|
تجمع طلبة تجارة "انجليزي" جميع الجامعات 2009/2010
انا النهاردة حبيت اعمل موضوع عن طلبة تجارة انجلش بس الحقيقة معرفش اذا كان الموضوع متكررولا لا
المهم انا عايزة الموضوع دة يبقى فية تجمع طلبة تجارة انجلش من كل المحافظات و من اى جامعة يعنى مش هنقتصر على جامعة واحدة كل الطلبة هتدخل تعرفنا على نفسها و تقول هى فى اى جامعة:039uw8: و كل واحد يناقشنا عن اسلوب جامعتة و كليتة و يقولنا مجموع الاعتبارى بتاع الكلية كام بالظبط و يمكن نقدر نساعد بعض بعد كدة فى الدراسة انشاء الله و فى المناهج اذا كانت متشابهة انشاء الله يكون الموضوع كويس و جديد و مش متكرر و يعجبكم باذن الله:excl: يالا يا جماعة عايزاكم تتفاعلوا مع الموضوع لانى حاسة انة مهم و مفيد الى حدما بالتوفيق انشاء الله دمتم فى رعاية الله:d |
والله موضوع افضل من رائع وجديد المهم انا اسمى محمد لسه داخل تجارة انجلش عين شمس والجامعه عندنا قبلت من 400 علمى و 386.5 ادبى والمصاريف 4700 والجامعه عندنا جميله بس انتى نسيتى تعرفينا بنفسك
|
موضوع جميل
انا ان شاء الله داخله تجاره انجليش القاهره والجامعه خدت من 414.5ادبي 420 علمي والمصاريف 4680 بالظبط وانتي يا gamalewees قبلتي ولا لسه عندكو مش ظهرت |
طبعا انتى عارفه انا هاقول ايه يا جاملويز النتيجه لساااااااااااااااااااااااااااااااااااااا
بس ان شاء الله انا تجاره انجلش بنها ومعندناش مجموع اعتبارى والجامعه مش حلوه يعنى اخرها مدرسه ابتدائى |
اولا شكرا على ردودكم:022yb4:
ثانيا انا فعلا لسة معرفتكمش بنفسى:d انا اسمى سهام انشاء الله تجارة انجلش كفر الشيخ ;) الحقيقة لسة عندى بكرة انترفيو و اما نشوف اية الاخبار بتاعتة :blush: بس المهم ادعولى انى الموضوع دة يعدى على خير بالنسبة للجامعة فعلى رايك يا عمرو المدرسة الابتدائى والله انظف منها و اشيك:d شكرا ليكم مرة تانية بالتوفيق فى رعاية الله |
باذن الله هتحقى وتكونى انجلش معانا
|
ربنا يخليك يا محمد ربنا يسمع منك بس انا انشاء الله اتقبلت فعلا لانهم قالولى هاتى المصاريف معاكى
اة بالمناسبة مصاريف كلية تجارة انجلش كفر الشيخ 4500 جنية بس شئون الطلبة قالولى هاتى 5000 جنية معاكى شكلهم هينصبوا علينا باين ههههههههه على فكرة انا بهزر شكلهم ناس محترمة دمتم فى رعاية الله |
طب دة كويس يعنى الف الف مبروك مقدما واحنا بردوا قالولنا 4500 بعد كدة قالوا 4700 يعنى الحكايه مش حكاية نصب بس فيه ناس بتتكلم وهى مش عارفه اصلا الفلوس كام
وهكررها تانى الف مبروك مقدما |
ربنا يخليك يا محمد الف شكر
و انشاء الله نكون زمايل بغض النظر عن اختلاف الجامعات و الف مبروك ليك على قبولك فى تجارة انجلش عين شمس بالتوفيق انشاء الله دمتم فى رعاية الله |
أنا محمد
19 سنة أولي تجارة انجلش جامعة المنوفية - مدينة السادات معرفش عنها أي حاجه من ناحية المصاريف أو حاجه كل اللي أعرفه إنها بتاخد من مجموعي بالظبط 363.5 |
بص يامحمد انت تروح الكليه بتاعتك بسرعه وتعرف المصاريف كام لان انا بردة عرفت انى قبلت فى تجارة انجلش يوم 9/6 ومسالتش عن ميعاد دفع المصاريف بعدين واحد صحبى اتصل بيا بيقولى اخر ميعاد لدفع المصاريف يوم الاحد اللى جى يعنى باستهتارى كان ممكن تروح عليا فانت لازم تروح وتسال بسرعه
|
اقتباس:
الف الف الف مبروك يا طالبه تجاره انجلش وفيتى بوعدك ودخلتيها غصب عنهم:abdoog8: بس لو تكرمتى لما تيجى من الجامعه اعمليلنا الاسئله بتاعه الانترفيو دا لو كان فى انتر فيو اصلا ثانيا لازم طبعا بتوع الشئون يبقوا ناس كويسين مش قبلوكى اومال هيبقوا ايه يعنى لكن لو مقبلوكيش هيبقوا ناس مش كويسين كمان وهيبقوا ولاد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وبكرر تهانييا ليكى يا جمالويز وانت عارفه كدا الف الف الف الف مبروك |
ممكن حد يطمنى تجاره انجلش اسكندريه اخدت مجموع اعتبارى كام وهل المجموع الاعتبارى بيتحذف منه المستوى الرفيع لانى واخد مستوى رفيع جغرفيا
|
ana catlove tegara english ain shams
|
اقتباس:
بصوا انا هحكيلكم على الحكاية من الاول طبعا روحت الكلية دخلونا فى مدرج الفصل بتاع الابتدائى انظف منة و كان عددنا حوالى 200 طالب و طالبة بس طبعا الصبيان اكتر من البنات و بعدين واحد عطالنا ورقة لتوريد المصاريف و دفعنا المصاريف و الحمد لله و بعدين قالونا اقعدوا محدش يمشى علشان الانترفيو و بعد كدة واحد دخل رحب بينا و غششنا سؤال الانترفيو هما كانوا سؤالين و قالنا حضروهم علشان الانترفيو كمان ربع ساعة و بعدين انا كنت قاعدة فى البنش الاول و بداوا يخدوا واحد واحد لمكتب الدكتور الهيعملنا الانترفيو المهم بقى كانوا السؤالين اول سؤال :عرف نفسك فى 3 سطور يعنى اسمك و سنك و عنوانك و الخ.........؟ السؤال التانى :اية السبب فى اختيارك القسم الانجلش بالذات و لكلية التجارة طبعا ؟ و الحمد لله جوبت و الدكتور قالى برافو عليكى و مبروك انتى اتقبلتى فى تجارة انجلش بس المفاجاة ان فى طلبة انتساب داخليت تجارة انجلش ازاى معرفش و كمان مش واحد ولا اتنين دول اكتر من 60 واحد يعنى تقريبا الموضوع فية كوسة على الاخر:blush: على فكرة المصاريف 4310 مش 5000 جنية يالا ادينى حكيت اهم الحاجات الحصلت هناك بالتوفيق فى رعاية الله:) |
اقتباس:
بالنسبة للمجموع الاعتبارى بتاع اسكندرية فانا الحقيقة مش هقدر افيدك بس ياريت لو حد تجارة انجلش اسكندرية يقول لو يعرف شكرا ليك بالتوفيق |
اقتباس:
بالتوفيق انشاء الله فى رعاية الله |
ازاى اصلا ياسهام يكون فى حتى واحد انتساب مش دى للانتظام بس وهى الكوسه فى اللد وصلت لكدة
|
اقتباس:
فطبقوا النظام دة تانى السنة دى و فعلا هى كوسة ;) بس هنعمل اية يعنى هما احرار بس كدة حرام عليهم لانهم ساوا بين الجايب مجموع عالى و الجايب مجموع معفن و بقوا الاتنين زى بعض مفيش فرق بقينا كلنا انجلش ربنا يستر بقى علينا دمتم فى رعاية الله |
:078111rg3::078111rg3::078111rg3::078111rg3:انا معجب بموضوعات الانسة سهام اوى ومبروك على قبولها فى الكلية وشكرا
ياريت تقبل اعجابى بيها:078111rg3: |
لا دا جمالويز دى اصلها واخده كل حاجه بالدراع زى تجاره انجلش كداههههههههههههههههههههههههههه
والا ايه يا سهام عشانكدا كله معجب بيها ههههههههههههههههههه |
اقتباس:
ماشى يا عمرو بقى انا واخدة كل حاجة بالدراع لية داخلة عركة:d بس متخفش انا بميت راجل يعنى لو دخلت عركة هضرب :d يعنى ممكن اجى اضربك دلوقتى:p فى رعاية الله |
انا اسمي احمد تجارة حلوان قدمت انجلش بس النتيجة لسة مظهرتش انا مجموعي 418.5 (اعتباري) يا ريت اللي يعرف حاجة عن النتيجة دي يقولي ولا شكلها بانت ولا ايه ___ على العموم انا سمعت ان المصاريف 3500 وان الدكاترة رخمين والكلية صعبة ههههه
|
اقتباس:
و انشاء الله تقبل فى الكلية:av4056bb7jp3: انت مجموعك حلو خالص و ربنا يوفقك يا رب:022yb4: بالنسبة لصعوبة الكلية فدة شئ مفروغ منة يعنى الكلية عايزة دح من اول السنة علشان نجيب تقدير كويس:blush: اما بقى على الدكاترة فهما رخمين زيادة عن اللزوم و مش عندك بس فى حلوان دول فى كل الجامعات :d على العموم ربنا يستر و يعدى سنين الكلية على خير باذن الله:stickjo4: فى رعاية الله |
يا جماعة النتيجة ظهرت بس معيد الكلية ماعلنهاش انا روحت النهاردة وسمعت الكلام دة من الشئون هم عارفين الحد الادني بس مش عاوزين يقولوا لحد علشان ميعلنهاش
|
انا اسلام فى تجاره المنصوره بس ادعولى عشان النتيجه يا رب نتقبل كلنا
|
اقتباس:
بس هو لية يعنى العميد بتاع الكلية ماخرها كدة المفروض يعلنها على طول علشان المصاريف :blush: يالا ابقى قولنا اخر الاخبار بالتوفيق فى رعاية الله |
اقتباس:
اكيد هتنور تجارة انجلش المنصورة يارب تقبل يا رب انت و كل المتقدمين باذن الله بالتوفيق فى رعاية الله |
يا جماعة سمعت ان الدراسة اتأجلت تاني ليوم 10 اكتوبر ..... اللي عنده خبر اكيد يقول
|
يا جماعه النتيجه بيقولوا انها حتبان بعد العيد وسمعت ان المقدمين تجاره انجليش المنصوره 400 بس وممكن يقبلوا كلهم
|
اهلا بيك يا اسلام
اكيد هتنور تجارة انجلش المنصورة يارب تقبل يا رب انت و كل المتقدمين باذن الله بالتوفيق فى رعاية الله الله يخليكى Gamalewees ايوه كده ارفعى من روحنا المعنويه احسن انا زهقت من الكليه قبل ما اخشها |
اقتباس:
|
نتيجة تجارة انجلش حلوان ظهرت على الموقع الرئيسي للطلية ولامجموع الاعتباري علمي 404.5 وادبي 388.5 وانا قبلت الحمد لله بس عاوز اعرف ينفع ادفع المصاريف في الدراسة ولا لازم دلوقت
|
الف مبروك يا هيرو على القبول هو بالنسبه للمصاريف بيدوك مهله اسبوع عشان تدفع فيها المصاريف او عليك تدفع قسط والباقى فى الدراسه
|
اقتباس:
ربنا يوفقك فى رعاية الله |
اقتباس:
ربنا يوفقك و النتيجة تبان بسرعة فى رعاية الله |
اقتباس:
هو بالنسبة للمصاريف العايز يدفعها فى نفس اليوم مفيش مشكلة و لو مش عايز بيدولك مهلة حولى 3 ايام او اسبوع بالكتير المهم قبل ماتدخل الدراسة علشان مصاريف الكتب و كدة لكن متهيالى مينفعش تقسط اول سنة لازم المبلغ كامل لكن ممكن تقسط فى السنين البعد كدة انشاء الله لان انت لو مدفعتش المصاريف كاملة او قبل الدراسة هتتحول ديركت على تجارة عربى الف مبروك مرة تانية بالتوفيق فى رعاية الله |
السلام عليكم ياجماعة انا عازوة اعرف هو فى ميعاد للتقديم ولا ايه اناجالى تجارة جامعة المنوفية فرع السادات وجايبة 44فى الانجلشومجموعى 341اناخايفة ماابلش من الكلام اللى محمد بيقوله اللى هى بتاخد من363بس اناسألت هناك وقالوا انى ممكن اقبل وبالسنبة للمصاريف5500بالكتب
|
ربنا يوفقكم ياجماعه انا فى 2 تجاره انجلش جامعة المنصوره
|
ازايكو ياجماعة انا ف 2 انجليزى المنصورة بالنسبة لطلبة المنصورة النتيجة بتظهر بعد اسبوع من الدراسة زى السنة اللى فاتت واللى قبلها احنا كنا زيكوا كدة بس متقلقوش ان شاء الله خير والعدد بيبقى حوالى 550مش 400
|
اقتباس:
و انشاء الله تقبلى يارب نورتى يا قمر :078111rg3: كل سنة و انتى طيبة :av4056bb7jp3: عيد سعيد عليكى فى رعاية الله |
اقتباس:
شكرا ليك يا طارق نورت التوبيك و اكيد طبعا منور تجارة انجلش المنصورة:) ربنا يوفقك و يوفقنا يا رب:av4056bb7jp3: فى رعاية الله |
اقتباس:
و شكرا على المعلومات بتاعة حضرتك نورت التوبيك و جامعة المنصورة كلها بالتوفيق فى رعاية الله |
انا بافلى تجاره انجلش جامعة اسكندريه
ومبروووووووووووووووووووووووووووووووووووووووك لكل الى قبلوا فى تجاره انجلش |
جمال عوبس هههههههههههههههههههههههههههه
|
اقتباس:
اصل قالوا زمان الضحك من غير سبب قلة ادب و المثل دة بينطبق عليك بالظبط مش عايزة اكتر فى الكلام علشان مش هنزل مستوايا لمستواك اعرف حدودك بدل ماتلاقى رد فعل مش هيعجبك او ممكن اهزق قدام اليسوى و الميسواش بس انا مش هعمل كدة اصلى طيبة اوى و محترمة مش زى ناس كدة اعتقد تعرفهم كويس ياريت لو مش عجبك الموضوع او صاحبة الموضوع متدخلوش تانى و ولا تكتب فية رد اصل حضرتك مش هتزودة ولا هتنقصة ولا هتحط فية علامة الجودة شكرا على زوق حضرتك المبالغ فية |
اقتباس:
انشاء الله بالتوفيق لحضرتك فى رعاية الله |
اهدى اهدى بس ليطقلك عرق والضغط والسكر شغالين ف البلد اليومين دول وبيلف على الناس الركيكة اللى زى ناس اعرفهم
|
والحمد لله رب العالمين انا محترم نفسى قبل ما احترمك واحترم اى حد وعارف مستوايا كويس بس واضح ان انتى بتحبى تبالغى فى رد فعلكوتعملى شو لنفسك وانا محترم كل اللى هنا ومش مستنى واحدة زيك تقولى الكلام ده وبعدين انا اللى شايفوا هنا مش مستاهل انه يتحطله علامة الجودة لانه مش هيزيد عن تعارف مش اكتر واهدى كده وبالراحة يا جمالات على نفسك انا بحب اضحك بلاش
|
سورى مش هرد عليك كل واحد عارف مقامة كويس و اكيد انت عارف مقامك فين
و قولتلك قبل كدة انى مش هنزل مستوايا لمستواك فى رعاية الله ولا بلاش |
| جميع الأوقات بتوقيت GMT +2. الساعة الآن 06:05 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.