنى حتى ان زملاء لنا حولوا للتعليم الثانوى وقالوا :" مافيش فيه طلاب اساسا ولا شغل نتعب ليه فى التعليم الفنى اللى الشغل فيه لآخر السنة؟؟؟؟؟؟"

تقبل تحياتى

بداية شكرا ابلة هدى
انتى عارفة ان الكتب دى اصلا ملهاش لازمة وزى قلتها مع الطلاب ولا بتبص فيها اصلا
دى حسابات وصفقات ومناقصات .......... بلغة الفهلوة يعنى ارزاق
ياريت يلغوها
مش فيه كتب خارجية ... وحتى بتوع الكتب الخارجية لازم يفتحوا مخهم
يا افندم دا بعض الكتب بتنزل على موقع الوزارة وبعدين بتمشى تفتكروا ليه!!!!
باى حال السرقة غلط وجريمة
بس للاسف فى حرامية كبار عندهم برستيجات وحصانة ومبيقعوش!!!!
ربنا يجازى الجميع باعماله
تحياتى

شكرا لمرورك مستر جمال
وطبعا عارفة انها لا تستعمل كما يجب وقولت هذا فى مشاركتى السابقة ، لكن هذا فى اغلب المراحل التعليمية
واتفق معك تماما ان فيه حرامية كبااار وعندهم حصانة ومبيقعوش
ومش عارفة ليه وانا بأقرأ الخبر حزنت لامين المخزن وحاله وهروبه وليه ضيع نفسه على حاجة تافهة لن تغنية تفتكر باع الكيلو بكام ؟؟؟ وكام كتاب عملوا كيلو واحد وبالتالى مبلغ مهما كان تافه وضئيل ضيع نفسه عشانه ، بينما الكبير كبير حتى فى السرقة!!!!!!!!

تقبل تحياتى