|
موضوع خاص باستفسارات وطلبات بشمهندسين وبشمهندسات المستقبل
بسم الله الرحمن الرحيم طبعا الموضوع واضح من عنوانه أي حد عنده أي استفسار أو طلب يتفضل يحطه هنا واحنا ان شاء الله نحاول نفيده وأي حد يكون عنده اجابة يقولها ما يتكسفش يلا مستنينكم على فكرة الموضوع ده عشان نستفيد بيه كلنا ............................ |
انا احمد داخل اعدادى هندسة شبين الكوم
|
ايه مفيش اى حد هنا
|
اقتباس:
ماشى كلنا معاك هنا انا محمد هندسة اسيوط |
الو فى حد هنا الان يا باش مهندسين
|
اقتباس:
وعشان الموضوع ميخرجش عن هدفه ياريت تتكلم في صلب الموضوع بس وانا موجود حالياً اهه لو عندك سؤال اعرفه اجاوبك عليه |
طيب ممكن اسالك الان
|
يا عم اسأل أي سؤال في أي وقت وأي حد هيقدر يساعدك هيساعدك
|
ممكن اعرف اي هى المواد والادوات اللى هنشتريها بالتفصيل
|
ممكن اعرف اي هى المواد والادوات اللى هنشتريها بالتفصيل
بص يا سيدي أولا بالنسبة للمواد مواد اعدادي هندسة الرياضيات مادة ترمين امتحانها ترمين من 300 درجة 150 لكل ترم منهم 40 اعمال سنة و 10 شيت و100 امتحان التيرم الفيزياء مادة ترمين امتحانها ترمين الميكانيكا مادة ترمين امتحانها آخر العام فقط 30 درجة امتحان ميد تيرم لكل تيرم 10 شيت كده 40 لكل تيرم +امتحان الفاينل آخر العام كده 200 درجة اجمالي الحاسب والبرمجة مادة ترم اول فقط امتحان ترم اول فقط حتدرس فيها لغة البيزيك BASIC وطبعاً المادة بالانجليزي اللغة ترم اول فقط وامتحان ترم اول فقط حتدرس مبادئ بسيطة جداً وكلها من اللى فات عليك يعني من الآخر آخرك فيها الجيد جداً لو بتفهم انجليزي من 50 درجة منهم 15 الميد تيرم الرسم الهندسي مادة ترمين امتحان آخر العام فقط اتقل مادة على قلبك مش عشان صعوبتها لكن عشان الادوات اللى بتيجي بيها من 150 درجة 30 درجة ميد تيرم لكل تيرم 90 درجة امتحان الفاينل بيتوزعوا على رسمتين رسمة كبيرة 60-70 درجة رسمة صغيرة 20-30 درجة الاسقاط الوصفي مادة ترمين امتحان آخر العام 100 درجة 15 امتحان الميد تيرم كده 30 و10 هدية او شيت +60 درجة لامتحان الفاينل موزع 15 درجة لكل رسمة مادتي الاسقاط الوصفي والرسم الهندسي متلازمتين 100 وصفية + 150 رسم هندسي = 250 درجة وامتحانهم آخر السنة مع بعض تكنولوجيا الانتاج مادة ترمين وامتحانها آخر العام فقط السكشن بتاع المادة ده هو الورش حيث الورش هي التطبيق العملي للعمليات اللى بتدرسها من حدادة وسباكة ونجارة وسمكرة وتخطيط وشنكرة ودراسة بعض الماكينات مثل المخارط والمكاشط والفرايز الخ مش فاكر ترتيب درجات المادة ده دلوقتي المادة ده رخمة جداً للى مش بيبحها ولذيذة جداً للى بيعشق ميكانيكا الكيمياء مادة ترم ثان فقط وامتحانها اكيد برده ترم تاني فقط السكشن بتاع الكيميا هو العملي للتجارب بتروح السكشن في الجامعة القديمة في معمل الكيمياء الكبير سكشن ساعتين بتتمنى يكون تلات ساعات بتفضل واقف طول السكشن بتشوف اغلس معيدين ممكن تشوفهم هناك بس بتبقى عايز برده وقت اطول عشان تلحق تعمل حاجة في التجارب مش حتحس بيها في السكاشن الاولى لازم في السكشن يكون معاك (البالطو + النضارة الواقية) دول مش حتخش السكشن من غيرهم (انابيب الاختبار + الماسك) دول عشان تشتغل بيهم (حامل الانابيب + الفرشا ) دول موجود منهم في المعمل بس تقدر تجيب انت حاجة خاصة بيك حيتم الاعلان عن كل ده في اول سكشن ومش حتحتاج تشتريهم اول سكشن حيدوك هما اول مرة انابيب تشتغل بيها بس اللى حيتكسر على حسابك (كلها بـ 15 قرش الانبوبة ):d المواد الفرعية حقوق الانسان ترم اول امتحان ترم اول ولا يوجد امتحان ميد تيرم 50 درجة لا تضاف للمجموع تاريخ العلوم الهندسية مادة جديدة انا كنت تالت دفعة تاخدها يعني انتو الرابعة المادة ترم تاني لا يوجد امتحان ميد تيرم 50 درجة لا تضاف للمجموع ***** مدة المحاضرات والسكاشن الافتراضية هي ساعتين محاضرات الاسقاط الوصفي وتكنولوجيا الانتاج ساعة واحدة سكشن الرسم الهندسي ثلاث ساعات بقلم BaNZeR .................................................. ................................ والأدوات بعد قليل |
بجد معلوماتك دقيقة جدا جدا
وانا بشكرك فعلا لانك نورتنى بجد انت فعلا عضو مهم جدا للمنتدى ومنتر الادوات وتحياتى ليك... |
الأدوات الهندسية
_قلمين رصاص 0.5ملم و 0.7 (نقوا القلم نضيف مش اى كلام) روترنج ب 15 جنيه 2_كراسة سكتش للاسقاط 3_مثلث 45 وتلاتيني ستيني 4_لوحة خشب (60*80) بورده يعني 5_3انابيب اختبار وماسك وفوطة صفراء (شكلنا كدة حنمسح عربيات الدكاترة) لمعمل الكيمياء 6_مسطرة30سم 7_برجل واحد فقط 8_سيلوتب 9_بالطو معمل ابيض 13_اله حاسبة 14_ممحاة نوع جيد (مش ام ربع جنيه هاتوا واحدة نضيفة) 15_مسطرة حرف tبلاستيك او خشب 80سم والبلاستك أحسن الروترنج ب 75 بس نصيحة متشتريش حاجة غير لما هما يطلبوا منك وبس وشكرا على كلامك اللذيذ ده |
يا باش مهندس ال حاجات بتاعت المعمل (مسح عربية الدكاتلره) نجيبها من وين وحضرتك جامعة ايه لو تعرف اى معلومات عن قسم كهرباء ال فى شبي او تعرف حد يعرف عنه حاجه وشكرا
|
الحاجات دي ممكن تجيبها من مكتبة الجامعه أو من أي مكتبة كبيرة عندكم .................................................. ......... أنا في أكاديمية الشروق .................................................. .......... قسم الكهرباء في شبين زي أي قسم تاني بسهولته وبصعوبته ومع الأسف معرفش حد هناك .................................................. ........... لو عايز حاجة تانية أنا موجود :d:d |
بجد فعلا انت ثروه لينا الف شكر ليك يا باشـ_مهندس
|
والله انت راجل عسل بقول لحضرتك هى امتحانات الكليه بتبقى عامله زى امتحانات الثانوى ولا الورق بتختلف وبنستعد لل امتحانات زى الثانوى ولا فيه نظام تانى
|
اقتباس:
بعد اذن pharo ( مش عارف اكتب اسمك عربى ) :p الامتحانات عادى بتبقى زى الثانوى .. لجان امتحان .. و مشرفين .. و عاادى .. و الورق مش بيفرق ولا حاجة .. بيديلك ورقة امتحان .. و كراسة تحل فيها ... وفى امتحان الرسم بيديلك لوحة ده امتحان آخر الترم لكن طول الترم بيبقى فى امتحان ميدترم ( نص ترم يعنى ) و امتحانات فى السيكشن و امتحانات العملى |
اقتباس:
استفسار على الامتحانات : هو الواحد من الصعب اوى يعنى انه يجيب تقدير عالى يعنى 90 % مثلا أو اكتر زى الثانوية |
اقتباس:
تسلم ايدك يا باشا على الرد الجميل ده وعادي رد في أي وقت الموضوع موضوعك :):) |
يا باش مهندس قصدى ليه مش بيقبى فيه مجاميع عاليه زى الثانوى 90/
|
اقتباس:
اقتباس:
جل من لا يسهو ... تسلم يا أبو حميد [quote=Eng_lfc;1636374] استفسار على الامتحانات : هو الواحد من الصعب اوى يعنى انه يجيب تقدير عالى يعنى 90 % مثلا أو اكتر زى الثانوية] [/quote اقتباس:
هو مش مستحيل .. بس صعب الاول و التانى اسنة اللى فاتت عندى انا فى القسم كانو جايبين 93.2 و 93.7 بس الحاجات دى بتبقى فلته .. و مش فى اى قسم كمان .. بتبقى صعبة اوى فى ميكانيكا ( مع ا صحابى دول ميكايكا ) عن اقسام تانية يعنى اللى بيجيب 70% فى الكلية .. ده واحد شاطر .. اللى بيجيب 80% ده بيبقى شاطر شاطر .. فوق 85 % دول الممتازين التقديرات بتبقى فوق 85% ممتاز فوق75% جيد جدا فوق65% جيد و فوق 50% مقبول .... ( تقدير الشعب ) :d |
اقتباس:
يعنى انت تتعب وتنزل تدور تحت الطربيزة على اللى وقع منك :d ماعلينا :d بس انت لو ذاكرت مذاكرة الثانوية العامة وبالحضور تجيب الجيد جدا مرتاح ان شاء الله وتزود شوية وتبقى شطور يبقى انت كده ضمنت الامتياز ان شاء الله :d بس اهم حاجه الدماغ النضيفة عشان الامتحانات بتبقى افكار جديدة مش زى الثانوية العامة |
طب اي هي المادة اللي تنصحونا اننا نهتم بيها زياده
وايه هي الماده اللي بيكون فهمها في اعدادي يكون مفيد في باقي السنين |
اقتباس:
بتهيألى كل كلية و ليها نظامها و لكل مادة و ليها الدكتور بتعها و على حسب الدكتور ده |
اقتباس:
هو التكامل احنا اى مادة بناخد فيها تكامل بس مش بيقول كامل كذا .. او كدا لا انت بتحتاج التكامل فى الاثباتات .. معظم الاثباتات بتبقى بالتكامل و ممكن تبقى تراجع التكامل اللى اخدته فى الثانوى كمان .. لو حسيت انك ناسيه .... المادة بقى اللى تفهمها فى اعدادى .. هى هتبقى على حسب انت ناوى تدخل قسم ايه ولو انت مش محدد .. هتلاقى مادة التاريخ بتكلمك عن كل الاقسام .. ممكن تساعدك فى الاختيار |
ربنا يخليك لينا
يارب يا بشمهندس |
ربنا يخلينا لبعض كلنا يا أبو حميد
|
طب يا باش مهندس انا عندي سؤال محيرني .......
انا اتقبلت السنة دي في هندسة المطرية و في فلجامعة برنامج مميز اسمة برنامج الهندسة الانشائية بس اللي يدخلة لازم يقدم من اول سنة ( يعني مفيش اعدادي) و كنت عايز اعرف اي الهندسة الانشائية دي ؟ و اية الفرق بينها و بين مدني ؟ و تنصحوني باية ادخلها ولا لا و شكرا |
اقتباس:
مش عارف أول مرة أسمع عن برنامج الهندسة الانشائية ده فمش هقدر أفيدك في الموضوع ده بس الللي أعرفه أن الهندسة المدنية بيتفرع منها كذا قسم تاني زي انشائي تخطيط مساحة ري مهندس تخطيط وهو المسئول عن تنظيم وتنسيق نمو المناطق الحضرية وتتلخص واجباته فيما يلي: التنظيم والإشراف على جمع البيانات المتعلقة بالتخطيط العمراني للمنطقة. فحص وتحليل البيانات للتأكد من طبيعة وحجم درجة نمو المنطقة. الاستعانة بالمتخصصين المناسبين ووضع خطط ودراستها للنمو العمراني في المستقبل بما فيها تقسيم المناطق إلى مناطق صناعية وسكنية وحدائق عامة ومدارس وشوارع وغير ذلك.وحديثا أصبح هناك مهندس للتخطيط العمراني لمنطقة متكاملة(مدن ومراكز وقرى) ومهندس متخصص لتخطيط المدن فقط. 3ـ مهندس مدني عام وهو يخطط وينظم ويشرف على الأعمال الإنشائية وإنشاء الطرق والكباري والأنفاق وتسهيلات النقل الأخرى وإقامة المباني وتركيب وتشغيل أجهزة الصحة العامة وإقامة السدود وتتلخص واجباته فيما يلي: إعداد المشروع وعمل دراسات المساحة ليتأكد من مناسبة الموقع للإنشاء . فحص طبقات التربة العلوية والسفلية ليتأكد من تأثيرها المحتمل على العمل الإنشائي. مناقشة المشروع مع المتخصصين من مهندسي الميكانيكا والكهرباء. تخطيط موقع البناء وخطوط نقل التيار الكهربائي والمياه والأعمال الأرضية الأخرى. تقدير تأثير الضغط والرياح وتدفق المياه والانحدارات والعوامل الأخرى. إعداد الخطط والمواصفات وتقدير المواد اللازمة وتكاليف المشروع. تحديد أنواع الماكينات والمعدات اللازمة للبناء. إعداد جداول العمل والإشراف على مراحله. وتتفرع تخصصات الهندسة المدنية إلى تخصصات الإنشاء والطرق والمطارات والسكة الحديد والكباري والأنفاق الصحية والري وميكانيكا التربة وغيرها . 4ـ مهندس مدني إنشاءات وهو يخطط وينظم ويشرف على تصميم وإنشاء وصيانة المباني وواجباته هي أن يقوم بأعمال أساسية شبيهة بتلك التي يقوم بها المهندس المدني العام ولكنه يتخصص في إقامة وصيانة العقارات السكنية والمصانع والمباني التجارية أو العامة وخاصة تلك التي يستخدم في إقامتها الصلب والخرسانة وقد يتخصص في فرع معين من فروع تصميم وإنشاء المباني. 5ـ مهندس مدني طرق وهو يتخصص وينظم ويشرف على تصميم وإنشاء وصيانة الطرق والشوارع وتتلخص واجباته فيما يلي: يقوم بأعمال جوهرية شبيهة بتلك التي يقوم بها المهندس المدني العام ولكنه يتخصص في تصميم وإنشاء وصيانة طرق البلدية (داخل المدينة) والطرق الزراعية والطرق الصحراوية والجبلية. يتعاون مع الحكومة والمسئولين الآخرين في التوصل إلى أفضل وأسلم الأنظمة المتعلقة بالطرق. قد يتخصص في نوع معين من الطرق. 6ـ مهندس مدني طائرات وهو يخطط وينظم ويشرف على تصميم وإنشاء المطارات وأماكن هبوط الطائرات وهو يقوم بأعمال جوهرية شبيهة بتلك التي يقوم بها مهندس مدني عام غير أنه يتخصص في تصميم وإقامة ممرات وحظائر وأماكن هبوط الطائرات وأبراج المراقبة وغير ذلك من المباني. 7ـ مهندس مدني سكة حديد وهو يخطط وينظم ويشرف على تصميم وإنشاء وصيانة خطوط السكك الحديدية والإنشاءات الأخرى المتعلقة بها وواجباته الجوهرية شبيهة بتلك التي يقوم بها المهندس المدني العام إلا أنه يتخصص في مد السكك الحديدية وإقامة أماكن وقوف القطارات وبمباني السكة الحديد وقد يتخصص في إقامة الكباري والأنفاق لمد خطوط السكة الحديدية أو قد يعمل على دراسات مسحية لمشاكل حركة النقل للسكك الحديدية ويقدم توصياته لتحسين مستويات الأمن والكفاية. 8ـ مهندس مدني كباري وهو يخطط وينظم ويشرف على تصميم وإنشاء وصيانة الكباري وواجباته الجوهرية شبيهة بتلك التي يقوم بها المهندس المدني العام وقد يتخصص في إنشاء نوع أو آخر من الكباري الثابتة أو المتحركة. 9ـ مهندس مدني أنفاق وهو يخطط ويصمم ويشرف على إنشاء وصيانة الإنفاق والسراديب وواجباته الرئيسية شبيهة بتلك التي يقوم بها المهندس المدني العام إلا أنه يتخصص في إنشاء وصيانة الأنفاق والسراديب ويعطى تعليمات فيما يتعلق بمعدات التفجير والتثقيب. 10ـ مهندس مدني أعمال صحية وهو يخطط ويصمم ويشرف على إنشاء المباني وتركيب وتشغيل المعدات الهندسية الأخرى المتعلقة بتصريف الفضلات وإمداد الأبنية بالماء النقي وهو يقوم بأعمال جوهرية شبيهة بتلك التي يقوم بها المهندس المدني العام إلا أنه يتخصص في إقامة وتشغيل محطات الصرف الصحي والصناعي. 11ـ مهندس مدني ري وهو يخطط ويصمم ويشرف على إنشاء وصيانة مشروعات الري والملاحة وهو يقوم بأعمال جوهرية شبيهة بتلك التي يقوم بها المهندس المدني العام إلا أنه يتخصص في صرف وري الأراضي وينظم تدفق المياه والقنوات المائية كما يقوم بتصميم وبناء القنوات والمستودعات ومحطات الضخ وما شابه ذلك من الإنشاءات. 12ـ مهندس مدني ميكانيكا تربة وهو يفحص ويحلل الطبقات العلوية والسفلية للتربة ليتأكد من تأثيرها على العمل الإنشائي ومدى ملائمتها كعنصر من عناصر البناء وتتلخص واجباته فيما يلي: يعمل دراسات مساحية ويأخذ عينات من الطبقات السفلية والعلوية. يقوم بتنظيم العينات وفحصها وتحليلها. يعمل التقديرات ويقدم النصيحة في أمور مثل مدى ملائمة الأساسات المقترحة لإقامة الكباري أو المباني. يجهز مواصفات خليط التربة المستخدم في إقامة الطرق والجسور وما شابه ذلك وشكرا للعضو عبد الحمن |
ممكن اسألكم سؤال يا حلوين <<<<<<<<<<<اسألي خلصينا
انا اسمع ان مادة الفيزياء في اعدادي بتبقى غلسه قووووووووي هي والرسم الهندسي صحيح الكلام ده؟ وهو احنا لازم ناخد كورسات ف كل المواد؟؟ |
اقتباس:
انا نفسي اعرف البرنامج اللي الجامعة عامله دة كويس ولا لا يعني من الاخر ادخله ولا ولا ياريت لو حد يعرف حاجه عن الموضوع يفيدنا |
اقتباس:
و الله الفيزياء فى اعدادى متفرش كتير عن فيزياء الثانوى .. أقل منها كمان .. كلام سهل كله .. بس للى يزاكر و الرسم مش صعب .. بس هو قدرات .. يعنى مش بالمزاكرة .. حاجة من عند ربنا .. بس بيحتاج ممارسة كتير .. عشان ابدك تبقى متعودة على الرسم و الكورسات ملهاش لازمة ... ( من وجهة نظرى ) .... على الاقل ملهاش لازمة فى اعدادى الكلام ده بالنسبة للى بيحضر و بيزاكر .. و اعدادى مش محتاجة مزاكرة جامدة .. بس ميفعش فيها تريح اقتباس:
انا بصراحة معرفش حاجة عن انشاءات .. غير انه تبع مدنى و مسمعتش عن البرنامج ده كمان معلش و الله مش هعرف افيدك انا |
طيب معلش انا بقى عاوزة اعرف هوا الدراسة بتبتدي من اول يوم يعني محضرات وكدة ولا لو اتاخرت مش هيحصل حاجة ياريت حد يقول من اللي راحو النهاردة ومعلش يا eng7تقولي لانك في هندسة المنيا
|
اقتباس:
أولا البشمهندس حودش أفتكر أنه كان في طنطا ثانيا بالنسبة للدراسة ما تقلقيش هما عموما مفيش دراسة في أول يومين على الأقل لغاية ما تعرفي مجمعتك والسكشن بتاعك وجدولك وكده يعني |
اقتباس:
هو بالنسبة لشرح اه حيشرحو من اول يوم بس يعني اللى خلانا مش بنحضر محاضرات في النص مش حتفرق على اول اسبوع يعني :d بس اكيد لو في امكانية تحضريهم يكون افضل الاسبوع الاول او اول اسبوعين بيكونو محاضرات بس ومفيش سكاشن لأنه السكاشن هي العملي او التطبيق لدروس المحاضرات وبما إننا مخدناش دروس لسه فمش بيبقى في سكاشن سياسة التنفيض سياسة مفيدة جداً بس اللى يعرف يعوضها بعدين يعني مش تفوت محاضرات وتقول حعدي لازم تعمل حسابك في مصادر اخرى تعوضك عن ده الكتاب مش حينفعك بنكلة انا بحذر اهه :d انا عارف إنك بنت بس اسلوب المذكر عشان بخاطب بوجه عام يعني :d |
ماشي شكرا على يابشمهندس pharo وبشمهندس بنزر
|
اقتباس:
و انا فعلا فى طنطا .. و كنت اعدادى فى المنيا انا فاكر لما كنت فى اعادى طنشت اول اسبوع .. لانى كنتى بسافر و كدا .. فاحنا رحنا اول يوم و بعدها مرجعناش غير بعد اسبوع مش هيفوتك حاجة مهمة بس اهم حاجة يبقى لك اصحاب .. عشان اكبر مشكلة فى الكلية لما ميكونش لك اصحاب .. تبقى تايه على طول .. لا بتعرف تسأل مين ولا تكلم مين و ربنا يوفقك و يوفقنا كلنا |
شكراا يا بشمهندس حودش
|
يو أر ويلكم
|
ياجماعه هيه هندسه السلاب معتمده ولا لاء معهد مصر العالى للهندسه والتكنولوجيا بالمنصوره
|
ازاي ممكن تتنقل من السكشن الي سكشن اخر
|
لا مفتكرش ان دي فيها نقل
|
لا عادي هو ممكن يتنقل بس ده بيبقى في حالات نادرة
لأنه الترتيب بيبقى دايماً ابجدي ولازم كده يغيرو الكشوف بقى ومشاكل بس هو دايماً سبب نقل السكشن بيكون هدف واحد :d |
اللى أعرفه انه ممكن تتنقل .. بس بيبقى بشكل ودى .. مش رسمى
يعنى اسمك مش بيتنقل .. بس بتكلم المعيدين .. و هما بيظبطوك .. تحضر مع اللى انت عاوزه .. و يسجل لك حضورك |
السلام عليكم
ارجو انكم تفيدونى انا فى هندسة قنا ومن اول يوم كذا دكتور رعبنا اللى هيغلط هيدبح وينسى انه فيه حد هايصلى عليه وكلام كتير من النوع ده المهم دا كله مفيهوش مشكلة لكن لما رحنا نحضر العملى فى كلة علوم المعيد قعد ساعة ونص يهزر ويتكلم و يقول انتو مش بتقولوا انكم بااااااااااشمهندسين يبقى هنشرحلكم ليه و ادانا السكشن العملى بتاع الفيزيا(البندول البسيط) فى اقل من نص ساعة وادانا البندول وقلنا عيشوا مع نفسكم واللى مشعايز يعمل التجربة يروح وكلام فيه استهتار بينا المهم قعدن نعك وبعد ما خلصنا عك وكتابة نتايج الله اعلم بيها قال لما تروحوا ترسمو النتايج بيانى وتجيبو من الميل عجلة الجاذبية دا ان جبتوها000000000 وطبعا انا مش عارفة اجيبها من الرسم وخصوصا النتايج مش طالعه خط مستقيم! معلش طولت عليكم وجايز يكون س}الى تافه بالنسبالكم بس انا خايفة من العيد قوى بالرغم من هزاره الا انى حسيته مش راضى يدينا اى معلومات وطلعنا من غير فايده من المعمل وكمان بواجب مش عارفين نعمله معلش تانى عارفة انى رغايه |
متشكره يا بشمهندسين دا انا ليا اسبوع مستنيه ردكم
|
ايه السؤال اللى حضرتك قلتيه وطلبتي اجابته !؟!
حضرتك قلتي إنه الدكتور بيرعبكو وده تقريبا مع كل الدكاترة والمعيد بتاع علوم كارهكو ومش بيديكو معلومة وده طبيعي للكره الواضح بين بتوع علوم وهندسة معرفش ليه بس حتى عندنا المعيدين كانو بيبوصلنا نظرة استحقار كده او غيرة معرفش بس كانو بيشرحو بذمة وكل حاجة لو الدكتور بتاعكو متفاهم ممكن تشكوه وإلا يبقى عليه العوض ومنه العوض معنديش كلام اكتر من كده لو كان في ايدي اساعدك كنت عملت حاجة |
متقلقيش من المعيد خااالص .. هو كلام و خلاص
و لا الدكتور هيعمل حاجة .. انتو بس عشان لسه فى اعدادى .. فكله بيحب يتنطط عليكوا مش أكتر .. متقلقيش من اى كلام و تجربة البندول بسيطة اوى .. مع انى مش فاكرها دلوقت .. بس اللى فاكره انها كانت بسيطة اوى لو اى حد فاهمها من اى سكشن تانى .. ممكن يشرحهالكوا .. مش مستاهله معيد ولا حاجة |
طب لو سمحتم كنت عاوز اعرف معلومات عن المعهد العالى للهندسه ب 6 اكتوبر ومعلومات عن الكتب يعنى والمواد وكده وجزاكم الله خيرا
|
اقتباس:
اللى اعرفه اصلا فى تجربه البندول ان النتائج مطلعتش ابدا خط مستقيم ده يطلع شكل قريب من الفرنش كيرف |
| جميع الأوقات بتوقيت GMT +2. الساعة الآن 11:27 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.