|
ماذا بعد التخرج ؟ .....فيديو رائع عن مجالات عمل البيطريين
ده فيديو اكثر من رائع عن مجالات العمل المتاحه امام البيطريين http://www.youtube.com/watch?v=FPNHu...embedded#t=335وانت بتتفرج عليه هتلاقي نفسك عمال تفكر اشتغل ده ولا ده وفي الاخر هتعد في البيت :d هو يعني متفائل حبتين زياده بس معظم المجالات واقعيه يعني مش خيال علمي وكده ياللا شوفوه يمكن يفتح نفسكو وانتو داخلين ع الدراسه كده |
ثانكس يا زوزو دايما كده رافعه معنوياتنا انا بقى اكتر شغلانه عجبانى اللى هى فى مجال تصنيع اللقاحات والامصال دى ومراكز البحوث يا مسهل :049gc0: |
اقتباس:
طيب شدي حيلك وخليكي من الاوائل وهتلاقي الريس باعتلك جواب التعيين بعد اخر امتحان ليكي في الكليه :d ربنا يوفقك ياحبي |
مجهود رائع يا سندريلا...والله العظيم انتي مظبطا الناس الجداد تمام اوي...ربنا يجازيكي خير...انا ناويها ان شاء الله تغذيه ورقابه علي الأغذيه (ده لو اشتغلت في الفيلد اصلا)
|
لازم تساعدنا مش اخوات ولا ايه
وانا شاء الله ربنا يكرمنا |
اقتباس:
لا والله انا معملتش حاجه بجد بس ربنا يوفقهم ان شاء الله ميرسي اوي بجد يادوك وربنا يكرمك بالشغل اللي حابب تشتغل فيه بس انا عن نفسي افضل شغل في الفيلد وجميل مجال الرابه علي الاغذيه ده بجد صحيح هو انت مشترك في اسره من الاسر في الكليه ؟ وللا فري :d |
انا لسة بتفرج
اكيد جميل تسلم يمينك |
اقتباس:
اكيد طبعا يا محمد مفيش كلام ربنا يكرمكو ان شاء الله |
اقتباس:
انتي اجمل يا حبي تسلميلي |
اقتباس:
اتا كنت تيم اسبرت ونقلت لواحده جديده عملناها احنا واصحابنا مش فاكر اسمها:dوكنت امين الصندوق فيها بس انا ولائي ناو مش لأي اسره |
مجهود رائع يا سندريلا زي ما اتعودنا منك كالعادة :friendsxs3:وانا بفكر في شركات الادويه و التصنيع:d وفي اتجاه للرقابه علي الاغذيه:) بس لسه معلوماتي عنه مش كفايه فأكسبوا ثواب بقي انتي ولا ميجو وتوضحلنا جوانبه :av4056bb7jp3::028ja7:
|
:d
اقتباس:
بالنسبه للرقابه علي الاغذيه والتصنيع الغذائي دي زي شركات حلواني وجهينه والمصانع دي اولا انت بتشتغل في مهنتك يعني بتبقي رقم 1 في المصنع ...زي ما الدكتور رقم واحد في المستشفي المرتبات مش عاليه اوي بس بتعلا شركات زي امريكانا اول مابتقدملهم بيسفروك السعوديه بيدوك مبلغ بسيط بس بيعلي مع الوقت بيبقي اول تعيين 3 الاف ريال سعود.. وطبعا لو اشتغلت في جهينه هتضمن تاكل زبادي كل يوم :d:d دي نظره عامه واي استفسار انا موجود......... |
ميجو شكراً علي المعلومات الاكثر من رائعه دي وربنا يكرمك إن شاء الله بس مبدائياً أنا لا باكل زبادي ولا بطيق ريحته :040vk0:وبالنسبه لشركات الادويه كل الشغل بيبقي ميديكال ريب بس ولا ممكن تصنيع أو حاجه تانيه ممكن مكونش انا عارفها :dولما الرقابه فلوسها أقل يعني 3 ألاف ريال سعودي يبقي شركات الادويه كام؟:d:d |
اقتباس:
|
شكراً يا ميجو بس واضح ان صعب التحديد دلوقتي لحد ما أدرس و أعرف كله ونبقي نحدد هننوي علي ايه بس اهو يبقي عندنا خلفيه عن الكل :blush:
|
اقتباس:
ايوه طبعا انا بقولك الكلام ده كخلفيه ....انت اللي هتحدد بعد كده ايه المناسب ليك |
بجد شرح وافي جدا يا دكتور وفي معلومات كتير جديده عليا ربنا يكرمك وطريقة شرحك جامده اوي بجد بس انا كنت عماله اقرا وانا بضحك من التعليقات اللي بتقولها في النص كده :d:d جزاك الله خير يا دوك بالنسبه للاسره بقي انا لحد وقتنا هذا فري بس ناويه اسجل في اسره كده اول الدراسه يعني ان شاء الله بس بصراحه فكرة اسره جديده دي صعبه شويه محتاجه صبر علي ماتبني الاسره انت وزمايلك وعلي ما تتخرج هتكون لسه مش عملتو مجهود يظهركو اوي فانا افضل الانضمام لاسره نشاطها ملائم ليا وميعطلنيش عن الدراسه ولو اني لسه هجرب :bosyht9: وبالنسبه لشركات الادويه انا سمعت اني ممكن اشتغل في الشركه نفسها لو هي فيها قسم بيطري بس ده بيحصل لو انا اثبتت نفسي في الميديكال ريب فبينقلوني مجال التصنيع ولو مبسوطين مني مش هيسحبو العربيه :blush: وربنا ييسر الحال لسه بدري ع الكلام ده |
اقتباس:
كده هتديني غرور يادكتور:) اقتباس:
اقتباس:
نصيحه اخويه يا دكتور بلاش اشتراك في اسر لو ناويه تكملي في الكليه ان شاء الله ....الاسر مضيعه للوقت واحنا عايزينك معيده ان شاء الله:) صحيح انتي جايبه الايموشن ده منين ...شكله جامد موووت:d اقتباس:
يا دكتور الكلام اللي بيتقال كتيير المهم الواقع ....والناس اللي لمسو الواقع وعاشوه هما لللي قالو كده.....(عارفه ان الاول علي دفعه خمسه السنه دي اشتغل في شركه ادويه لغايه ما يتظبط مكانه في الكليه؟؟؟) علي فكره شركات الادويه بتقدر المتفوقين جدا....بالتوفيق ان شاء الله |
اقتباس:
اول مره اسمع عن الموضوع ده:blush: بس فعلا الاحسن الواحد ياخد الكلام من حد جرب مش كلام وخلاص ربنا يجعل كل ده في ميزان حسناتك يادكتور ان شاء الله :rolleyes: |
علي فكره يا دكتور بالنسبه لموضوع الاسر فده فعلا مضيعه للوقت ...كلام اخوكي علي عيني وعلي راسي بس شور اخوكي ده كبير في السن يعني الدفع بتاعه زمان....الزمن ده زمن عدي واهرب يعني محدش بيفكر في انشطه ولا بتاع الواحد بيفكر بس ازاي يفك من الكليه عشان ينهي دراسته ويفوق لحياته....ولو عايزه تجربي جربي عندك مثلا تيم اسبرت هيوقفوكي في الجراج سيل وممكن يوقفوكي تبيعي كتب او حتي لعب اطفال واسر تانيه كتير وفعلا الاسر دي بتخدم ناس كتير وبيبقي ثواب ليكي وتيم اسبرت عامله نشاط جامد بس احنا قلنا ايه قلنا احنا في زمن عدي واهرب .......وابقي اعملي الثواب ده لما تتخرجي ان شاء الله (انا عن نفسي هدبح ارنب واوزعه).....جربي مش هتخسري شئ ولو حبيتي تخلعي من الاسره عادي خالص (مش بقولك انا لافف علي كل اسر الكليه:d....بالتوفيق يا دكتور
|
شكرا ليكي دكتورة سندريلا على الفيديو الجميل عرفنا مجالات عمل كويسه
انا بصراحة اكتر مجال عجبني هو الخاص بالتحاليل والادوية لاني بحب الكيمياء عامة وكنت عاوزة اعرف منك ومن الدكاترة الموجودين معانا هل ممكن كليتنا تطلع دكتور تحاليل سواء في مجال الحيوان او الانسان وجزاكم الله كل خير ..... |
اقتباس:
معلش يا دكتور هبلغك خبر وحش ....احنا كان مسموحلنا نفتح معمل تحليل بشري بعد ماتخدي دبلومه كلينيكال باثولوجي في الكليه..بس بقرار من مجلس الشعب اتلغي السنه دي النظام ده....بس انتي ممكن تشتغلي دكتوره تحليل عادي بس مش مسموحلك تفتحي معمل برايفت.... |
اقتباس:
كنت خايفة بجد اسال السوال دا من اول ما دخلت خوفا من ان تكون هي دي الاجابة ...... كنت دايما بقول لنفسي انى هكون دكتورة تحاليل لانى بحب المجال دا جداا وماكونتش زعلانة بخصوص موضوع الحيوانات ابدا ..... اتعرض عليا ادخل الهندسة لو جامعة خاصة ورفضت ..... انا برضو لسه على رايي ان الكلية كويسة وتفيد الانسان في حاياتة عامة ..... يلا انا هفضل برضو مستنية هدفى يتحقق وانا عندى امل كبير ...... ممكن يجي يوم يتلغى فيه القرار دا .... وانا حاسة ان لازم نحب الكلية ..... والا هنتعب اووى |
اقتباس:
يادكتور انتي فهمتيني غلط انا بقولك مينفعش تفتحي معمل تحاليل لكن تشتغلي في التحاليل عادي عارفه تكلفه معمل التحاليل كام(مبلغ خرافي) بس احنا كنا عايزنها عشا بس انتي حد تاجر مثلا يجي يعمل مشروع تجاري يفتح معمل تحاليل هو القانون ميسمحلوش يفتح معمل التحاليل ف بيااخد اسمك بس علي المعمل ويديك كل شهر مرتب ثابت من غير متعملي حاجه ولا تروحي حته ....فهمتي؟؟؟ |
يا رب بقي ميكونوش لغو اننا نشتغل في المعامل كمان علي ما نتخرج احنا :040vk0:بس يا ميجو الواحد امتي يقدر يقرا تحليل حد ويفهمه وكده يعني أحسن شكلي بقي وحش أوي في البيت أمسك الورقه أني أفهم أسم الدكتور حتي :006et4:وأتمني أنو يكون بعد فتره قريبه :romarioxp6:;)
|
اقتباس:
لما يكون انسان شاطر ومتميز في مجال يضيقوا عليه فرص العمل وانو يفرح بتعبوا الي بذل في مجهود طول حياته بان يكون ليه معمل هو الي عامله و لو المبلغ خرافى ماهو ممكن يشترك فيه هو ومجموعة من الدكاترة هما ليه بيعملوا فينا كدا ......... هو مش طب وبعدين انت قلت ان في دبلوبة بعد ال5 سنين حتى بعد الدبلومة...... ولو عاوزينا نعمل ماجيستير ودكتوراة برضو هيقفولنا.... انا واحدة راح منها الصيدلة على درجة واااااااااااااااااااااااااحدة ........ ههههه ما هو دا مقياس الذكاء دلوقتي ..... لحد امتى هنضل واقفين مش عارفين نحقق الي نفسنا فيه ............و الحمد لله |
اقتباس:
لا واضح طبعا يا دكتور :d وهبقي اقوللك علي نتيجة التجربه قريبا انتظرونا في الاسواق :d |
انا جديدة معاكم هنا فى المنتدى وبصراحة هو عاجبنى اوى
وياريت مكنش تقيلة على اى حد منكم انا شوفت الفيديو وبجد شكرا طبعا انا حابة اشتغل فى مجالنا اوى وخاصة تبع القوات المسلحة سواء خيل او مزارع الأسماك او الأشراف على الأمن الغذائى بس معرفش معلومات كتيرة عن الشغل ده ياريت تفيدونى وكمان هل الشغل فى فندق كبير او شركة غذائية كبيرة مجزى من حيث المرتب والمكانة وكدة ؟ اه كمان كنت عايزة اسال اخواتنا الكبار اى كورسات تبقى مفيدة اخدها على طول سنين دراستى مع العلم انى لسة فى سنة تانية السنة دى اصل الموضوع قلقنى اوى حاسة انى بضيع الوقت ومش عارفة اشغله ازاى وخصوصا فى الأجازات معلش يا دكاترة انا عارفة طولت عليكم كدة فى اول مشاركة سامحونى |
اقتباس:
انا بصراحة لسه هدخل السنة دي اول سنة بيطري ان شاء الله فمش هقدر افيدك في موضوع الكورسات وربنا يوفقك |
اقتباس:
|
اقتباس:
بس دكتور ميجو معان ربنا يباركلنا فيه سنه تالته وبيفيدني كتير اوي بس قوليلي انتي جامعة القاهره؟ اصل انا كمان جامعة القاهره وتانيه كمان سبحان الله وحاسه انك حد اعرفه مش عارفه ليه :d هستني ردك عشان متشوقه اعرف انتي صاحبتي ودي صدفه وللا ايه :av4056bb7jp3: |
السلام عليكم ياجماعه
اولا اهلا بالدكتوره الجديده ...بالنسبه لشغل الجيش فهو للأسف ذكور بس ذي ماقالك نادر....مزارع الاسماك شغلها حلو جدا للبنات وسهل ومش متعب كالباقي...شغل الخيل صعب شويه عليكي بس لو حابه العلم هيبقي لذيذ و هاتستمتعي بيه لأنه من احسن الفروع من علمنا(انا اول مادخلت الكليه كنت متخيل نفسي قاعد في نادي الصيد و دكتور هناك عشان اسطبلات الخيل وكان الشكل اللي انا أتخليته ده دافع ليا عشان ارتاح للكليه) بالنسبه للأمن الغذائي والرقابه علي الأغذيه في الفنادق ف دي بتاعه الناس اللي هتعدي ربنا يكرمك ب فندق زي فور سيوزن ...المرتب هناك مش مجزي و بس ده مجزي بافترا حاجه عاليه جدا ممكن يبدأ في ب 4000 جنيه ده مبلغ مش بطال اكيد كا بدايه...(ربنا يوعدنا) ...شركات الاغذيه زي حلواني امريكانا جهينه مرتباتها في مصر مش بطاله الي جانب الزبادي بس ميزتها لما يسفروكي بره مرتابتها بره ملهاش حل...انا شخصيا برشح لك مزارع الجمال بتبقي كويسه للبنات عموما....بالنسبه للكورسات في كورس اتعمل في الكليه عن مزارع الدجاج والارانب وده ناس كتير حضروه واستفادو منه بس انا عاديت الكل وكان رأيي بصراحه انه مش مفيد في الوقت الحالي ...الكورس كان عامله دكتور في 5 وكان بينزلهم تدريب في مزارع....نصيحتي بقي انك حسب اهتمامك تأخدي الكورس مثلا اهتماماتك كومبيوتر زي حالاتي خدي كورسات فوتوشوب او كمبيوتر وهكذا حسب اهتماماتك... طب لو معندكيش اهتمامات??تاخدي شهاده icdl ودي الرخصه الدوليه للكومبيوتر ودي معناها انك عارفه مبادئ استخدام الحاسب و هي سهله جدا بتبقي شهر و نص و بيدوكي الامتحان اصلا ومراكز كتير بتديها وطبعا الشهاده دي مطلوبه في الشغل جدا...لو عايزه كورسات تانيه خدي كورسات لغه انجليزيه ودعمي لغتك والجامعه الامريكيه بتدي كورس جامد جدا ...بالنسبه لكورسات داخل المجال انصحك تاخديها في رابعه وخمسه...في كورس بيديكي شهاده الايزو وده تقعدي مرتاحه وتأشري علي اي شركه امن غذائي و هم هيقبلوكي علطول ادام معاكي الشهاده دي...الكورس غالي عشان كده بتاخديه بعد التخرج هو 3000 جنيه في التيرم والكورس ترمين...ارجو اني اكون فدتك واي استفسار تاني انا موجود |
اقتباس:
رفعت روحي المعنويه والله يا دكتور:d وبجد دي حاجات جامده اوي لو الواحد اشتغل فيها خاصة شركات اللحوم والدواجن ومنتجات الالبان حاسه انه شغل الي حد ما مش متعب وزي ما بتقول مرتباته معقوله وبالنسبه للكورس ففعلا في كذا حد خده من عندنا بس انا حسيت اني لو خدته دلوقتي علي ما اتخرج هيكون اتبخر زي مانت بتقول رابعه وخامسه احسن وقت للكورسات اللي زي كده شكرا يادكتور ع الافاده |
شكرا يا دكتورة ع الفيديو الجميل ده
انا طب بيطرى المنصورة لسه داخل اول سنه ادعولى |
| جميع الأوقات بتوقيت GMT +2. الساعة الآن 04:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.