|
دعوة لعدم الإختلاط
السلام عليكم و رحمة الله و بركاته أنا جايب الفكرة دي من باب فذكر إن الذكري تنفع المؤمنين أنا شايف إن المنتدي ما شاء الله كله شخصيات محترمة و علي خلق عالي جدا و في شخصيات كتير متدينة فيها إيه لما نبقي منتدي ضد الإختلاط واحد هيقولي يعني إيه هقوله إحنا هنبقي منتدي الثانوية العريق بل صرح الثانوية العريق مع تعديل بسيط في تعاملتنا ممكن يكون من باب الورع إن لم يكن حفاظا علينا من شر أنفسنا واحد هيقولي إيه يا عم الكلام الكبير ده والتذمة ده هقوله ده مش تذمة بإذن الله كل ما في الموضوع إن إحنا هنعمل ضد الإختلاط بمعني أوضح مش هيبقي فيه نقاش صريح أو نقاش متبادل بين ولد و فتاة واحد يقولي طب إزاي يعني منخليش حد يرد علي حد لأ كلوا يرد زي ماهو عايز كله في حدود الأدب يعني لو أخت عاملة موضوع الشاب يدخل يرد في صلب الموضوع و كبيره لما عايز يزين رده يشكر صاحبة الموضوع و كمان مش بأسمها أو بإسم العضوية لأ جزاك الله خيرا أو شكرا و لو عايز يناقش يبقي يقول نقاشه وميزودش كلمه الموضوع ده حفاظا علي أخوتنا مش أكتر عشان بيبقي في ناس بتزودها و في ناس صاحبة نفوس ضعيفة و محدش يقولي طب إزاي الكلام ده منقفل المنتدي و نعد في بيتنا أحسن و ممكن واحد يقولي ما هما بيتكلموا مع بعض علي الميل دي مش مشكلتنا إحنا هنبقي خلصنا ذمتنا من ذنبهم هقولك لأ منقفلوش ولا حاجة في منتديات كتير جدا جدا جدا ماشية بالنظام ده و أعتقد إن في أخوات كتير ملتزمات في موقع الثانوية يعلمن ذلك و سوف يسئلن عنه واحد يقولي طب إنت بتشارك بقالك سنة و شوية لسه جاي تقول دلوقتي هقوله دي أمانة لأني سئلت شيخي و أتوسم فيه الصلاح و هو الشيخ/أحمد جلال لو حد عارفه ليه سلسلة علي قناة الرحمة كل يوم تلات سئلته علي حكمها حتي لو بدخل إسلامي أباحلي دخول المنتدي في حلتين 1-لو كنت داخل ناوي أغير و أدفع عن الإختلاط و الحفاظ علي أخوتنا (و أرجو أن تساعدوني علي ذلك) السبب الثاني: لو كنت ناوي أدخل لأصحح مفاهيم خاظئة عند الشباب و أبين لهم الحق و أسرد لهم الأدلة لعل الله يهديهم إلي طريق الرشاد مع عدم إختلاطي بأي من الأخوات و أتمني إن كل واحد يفكر قد إيه المنتدي هيبقي محترم و هنرتقي بيه و هيكون في ميزان حسنتنا ممكن حد يقولي خليك في حالك هقوله إنتوا أكتر من أخواتي و مش عشرت يومين ولا تلاتة عشرت زمن و لو لم توافقوا فاللهم بلغت اللهم فاشهد و عليا بنفسي مع العلم أني سئلته هذا السؤال اليوم بعد صلاة العصر و أنا أري فيه خير ناصح لأنني أمضيت في مسجده 10 أيام من أفضل أيام حياتي اللهم ثبتنا و أرجو عدم قفل الموضوع أو حذفه في أمان الله |
صعبة التنفيذ ومبدأيا شبه مرفوضة
دمتم فى رعاية الله |
انا مع حضرتك فى كل كلمة
وسالت الشيخ مازن السرساوى بردوا قالى لا يجوز دخول المنتديات المختلطة الا لضرورة غير ذلك هيكون فتنه لصاحبه بصراحة حاولت كتير اوى ابعد عن المنتدى بسبب الاختلاط بس مبعرفش بحس المنتدى بيجذبنى جامد له والحمد لله انا لحد دلوقتى الى حد ما محافظة على طريقتى فى الكلام مع اى اجنبى ربنا يهدينا ويتوب علينا اجمعين وجزاكم الله خيرا على الاقتراح لتكون قد اهليت ذمتك منها |
السلام عليكم ورحمة الله وبركاته
ازيك يا محمود ياريت المناقشة بينا تكمل لاني دخلت مواضيع اختلاط ومبتكملش في كل مرة اقتباس:
بص يا حودا لو هنتكلم عن الاختلاط يبقي ولد يدخل يرد علي بنت ده كده اختلاط حتة بقا انه يرد بادب دي اسمها حسن اخلاق او ادب مش اختلاط بقا الاختلاط خلاص ان ولد يكلم بنت او يرد عليها و هي تناقشه اقتباس:
انت بتقول ان محدش يقول للعضوة باسمها او حتي باسم عضويتها وده ليه ؟ اسم المرأة عورة ؟ من المحرمات ؟ انت قولتلي ع الميل مش هترضي حد يقول لاختك باسمها طيب لو استاذ نادلها باسمها هل هياخد ذنب عشان قال اسمها ؟ اعتقد ان اسم المرأة مش حرام و اسال يا محمود في الموضوع ده ورد عليا اقتباس:
وهو بردو ان ده اختلاط بص يا حودا الاختلاط هو تعامل بين البنت والولد وطالما هندعي لعدم الاختلاط يبقي نقفل المنتدي نقفل المدارس نقفل المستشفيات والمصانع والشركات و نقعد في بيتنا انما بقا ولد يرد علي بنت في موضعها وهي ترد عليه باستفسار و تتقلب بمناقشة لا يبقي هنا اختلاط بقا اقتباس:
ايه يا محمود فين المنتديات الكتيرة اللي شغالة بالنظام ده دخلت موقع الداعية عمرو خالد لقيته عادي فيه اختلاط بردو كون الولد بيناقش البنت ده اختلاط |
بجد فكره جميله جدا بس الي ينفذ بقى
ياريت لو حصل واتنفزت وده من رابع المستحيلات يعني يشيلوا الاول العضو المجهول وكرسي الاعتراف اعتقد كده الاختلاط هيقل جامد بس ده طبعا مستحيل |
شريف :d
مش عارف بجد ايه الحكم اقتباس:
سهلة انك تطبقيها على نفسك لو عايزة قللى من الاختلاط او الغيه خالص والتزمى بكل كلمة فى الموضوع دا :d دمتم فى رعاية الله |
اقتباس:
احـــــــــــــــــــــــــــــبــــــــــــــــــ ــــــــــــاط مش قصدي على حضرتك حاجة :) اقتباس:
نقفل المدارس !! نقفل المستشفيات !! نقفل الجامعات !! دي مش غلطتنا من الأول لو كانت الدولة هي اللي بتعمل كده من الأول شفت حضرتك دول الخليج ؟ مانعة الاختلاط في المدارس و في أغلب الجامعات فيه أضرار من كده ؟ بالعكس لأ و ألف لأ حضرتك أمريكا بتحاول تطبق نظام الفصل بين الجنسين في المدارس في المستشفيات المستشفيات غالباً مش بيقدرو يمنعو الاختلاط بس مافيش أضرار من ده ما هي مش زي المدرسة خلينا في المنتدى ليه بقى مش نبدأ بأنفسنا في منتديات كتير و الله كده مش واحد و لا اتنين و لا تلاتة فيه منتديات كتير هتلاقي فوق بانر ممنوع تسجيل النساء ممنوع تسجيل الرجال و لو تم اكتشاف حاجة زي دي بيتم وقف صاحب العضوية نهائياً و حظر الأي بي بس عشان احنا مش شايفين المنتديات اللي زيها يلا خير يارب تحاولوا تفكروا فيها و خلينا في حالنا بدل ما يجرالنا حاجة جزاك الله خيراً في رعاية الله و أمنه :) |
اقتباس:
مش فاهم قصدك يا محمود بس عموما المناقشة شغالة |
اقتباس:
في امان الله |
ممممممم
انا عن نفسى بأسم الادارة لا موافق ولا رافض لسة محتاجة تفكير كبير اوى الفكرة دى عموما هتابع المناقشة ونشوف فى الاخر بأذن الله فى رعاية الله |
اقتباس:
أولا الأستاذ عمرو خالد مش شايف إن الإختلاط حاجة غلط و هتعرف أنا قصدي إيه من البرامج بتاعته اللي بيبقي فيها بنات و صبيان ثانيا حتة إن مافيش منتديات عندك موقع الطريق إلي الله أنا قابلت الأدمن و انا في المعتكف و قالي إن هما معندهومش إختلاط و ده أكيد عشان أزواجهم أساسا بيشاركوا الولد مش هيناقش البنت الولد هيرد عن موضوع و ده مش معناه إن إحنا هنلغي الإختلاط لأ هنقلل منه يعني أحسن من ما تبقي هيصة مش مسألة المنع البات و كل حاجة بتبدأ صغيرة ولا إيه ;)؟ |
اقتباس:
و كمان ممنوع الرسائل الخاصة بين الأعضاء و العضوات :) |
الجزء الاول من الرد ماشي متفق معاك فيه
اقتباس:
ازاي يعني مش منع بات يعني النهارده مفيش اختلاط بكرة فيه يعني انت قصدك امشي شوية شوية في الاختلاط لغاية ما انهيه خالص طيب يبقي لغاية متنهيه خالص متدخلش غير ترد علي مواضيع الشباب بس غير كده متردش علي اي بنت او تعلق علي اي رد علي بنت او تدخل حتي موضوعها |
اقتباس:
الشيخ أحمد جلال مباشر الأن علي الرحمة ممكن تتصل و تعرف علته و صدقني ربنا هييسرلنا و يهدينا إلي الحق |
اقتباس:
يا شريف هو الإسلام اول ما بدأ كان تلات أربع الكورة الأرضية مسلمة الرسول لما كان بيدعو الصحابة في بداية العهد ماذا كان يفعل كان يجتمع بهم في دار الأرقم مما يدل علي قلتهم و ضعفهم أنظر بعد 23 سنة ماذا حدث كان الطواغيت والجبابرة ينكسرون أما أسماء الصحابة لما نكون عايزين نطلع دكاترة و مهنجسين بنعمل إيه بندخلهم قدام الموارد و نقولوا إبنيلي كذا و إعملي كذا لأ إنت بتعلمه 16 سنة و بعدين لسه هيبتدي ياخد خبرة و في الأخر بيبقي من أفضل العلماء فكر فيها يا شريف "من يتق الله يجعل له مخرجا" |
اقتباس:
ربنا يطمن حضرتك وييسر اقتباس:
اللي فيه الخير يعملوا ربنا |
اقتباس:
محمود الله يرضي عنك افهم كلامي بس انا مش هقتبس كل ردك لانك بتدور في نفس الدايرة يعني انت دلوقت دخلت رديت في صلب موضوع بنت هي علقت عليك هتضطر ترد عليها يبقي خلاص دخلنا اختلاط مش تقعد تقولي بقا نحافظ علي اخواتنا البنات كده كده فيه اختلاط بالطريقة دي اقتباس:
فتنة ايه ؟ انا لما ادخل وارد علي واحدة في موضوعها واقولها شكرا يا فلانة ايه الغلط في ده ؟؟؟ هو انا بعد كده هصاحبها و نقعد نهزر و اميلات و كده اقتباس:
افهم يا محمود كون ان راجل يرد علي واحدة يبقي كده اختلاط عندك الدوك مع الممرضة عندك المدير مع سكرتيرته كتير اوي بالنظام ده يبقي ايه الحل ؟ اقتباس:
احنا بنتكلم هنا ع المنتدي ومتقولش احنا بنعمم الموضوع حتة اني اقول لواحدة شكرا يا فلانة فيها ايه ؟ طيب مهو فيه بنات داخلة باسمها دي فتنة في ايه ؟ فيه داعيات كتيرة و الناس بتقولها باسمها ؟ و لما تيجي تتكلم معاها تناديها باسمها و تقولها شكرا يا كذا اقتباس:
انا ببص للي هيحصل لان ده شئ اكيد متجيش تطبق نظام ما و ترجع تقول اه معلش معرفش ان ده هيحصل ؟ ازاي يعني كل نظام تحاول تطبيقه في اي مكان لازم يكون له ابعاد و جوانب سلبيه وايجابيه انت بتنظر في كلا الجانبين اه الاختلاط شئ مش لطيف وحرام و مش حلو وانا بتمني ان ميبقاش فيه بينا اختلاط بس ليه متنظرش علي اللي هيحصل يمكن توصل لحل احسن ليه حاسس انك مفكر اني عاوز اسدها بالعكس موضوع زي ده مهم وخطير وياريت نوصل لحل ليه بس الكلام اللي انت بتقوله ده مش مظبوط اقتباس:
تمام يا محمود والله انا فاهمك ان انت عاوز تبني حاجة صح بس كلامك مش تمام عاوز تتكلم عن موضوع الاختلاط تمام يبقي خلاص مفيش كلام بين الولد والبنت مفيش مدرس يقف يكلم بنت مفيش شركة تشغل اي بنت او اي بنت تروح تتكلم مع اي راجل هناك |
يا جماعة مصعبينها ليه سهلة
ابعت رسالة للادمن قوللو اعمل لينكين لينك حريمى ولينك رجالى انما متقوليش ندخل نرد على المواضيع الا بالكلمة محدش هيقدر صدقنى :::::::::: اقتباس:
والله العظيم ما اقصد حاجة :d |
اقتباس:
يعني لو واحدة جابت مثلا يعني حديث انا شايف انه ضعيف وواحد تاني شايف انه مش ضعيف هو هيدخل يرد يقول شكرا انا هعترض ع الحديث صاحبة الموضوع هترد هتقلب مناقشة هو ده اللي بتكلم عليه |
تمام يا شريف بس عايز حاجة أخيرة "إستفت قلبك" و أسأل أهل الصلاح أما بالنسبة لي ربنا يثبتني و ألجأ إلي الحل التاني لعل ربنا يهديني و أعرف أترك البيئة دي و أنا أسف لأني ضيعت وقتكم لأني مش بعرف أجادل بس أنا بحمد ربنا إني قولت اللي في نفسي واللي شايفه صح و الأعف و دمتم في رعاية الله :):):) |
يا سبحان الله
الراجل بيتناقش معاك اهو انت كدا معترض على كلامه وهو معترض على كلامك وحنا ولا عارفين حاجة اقتباس:
:d |
كنت اتمني يا محمود اننا نوصل لحل
بس كنت عارف ان الموضوع مش هيكمل علي العموم ربنا يثبتنا جميعا وجزاكم الله خيرا |
اقتباس:
آمين بس ده مش حل نهائي يعني ربنا ييسر هسأل إن شاء الله و لو وصلت لحل هبلغكم إن شاء الله بس خلي بالك ياض يا شريف إن الكلام ده هيبقي في ميزانا إحنا الإتنين و هنشوف في الأخر مين اللي كان علي حق بس بعد ما يفوت الوقت ;);) يبقي نخلي بالنا إن الموافقة أو الرفض في ميزاننا ياريت تفهم قصدي مش عارف أوصله أكتر من كده بس كنت حابب إن ربنا يباركلنا في اللي بنعمله و مايكونش فيه شبه من الأصل و حزاكم الله خيرا |
اقتباس:
أنا مش بعترض أنا بقترح فكرة من أجل الأفضل و أي فطرة تقر بها (ده اللي انا شايفه) و حصل خير انا مش عارف أكمل عشان أنا جاهل و مافيش حد أجهل مني فمش عايز أقول كلمه لا ألقي لها بالا في سخط الله أكيد عارف عقابها إيه دمتم في أمان الله :):) |
ربنا ييسر يا محمود اسال وانا هسال و نتكلم تاني مفيش مشاكل
بس والله انا كنت متاكد من كلامي بس مفيش مانع ان احنا نتأكد تاني يلا هقوم افطر بقا في امان الله |
اقتباس:
وكل واحد أدرى بنفسه ومش هارد علشان ماخرجش بره الموضوع او علشان اقلل الاختلاط برده |
طيب بعد اذن اي اداري
يقفل الموضوع و ياريت ميتحذفش عشان ان شاء الله هنتكلم فيه تاني منعا بس للردود الخارجة و ان شاء الله هيتفتح و نوصل لحل في امان الله |
اقتباس:
ومفيهوش اى حاجة مخالفة لو هايغلق هايتنقل للارشيف لكن اللى نفسه فى حالجة يقولها وجزاكم الله خيرا |
ربنا يجازيك كل خير يا
operati0n |
وصلتو للصفحة التانية بسرعة ده
دنا مش قلت لو لقينا 3 ردود يبقى كويس انا مقتنع مع شريف بفكرة إنه مجرد بداية النقاش ده كده اختلاط وبعدين عايز اقولك على حاجة حييجي اليوم اللى حتشتغل فيه وحتكلم زميلتك وجهاً لوجه وتناقشو بعض في شغلكو بس ساعتها مش حيبقى بالكتابة حيبقى بالكلام والتعبيرات والنظرات مضطر تكلمها ياما مش حتمشي شغلك يبقى جات عالمنتدى عايز تمنع فيه "الكتابة" بحجة إنه فيها فتنة ؟ الفتنة في ايه ؟ في المناقشة ؟ اكيد محدش حيقول لأختك يامورة ولا ياعسولة وحنقول ده داخل النقاش الردود ده بيتم تحريرها او انذار صاحبها غير كده المناقشة مش بتفرق بين ولد وبنت كلهم اسمهم ناس عندهم افكار وبيعرضوها على بعض سيبك من الحتة ده لو مش مقتنع بيها المنتديات اللى بتقول عليها او اللى بتقولو عليها رجالي بس او حريمي بس لو عايزين احلف دلوقتي إنها من نقية مستعد احلف ده بالعكس ده كده خطرها اكبر انا واحد سجلت في منتدى نسائي باسم بنت قبل كده :d بس محدش يفهمني صح :d كنت عايز منه موضوع وخدته ومدخلتش المنتدى تاني عايز اقول الاسم مش حيمنعني إني ادخل مدعياً الجنس الآخر ولو مش عايز حد يكشفني محدش حيكشفني لإني عايز ادخل وانت اجبرتني مدخلش فدخلت غصب عنك وحعمل اللى في مزاجي وده المصيبة إني كده حكلم البنت بحرية وهي حتكلمني بحرية لإنها متعرفنيش لكن لو منتدى - على حد قولكم - مختلط حيبقى حخش كولد وحكلم البنت كولد وحيكون في ساعتها حدود في الالفاظ حتى مش حاخد حريتي لو كنت بكلمها بعضوية بنت وفي نفس الوقت مش ححس إني مجبر على حاجة وبعاند فيها ده من ناحية المنتديات اللى حضراتكو بتقتدو بيها ومحدش شايف البلاوي اللى جواها كنت عايز اناقشكو في حتة تالتة بس مردتش عشان الناس حتفهمها غلط فمش مشكلة بقى بس المهم إنه طريقة الفصل ده حتكون شكلية فقط اللى عايز يتكلم حيتكلم واللى عايز يدخل بعضوية من الجنس التاني حيدخل واللى عايز يشيت عالرسايل بيشيت أما بقى لو اتكلمنا عن كيان المنتدى نفسه فده مش في مصلحة المنتدى ابداً بس انا حطيت من ناحيتنا الاول وبعدين المنتدى عشان محدش يقولي ميهمناش المنتدى المهم الناحية الدينية واديني قلت وجهة نزري والسلام عليكم ورحمة الله وبركاته :) |
هو الصراحة الفكرة حلوة وكل حاجة بس استحالة انها تتطبق خصوصا في بوابة الثانوية العامة لأنها أصلا بوابة تعليمية مفيهاش ولد أو بنت |
انا كنت مشايه بالنظام لحد السنه اللى فاتت
مكنتش برد ف اى منتدى خالص كنت بترفج بس بقرأ الموايع كلها والردود بس مبردتش بس يلا بقى ربنا يسامح اللى كان السبب ربنا يهدى الجميع |
اقتباس:
جزاكم الله خيرا يا بشمهندس و فعلا أفدتنا بمعلوماتك و تجاربك و أي واحد يقرء كلامك هيتيقن إن فعلا الأختلاط هو الواجب تيجي تقولي هتكلم زميلتك هقولك حضرتك متعرفش حاجة عن الطريقة اللي بعامل بيها زمايلي يعني لو كلمتها و أنا مش ببصلها مش هتسمعني؟ مش هسمعها؟ و سبحان الله مرة واحده خليت الكلام بالتعبيرات و النظرات فعلا لقد صدق من قال لقد أتي علينا زمانا يقال لأهل الحق ماذا أنتم فاعلون ولا أدعي أني من أهل الحق ولكنني أختلف معاك في نقاط كثيرة و لكنني لا أستطيع أنا أتكلم معك في نقطة أنت ترفضها من الأصل في حياتك العملية و ليس في منتدي حواري حضرتك مسألتش نفسك الناس اللي ربنا هداهم دول إزاي مابيتعاملوش مع ستات هقولك بيتعاملوا بس بحدود بيحكمها الشرع و سبحان الله أصبح من يطالب بالعفة هو الذي يفكر بالطريقة الخطأ و ذلك لسبب واضح و بسيط اقتباس:
و هذا ما أردته لكم وليس أكثر و اللهم أسترنا و للأسف في ناس اللي كنت إعتقدت و لو لحظة إن هما اللي هيوقفوا حانبي هما اللي بيعارضوني لاحول ولا قوة إلا بالله ................... |
اقتباس:
اذا كان قصدك عليا يا محمود فجزاك الله خيرا و اكيد قصدك لان محدش عارضك غيري انا والله موافقك في بعض كلامك وتقدر ترجع لردودي تاني متقولش بقا في حدود التعامل الاختلاط مش كده و تقدر ترجع للشيخ اللي سالته التعامل ميبقاش غير في حالة واحدة اختلاط انك تهدي واحدة خلاص مفيش اختلاط يبقي مفيش اي كلام او تعاملات بلاش اقولك امثلة اكيد انت عارفها ولو مش عارفها ان الله ستار حليم انا قولتلك وجهة نظري والله اعلم ده يعتبر اخر رد ليا في الموضوع ده و ياريت تقرأ يا محمود في الموضوع ده وانا هقرا تاني في الموضوع ده و جزاكم الله خيرا في امان الله |
اقتباس:
في حدود فما بالك بالمنتدى اللى هو لوحده في حدود حيث التعامل بالقراءة والكتابة فقط واحنا كمان حاطين حدود للكلام ده في ايه اكتر من كده تاني :) ومتقلش اللى بيطلب العفة دلوقتي بقى هو اللى فاهم غلط بس ده واقعنا دلوقتي انا بالنسبالي لو برد على موضوع حتفرق معايا ايه اللى بيقوله واد او بنت يمكن في الواقع حتفرق كتير لإنه تصرافاتي حتتغير طبعاً لكن في المنتدى انا برد عالقضية النقاشية لا اكثر ولا اقل ولو علقت على واحد مش عشان انا بفضله ولا بحبه ولا عشان هو بنت وانا ولد كله هنا على حد سواء كل اللى بيفرق اسم العضو مش اكتر |
انا مش شايف اى اختلاط فى مشاركة البنات الاولاد فى كتابة الردود و المشاركات. اذا تحول الموضوع الى شات على الفتاة ان تنسحب .بس لو واحد عنده سؤال او طالب مساعده ايه المانع فى مشاركة البنات اذا كان عندهم معلومه. ديننا وسط و التزمت الزيادة بيكره الناس فى الدين و المتدينين فى اطباء نساء بيكشفوا على مرضى و بيحصل اختلاط و كذلك الممرضات و كذلك اى مهنه فى المدرسه و البنك و المصالح الحكو ميه و بيكون اختلاط حسى و مادى مش معنوى و كلام فى الهوا
محسسنى انى الاولاد فى المنتدى ذئاب بشريه و البنات فى المنتدى على حل شعرهم. الناس و الحمد لله محترمين و معظمهم على خلق و دين و التخويف اللى بيحصل مش ليه لزمه .لا حول ولا قوة الا بالله شوية ايمان بالله الدنيا لسه بخير |
اقتباس:
و حكاية الدنيا لسه بخير ألي س من صحابة الرسول صلي الله عليه و سلم من زنا ثم تاب و أستغفر و غفر الله له أليس من صحابة الرسول من عصي أمره في غزوة أحد و أدي إلي إنكسار شوكة المسلمين حينئذ أليس هؤلاء هم أطهر قلوب علي وجه الأرض حينئذ حتي لعصرنا هذا ألم يقل الله تعالي: ((وإذا سألتموهن متاعاً فاسئلوهن من وراء حجاب)) من الذي يسأل؟ الصحابة من المسئول؟ أزواج النبي ماذا يريدون معرفة سنة النبي صلي الله عليه و سلم و غير كل ذلك فهن محرمات علي الصحابة فلماذا كل هذا نحن بشر و ليس إلا و حكاية الذئاب هناك من القصص ما الله بها عليم |
اقتباس:
يا أخي إحنا شباب و ممكن نغير اقتباس:
و إنت في إيدك إنك تكلمه هتقول إيه؟ هتعد مكانك و تقول ده واقعنا ده العرف بتاعنا ده بقي العادي!!! لأ طبعا دي تبقي سلبية و مش معني كلامي إني أنا اللي بطلب العفة مش معني كلامي إن حضرتك الغلط مش معني كلامي إني أنا الصح كل ما في الأمر إني لقيت منتديات مفيهاش إختلاط قولت الناس اللطيبة اللي في المنتدي مش أقل من الناس دي في حاجة و مسألة إن حضرتك سجلت بعضوية فتاة هذا شيء وارد و معرض له أي منتدي من وجود الخبث و لاننجم و نقول سوف و سوف نتركها لله و أعتقد تلك المنتديات لا يوجد بها ذلك و إلا لكان أزواهم أرغمنهن لطرقه ولكنني كنت مخطئا هؤلاء فعلوا ذلك لله ليس من أجل أحد أخر هؤلاء بنوا صرحا علي طاعة الله بجد و إجتهاد و هاهم اليوم بارك الله فيهم لايتركون درسا في أي منطقة و إلا و يذهبون ورائه همامهم عالية والحمد لله عندما تذهب إليهم و تقول لهم لأ للإختلاط هم يستغربون أنك فكرت في وجود إختلاط هذا الفرق بين الثانوية و المنتديات الأخري هم طلبوا الأخرة..و من المفروض أن نكون علي أثارهم ولكننا رضينا بوضعنا هذا |
اقتباس:
ياشريف إستني و متفهمنيش غلط كل ما في الأمر إنت متعرفش معزتك عندي قد إيه أنا عمري ما احترمت حد في المنتدي زيك و مازلت و أنا مقلتش كده إلا لأني كنت بلومك في حاجة أنا كنت متوقع منها عكساها و قلت كده قدام الكل عشان إنت عزيز عليا كان ممكن أكلمك كان ممكن أقلك بأي وسيلة أخري بس الله يعلم بما في قلبي لك و يعلم أنه لم يقل و لو للحظة و نرجع و نقول إختلاف الرأي لايفسد للود قضية و كنت عارف إنك قاري :):) و مشكلتي إني جاهل ربنا يسترنا:blush::blush: |
أنظر لهذا المنتدي ولقوانينه: اقتباس:
هل إستسلموا لأن ذلك هو الواقع أترك لكم الإجابة :) |
بسجل متابعة
كان ليا سوال هو المنتدى والكومبيوتر مش يعتبر حجاب |
اقتباس:
هسألك إنهاردة إن شاء الله يا إسلام وهرد عليك ربنا يثبتنا |
احم معلش لو فيها تطفل
ياريت تقراء الخبر ده اقتباس:
شكرا !!!!!!! |
انا مقرتش كل الردود بس دى فكرة شبه مستحيلة شوية :redface: بس اللى عاوز ينفذ هينفذ .. واللى مش عاوز هيفضل زى ماهو دى حرية شخصية انت هنا معمم مفهوم الاختلاط بس اصلا انى انزل ردى دا ماهو ضمن الاختلاط ما ممكن اكون عاوزة اعرف حاجة ومحدش هيعرف يساعدنى او يفهم فيها الا انت مثلا او بوجه عام ولد يكون عارف حاجة هل ساعتها مش هساله او هو يرد عليا علشان الاختلاط ! :huh: اقتباس:
هى اللى باديها تخلى الشخصيات دى تحترم نفسها او تتمادى فيها ومفيش حد بيعمل حاجة او بتتفرض عليه غصب عنه :) لاحظت برضو انك رافض حد يقول اسم بنت او اسم عضوة اومال احنا مسجلين باسامى عضويات ليه لو فكرنا بكدا هيتقال ع البنات مجاهيل _ منعا لذكر اسم اى بنت _ وبالتالى هتبقى البنات كلها متشابه وتسجيل اى عضوية لبنت هتكون باسم (مجهول) افضلها :redface: رغم ان الدين محرموش دا غير اننا بنادى المدرسات باساميهم يعنى اعتقد لما حد بيغيب كلوا بيقول (مجهولة) بقالها فترة مش موجودة او حصل موقف مع (مجهولة) او شفت موضوع (مجهولة) مش هتقدر متقولش اسم او متوضحش -_- اقتباس:
|
جزاك الله خيرا اخى الحبيب
اما بالنسبة للشبهات الوارده بالموضوع اسأل عنها شيخى اليوم باذنه تعالى واجيب عنها بعد عودتى |
اقتباس:
يا نهار يا عم إسلام إحنا في إيه ولا في إيه :d:d ربنا يهدلهم نفسهم لما السعودية تعمل كده يبقي فعلا الغرب وصلوا للي هما عايزينه حسبي الله و نعم الوكيل و مش معني إن هي عملت كده يبقي صح ولا إنت شايف إيه.... |
اقتباس:
يبقي فعلا جزاك الله عنا خير الجزاء |
اقتباس:
أحم اصل شايف ان معظم الفتوى اللى الاعضاء بتحطها هنا بتكون من مشايخ السعودية وفى ساعات من مشايخ بير السلم ومن رابع المستحيلات انك تطبق ده هنا لان انت اصلا عايش فى دولة علمانية هى اسلامية صحيح وماشية بالدين الاسلامى لكنها فى نفس الوقت اتعلمنت والافكار اتغيرت انا كنت شوفت الاقتراح ده من اكتر من سنة وبرضه تم المناقشة فيه وفى الاخر موصلنش لنتيجة وعلى فكرة استحالة الادارة تنفذ الاقتراح لان مع احترامى لجميع الشباب معظم الاعضاء اللى شغلين فى المنتدى اصلا من البنات :d |
اقتباس:
يا إسلام إحنا مش هنمشي أخوتنا شوف الموضوع اللي أنا جايبه من منتدي تاني يدل إن فيه في المنتدي أخوات و للعلم أخت هي اللي عاملة الإعلان أنظر للشروط و سبحان الله ردا علي الأخ بانزر لما قال ممكن أدخل بعضوية فتاه هناك حدود في التعامل بين الفتيات لمثل هذه المواقف أما بالنسبة لأن البلد علمانية هذا ليس معناه أن نكون منتدي يدعم العلمانية أيضا أو حتي نفكر بهذا الفكر و لازم نقف مع نفسنا وقفة عشان ده من أجل أخرتنا مش عايزين نقع في شبهات ما أنا كنت برد و بتكلم و كنت بتمادي في الرد بس والله ندمان بعد لما عرفت و أرجو من الجميع أن يسامحني "و كل بن آدم خطاء و خير الخطائون التوابون" |
اقتباس:
مش فاهم النقطة دى انا هقول اللى فهمته ولو صح قولى صح ولو غلط ياريت تقولى ايه الصح يعنى انا لو فى عضوة كتبت موضوع حلو المفروض انى هدخل ارد على الموضوع عادى جدااا ومقولش اسمها ولا ابعت لحد من الادارة الرد بتاعى وهو ينزله ولا ايه مش فاهم الجملة كويس ولا يمكن الكلام وصلى غلط ثم لو عايز المنتدى ياخد طابع دينى تعليمى فهقولك ان ده مش هينفع لان بلا فخر ودى حقيقة الغالبية هنا لا تفقه شىء فى الدين اكتر من الاساسيات البسيطة وبيكون اعتمادها الكلى على الفتوى والمنتديات التانية وحاجة كمان انت لو عايز تطبق صح وتبدأ بداية صح يبقى بدل ما تعمل موضوع عن الاختلاط طالب الاول باغلاق قسم المسابقات والجيمز اللى هو كله هزار وضحك بين البنات والشبان :) يعنى المفروض علشان موضوع زى ده ينزل لزم يدرس من جميع جوانبه وعلشان تقول فكرة لزم تذكر معاها مميزاتها وعيوابها بجانب الحلول المناسبة للعيوب والبدائل اللى ممكن تتلاشى بيها السلبيات فائق احترامى شكرا :) |
| جميع الأوقات بتوقيت GMT +2. الساعة الآن 12:43 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.