خبر الغاء محضرات الانتساب هل هو حقيقة ؟
 

يا جماعة انا لسه سنة اولى هدخل قسم فلسفة ان شاء الله بس سمعت كدا كلام ان محضرات الانتساب هتتلغى !! وهنتفرج على التلفزيون فى البيت http://100fm6.com/vb/images/smilies/confused.gif ؟؟؟؟؟؟؟؟؟؟؟؟؟؟؟؟؟ بليز لو حد يعرف مش يبخل عليا http://100fm6.com/vb/images/smilies/frown.gif

بس يا عاشق الصمت انا زيك سنة اولى انتساب بس دخلت لغة عربية انا سمعت انهم هيلغو الانتساب و هيغلوها على التلفزيون بس احنا ممكن نحضر مع الانتظام مافيش مشاكل وكمان سمعت انهم هيلغو الانتساب لكليتى الحقوق و التجارة لان اعدادهم كبيرة جدا اما احنا فكل قسم فى الاداب لايزيد عن 300 طالب

على التلفيزيون ليها ممزيات وعيوب

ممزيتها انك ممكن فى حاجات تمنعك تروح الكليه
ممكن تتفرج عليها
او ممكن نسجل المحاضرات واللى فايته حاجه يشوفها

بس هتبقى ممله وممكن النور يقطع مثلا
تفوتك المحاضره

ياريت يخلونا نحضر فى الكلية وتكون على التلفيزيون كمان يبقى تمام كده

يا جماعه صعب اوي نقعد في البيت

لاننا اولي لسه ومش عارفين نظامها ازاي ولا شكل الدراسه ايه

هيبقى صعب جدا نشوفها في التليفزيون او النت لاننا مش هنكون فاهمين شئ

لانها نظام دراسي جديد

ياريت تتاكدوا تاني وتقولو الاخبار ايه بليييز

طيب يا جماعه اللي يعرف اي حاجه جديده ياريت يقولنا انا سنه اولى انتساب موجه قسم فلسفه جامعة القاهره

الرد الموثوق منه بإذن الله
 

احلى حاجه ان محدش فاهم حاجه خالص


وان شاء الله الخبر اليقينى هيعلن يوم الخميس 1 / 10

يا جماعه يعني اللي في اداب انتساب موجه هيحضر يوم الجمعه بس

اللي متاكد من الخبر ده ياريت يقولنا الحضور هيبقى يوم الجمعه بس ولا ده للي في الجامعه المفتوحه بس

اداب انتساب هيحضروا يومى الجمعة و السبت

انا بشكرك جدااااااااااااااااااا على ردك يا الروك

لا شكر على واجب بس عايز اتاكد ان اداب ليها بومين فعلا

يعني انت مش متاكد اداب ليها يومين ولا لا

انا عايزه اعرف احنا لينا حضور ولا هنقعد نتفرج على التليفزيون في البيت

اللي يتاكد يقولنا انا بجد قربت اتجنن

انا قريت فى جريدة الشروق ان اداب و دار علوم انتساب هيحضرو يومى الجمعة و السبت وتم الغاء محاضرات الحقوق و التجارة جامعة القاهرة

بس للاسف انا شوفت دلوقتي على قناه الحياه في برنامج الحياه اليوم ان الانتساب الموجه اتلغت محاضراته من الجامعه وللاسف هنتفرج على التليفزيون في البيت يعني ملحقناش نفرح بالجامعه خالص شكرااااااااااااا

ايوا الانتساب اتلغى لكليتى الحقوق و التجارة القاهرة بس اداب ليها بومين لان اعداد كل قسم لا تزيد عن 300 طالب اما المدرج فى حقوق و تجارة فحدث و لاحرج ان شاء الله هانحضر و على مسئوليتى لان انا متاكد

يعنى اتلغت محاضرات انتساب فى جميع الجامعات ولا فى جامعات معينة يعنى جميع جامعات المجمهورية حيلغوا محاضرات انتساب

الخبر الاكيد والنهائى لالغاء محاضؤات الانتساب ان هتكون على التليفزيون وعلى اسطوانات وعلى االنت والتاكد من الخبر
ادخل على موقع جامعة القاهرة وتاكد من الاخبر فى اخر اجتماع للجامعة يوم 30-9-2009
http://www.cu.edu.eg/

وتحضر الخبر من قائمة اخر اخبار الجامعة

انا سالت النهارده شؤن الطلبة قلولى لينا يومين فى الاداب و القرارات اللى خدوها فى الجامعة هاتمشى على تجارة و حقوق و هاتشوفو

الحمد لله كويس اوي كده ويارب يحمينا من شر المرض ده يارب

بس يجدعان اى حد عنده خبر جديد يقوله انتو عرفين الجامعة دى كل يوم بقرار

انا عايزه اعرف ايه المواد اللي احنا هندرسها في اداب قسم فلسفه من فضلكم اللي يعرف اي حاجه ممكن يقولي علشان انا لغاية دلوقتي معرفش ايه هيه المواد

انا روحت سألت فى الكليه (اداب اسكندريه )
وقالو لى كل هيحضر عادى
وده خبر متأكد منه

طب و القاهرة

انا طمان سالت فى اداب اسكندرية قالو بيحضروا عادى وجبت الجدول

السلام عليكم ورحمة الله وبركاته
أولا موضوع مشاهدة المحاضرات على التلفزيون دا مش هينفع إلا في جامعة القاهرة بس لإنها عندها قناتين على النيل سات تقدر تذيع عليهم . ولو هيطبقوها على كل الجامعات يبقى عايزين لكل جامعة ثلاث أو أربع قنوات على الاقل علشان يذيعوا محاضرات كلية الحقوق والتجارة وخدمة اجتماعية واداب بكل اقسامها ودار علوم .
ثانياً بالنسبة للدكاترة مش هينفع معهم النظام دا إطلاقاً لإن بكدا إما إنهم يسجلوا المحاضرات في المدرجات ودا طبعاً مستحيل يعنى فيه دكاترة مثلا ممكن توجه كلام لطالب معين أثناء المحاضرة ودا مش هينفع لو المحاضرة هتذاع على التليفزيون أو حتى على سي دي . ولو إفترضنا مثلا إنهم هيخلوا المحاضرات على سي دي دا بردوا مش هينفع مع الدكاترة امال الكتب اللي بيطبعوها مين هيشتريها لإن بكدا مفيش حد هيشتري كتب ولا انتظام ولا انتساب ولا حد هيحضر أصلا .
والقرارات دي كلها علشان يبقى عدد الطلبة في المدرج حوالي 300 طالب في كليتنا مثلا مشي بيزيد عدد القسم كله في المدرج اكثر من 300 طالب.
وبالنسبة للجامعة مفيش إمكانيات لتصوير محاضرات وبثها .

اداب انتساب القاهرة ليها محاضرات و الله العظيم انا لسه مكلم شؤن الطلبة وقلولى كمان ان جدول الانتساب نزل خلالالالالالالالاص لينا محاضرات يوم الجمعة قققققرار نهائى اما تجارة و حقوق بالفعل تم الغاء المحاضرات لانى كلمت شؤن الطلبة بتاعت التجارة قالولى مافيش محاضرات

هاي انا ساندي سنه اولى ادآب قسم علم اجتماع جامعه القاهره انتساب انا عايزه اعرف احنا هنتفرج على التليفزيون مع حضور المحاضرات ولا هنكتفي بحضور المحاضرات في الجامعه بس

انا روحت الكليه النهارده
ولقيتهم كاتبين على باب الكليه
ممنوع حضور طلاب الانتساب

بس ماكنش فى محاضرات لسه هتبدأ من يوم السبت الجاى
وعادى انا انتساب ودخلت الكليه ودخلت المدرج بس ماكنش فى محاضرات

hi ya gama3a ana adab entesab mowageh 2ola kesm faslfa ...we 2aret f el gornal enahrda mawdo3 bath el barameg el ta3lemya 3al TV le adab we 7e2o2 we tegara we f nafs el wa2t sa2alt f el gam3a la2et en adab entesab lihom yom wa7ed bs we hoa yom el gom3a f ana mesh 3arfa el 3ayez ye7dar ya3ny yero7 el gom3a we el mesh 3ayez yetfarag 3al Tv wala eh ...mesh fahma 7aga bgd el 3aref yerod 3alia

ياجماعة انا فى كلية التجارة انتساب بجامعة بنها واتمنى ان ادخل الجامعة واحضر المحاضرات لانى مش هستوعب من التليفزيون حاجة

يا جماعة الانتساب هايروح يوم الجمعة بس واكيد كله راح واتاكد

انا عبدالرحمن اداب فلسفة انتساب جامعة القاهرة سنة اولى فى حد معايا؟