|
طالب إعدادي هندسة (فرحة وصدمة)
طالب الإعدادي : - أول شهر: ياااااااااه اخيرا الحمد لله دخلت كلية هندسة ياسلاااام ما أحلى إن الواحد يحقق الهدف اللي هو عاوزه (ياعيني مايعرفش اللي فيها) أخيرا هبقى مهندس (مفكر إن الليلة كلها 3 أيام ونص وينام ويصحى ويلاقي نفسه في شركة أربع ادوار) والحياه هتحلو والليلة هتبقى فل والدنيا ابتسمتلي اخيرا (غلباااااان مايعرفش إنها ابتدت تكشر يلا سيبوه يعيش) ويمشي في الكلية ويعمل فيها دور المهندس وماشي منفوخ وياسلااااااااام المسطرة ال تى على إيده (مهندس بقى) فاضل شوية ويعلق على صدره بادج ميكا ويكتب تحته مهندس فلان الفلاني وطالما بقى دخلت هندسة يبقى خلاص كدا ألعب وأفرفش وأتسرمح ما أنا خلاص كدا كدا مهندس ويقضيها بقى خروجات والذي منو ويعدي الشهر بسلام بلا كوارث - تاني شهر : الاحساس بالمصيبة , قصدي المسئولية خلاص بقى خرجنا وانبسطنا وفل الفل كدا نحضر بقى المحاضرات ونشوف ورانا إيه والناس دي بتشتغل إزاي عشان الواحد يحس انه طالب يبتدي الغلبان يصحى الساعه 5 الصبح عشان يلحق مكان قدام في المدرج الساعه 7 أول ما يجي يلاقي الناس قاعدة قدام تقولشي بايتين في المدرج بقالهم أسبوع يعني تصحى بدري أو متاخر هتتزنق هتتزنق , لا مفر يلا أهو الواحد يعمل اللي عليه ويحضر . والباشا يدخل في المعمعة يدخل بالقميص أو التيشرت ساده يطلع بيه عليه أشكال وألوان إيشي شبشب بكعب وإيشي كوتشي أديداس وإيشي بوما وإيشي رجلين حافية , بيتفح على القميص توكيل باتا ما علينا بعد الحرب ما تنتهي وكل واحد يشوف هيترزع فين (ده إذا كان فيه مكان يترزع فيه) أو يقف زي اللي عليه دين يبتدي يسمع للدكتور يستمر عالموضوع ده حوالي شهرين هب يلاقي نفسو خلاص امتحانات الترم خلاص بتخبط عالأبواب وطبعا البيه زي البطيخه القرعة مش فاهم أي بتنجان ومش عارف هيذاكر إيه وهينيل إيه ما علينا يدخل الامتحان وياخد اللي فيه النصيب يدخل عليه الترم التاني - الترم التاني : (فقدان أمل + بؤس وشقاء = زي ما تيجي تيجي أنا هقطع نفسي) الأمراض اللي تجيله بعد كل ده: 1- قرفه من الكليه واللي فيها 2 - حالة هيجان وارتيكاريا لما حد يجيبله سيرة المذاكرة 3 - فقدان شهية مزمن للمذاكرة 4- تخيلات غريبة إن الكتاب عبارة عن كلب مسعور لو قربت منه يهوهو 5-يلزق على كرسي الكومبيوتر 6-ترديد جملة (أنا عايز أعرف كنت بذاكر إزاي في الثانوية العامة) وأكيد طبعا مش بيلاقي إجابة وتيجي الصدمة في الآخر (كل ده هزار في هزار وما فيهوش حاجة من الواقع ها ها ها) __________________________________________________ _______________________منقول |
الله يبشرك يا بشمهندس عبد الرحمن
يعنى اخلص من البشمهندس بلال اللى دايما يطمنى ويبشرنى بصدماته تطلعلى انت ههههههههههههههه بس بصراحة موضوع جميييييييييييييييل تسلم ايدك |
أشكرك لمرورك اللي نور الموضوع يا eng_emy
بس انا شايف إن الموضوع ما فيهوش أي نوع من الصدمات ها ها ها ها ها |
حلوه الكتاب كلب مسعور بيهوهو دي حصلت معايا كتيــــــــــــــــــــــــــــــر وياريت متكونش كتب الهندسه اسود وديابه ومنلاقيش ذئاب الجبل في الكتاب
|
اقتباس:
أشكر مرورك الجميل |
دنتا غلبان اوي :d
الحالة ده تقريباً بتجيلك على امتحانات الميد تيرم يعني بعد شهر ونص بالكتير خالص من بداية الدراسة :d |
اقتباس:
شكرا لمرورك |
فعلاً ناس كتير بيحذروا من الحكاية ده
عمومًا احنا فى عصر السرعة يكفينا فسح لمدة أسبوع و الواحد هيبقى مهندس مع وقف التنفيذ |
يا بني هو انت لسه دخلت الكلية عشان تتكلم
اصبر على رزقك و ان هتشوف كل حاجة |
اقتباس:
|
اقتباس:
بس الناس الخبرة قالو لنا كده طبعا أنا مش مقتنع أوي يعني على أي حال الله المعين شكرا لمروركم |
اقتباس:
هههههههههههههههه .. هزار ايه .. ده وااقع . و اكتر حاجة بجد هى حكاية مزاكرة الثانوية .. انا مش عارف كنا بنزاكر فى الثانوية ازاى :p:p |
يا عم انت قلقان ليه ما تاخد الامور بساطه وعلى دماغك عشان تعرف تتعامل صح
هو ده اللى هيكون الذكاء الصح وكل واحد يشكل طريقته فى الكليه بمذاجه |
ههههههههههههههههههه
موضوع جامد بس على رأي بانزر على امتحانات الميد تيرم كل واحد حيلاقي نفسه كده ربنا يستر أحسن انا اصلا اتعقدت من اولها يللا ربنا يتولانا بقى |
يا سلام كلامك حكم والله
|
ههههههههههههههههههههههه
|
ههههههههههههههههههه نو كومنت
|
انا كنت ناوي احول بعد الكلام ده بس لما قرات اخر سطر اطمنت
|
ايه يا عم عبدالرحمن انت قلبتها تعقيد لية واحباط دى الكلية جميلة بس انت بص لها من منظور تانى وحاول تثبت نفسك فيها وتحقق حاجة كبيرة علشان الناس تهتم بيك وبلاش حكاية التعقيد دى
|
أكيد ده مش أنا
|
أولا أحب أشكر وجودكم اللي نور الموضوع
ثانيا أنا مقتنع جدا بالكلام ده إنه بيحصل بس مش لأي حد لو الواحد واثق في نفسه يبقى كل ده فشوش لكن لو داخل متعقد يبقى كل ده واقع |
كلام جميل كلام معقول مقدرش اقول حاجه عنوٍ :bosyht9: بس غالبا بيحصل |
ايوه كده
كنت حاسس انى ناقصنى شويه تفائل من النوع ده كده الواحد يدخل وهو مطمن ( يعنى هو الواحد هيقطع نفسه ) هههههههههه وزى ما تيجى تيجى ما خلاص اتدبست |
اقتباس:
:d اقتباس:
|
ههههههههه
اصبر علي رزقك والله اي كلام يتقال قليل علي اللي هتشوووفه اصبببببببببببببببببببببببببببببببببببببر هتعيشششششش |
No Way Handasa bardo :av4056bb7jp3: :av4056bb7jp3: :av4056bb7jp3: |
اقتباس:
هندساوية إلى الأبد :039uw8: |
ميكانيكى للأبد
شكلها عفشه |
ياجدعان مانا اهو خلصت اول سنة وعااادى جدا
اه بدئت احس انى انسان من كوكب تانى بس عادى يعنى المهم ايه بقى ان الاهلى حديد :d (ماحدش يسأل عشان مش عارف مالها بالموضوع بس كنت عايز اقولها ) |
اقتباس:
كانوا بردو بيقولوا كده على الثانوية هي صعبة بس بالمذاكرة خلاص شكرا لمرورك العطر اقتباس:
شكرا لمرورك اقتباس:
شكرا لمرورك اقتباس:
اقتباس:
أنا هسأل سؤال إيه علاقة الأهلي بالموضوع :d |
| جميع الأوقات بتوقيت GMT +2. الساعة الآن 07:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.