![]() |
فين شباب كلية حاسبات جامعة حلوان
ايه يا جماعة انتوا نايمين ولا ايه
فين مهندسين المستقبل يعنى مفيش اى اخبار عن جدول جامعة حلوان ولا انتوا رجعتوا فى كلامكم ومش هتروحوا الكلية السنة دى عايزين نساعد بعض من اول السنة علشان ربنا يوفقنا لو حد عرف اى معلومات عن الجدول يقول علشان انا مش عارفة اوصل لحاجة وسلامى لكل طلبة حاسبات حلوان واشوفكم يوم السبت |
اقتباس:
|
بس انا كنت فى الكلية يوم الاثنين علشان اشوف الكارنيه والجدول المهم فى شئون الطلبة قالولى كل حاجة يوم السبت اما تيجى
|
يا جماعة حد يرد عليه يعنى هنروح يوم السبت ولا لأ انت كده هتحيرنى
|
والله دا الكلام اللى قالوهولى نفس ذات شئون الطلبه برضه وكمان شئون الطلبه بتاعة قسم هندسة البرمجيات ولما رحت المدينه قالى الحدوأنا كنت رايح السبت اللى فات لقيت الجامعه مغلقه للتجديدات بجد كانت أجازه السبت والسبت ده أكيد برضه أجازه وعموما ف حل كويس ف دكتور ف الجامعه إسمه أحمد شرف الدين وهو رئيس قسم هندسة برمجيات أنا أخدت رقمه يوم ما كنت هناك ممكن اكلمه واسأله بس هو مغلق الوقتى للأسف لكن بيفتحه ف الاوقات اللى بيبقى فاضى فيها والل عاوز رقمه يقول ولو إنتى من القاهره أو من أى مكان قريب م حلوان تبقى بسيطه مش أنا اللى من بعد المنصوره كمان ب 60 كيلوجزاكى الله خير
|
:022yb4::022yb4:
خلاص يا عم متزعلش احسن حل نغير شئون الطلبة وعلى العموم شكرا على الافادة وانا لو عرفت اى معلومة هقول على طول وانا من القاهرة ولو رحت السبت هقول لكم الاخبار واجيب لكم الجدول وجزاك الله خير |
والله مصر لسه بخير برضه ................................انا منأكد من موضوع يو السبت ده ...إن مفيش فيه دراسه ولو عرفتى حاجه جديده يا ريت تقوليلنا.......................................... ....جزاكى الله خير
|
اقتباس:
بصى انا كنت ف الكليه انهارده و سنه اولى هتبدا الدراسه يوم الحد للاربع ..عندنا الجميس و السبت اجازه ..بس الاسبوع ده سنه 1 هتروح السبت علشان ف ويلكم داى ..ممكن متجيش عادى يعنى مش غصب الموضوع ده و بس ماشاء الله الجو حر و جميييييييييييييل :d:d وده الجدول الاحد : من 8_11 /// 11_2 تراكيب محدده (كليه العلوم) /// اساسيات نظم و معلومات مدرج (17 ب ) /// مدرج (17 ب) ______________________________________________ الاتنين : معلش نسيت اكتب المواعيد اصل اصحابى كانو دوشه و مخدتش بالى :d:d:d رياضه (1) (كليه العلوم) مدرج (18 ط) ____________________________________________ التلات : نسيت برضه :d:d فيزيا (كليه العلوم) مدرج (18ط) __________________________________________ الاربع : 9-11 لغه انجليزيه (كليه الاداب) مدرج (9ب) ______________________________________ ده الجدول و ما شاء الله مافيش ولا محاضره جوه الكليه :d |
بس انا حاسه صغير اوى بالنسبه لجداول حاسبات فى الجامعات التانيه..ولا لنا نقلت نص الجدول و هما نسيو يعلقوا الباقى :d
يلا مش مهم كده احسن علشان الواحد يعرف يركز :av4056bb7jp3: |
الحمد لله زى ما انا قولت طبعا الولكم داى ده للى قريبين من الجامعه مش لينا يعنى المغتربين ع الحد إن شاء الله عما تفرج والمدينه تفتح بجد شكرا ليكى على المجهود ده وانا اول مره اعرف انك ف حلوان وبرضه بشكرك جامد على حل المنازعات اللى كانت ف الموضوع التانى وتسوية جهود السلام من أجل مستقبل أفضل لأبناء مصر جزاكم الله خير
|
اقتباس:
و بالنسبه للمدينه النتيجه مظهرتش ..لان كان معانا النهارده طالب من المجاهدين دول :d...النتيجه يتاعت المدنه تقريبا ع اول الدراسه و الله اعلم اصلى تعبت من الحر و معرفتش اركز بعد كده :d:d..و مجهود جامد ايه بس و لا شكر ع واجب احنا ف الخدمه :) |
ههههههههههههههههههههه............................. .................................................. .................................................. .........................
تقصدى ايه بالمجاهدين ؟؟؟؟ المغتربين يعنى أنا سألت ف مبنى الكليه قالولى إن النتيجه يوم الحد بس مفيش مدينه الا بعد اسبوع |
اقتباس:
وابقى هاتى الجدول بالمواعيد اللى ناقصه اللى نستتها البشمهندسه ساره عشان الدوشه ..........................أحسن إحنا دايخين ال 8 دوخات ......................... جزاكى الله خير وبجد يا جماعه لا مصر ولا حلوان ولا أى بلد هتنسا اللى بتعملوه فيها .............................قصدى ليها ربنا يوفقكم ويوفقنا |
اقتباس:
و ان شاء الله ربنا معانا كلنا و يوفقنا :022yb4: |
اقتباس:
طب أان بينى وبين حلوان 4 ( ساعات ) مفرقتش كتير بالمناسبه يا جماعه مادام الموضوع كله حلوانى اللى يعرف أى حاجه عن هندسة البرمجيات يقول واللى هيدخله يقول أو عرف حاجه جديده يقول برضه ومنكم نستفيد جزاكم الله خير |
ya gma3a hya al ma3lomat dy akeeda ?? asl al meshwar lelkolya mesh saahl abdaaaan
|
اقتباس:
هما الاتنين ما يعلم بيهم الا ربنا بصراحه بس المعلومات دى اكيده متقلقش أنا كنت هناك من يومين وكمان bosy cat كانت هناك والبشمهندسه ساره برضه مصادر زى الفل أهى بص قول إنت شاكك ف ايه أو عاوز تتأكد من ايه بالظبط ومع بعضينا يعنى جزاك الله خير |
اقتباس:
عموما انا كنت هدخله بس سالت ناس ف حاسبات برضه و كده ..و لما اعقدت افكر بصراحه لقيت ان العادى احسن ..هتقولى ازاى ماهو لو احسن مش هايعملو القسم الجديد ده ..هقولك انت اه هتاخد كل التخصصات طب كده تمام اوى ..ف التانى هتخصص ف 3 و بكده هكون متمكنه ف تخصص معين طب تمام ..هتقولى طيب و باقى التخصصات ..هقولك ماهو ممكن جنب دراستك العاديه تاخد كورسات ف الحاجات اللى ناقصاك و بكده هايكون مش ناقصك حاجه ..اصلك كده كده هتاخد كورسلت ده اساسى ..بس هتقولى طيب و الشهاده هاتبقى حاصل ع بكالوريوس هندسه برمجيات ..طب و ده يعنى هايفرق ف ايه هيخليك تبقى تبع نقابه المهندسين يعنى !!!!!!!...عموما انا بقول رايي مش اكتر و الله ...و ربنا معاك و انا ان شاء الله نازله السبت و هسالك ايه النظام هناك و كده :) ربنا معاك .. |
اقتباس:
|
اقتباس:
يعنى الجدول اللى اتكتب دة صح ؟؟ ولا الاحسن الواحد يروح الكلية يوم السبت و يدب المشوارين الحلوين اوى دول ؟ و لو الاحد اروح الساعة كام بالضبط ؟؟؟؟؟؟؟؟:( |
اقتباس:
انا من القاهرة بس المسافة مش صغيرة خالص ...... بس لو الاحسن اروح هاروح و امري لله يعنى هى جت على يوم:(:(:( |
اقتباس:
|
اقتباس:
بس الحاجه بتاعة شئون الطلبه قالتلى حاجه أهم من ده كله قالتلى إن الأقسام التانيه دى التخصص فيها من تالته زى ما انتى قولتى يعنى لما بتتخرج بيبقى معاك تخصص سنتين بس اللى هما 3 ورابعه انما ف هندسةالبرمجيات قالتلى معاك تخصص أربع سنين واللى عمر الكورسات ما تقدر تعوضه ودى ميزه برضه بالنسه لموضوع اللقب هيا قالت إن الباكلوريوس بيبقى حاسبات ومعلومات قسم هندسة برمجيات والوظيفه بتتكتب مهندس برمجيات ودى مش هتفرق عشان اللقب نفسه بس بتفرق لما تيجى تشتغلى ف أى دوله بره ويبقول طالبين العقد باسم مهندس حاسبات مش مبرمج |
.....................
|
اقتباس:
لا مين قال بس الكورسات لو ف مكان مضمون و كويس و انت اصلا عندك هدف هتعرف تبقى كويس اويييييييييييي ..كان ف توبيك هنا كان طالب ف حاسبات برضه كان بيقول انه ماكنش فاهم حاجاه خالص بس اخد كورسات ف الاجازه بتاعه 3 علشان المشروع بتاعه و قدر يفهم ..هم اه ماوصلش لمستوى واحد واخد الكورسات دى من زمان و بيمارس ..بس هو فدر يتقدم ف كام شهر و كان اول واحد مخلص المشروع بتاعه ...اللى عايزه اقوله ان الواحد مدام عنده هدف معين هيقدر يوصل و يحققه ...يعنى مثلا انا هدفى اكون كويسه ف مجالى ده و مش مهم اكون احسن واحده ف نظر الناس بس انا حاسه انى كويسه و هقدر اعمل حاجه و هحقق هدفى يبقى بجد هحققه مهما حصل ..الرغى ده كله مش علشان بقنعك ان القسم اللى انت دخله ده وحش لا و الله خالص انا بس بوضح فكره معينه ..انا اه وجعت دماغك :)..بس استحملنى بقى :d.. المهم انا قصدى ان الكورسات و هدفك انك عايز تتعلم تبقى كويس فاهم كل حاجه يبقى هتقدر و كمان حكايه ان التخصص 4 سنين ده مش عارفه بصراحه ..لانى مابحبش اقول حاجاه انا مابفهمش فيها لانى سنه 1 لسه ذيك ..بس اللى انا فهمتو عموما ان انت ان شاء الله هتدرس مواد 4 تخصصات ف 4 سنين ..طب ماهو انا كمان كده لحد سنه 3 و بعد كده ببدا اركز تفكيرى ف حاجه معينه لمدة سنتين كاملين ..دى مش مده صغيره من وجه نظرى ..السنتين دول يقدرو يخلونى متمكنه اوى ف التخصص ده ..يبقى انا كده اطمنت ع تخصص اهو باقى 3 تانين صدفنى اقدر ابقى كويسه فيهم اويييييييييييييييييييي لو اخدت كورسات ف الاجازه بحيث ان اكون مركزه و مفيش حاجه تانيه شغلانى ..لكن ف هندسه البرمجيات اللى انا شايفاه و الله اعلم يعنى ..لانى قولتلك انا معرفش اوى ..بس انت هتدرس مواد 4 تخصصات مع بعض ..هيقدر بقى يلملك كل حاجه و تبقى مركز فيهم ذى واحد بقاله سنتين مركز في تخصصه بس ..و كل سنه يركز ف ل تخصص لوحده و يفهمه بجد ..معتقدش يعنى و الله اعلم برضه ..لان هتكون مشتت بين مواد كل قسم ..انا قولتلك انا مافهمش فيه اوى القسم ده بس ده رايي و ربنا معاك و يوفقنا كلنا :d معلش ع الرغى الكتير ده بقى :) |
اقتباس:
|
اقتباس:
إحنا بنفيد ونستفيد واضح من كلامك إن إنتى كنتى ناويه تدخلى القسم وتراجعتى على فكره انا سألت وعرفت إن ممكن طلبة سنه تانيه يدخلوا القسم ويتعملهم معادلة مواد .......ودا اللى إن شاء اله هعمله المهم كل الكلام الحلو اللى قولتيه ده انا واخد بالى منه والقصه ما كنتش لطالب دا هو اتخرج من زمان وبيشتغل وبيحاول يساعدنا بتجربته يعنى أنا عارف إن اللى قدامه هدف كده كده بيسعى عشان يحققه انا عاوز اقول على حسب كلامها يعنى ان هى قالتلى إن خريج القسم بيبقى مكتوبله التخصص أربع سنين مش سنتين وقولتلها ايه الفرق ؟؟ قالتلى بالعقل يعنى بالنسبه للشغل قدامهم واحد ف لبتخصص اللى هما طالبينه سنتين وواخد كورسات وواحد معاه التخصص من أول ما دخل الكليه يعنى اربع سنين وبرضه واخد كورسات الأولويه هتكون لمين طبعا أنا لسه هتكلم مع دكتور أحمد شرف الدين اللى هو رئيس القسم وأعرف وجهة نظره ورأيه واسأله عن كل الأسئله دى وبالنسبه للكورسات دى أنا ناوى غن شاء الله اركز ف أولى ع اللغه يعنى هآخد كورس إنجليزى إن شاء الله واللى فيه الخير يقدمه ربنا آسف ع الاطاله |
اقتباس:
بجد شكرااااااااااااااااااااا ليكى على الجدول ده لان بجد مكنتش عارف هعمل ايه من غيره انا كان اتقالى انه كده بس مكنتش متاكد منه بس انا عايز اعرف يوم الاثنين عندنا محاضره واحده ولا اتنين وكمان يوم الثلاثاء |
اقتباس:
عموما الخير دايما فيما اختاره الله ..و لو ليك خير ف اى قسم مهما كان يبقى هتدخله و ولا اطاله ولا حاجه اومال انا ع كده طولت بزياده :d عموما ربنا يكرمك و تحقق ان شاء الله كل اللى انت عايزه :) |
اقتباس:
انا بس نسيت اتب المواعيد بتاعه الاتنين و التلات غصب عنى بجد ..بس ان شاء الله اول م اشوف اصحابى هاخد منهم المواعيد تانى ..يعنى ان شاء الله بكره بالكتير اوى هجيب الجدول كامل باذن الله و لا شكر ع واجد ..اى خدمه :):) |
انا مبسوطة اوى انى معايا مهندسين جامدين وربنا يوفقنا وجزاكم الله خيرا واشوفكم فى الكلية
|
ازيكم يا باشمهندسين
عاوزكم تفتكروني في الكلية ... متنسوش ان انا كنت طالب معاكم في حاسبات حلوان ... ربنا يكرمكم و يوفقكم و اسمع عنكم الكلام الكويس بقى عاوزين امتيازات ... مش ح اوصيكم جزاكم الله كل خير |
طبعا مش هننساك واكنك معانا واكتر وربنا يوفقك
|
اكيد مش هننساك يا بشمهندس وربنا يوفقك ويوفقنا جميعا
|
السلام عليكم في الاول معلش استحملونى شويه : اولا انا طالب معاكم في كلية الحاسبات جامعة حلوان والنهارده كنت في الكليه انا وصحابى كنا 6 قعدنا مع الدكتور احمد شرف وهو المسؤول الاول عن قسم هندسة البرمجيات وقعد يشرحلنا الموقف والفرق بينها وبين الاقسام العاديه واللى انا فهمته من كلامه ان القسم ده افضل بكتير من القسام العاديه وان الشغل بتاعه متوافر جدا وعليه طلب وبيحاول فى القت الحالى انه يعمل ليك مع جامعات فى انجلترا وايضا امريكا وده طبعا مخصوص بهندسة البرمجيات فقط وبالاضافة لكده الاعداد هتبقى قليله والفهم اكتر وامكانيه الحصول على تقدير هتبقى افضل وكفايه عندى انى يبقى مكتوب في بطاقتى لقب مهندس برمجيات وبرده قالنا ان الدراسه هتبقي 129 ساعة فيها مواد اجباريه واختياريه بجانب ان المحاضرات كلها في الكليه نفسها على عكس القسم العادى اللى محاضراته كلها بره الكليه وانا وصحابي غالبا اتفقنا على الالتحاق بالقسم الراءع ده ويارب يوفقنا ويفقكم كلكمواتمنى معرفتكم جميعا وان شاء الله اشوفكم فى الكليه على خير واسف على الازعاج
|
جميع الأوقات بتوقيت GMT +2. الساعة الآن 11:15 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.