|
ما هو احساسك
ما هو احساسك بعد ما انتهى كل شى
انتهت الثانوية انتهى التنسيق بمراحله الثلاثة انتهت التحويلات ونتائجها عرفت اين ستدخل ان شاء الله انتهى رمضان ماهو احساسك بعد ما انتهى كل شى |
طبعا احساس جميل جدا جدا جداااااا فوق الوصف يعنى :d يعنى الحمدلله اخيرااا ربنا هيتوب عليا من قسم التنسيق ده و نولع فيه بقى بصراحة كان قسم متعب و مقرف :d الحمدلله انه خلص :bosyht9: |
يبقى انتى فشلتى مش نجحتى مفيش حد نجح يقول كده
|
الحقيقه و مش هكدب عليك احساس مخيف |
اقتباس:
يكفينى شرف التجربة :d |
هم وانزاح والله
هم وانزاح خلاص انا خايفة تيجيلى الثانوية العامة فى الكوابيس ياه انا لما بسمع كلمة ثانوية عامة دى باخد نفس عميق اخيرا الواحد هيروح للاستقرار فعلا انا حاسة ان الجامعة دى هى الاستقرار النفسى وانك هتستقر فى تخصص واحد انت بتحبه وتبتدى بقى تنزل تقرأ و تتثقف وتتعلم وتكتشف نفسك احسن الثانوية العامة كانت واخدة وقتنا فى دروس خصوصية كل يوم فى مناهج تافهة ملهاش اى لازمة |
اقتباس:
يا اخى الفاشلين فعلا هما اللى نجحه فى الثانوية العامة بتقدير عالى معنى انهم نجحو يعنى كانو بيحفظو زى بالظبط الخروف اللى بياكل كتير عشان يتخن ويكبر ويروح يدبحوه فى العيد اصلا مناهج الثانوية ولا فيها شئ من العلم والمعرفة والثقافة مناهج الثانوية العامة كانت كأنها شخص رخم مش بطيق ابص فى وشه بس لازقلى ليل ونهار |
اقتباس:
انا معاكى فى كل كلمة فعلا فعلا تعب الثانوية فى ان الواحد مصيره مجهول الحمدلله انها عدت |
الحمد لله ولا كائننة كنا بنحارب
|
والله الثانوية العامة دى مضيعة وقت وخلاص ومتعرفيش بقى بعد متذكرى الكتب الرخمة دى كلها هتيجى حاجة من اللى ذكرتى
انا كنت بذاكر 3/4 الكتاب وادخل الامتحان الاقيهم جايبين نص الامتحان من اللى انا ذكرته والنص التانى من الربع اللى انا مبصتش فيه فعشان كده كنت بجيب النص على طول |
يا جماعة انا نفسى طالب حدد هدفه من فبل ميخش ثانوية ودخل الثانوية وحقق هدفه ده حيكون احساسه زى احساسنا كده اكيد هى اراء بس حقولكم حاجة ديه اراء بس بجد انا معجب ان المشرفة بتشرفنا فى الرأى
|
مش عارفه :d
خايفه أنجح و خايفه أفشل |
اقتباس:
|
اقتباس:
الفرحة اللى بجد هى فرحة الشهادة الكبيرة :022yb4:ان شاء الله لكن ثانوية عامة حاجة مش بحبها ازاى ادرس تاريخ وجيولوجيا ايه ده نظام ملغبط خالص لكن لما اتخصص فى المجال اللى بشوف فيه ان هقدر احقق ذاتى من خلاله وانجح ساعتها هفرح بجد |
اقتباس:
|
اقتباس:
غلط اينشتاين كان فاشل وبليد وبقى عالم كبير وعباس العقاد مكنش معاه الثانوية العامة وبقى اديب كبير يعنى الثانوية مش هتحدد مدى فكرة وذكائى و ثقافتى وعموما اللى اخدنا فى الثانوي مش هيفدنا بحاجة فى الكلية عشان كده الناس بتدخل الكلية تتخض |
اقتباس:
|
اولا انت فى مصر ثانيا تتكلم عن اشخاص لها ظروف خاصة تكلم عن علماء مصريين عاديين
|
اخى انا قريت كتب كثيرة جدا وعندى ثقافة والحمد لله لا بأس بيها
انا كنت بحتقر كتب الثانوية العامة وكنت بنزل المكتبة (مكتبة الاسكندرية )لكى اثقف نفسى واحضر الندوات التى تعقد لكن نظام الثانوية العامة نظام فاشل ومش هيخرج حد عدل اما بالنسبة للثانوية زمان مكنتش زى دلوقتى يعنى كلية الطب كانت بتقبل من 70% يا استاذى |
اقتباس:
وانما بالنسبة لعلماء مصر فالثانوية العامة كانت تقبل من مجموع بسيط جدا مش زى دلوقتى يعنى ممكن تلاقى عالم جايب مجموع بسيط بس عموما اين هم علماء مصر دول احمد زويل وبعض الاسامى الاخر اللى محدش يعرفها |
اقتباس:
انا هقولك حاجة صحبتى جايبة 100% بالمستوى الرفيع طبعا دخلت طب كانت جايبة ف تانية 99 و برده كانت مرعوبة و لما خلصت ثانوية كانت حاسة برده انه هم و انزاح و انا متاكدة من كلامى و هى كمان نفسها الدراسة تتاخر على عكسى انا حاسة انها نفسها تستريح شوية يعنى برده حققت هدفها و حاسة زينا عادى ده معناه انها فشلت ؟؟ طبعا ف ايام ف الثانوية حلوة و ايام مش حلوة بس دلوقتى احسن حاجة ان كل واحد حدد مصيره |
انا مش عارفة هما فرحانين بالثانوية العامة على ايه دى عبارة عن مناهج سخيفة وقشور على موضوعات ليس لها اى فائدة
|
احساسي هو ده :- http://www.thanwya.com/vb/showthread.php?t=154478
عنده شعور بالسعادة والرضا الحمد لله وحاسة ان الى جاى احسن بكتير ا ن شاء الله من الى فات والله الموفق والمستعان |
ثانوية عامة كانت حاجة مفروضة علينا وتجاوزناها الحمد لله بشكل او بأخر
وها نحن انطلقنا الى المستقبل الحقيقي حيث لا حدود للبحث والاطلاع والتثقيف والعمل الحقيقي والعلم النافع لن يمنعنك احد ان توسع مداركك وتزيد من قدراتك |
يا جماعة اولا احنا بنتناقش فيكون الكلام براحة ثانيا انا اكتر واحد فرحان ان الثانوية عدت بس برده اكيد فى مننا حزين زعلان وفى نفس الوقت بقول انا عارف ان نظام الثانوية فاشل فنك لم تضف جديدا ولكن التعليم فاشل منذ البداية يعنى زمان اللى انت بتقول عليه لما واحد يجيب 70 فى المائة ويخش طب ماهو فاشل برده النظام التعليمى فى مصر طول عمره فاشل بس احنا لازم نتعدى النظام الفاشل بنجاح حتى نضع الانجح اما بالنسبة لموضوع انك مثقف مع احترامى لك لايوجد مثقف يقول انا مثقف
اخيرا كل عام انتم بخير |
اقتباس:
ثانيا نظام 70% ده فى هذا الوقت خرج من مصر اعظم الدكاترة و الادباء انتى ليس لديك دراية بأى شئ يجب ان تعرف ان فى هذه الفترة خرج من مصر اعظم الجراحين والعلماء زويل كان فى هذه الفترة و الادباء وناس كتير بنفتخر بيهم بجد |
اقتباس:
نعم يا بسمة يعنى الثانوية دى كانت اجبار مش اختيار يعنى كام سنة سجن و خرجنا خلاص واخدنا الافراج الحمد لله لكن لما تدخلى شئ بتحبه ويكون اختيارك ومسئوليك هتكونى اده و هتذكرى بحب وربنا يوفقك |
انا اعلم ان طلع اعظم الدكاترة بس انا بقولك على النظام هو اللى انت بتقوله بيثبت اللى انا بقوله النظام فاشل من زمان العملية مش مرتبطة بثانوية ولا كلية العملية مرتبطة بمنظومة تعليمية
خليبالك انا شاب مش شابة |
اقتباس:
وانا شابة مش شاب انت بتعترف انه نظام فاشل يعنى الان يوجد تناقض كبيرة فى كلامك من قبل قولتلى اللى فشل فى الثانوية العامة مش هيبقى حاجة بعض كده لازم ينجح اولا فى الثانوية العامة ومع ذلك انت بتقول انها ملهاش علاقة بالكلية وانا جبتلك الادلة ان فيه ناس مرو بالنظام الفاشل ده وجابو مجاميع بسيطة واصبحوا دكاترة وعلماء وادباء كبار فاذا انا فشلت فى الثانوية العامة ولكنى هقدر احقق ذاتى فى الكلية لان الثانوية شئ والكلية شئ اخر وانا داخلة اعلام جامعة مفتوحة يوجد تناقض كبير فى كلامك انت مؤيد اوى الثانوية العامة وبتقول اللى فشل فيها هيفشل فى الكلية وبترجع تانى تقول ده نظام فاشل وملهوش علاقة بالكلية عموما الاختلاف فى الرأى لا يفسد للود قضية وربنا يوفقك ويوفق كل حد عنده حلم وطموح ما |
كده وضحت قبل ما اكمل انت فى جامعة مفتوحة
|
ايوة ليه؟؟؟
|
انت جبت كام فى الثانوية
|
مش هقولك عايز تقيم دماغى وتفكير ومدى استعابى اعرفه من كلامى اعملى امتحان افعل ما تشاء
مش تقولى جايبة مجموع كام وكلام العيال الصغيرة ده اصلا الثانوية العامة نظام بلا قيمة لكى يقيم الاخرين |
انا عارف كل الكلام ده ايه المشكلة طالما انتى متأكدة من كلامك ومتأكدة انها فاشلة وانك حتحققى هدفك فى الجامعة المفتوحة
|
على العموم انا نازل اصلى الفجر وحقعد فى الجامع لو من خلال الكلام فهو مينفعش الحكم على شخص ذكى او مش ذكى من خلال الكلام لان فى ناس بتجيد الكلام بس هى مبتفهمش حاجة واتمنى انك متفهميش غلط انا والله ما بكلم عليك احنا لسه طالعين من رمضان وانا اتشرفت بيكى والسلام عليكم ورحمة الله وبركاته
|
اقتباس:
فعلا وايضا فيه ناس كتير بتجيد مناهج الثانوية العامة وتدخل تحل الامتحان وتجيب مجموع وهما ولا يعرفه اى حاجة عن الدنيا ولا السياسة ولا العلم ولا ليهم فى حاجة ابدا وعمرهم مفتحو كتاب غير كتب الثانوية المملة عيد سعيد |
هو ده اللى كنت عايزة اشرحه من بدرى
اتلخص فى سطور بسيطة |
اقتباس:
نفس احساسي يا دكتوره نغم |
معنديش أي تعليق أقوله لأنها متفرقش بالنسبه ليا يعني ثانوي زي كلية زي تنسيق زي أي حاجه بالنسبه ليا
|
ساعات اقول انها هم وانزاح وساعات اقول انها سهلة وكان المفروض انى اجيب اعلى الدرجات بس
الحمد الله على كل حاجه واهم حاجه ان كل واحد ينجح فى المجال اللى دخله |
| جميع الأوقات بتوقيت GMT +2. الساعة الآن 12:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.