Conjugate Method in Differentiation
 

السلام عليكم ..

ياجماعة أنا طالب فى 2 ثانوى -لغات- المهم أثناء دراستى فى المنهج بتاع "التفاضل والتكامل" (Limits) لقيت نفسى مش فاهم الجزء بتاع الConjugate رغم إنى كنت فاهمه "شرح" إنما لما جيت أحل معرفتش أبداً

ياريت تساعدونى ياشباب ويا أساتذة

بص يا ابو حميد انت اول حاجة لازم تبص علي المساله بتاعت الليمت و تشوف لو عندك تو تيرمز التيرم ما بينهم ماينص و لازم يكون فيه سكيور روووووت بس يعني مينفعش مثلا كيوبك روووت لا هو سكوير روت حتي لو التو ترمز نفسهم عندهم التو ترمز عندهم السكوير روت فانتا بتبدا تعمل تايمز للنوميراتور الي هو الي فوق الفراكشن و الدينومناتور الي هو تحت الفراكشن تعمل تايمز فوق و تحت لنفس التو ترمز بس العلامة بتكون بلاس بدل ماينس

up and down time root 2 + 5 root 2 - 5



بس كده ده مثلا مثال اتمني تكون فهمت
و كل سنه و انت طيب

ألف شكر ياريس ربنا يخليك على إهتمامك، طبعاً أنا فاهم الفكرة والله بس لما جيت أحل مالقيتش أى نجاح فى تطبيق الفكرة نهائى!

ياريت وأكون مشكور جداً إنك مثلاً تجيبلى أمثلة محلولة فى فايل مثلاً أو كده

وربنا يكرمك، وإنتا طيب ;)

و الله يا معلم للاسف معنديش فايلات فيها امثلة انت ممكن تسال مدرسك او تستني لو فيه هنا رياضة واحد باللغه الانجليزية يكون حد يساعدك

ألف شكر ياباشا :)

نفسنا يكون فيه قسم للطلبة اللغات

أو ممكن ببساطة يتم إنشاء أقسام فرعية للمواد فى المراحل المختلفة وتكون للطلبة فى المدارس اللغات

مهم أوي أوي أوي فعلاً

يا ريييت تهتموا بطلبة اللغات

الغريب اني كل ما اسئل السؤال ده محدش يجاوب خالص
نتمني من احد مشرفي هذا المنتدي الكريم انه يقولنا هل فيه رياضة واحد انجليزي maths one ????????؟؟؟؟؟؟؟؟؟؟
يا رب حد يجاوب بقي

يااااااااااااااااااارب

الموضوع بسيط يا ابو حميد

شرط الConjugate انك تلاقى فى السؤال x تحت سكوير رووت
وخد بالك لازم سكوير رووت غير كدة لا ....اوك
فمثلا لاقيت سكوير رووت ل ( x ــ 2 ) + 3 فهنا لابد وانك تضرب النوموريتو والديمنوتور فى ال الConjugate بتاع ال سكير رووت
يعنى هنضرب فى سكوير رووت ل ( x ــ 2 ) ــ 3
لاحظ ان الConjugate هو نفس التيرم بعكس اشارة الجزء الثانى

ربنا يخليك يامستر محمد، ميرسي أوي على إهتمام حضرتك

وأنا الحمدلله فهمت فكرتها وحضرتك بسطهالي بشكل جميل كمان :)

حضرتك ياريت بنفس الإيجاز توضحلى فكرة الـ X tends to infinity عشان الدرس ده فاتنى وحاولت فيه بس مش عارف أذاكره لوحدي.

وشكراً مقدماً يا مستر

انت وقعت ولا الهوا اللى رماك
يا راجل انت بتتكلم جد
طيب اسمع يا ريس احلى كلام :049gc0:
الـ infinity

هى من المسائل المميزة بال limit بتعاها وشكله
لازم تبقى عارف ان المشكله انك لما بتعوض بيظهر فى الغالب ان infinity ÷ infinity طبعا ما ينفعش
ولازم تعرف ان اى رقم ÷ infinity =
zero
وهى دى اللعبة
ويبقى حل المشكلة انك تعمل dvid على اكبر x لها power فوق وتحت
يعنى لو عندك فوق x^ 5 و تحت x^ 3 يبقى حنعمل dvid للتيرم كل بسط ومقام على اكبرهم وهو x^5
وبعدين نعوض تانى بعد الاختصار ب infinity
هتلاقى كذا حاجة تمثل رقم ÷ infinity =
zero

وخلاص

ملحوظة فى حالة البراكتس المضروبة فى بعضها او الرووتس بنعمل dvid على اكبر x داخل كل قوس لوحده او داخل كل جذر لوحده
مثل لو عندك

( x^3 + 2x) ( x^2 -3 ) / (x^4 +x^2 ) ( 2x^2-x)
فاننا هنعمل dvid لاول براكتس على اكبر x جواه لوحده وهكذا باقى البراكتس
لو فهمت كلامى اكتب لى القوس الاول هنعمله dvid على ايه وهكذا باقى الاقواس

شكرا يا مستر محمد و ياريت لو حضرتك حطيت اي مذكرات فيها اسئله
و نفسي اكون مع حضرتك في الغرفة الصوتية و نسمعو ا احلي كلام

شكرا يا مستر محمد و الحمد لله ان اخيرا حد عبرنا هههههههه
نفسي اكون مع حضرتك في الغرفة الصوتية و نسمعوا احلي كلام

ياسلااااام عليك يا مستر، بجد والله ربنا يجازيك كل خير

أنا بدأت أفهم الفكرة بس ياريت لو حضرتك تنزلنا مذكرة عاملها قبل كده فيها شرح وأسئلة هتفيدنا كتير أوي

البراكت الأول هنعمل Divide على 2x power 2

البراكت التاني هنعمل Divide على x power 4

البراكت التالت هنعمل Divide على x power 2

البراكت الرابع هنعمل Divide على x power 3

ايوة كده يا ابو حميد ...... نفسنا يكون فيه مذكرة فيها اسئلة
و كل الشكر للعظيم - و ما عظيم غير الله - مستر محمد سرور

أكيد ياريت يكون فيه مذكرة بالأسئلة، ومستر محمد شخص محترم ربنا يكرمه إن شاء الله

أتشرف بإسمك يا zalto لو معندكش مانع

مفيش اي مانع يا معلم
اسمي احمد

كل سنه و الناس كلها طيبة




علي فكرة انا سعيد جدا ان مستر محمد اهتم بينا بس يا ريت لو يكمل مجهوده و يكون معانا و يابلوود مذكرة ولا حاجة

الله المستعان خلال ه1ذا الاسبوع ان شاء الله

استاذى الفاضل الأستاذ/ سرور جزاك الله كل خير على اهتمامك بأبنائك عوما وبطلبة اللغات خصوصا اللى فعلا محتاجين اهتمام بمناهجهم فى الرياضيات والتخصصات الأخرى من المنتدى ــ مرة أخرى شكر الله لكم
أخوكم أحمد عبد العال

نفسى يكون فى حل لطلبة اللغات والله بجد مهدور حقنا قوى