حصرياً : جدول محاضرات (انتظام) كلية التجارة جامعة القاهرة
 

تمام اخيرا وصل الف شكر يافمبير بس على فكرة فوق وهو متثبت مش هيلفت النظر لان الواحد قليل لما بيبس على المواضيع المثبتة
لسة تقسيم المجموعات اختيارى ولا اية النظام

طب يا باشا انتساب مالهاش محاضرات خالص (ان شاالله على التلفزيون حتى.........)وبالنسبة للدخول عادى ولا ايه بالظبط..........يعنى مالاخر ايه مصير طلبة انتسابــــــــــــــــــــــــــــــــــــــــــــ ـــــــــــــــــــــــــــ

شكرا يا فامبير على المجهود الرائع ده وانا فعلا كنت الصبح فى الكلية وانا فى الفرقة الاولى مجموعة ((أ)) لكن المجموعة مقسومة ل (( أ-1)) و (( أ-2)) عايز اعرف ايه الفرق ما بينهم و ازاى اعرف انا فين من التقسيمة دى

نفس السؤال يا فمبير

اشمعنى مجموعة ج 1 بس

مفيش ج 2 ولا ايه .. ياريت توضح لنا معلش

و مشكور جدا لمجهودك الكبير

بالنسبة للانتساب يا جماعة مفيش لخبار من فضلكم ردوا عليا؟

الانتساب ليهم محاضرات ولالا؟

لا للاسف الانتساب مالهمش محاضرات والكلام ده بقى اكيد بعد نزول الجدول
لان محاضرات الانتساب اتلغت من الجدول ... وده خلاص بقى شىء مؤكد

ya gma3a eh gdawel teara english

ياجماعة التقسيم للمجموعات أ ,ب , و, ج, د سواء 1 او 2 مش اختيارى


شرح التقسيم على النحو التالي
مجموعة أ => حرف أ كله
وتم تقسيمها كالتالى :-


مجموعة أ 1 ==> تبدأ من أ إلى إسلام
مجموعة أ 2 ==> تبدأ من أسماء لآخر حرف الألف


مجموعة ب => من ب الى ظ

وتم تقسيمها كالتالى :-

مجموعة ب 1 ==> تبدأ من حرف ب لنهاية حرف ر
مجموعة ب 2 ==> تبدأ من حرف ز لآخر حرف ظ


مجموعة ج => من ع الى محمدين
وتم تقسيمها كالتالى :-

مجموعة ج1 ==> تبدأ من حرف ع لآخر حرف ل
مجموعة ج2 ==> تبدأ من حرف م الى محمدين

مجموعة د => من محمود الى الاخر
وتم تقسيمها كالتالى :-

مجموعة د1 ==> تبدأ من محمود لاسم مينا
مجموعة د2 ==> تبدأ من حرف ن للآخر
والله الموفق

فين مجموعة 2-د ملهاش جدول

يا فامبير انا عايزاة ااعرف حاجة هو نظام التقسيم لي مجموعة 1 و2

يعني انا اولي تجارة مجموعة ب هل ليا حرية الاختيار اني احضر في ب1 او ب2 ولا لاء

وكمان استفسار هولو اسم مني تالتة تجارة تبقي مجموعة اية

انا عايزه اعرف انا دخلت متميزه ولا لا اعرف منين قبل ما ادخل لان لو دخلت هيبقي محاضراتي متاخره بدل ما انزل من الصبح وانا محضراتي الساعه 5

انزلى على الساعه 3 او 4 بدرى ساعه او اتنين واعرفى انتى قبلتى والا لا

انا لو عاديه انتظام محضرتي الساعه 11 لو مميزه الساعه 5 فرق كبير جدا وانا سكنه بعيييييد

لا طبعا فيه .. بس بيبقي مش قانونى

يعني مثلا الميعاد الرسمي لبدأ المحاضرة الساعة 2 ..

تتلاقي الدكتور على بال ماينزل من مكتبه ويوصل المدرج تكون وصلت 2وربع

غير كدا كمان المحاضرة اللي قبلها الدكتور بيكون ماشي

قبل ماتخلص رسمي (زي ما مكتوب في الجدول) بييجي ربع ساعة

هاتلاقي نفسك واخده ييجي تلت ساعة او نص ساعة بريك تريحي فيه

انتسااااااب محاضراتها خلاص اتلغت (مؤقتاً لغاية ما الأزمة دي تعدي وتنتهي)

ومحاضراتهم هاتتبث على التليفزيون خلاص .. ودا قرار نهائى ومافيش كلام تاني فيه

مصير انتساب القعدة في البيت (وماتزعلش مني والله مش تريقة ولا حاجة)

لإن القرار الجديد اللي ظهر ان بيقولك هايعملولكوا كارنيهات حمرا

وطالما كارنيهات حمرا يبقى كدا ممنوع دخولك الجامعة الا في اوقات معينة هايتم تحديدها

عشان تبقي تروح الشئون بقي وتخلص ورقك وكدا

حتى بتوع انتظام نفسهم .. من المتوقع ان مايبقاش فيه قعدات بره المدرجات والكلام دا

لان النظام العادي بتاع السنين اللي فاتت .. ان أمن الجامعة كان بييجي على بالليل كدا

ويقعدوا يصفروا ويمشوا في الناس اللي قاعدة بره مابتعملش حاجة عشان يمشوا ..

عشان خلاص الكلية بتفضي

الكلام دا بقي متوقع انه يحصل من بداية اليوم .. يعني مافيش حد يقف او يقعد بره

اللي عنده محاضرة يخش ياخدها .. لكن تقعد بره مافيش ، المرواح يبقى احسنلك

وطبعا كل دي اجراءات "متوقع" انها تحصل .. عشان يقللوا من كثافة التجمعات منعاً لانتشار المرض

والله كل اللي حصل ان زميلنا ahmedal3mda اتفضل مشكورا و حطلنا التقسيم الجديد في اللينك دا

http://thanwya.com./vb/showthread.php?t=157137

تعليقي بقي على التقسيم دا ان برده هايظل التقسيم اختياري للطالب .. الا في حالتين :

1- ان دكاترة المجموعتين" 1 و 2" يختلفوا عن بعض (ودا طبعا مستبعد)

2- ان الدكتور يفرق بين المجموعتين "1 و 2" في المنهج

(وبالتالي هايبقي فيه امتحانين للمجموعة الواحده ودا برده مستبعد)

واحد ذكى هايسألنى يقولي طب نعرف الموضوع دا منيييييين ؟؟؟

اقوله من خلال الكارنيه بتاعك .. لو اتكتب عليه مجموعة( د1 ) يبقي كدا فيه اختلاف فعلا ..

لكن لو اتكتب عليه ( د ) بس .. يبقي 90% مافيش اختلاف .. والله أعلم ..

كل دي تكهنات لسه .. وكل دا هايتعرف ان شاء الله فى أول يوم دراسة

3- ان يبقى فيه اجراء امنى مشدد على التزام الطالب بالحضور فى مجموعته

من خلال اذن حضور محاضرة او ما شابه (ودا بقى اللي مش مستبعد)

بس لغاية دلوقتى انا شايف ان برده معا وجود التقسيم الجديد هايبقى الموضوع برده اختياري للطالب

لسه مانزلش .. انا روحت الكلية بنفسي وشوفت هناك مالقيتش أي جداول متعلقة

حتى تقسيم الاسماء بتاعة المجموعات كمان لسه مانزلش .. يا ينزل بكرة الخميس ان شاء الله او أول دراسة

ليها جدول طبعاً .. بس ماعرفتش اشوفه .. الجدول محطوط بطريقة غبية جدااااااا

بحيث ان عشان الواحد يشوفه لازم ينام في الارض عشان يعرف ينقله !!

مش مصدقني روحوا وشوفه بنفسكوا

تروحى بكرة (الخميس) .. او تروحي اول يوم ان شاء الله بدري

وتسألى في شئون أولى "انتظام" ان كنتى اتقبلتى أو لأ

مانا قولت لغاية دلوقتى انا شايف ان الموضوع اختيارى

الا اذا اتخذوا اجراءات حاسمة في حكاية الحضور دي

( اقري المشاركة رقم 26 في اول الصفحة )

انا ساكنه بعيد انا قدمت مميزه اعرف اتقبلت ولا لا منين لاني عايزه اعرف انا انهي مدرج ولا مميزه لان مواعيد المحضرات مختلفه خالص لان اول محاضره مميزه الساعه 11.5 والمدرج الخاص بحرفي الساعه 5 بليل الفرق كبير

الجامعة بتفضل فاتحة من الساعة 7 الصبح لغاية 8 بالليل

المحاضرات بتبدأ من 8 الصبح وآخر محاضرة بتنتهي 8 بالليل

طبعاً انتا مش في مدرسة عشان يبقي ليك ميعاد محدد تخش فيه الجامعة وتخرج منها !!

اللي بيحصل ان انتا ليك حرية دخول الجامعة في اي وقت وطبعاً الأمن مش هايقدر يقولك حاجة

لكن انتا بيبقي ليك جدول محاضرات .. الجدول دا فيه مواعيد معينة ..

المفترض انك تكون متواجد في الجامعة طبقاً للمواعيد اللي موجودة في جدولك دي

معلش انا هتقل عليكوا ردوا عليا لاني محتاره جدا وكمان جدول المحاضرات اللي علي موقع الكليه دا اخر جدول

الوحيد اللي تقدري تعرفي منه اتقبلتي ولا لأ هوا شئون الطلبة .. والله انا مش هاقدر افيدك

انا لو اعرف افيدك كنت قولتلك ووفرت عليكي المشوار .. بس دي كشوفات خاصة بشئون الطلبة

زي ماقولتلك تروحي للشئون وتسأليهم بنفسك

عشان تبقي عارفه بس ..

موقع الكلية دا هوا اخر حاجة تقدري تفكري فيها عشان تاخدي خدمات منهم :angry2:

واللي على موقع الكلية دا يبقى جدول محاضرات السنة اللي فاتت !!

الحاجة الوحيدة اللي تستنيها على الموقع الفقر دا

هوا النتيجة بتاعة الترم او اخر السنة .. غير كدا انسى :(

جزاك الله خيرا استاذ فامبير

دا كان عشان هيا في المميزة ومش عارفه هيا اتقبلت ولا لأ ..

فابقولها روحي بدري عشان تعرفي ..

لكن طالما انتا عارف مجموعتك وجدولك يبقي خلاص كدا

السؤال دا والله العظيم انا ذات نفسي بسأله ..

يااااااااااا جماعة انا مش بدعى ان انا ابو العريف وان انا عارف كل حاجة ..

انا كل اللي بعمله ان الخبر اللي بيجيلي بعرفهولكوا مش اكتر

وانا لغاية دلوقتى الخبر اللي واصلنى ان الحضور اختياري (حتى مع وجود التقسيم الجديد)

وانا شرحت ليه الحضور اختياري قبل كدا

أي مستجدات بقى هاتيجي خلال اليومين الجايين دول اكيد ان شاء الله هاتعرفوها

حتى لو المستجدات دى خالفت الكلام اللي انا بقوله دلوقتى

راجل برنس .. دا ماسك وكيل الكلية كمان .. بس عموما امتحاناته تمام وراجل تمام التمام يعني

جامد اخر حاجة .. شرحه فوق الممتاز .. ودكتور كوميدي جدا وزي العسل ..

وشخصيته جامدة ماشاء الله .. اداني في سنة اولي ادارة وجيبت معاه جيد جدا

غير كدا كمان هوا ماسك نائب رئيس الجامعة .. يعني اعملولوا حساب شوية

ماعرفوش

راجل ممل .. ورغاى .. وخنيق .. بس امتحاناته كويسة ..

ادانى في سنة اولي برده وجيبت معاه 14 http://l.yimg.com/us.yimg.com/i/mesg/emoticons7/47.gif ..

بس الحمدلله ان انا اساسا جيبت الدرجة دي في ظل الظروف المنيلة اللي انا كنت فيها

المهم .. الراجل دا بينزل تطبيقات (كتاب تمارين يعني) فيه سين وجيم للمنهج كله ..

ركزى عليه اوي عشان 80% من الامتحان بييجي منه

راجل زي العسل وامتحاناته تمام التمام وشرحه ميه ميه ودرجاته كويسة ..

بس يعيبه صوته المزعج مش اكتر

غير كدا لابس نضارة عجيبة اوي .. نضارة نظر وشمس في نفس الوقت ..

فيها عدستين !! حاجة تضحك بجد

ماحدش فيهم درسلي .. بس اكيد يعني سمعت اسمائهم قبل كدا

دا اقل مايقال عنه انه راجل تيت .. (تيت دي تشمل اي شتيمة تطرأ على بالك مهما كانت درجة قباحتها)

يعني بجد انا مش عايز احبطك .. لكن غالباً نص الدفعة عندكوا هاتشيل المحاسبة بإذن الله

عشان دا دكتور معقد .. شرحه زبالة .. كتابته في المحاضرة ازبل .. بيطرد طلبة كتير اوي على أتفه الاسباب

يعني بجد ربنا يكون في عونكوا معاه السنة دي

واحد زي دا ماعتمديش على شرحه من الاخر .. وانا بقولهالك اهو من دلوقتى

يستحسن كمان توفري على نفسك حضور محاضرته .. لإنك اصلا مش هاتفهمي حاجة منه

اعتمادك كله يبقي على الله ثم على ملازم الشرح اللي بتتباع بره في المكتبات بقى

لكن هاتعملي فيها مجتهدة وانك تحضريله وتتعبي نفسك وتكتبي ..

والله العظيم ماهاتخدي غير وجع الدماغ وحرقة الدم وبس .. دا اساسا خسارة فيه ان الواحد يحضرله

طب شوقى بشادى دا سيبك منة هو مينفعش اخد سكاشن او دروس مع اى حد غيرة وبلاش المحاضرات دى خالص زى ما انت قلت

we rb3a malhash gdwal leh we sana tnya d2 malhash

أسيبني منه ازااااااي .. ماهو هوا دا اللي هايحطلك الامتحان وهوا دا اللي هايصححلك ورقتك

منه لله البعيد .. دا ضيع عليا سنة بحالها كنت ممكن احولها لانتظام ..

سقطنى فيها .. لا وايه انتقم كمان وادانى فيها 6 .. عشان ماخدش فيها درجات رأفة ..

اسكتي والنبى احسن دانا كل مافتكر اقعد ادعى عليه وربنا http://l.yimg.com/us.yimg.com/i/mesg/emoticons7/109.gif

فيه سكاشن بره بتاعة شرح برده .. بس بتبقي بفلوس طبعا ..

على حسب المعيد وعلى حسب عدد الطلبة في المجموعة الواحده وكدا

غير كدا كمان انتوا ليكوا اصلا سكاشن في الكلية ذات نفسها .. بس المعيدين بتوع الكلية هما اللي بيشرحوا

طبعا هاتقوليلي طب ازاي المعيد هايشرح والدكتور بيشرح برده .. طب مانا اسمع للدكتور انفض للمعيد

هاقولك اللي بيحصل ان الدكتور بيسيب بعض الجزئيات "الغبية والتقيلة" للمعيد عشان يشرحها في السيكشن

عشان انتوا كطلبة غصب عنكوا تحضروا للمعيد وتسمعوا منه .. والا كدا يبقي المعيد مالوش لازمة

اهو المهم خلاصة الموضوع .. فيه سكاشن ودروس بره بيتشرح فيها المحاسبة والرياضة وكل المواد

بس طبعا انتي مش هتحتاجي شرح غير في المواد العملي بس "رياضة ومحاسبة" ..

وكدا كدا دكتور علي الديب كويس في الرياضة فامش هتحتاجي درس ..

لكن اللي فعلا هاتتعبي فيه بجد هيا المحاسبة

في ظل وجود الكائن الحي اللي اسمه شوقي بشادي دا

بجد والله انا مش بقولك كدا عشان هوا شيلنى المادة

لأ دا هوا فعلا فظيع .. حتى اسألى الناس بتوع مجموعة هـ السنة اللي فاتت

تقريبا نص الدفعة برده شالت المادة دي .. فانا نصحتك وخلاص .. عايزة تاخدي بنصيحتي يبقي تمام

مش عايزة وهاتعتمدي على نفسك .. هاتتعبي وممكن تعدي فيها وممكن لأ

جداول سنة رابعة للأسف انا ماحلقتش اجيبها والله ..

الظابط كان موقفني اصور الجداول بالعافية اصلا

وبالنسبة لجدول سنة تانية د ..

فانا ماعرفتش انقله عشان الجدول محطوط بطريقة غبية وماحدش يعرف يشوفه اصلا

فامعلش سامحونى بقى لو فيه جداول ناقصة

ومين احسن معيد او دكتور بيدى محاسبة اقدر اخاد معاة

بصي .. فيه معيدين جوا الجامعة .. وفيه بره الجامعة

المعيدين اللي جوا الجامعة صراحة وعن تجربة .. فيه واحد اسمه هيثم أحمد ..

دا اسمراني شوية كدا وطويل .. بجد والله الراجل دا شرحه فوق الممتاز

اسألى عليه لو عايزة تاخدي معاه .. انا ماعرفش صراحة ازاي توصليلهم ..

بس الراجل دا كان حظي حلو معاه لانه كان بيدرسلي في سيكشن الاكاونتنج في الترم التاني ..

وكان شرحه ماشاء الله عليه

اما بالنسبة للي بره الجامعة .. فانتي عندك اتنين اشهر من نار على علم

عمرو شيحة و محمود عبد الكريم .. الاتنين دول اساسا بيطحنوا في بعض في حكاية الدروس دي

بس محمود عبد الكريم احسن .. بس هاتتلاقي دروسه غالية شوية

عموماً بصي .. انتي كدا كدا اول ماهاتخشي الكلية وتحضري في المدرج بتاعك

هاتتلاقي ناس من المكتبات بتاعة بره هايخشوا عليكوا المدرج

ويفضلوا يعملوا في اعلانات ويوزعوا عليكوا عينات من المحاضرات عشان تشتروها وكدا

فانتي شوفي مين المكتبة المشهورة اللي بتعمل ملازم لمجموعتك دي ..

واطلعيلهم واستفسري منهم على سكاشن الدروس بالتفصيل ..

وشوفي اسعارهم ايه وفاضلى مابينهم ومابين الناس التانية

وان شاء الله ربنا يجيب اللي فيه الخير

لسه مافيش اي جداول نزلت لتجارة انجليزي خااااالص ..

اول ماتنزل ان شاء الله هاتتلاقيها هنا ع المنتدي

معلش يا فاميبر لو شوقى بشادى بيدرسلى علشان اتلاشى ممكن اخد معاة درس او سكشن اصل انا مبحبش الاغبية