|
نحن وهم
4 مرفق
أكتر حاجة توجع اننا نتكلم بصراحة.......
لكن اذا كان ضروري ....... فبلاش نتكلم ......ونسيب الصور تتكلم.... انا جايبالكم ف المرفقات صور لشوارع من طوكيو...... لا مقارنة طبعا بينها وبين..... المهم:ليه اخترت طوكيو؟ لان برنامج خواطر السنادي بصراحة لفت انتباهي لمدى انتظام الناس دي.....واكتشفت ان تقدمهم مش من فراغ بتاتا....... اتفرجوا يا داكاترة.... انتوا عارفين اني دايما مبحبش السلبية .... عشان كده يا ريت كل اللي يعلق يشوف الحل المناسب لمشكلة الشوارع عندنا..... مشكورين مقدما..... يالا بينا |
انا شايف ان عندنا نقص كتير اوى لما نبقا زى الناس دى او غيرها
بس بجد انا مش عارف المشكله عند مين اصلا الناس ام الحكومه اشكرك فى رعاية الله |
هو اكيد فيه حاجة غلط فى شوارعنا يعنى لو الحكومة عملت اشجار اكثر و عملت متنزههات اكتر واحنا حافظنا على نضافة الشوارع اكيد حنبقى احسن
|
يعنى تقصدى ان المشكله عند الحكومه
ممكن مع انى شاي غير كدا فى رعاية الله |
ياااااه والله نفسى نبقى كده
لكن احنا اساسا اللى مش بنحاول نعمل حاجه صح لكن لو كل واحد بدء يغير بنفسه ممكن نعمل حاجه كويسه |
والله احنا اللى المفروض نبدا بتغير نفسنا الاول
وبعد كده هنشوف النتيجة ايه ثم على فكرة اكيد مش كل الاماكن كده فى طوكيو اكيد فيه اماكن برده فيه زحمة وحاجات كده طب مهو احنا عندنا اماكن كويسة برده ومفيش فيها زحمة |
3 مرفق
تماااام كلامك يا جماعة ..... بس بلاش تبقى الحكومة هي الشماعة بتاعة اخطائنا....
وزي ما قلتم نبدأ بتغيير نفسنا الاول... (إن الله لا يغير ما بقوم حتى يغيروا ما بانفسهم....) وانا مقلتش ان عندنا كل الاماكن سيئة....ولكن كل الاماكن عندهم سيئة.....مفيش شوارع اي كلام خالص هناك....حتى القرى.... احنا بقى هدفنا نوصل لكده...... وعلشان مبيقاش في سوداويه ف الكلام ....في كام صورة معايا كده للمنصورة بلدي....شوفوها.. وشكرا لمروركم الكريم جميعا |
انا شايف ان المشكلة فى الشعب مش فى الحكومة لان الناس هى الى بتعمل كده مش الحكومه الحكومة عليها غلط بس مشبير الناس اكتر
|
لا شك المسئوليه مشتركة
الناس والحكومة وهما الاتنين برده مسئولين عن ايجاد حل |
على فكرهبقى مفيش اى مشكله بتبقى من جهه واحده طبعا فى من الناس
زى مثلا الترو المفروض انه مكان نظيف ووسيلة مواصلات سريعه نستفاد منها والغلط بيبقى من الناس اول حاجه اى حاجه فى ادهم بيرموها على الارض وعلى فكره كتير من المصريين بيعملوا كده بس فى مصر بس ولما يروحوا بلد بره بيرموا فى بسكت عشان الغرامه بصراحه اى حد بيرمى ورق فى الارض فى اى حته بالنسبالى سورى يعنى مش نضيف خالص وبيعمل عمل قذر وهو زى عمله وكل الاديان بتدعوا بالنظافه والنطافه من الايمان واماطة الاذى عن الطريق صدقه واحنا اصلا مخلوقين عشان نكون خلفاء الله فى الارض خلافاء الله فى الارض يبهدلوافى الدنيا كده ويرموا ورق وزباله عشان خايفين على شنطهم ولا عربياتهم لحد مايوصلوا لبسكت فى الدول الاجنبيه كل واحد بياخد معاه كيس بلاستك فى اى حته يرمى فيه الحاجه بدل مايرميها على الارض ده من ناحية الزباله الزحمه بقى وانت واقف فى المحته بتاعت المترو فى مترو بيجى كل خمس دقايق تقريبا بس اول ما الناس يجى مترو كلوا يهجم عليه كانه اخر واحد ومش هيجى غيره ويجبطوا ويزقوا فى بعض حاجه غريبه بجد وده من ناحية الناس لكن الحكومه بصراحه المفروض تعمل غرامات كبيييييييييييييييييييييييييييييييييييييييييييييييي ييييييره على اى حد يرمى ورقه او منديل فى ارض فى الاماكن الغير مخصصه فى كل حته حتى الاماكن العشوائيه بس الاول يكون فى اماكن مخصصه قريبه للناس والزحمه الحل بتاعها فى زياده اتوبيسات النقل العام ومحطات المترو والغاء المكروبسات والتكاتك اللى بقت فى الاماكن اللى مش فيها رقابه مروريه |
اقولك يا يلا بينا انا
تقريبا حلقة امبارح او اول ف البرنامج حلقة مخالفات الكلب دى قال الراجل المفيد قال ان الصح عنهد هو المعتاد والغلط هوالاستثنااااااااااااااااء احنا العكس تماما يا بنتى الغلط عندنا هو السائد ولنارد هوالى ببقى صح لما نبقى نعدل حالنا وع رايك نغير ما بانفسنا وننضف شوراعنا او ع الاقل مش نزودها هنتعدل باذن لله بس سبقتينى انتى يا قمر كنت سه فكر فى توبيك اعمله عن خواطر فى اليابان بس يلا اللى سبق اكل النبا وانا وانتى واحد ا قمراية تحياتتى |
يااااااااااااااة
معقول احنا نوصل للمستوى دة ؟؟؟ ولية لاء بس الشئ الاكثر غرابة من الفرق بين هنا .وهناك ان لو واحد راح هناك هيبقى انظف من الى هناك واكثر حرس على نظافة البلد لكن لما يجى هنا يا خساارة كل شئ عرفة عن النظافة بيعلقة هناك على شماعة قبل ما يجى |
اقتباس:
|
اقتباس:
ما احنا بنقول المسئولية مشتركة بس ساعات بتكون المشكلة الاكبر يا فندم:ان مفيش حد من الناس المهملة دي شايف ان في مشكلة اصلا.. ودا غالبا الطابع العام... |
اقتباس:
وزي ما قال الاستاذ احمد برده:هنفضل نتكلم سواء انا او انت او هو.........وف الاخر(لا حياة لمن تنادي) |
مش عاااااااارف
مجربتش بصراحة بس ان اسمع عن الحكاية دى من ناس سفرت فى المناطق دى يمكن العيب فينا اكيد العيب فينا |
اقتباس:
انا متفقه معاك بس حتى لو فى ناس كتير مش بتعمل كده عايزين وعد من كل اللى دخلوا على التوبيك انه ميعملش كده يعنى يبقى سلوكه تجاه بلده زى الناس ديه ميرميش ورق ولا اى حاجه فى اى مكان غير مخصص لكده حتى لو هيكون معاه كيس فاضى فى جيبه اوشنطتها او نعملها حمله انت عملت الموضوع بس لو عايز تفعله فعلا وكان عندك هدف من وراه اعمل ده ده مجرد اكتراح وياريت الناس توعدنا انها مش هتعمل كده ها هيبقى فى حد معانا ولا مش هنشوف مشاركات بعد النهارده |
اقتباس:
هو دا الكلام الصح انا اول واحة مستعدة يالا يا شباب ويا بنات معانا |
اوكيه كده دلوقتى بقينا اتنين انا هاقول لاصحابى على المنتدى وانتى كمان و اى حد يدخل هنا يشاركنا ويدينا وعد منه انه هيحافظ على البلد ديه زى بيته بالظبط لانها فعلا كده بس اكبر شويه
يلا نتفق كلنا على كده ونرضى ربنا ونعمل صح كلنا نتفق عليها |
احم
طبعا فكرة جميلة اوى بس فعلا هى بتتنفذ فى اماكن معينة وبقية الاماكن مش بتتنفذ فيها انا هضرب لكم مثل انا معاصره محافظة الاسماعيلية فيه اماكن فيها بجد ممنوع تعمل اى حاجة خالص عامة دى بترجع للشخص نفسه فى قراره هو هل عنده استعداد ان هو يحافظ على المكان اللى هو فيه ولا لاء ولازم هو يبتدى بنفسه شخصيا |
اقتباس:
انت تقدر تدينا وعد انك تعمل اللى قولنا عليه فى اخر تلت مشاركات ولا لا |
تسجيل متابعة
واكيد وياكم |
الحمد لله احنل دلوقتى3
بنوعد بعض وبنوعد بعضاننا هنكون سلوكنا تجاه بلدنا نفس سلوك الناس ديه تجاه بلدها نحافظ عليها ومنهملهاش ونبوظ فيها ومش عيب اننا نقلد الناس ديه طول ماهى حاجه مفيده ومتنسوش ان النظافه من الايمان واماطة الاذى عن الطريق صدقه فعلى الاقل لو مش هنشيل الحاجه ديه من البلد ياريت منزودهاش ونحط عليها وبجد احنا نقدر نصلح الدنيا متقولش مش انا اللى هصلحها واحنا خلفاء الله فى الارض افتكروها كويس فى المشاركه الجايه هحكلكم قصه تاكد كلامى ان لو واحد ممكن يصلح الدنيا |
انا معاكم رقم 4
الفكرة جميلة جدا ربنا معاكم دايما والله وهنحاول نجمع عدد اكبر ان شاء الله كان نفسي اكون رقم واحد يا (يالا بينا)بس اللي بيحبوكي كتير |
كويس ما شاء الله
طيب هنبدا ازاي؟ ايه رايكم ف عمل جروب ع الفيس بوك؟ ولا خلينا نبدا ببساطة شوية....... يعني كفاية مثلا اليومين دول نعمل حركة نظافة مشتركة مع جيرانا للشارع تمام ولا ايه؟ |
اقتباس:
ويشرفني انضمامك لينا |
نو
كومنت ! |
اقتباس:
|
اقتباس:
|
بصوا ياجماعه انا لما قلت الفكره ديه مكنش قصدى اننا ننزل نكنس الشارع او حاجه من ديه مع ان لو عملنا كده مش هيكون عيب
بس مكنش قصدى كده برده انا كان قصدى حتى لو احنا مش قنقدرننضف بلدنا فياريت منزدش اللى فيها يعنى لو كل واحد دخل وبقى معانا وادانا وعد منه انا مش هيرمى ابدا زباله غير فى الاماكن المخصصه لكده وحصل ده فعلا ومبقاش حد يرمى حاجه على الارض فى اى حته لو ركبنا مترو هننزل منه وهو نضيف او قطر او اى حاجه تانيه والله يا جماعه الموضوع وصل للمساجد الناس بقت ترمى فيها الزباله وتمشى ماتشيلهاش لو احنا كلنا اتفقنا اننا منبهدلش اى حته فى البلد اصلا هى مش هتكون مش نضيفه بعد كده عشان ننضفها اصلا يعنى ببساطه ليه اصلا نوسخ بلدنا بالرغم ان مش كل الناس بترمى حاجات على الارض لما اجانب او عرب بيشوفوا اكوام الزباله اللى احنا رمينها فى الشوارع بيقولوا هما دول المصرين........................ |
عموما انا بعت مسجات لكل اصحابى هنا على المنتدى عشان يشاركونا ولما نكون كتير ونوعد بعض اننا نعمل اللى قولنا عليه
نشوف هنعمل فى الفكره ديه ايه ممكن نعملها حمله وصور وبسترات بس اهم حاجه ان الناس تتعلم وتتعود ان الشارع ده مش مكان لالقاء اى زباله فيه ويعرفوا ان الزباله ملهاش مكان غير البسكت وعلى فكره انا الموضوع هنا ممكن لناس كتير مش لازم نعمل جروب على الفيس بوك |
اقتباس:
تمام الكلام كده ......... انا موافقة على مبدأ"منزيدش الشارع سوء على سوئه" بس برده مش كتير لو كل عمارة عملت يوم الجمعة مثلا لتنظيف قدام العمارة او الشارع كله..... والله بقى لو اتفقنا على زراعة شجرة قدام العمارة بتاعتنا او قدام البيت..... والله الافكار كتيييييرة بس مين يجرب!!!! |
اقتباس:
عايزين العام الدراسي السنادي يكون مختلف ان شاء الله كل الجامعات نظيفة ولو بنسبة 70%عن السنين اللي فاتت ولو حد معانا ف المدارس نفس الكلام وانا بقى كان قصدي من الجروب انه يخلينا ننشر الفكرة حتى على منتديات تانية... |
مسرة........
انت بتنامي كتير على فكرة.... عايزين نشاط يا دكتورة |
بصى يا عضوه يا ممتازه
سورى عشان مش عارفه اسمك انا موافقه على فكره الجروب وكل حاجه بس فى ناس معندهاش اكاونت اصلا على الفيس بوك وانا منهم وفى جروبات على الفيس بوك كمان هدفها ده بردوا فى جروب منهم اسمه بحبك يا مصر وبعشق ترابك بس ترابك دخل فى عينى هو الاسم فكاهى بس الهدف جميل المهم ممكن اللى ليهم اكاونت يبقى فى تواصل بينا وبينهم عن طريق الناس اللى ليهم اكاونت على الفيس بوك يعنى نوصلهم افكارنا ويوصلنا افكارهم تانى حاجه انا بعت مسجات فعلا لصحابى بس لسه محدش دخل عشان العيد كل سنه وانتوا طيبين وان شاء الله نبدا بعد العيد مباشرة ونعمل حاجه حلوه قبل الدراسه عشان ننشرها اثناء الدراسه اوكيه وان شاء الله ناس كتير تدخل عشان نقدر نفكر فى افكار حلوه كتير |
القصه اللى قولتلكم عنها قصه قصيره جدا
فى يوم من ايام زماااااااااااااااااااااااااااااااااااااااااااااااا ااااااااااااااااااااااااااااااااااان امر حاكم وانما مش اى حاكم حاكم ذكى وحكيم حط برميل كبيييييييييييييييييييير وسط المدينه وامر كل اسره فى هذه المدينه يضعوا نقطة عسل فى هذا البرميل واعطى الناس فرصه 30يوه ليلاؤا هذا البرميل بالعسل ففى واحد من الناس قال كل الناس هتحط عسل يعنى لو فى وسط كل العسل اللى الناس هتحطه ده انا حطيت نقطة ماء بدل ما احط نقطة عسل مش هتبان وبعد 30يوم وجاء وقت فتح البرميل فراى الحاكم كل البرميييييييييييييييييييييييييييل ماء ولم يجدوه عسل لوكل واحد فينا قال مجتش عليا هنبقى عاملين زى اهل البلد ديه وبعدين مش هتيجى علينا كلنا لو واحد خد رشوه وقال مش انا اللى هبوز ولا مجتش عليا ولا لو واحد غش او سرق اواهمل بلده ومش بس اهمله بهدلها بالزباله اللى بيرميها بشغلوه اللى مبيرعيش فى ربنا وبياخر بلده بعمله انا بقول لكل الناس ديه والله لو واحد بتفرق ومتقولش هى جت عليا وانا اللى هصلح سيدنا محمد كان واحد وصلح امه بقالها اكتر من الف سنه عمر بن الخطاب كان واحد وحرر القدس اكتر ازدهار شهدوه الاسلام كان فى عهده ابو بكر الصديق كان واحدوفتح بلاد صلاح الدين الايوبى كان واحد وقضى على الصليبين وحرر القدس وكتير زيهم |
كلامك مظبوط جدا ياريهام
بس استنى لما العيد يخلص علشان فيه ناس هتسافر بكرة وكده يعنى وعلشان الوقت ونبتدى بعد العيد |
احنا هنبتدى اصلا بعد العيد
ان شاء الله |
:022yb4:hiiiiiiiiiiiiiiiiiiiiiiiiiiiiiiiiiiiiiii
|
بتكلموا عن ايه
|
انا شايفة ان احنا الي فرضنا الوضع علي نفسنا هنعد نقول الحكومة ايوة هي ليها دور بس احنا لازم نبدا دي بلدنا واحنا الي لازم نغيرها
|
باشكرك علي الموضوع ده علي فكرة
حضرتك بتشتغلي ايه |
اولا موضوع جميل وفكرة حلوة منكم
بس للاسف المشكلة دي مش سهلة انا مش بعقد الموضوع بس مش احنا بس السبب احنا عندنا اماكن كتير في مصر ممكن نمشي فيها وما نلاقيش صندوق قمامة واحد وفي تقصير من شركات النظافة ودليل على كده ان في اماكن كتير الصناديق فيها مليانة ومافيش حد بيشلها وزادت المشكلة دي في الفترة الاخيرة منذ مشكلة انفلونزا الخنازير عشان كانوا بياكلوا القمامة اللي هي موجودة حاليا بكميات كبيرة جدا في كل مكان ......... دي بالنسبة لمشكلة القمامة عامتا وبالنسبة لموضوع الحفاظ على نظافة الاماكن العامة دي لو اتوفر باسكت صغير كل كام متر كده اكيد الموضوع ده هيتحل .... وانا معاكوا ويا رب ماكونش طولت عليكم |
اولا احب اشكر كل اللى شاركونا برايهم ان عايزه اقولكم ان التوبيك ده فى موضوع وفكره الموضوع فى اول صفحه والفكره فى الاولى والتانيه ياريت اللى يشاركنا برايه يقرا الموضوع والفكره يعنى يقرا المشاركات
بليز يا جماعه عشان تعرفوا احنا دلوقتى بنتكلم فى ايه |
اقتباس:
|
هالو ايفري وان....
انا منتعشة بصراحة من التفاعل.... شكرا ليكوا يا شباب ويا بنات ع التفاعل.... شكرا:snowwhiat,tarek-100,fatma2007 ,ولا شك شكرا ل ريهام العسلاية و كمانsympathiqe المهم بقى...... عايزة اقترح اول خطوة لو سمحتولي.... ايه رايكم ف بوستر للفكرة؟ من غير طباعة ممكن نوزعه ع الايميلات ... ونعمله توقيعنا ف المنتديات... ها لو الفكرة تمام ... قولوا ونشوف التصميم على مين.... انا ملاحظة ان الموضوع مبقاش بتاعي .......الموضوع بقى فكرة جماعية ممتازة والبركة في ريهام يالا قولوا رايكم ف اول خطوة.... [COLOR="Red"[/COLOR] |
تمام وانا معاكوا ......... وعلى فكرة انا ديزينر (عل قدي يعني :d )
يعني شوفوا الشعار اللي تحبوه وفكرة البوستر وانا هظبطهولك ان شاء الله |
يا جماعة موضوع البوستر دا على فكرة حيوي جدا
وهيسهل نشر الفكرة ف عايزين الموافق يجهز مع نفسه النقط المهمة اللي نراعيها ف التصميم تمام؟ |
اولا كدة بشكركم جدااااااااااااااااااا على الموضوع الرائع بجد فعلا الواحد متحسر ان احنا وصلنا للحال دة والله نفسى اعمل حاجة انا الحمد لله مبحبش ارمى اى حاجة فى الشارع وفعلا لو عملنا كدة بلدنا هتبقى احسن واحسن وان شاء الله ان معاكوا وربنا المعين ان شاء الله بس فعلا الموضوع دة عاوز مساعدة من الحكومة انها تزود صناديق الزبالةعمال نظافة اكتر وكمان يتجهو للمناطق المهملة وكمان طرق سليمة للتخلص من القمامة وبكرر شكرى تانى وان شاء الله معاكم
|
السلام عليكم
انا معاكم فى كل حاجه وممكن كل واحد فينا يقول تخيله للى ديزين بالكلام ونحاول نطبقه وحلو كمان لو طبعناه ووزعنا على صحبنا فى الجامعه او المدرسه او فى الشغل والمترو وكل مكان ونختار ايه الشعار للحمله والبوستر فكروا معانا |
| جميع الأوقات بتوقيت GMT +2. الساعة الآن 03:57 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.