اول يوم فى الكلية
 

اكيد كلنا كنا بنحلم باول يوم فى الكلية ومستنيينه على نار ومتخيلين كانه يوم عيد:blush:
انا بتكلم عن نفسى .انا رحت الكلية صعقت:oالكلية مليانة طلبة و لو معاك حد ماشى جمبك ممكن يتوه منك وكل دول شطار طبعا دول فى طب لا والكلام والمصطلحات تحسسك ان انت عالمريخ سبحان الله جالى احباط وقلت انا اكيد فاشله:blush: بس بيقولو ان ده طبيعى فقمت راحة مقضية اليوم بره مع اصحابى فى صيدلة وخرجت بعد كدة وبعدين روحت البيت ولسة مصدزمة هو انا بحلم ولا فى ايه؟:o
المهم كل واحد يقول هو قضى يومه ازاى؟وهل اليوم ممتع وكدة ولا انا اللى غريبة؟ولا انا اللى من المريخ؟
يلا كل واحد يحكى يومه

انا ليا تعليق علي نقطه واحده

مينفعش تقولي انا فاشله لأنك طالما وصلتي للمكان ده يبقي انتي قده وتقدري تتميزي فيه


اما بالنسبه لليوم احنا 164 في الدفعه قسمونا مجموعات كل مجموعه 9 افراد وكل مجموعه مسئول عنها فردين اكبر مننا مسئولين يعرفونا نظام الكليه وكل حاجه عن الكليه لمده 13 يوم مش هناخد فيهم والغريب ان صاحبي الانتيم معايا في المجموعه رغم ان اسمه بيبدأ بحرف تاني خالص ......... مش مشكله جايز عارفين ان احنا صحاب وعلي فكره دراستنا الحقيقيه كمان حوالي 13 يوم يعني يوم الخميس الجاي لأ اللي بعده

ميرسى اوى يا تيمو على ردك وانك بترفع معنوياتى ربنا يخليك ويا بختك يا عم لسة هتبداو الجد يلا استمتع بقى باليومين الباقيين دول والحق قبل فوات الاوان

انا الحمد لله فى هندسة


لكن عند الشعور بهذا الاحساس الواحد ينام لان ده طبيعى جداا من مجهود الثانوية من ناحية و من الشكل الجديد للكلية


أحنا الحمد لله خلصنا الثانوية " اللى جابت ده كله "


يعنى الاحباط لو حاول يطرق باب طلاب الجامعة نقول ليه


يأخى انت مش بتتعب " الله يسهلك "

اوحش حاجه فعلا الزحمه بجد المكان زحمه جداااااا
بس أحلى حاجه إن الكليه نضيفه مش مبنى قديم أو مش نضيف لأ بالعكس خالص جميله (مش قوي يعني )
وأحلى حاجه بردو إن شوفت صحاب مشوفتهممش من زمااااان
وعلى فكره كتب الكليه نزلت مش زي ما قالولنا إنها بتنزل بعد شهر أو كده

انا كمان كنت فى الكلية انهاردة
فعلا كانت زحمة اوى ومحدش فى الكلية شرحلنا نروح فين ولا ازاى:mad::mad:
كنا قاعدين نلف فيها وخلاص!
بس محدش ينكر ان الكلية كانت حلوة اوى وانطف كليه فى المجمع;)

بس فعلا الواحد حس انه غريب وانه مش فاهم حاجه

النهاردة كان احلى يوم
بجد الاسر والاتحاد عملوا مجهود جامد
وعملولنا welcome day فظيع وكان يوم رااااااااااااااااااائع
وكانوا عاملين مسرحبة حلوة
ورئيس الاتحاد كلمنا عن الكلية
وقدمولنا ناس موهوبين جاااااااااااااااااااااااااامد وقدموا فقرات حلوة
ده غير انهم عرفونا نظام الكلية واحنا فى الاجازة وخلونا شوفنا الكلية كتير فكنت عارفة الكلية
لما روحنا الصبح حسيت اننا فى النادى مش فى الكلية
ضحك وهزار واتلم حوالينا الناس اللى اكبر مننا ويفهمونا وبعد المحاضرة قالولنا احنا هنشرحلكم المحاضرة تانى بكرة الصبح وبعد الكلية كمان
انا فعلا حسيت انى وسط اهلى ويوم كان سعيد بجد

لا بجد تانى يوم بقى كان حلو الحمدلله لسة الواحد برده مش فاهم حاجة بس معنوياتى ارتفعت وحسيت انى اتحسنت وخلاص ويا دكتورة atmمبروك على الويلكم بارتى وعقبالنا وشكرا عالردود

كان بالنسبالي يم مش حلو
لأني حضرت محاضره الفسيولوجي مفهمتش منها حاجه خالص
دخل دكتور الهستولوجي سبته و مشيت روحت لعبت كوره في ملعب الكليه
ووقعت والتيشيرت كان ابيض بقى ألوان تانيه خالص غريبه
فحضرت السكشن وانا لابس البالطوا وروحت بعد السكشن على طوووووووووووووووووول

أنا بقول بردو السكشن منور ليه .....:)

:d
ميرسى يا دكتور احمد على ذوقك والله منور بيك انت.بس انا مشفتش حد لابس البالطو او مخدتش بالى يعنى لان السكشن كله ولاد كلهم احمدات تقريبا

لأ بجد موقف مش حلو بس يا تري بتعرفوا تلعبوا كوره؟؟؟؟؟؟؟

بالنسبة لاول يوم كان ممل و كذلك التاني ومعرفتش اتعرف على حد خالص
واحسن حاجة هي الكبري العظيم اللي يعتبر اهم من مبنى الكلية نفسه ههههههههه:av4056bb7jp3::av4056bb7jp3:

:bosyht9::bosyht9::bosyht9:
ليه مقولتليش نروح نلعب سوى هههه:022yb4:
لان دكتور الهستولوجي بصراحة كان اكتر من ممل و بالرغم من اني كنت قاعد في الاول نمت كذا مرة وصحيت
ينفع يحكي حكاوي على التلفزيون حكاية قبل النوم ههههههههههههه:p

على فكرة انا حاولت اتعرف عليك كذا مرة بس معرفتش ليه مش عارف :blush: مرة زحمة ومرة مش لاقيك بين كل اللي قاعدين في المدرجات لانهم كتير والبنات كالعادة كلام بلا انقطاع هههههه
عارف اني هيقيموا عليا الحد اول ما يعرفوا:giljotiiniug3::stickjo4::abdoog8:

عاوزك تشرفنا قدام و نكون وورك جروب ان شاء الله لو وافقت :wub::friendsxs3:
وقبل ما انسى ايه رأيكم يا جماعة في نظام التعليم الالكتروني

على قدنا ...
سايبنهالك يا كوتش..

يا عم سبتهالي ايه هو انا بعرف ألمس الكوره:d

لا تالت يوم بقى رجعنا المريخ تانى .المحاضرة زحمة جدا سبتها وخرجت والمشرحة كتمة كنت تعبانه اوى جواها وخرجت غسلت وشى ورجعت .يلا الحمد لله على كل شىء بس لسة يا دكتور احمد لم يتم العثور عليك

ياااااااااااااه تالت يوم فى الورعة والجمال
بجد انا حبيت الكلية اوى
احنا بقي بيبقي عندى فى اليوم محاضرة واحدة وسيكشن واحد بس المحاضرة بتبقي اكتر من ساعتين
والحمد لله الدكاترة كلهم شرحهم حلو
امبارح بقي كان يوم الجمال دخلنا المشرحة
ولا حد بقي اغمى عليه ولا حد عيط ولا شغل الهبل ده
دخلنا وشوفنا العضم مسكناه وكان يوم حلو اوى
وكل شوية اسرة تدخلنا وتيدينا اسطوانات للمواد ويعرضوا علينا مساعدتهم
بجد انا زعلانة ان بكرة اجازة

أنا النهارده مروحتش محاضرات روحت السكشن بس
ومظنش إني هروح محاضرات تاني لأن مش هقدر أروح محاضرات
وسكاشن وكورسات بس كان السكشن حلو بس هيبقى أحلى لما
أحس إني باخد حاجه جديده أو بسمعها لأول مره بس إللي راحو
قالولي إنه كان يوم جميل ودكاتره الهستولوجي والأناتومي حلوين
إن شاء الله أحاول آجي محاضرات يوم الأربع لأني نفسي أقدر أوفق بين المحاضرات والكورسات

انتوا بدأتوا في جو الدراسه كده علي طول
ده انا معرفش اي حاجه خالص يعني احنا لسه في الاجازه بس اشتريت كتاب فيسيولوجي مفهمتش منه حاجه

ya bkhtko..http://www.thanwya.com/vb/life/icons/icon111.gif

awel youm kan mot3eb gedan gedan bra3'm enena ma3mlnash 7aga 3'er el w.p w mo7drten malhomsh lazma keda bs el modrag awel youm kan 7ar awii :D
w e7na lesa msh bna7'od 7aga asln 7an3od keda awel 3 weeks ya3ny awel module da malhosh 3elaka bel teb lol study skills w terminology w msh 3arfa eh lol bs ana bagy kol youm anam lel youm ely ba3do mn kotr el laf ely bnlfooooo fel kolya :S:S

ايه يا ماو انا حاسس في كلامك حسد:p

اه فعلا دكاترة المحاضرات ممتازين وبيقولو دى مهمة يعنى ممكن تيجى فى الامتحان وكدة بس المشكلة فى الزحمة مجموعة ب بتستهبل وبتحر معانا انا اتاخرت نص ساعة رحت ملقتش مكان والطلبة واقفة

سوري مش سامع ..
حضرتك بتقولي إيه ؟؟؟

هوا الحقيقة دكتورة منى ودكتورة سحر شرحهم حلو بس باقى الدكاترة!!!!!!!!!!!!
وكمان حد سمع محاضرة النهاردة بتاعه البيو لو فيه حد فهم المحاضرة !
ياريت يقول احنا خدنا ايه؟ولحد فين؟والدكتور كان بيكلم عن ايه؟
احسن تقريبا كنت نايمه فى المحاضرة من كتر فهم المحاضرة

اولا الدكتور ساب introductio لينا
وبدأ ب water
ونهليته عند buffer and buffering system طبعا معانا
بس قال في المعادلات الموجودة لسه المحاضرة الجاية

:stickjo4::stickjo4:
هنا القاهرة
انتي باين ما حضرتيش يوم الاربعاء محاضرة الفسيولوجي اللي الدكتور حول المحاضرة من فسيولوجي لصرف صحي و انا حظي حلو اني سبت المحاضرة ونمت ههههههههه بس كان فات الاوان بطني قلبت
:slap1qk6::slap1qk6:
وبصراحة يا دكتور احمد ربنا بيحبك انك ما حضرتش المحاضرة دي
:av4056bb7jp3::078111rg3::av4056bb7jp3:
بالنسبة للدكاترة اللي الكتاب اللي بيشرحه منظم وسهل بيظهر حلو :049gc0::romarioxp6::bosyht9:
غير كده فهو والكتاب في بيكونوا ...........:o:confused:

وفي دكاترة تسيئ الى الكتاب بشرحها ودول خير لهم ان يصمتواااااااااااااااااااااااااااااااااااا:wacko::b link:

احنا خدنا النهارده محاضره تمهيديه للاناتومي والدكتوره قالت المصطلحات اللي هتقابلنا في problems وبصراحه ما لحقتش اكتب

فلو حد يعرف ينزلها يبقي اوك

ولو معرفش عادي انا كده كده هخدها تاني في ال class

فعلا دكتوره سحر كويسه جدا وكله قالي كده
بس أنا للأسف مسمعتهاش لأني جيت من نص محاضره البايو
ويارتني ماجيت بس الحمد لله مارست هوايتي المعهوده ولعبت كوره وروحت
بس على فكره هو كده الدكتور مسابش غير صفحتين بس
لأني سمعته بيشرح في الlaw of mass action وال buffering system
على ما أعتقد وكمان فيه بيقولوا إن دكتور خالد بتاع الهستولوجي ده حلو
غير كده الباقين دول وحشين بزياده مش عارف هم بيشرحوا ولا بيعملوا إيه بالضبط
يلا ربنا يصبرنا عليهم وهيديهملنا

مفيش حد رد ؟؟؟؟؟؟؟؟؟؟؟

اوك حلو اوي شغل التنفيض ده :abdoog8::abdoog8::abdoog8::abdoog8:

انا فى كلية التمريض
وكل المواد باللغة الانجليزية
ومفاهيم غريبة عنى واصبت بالاحباط

واضح يا دكتور احمد ان حضرتك مفهمتش نبرة صوتى ساعتها انا طبعا بتريق اساسى ولا كان لازم اعمل كورة مطلعة لسانها كدة مثلا:p

لا يا خويا حضرت ونمت كالعادة ودن من طين وودن من عجين ده راجا غرييييييييب جدا ربنا يستر لحد حالا الواحد مش فاهم حاجة وكل الدكاترة انقح من بعض:d

معلش حاولى تتغلبى على الاحساس ده وحسسى نفسك انك فاهمة او ان ده امر طبيعى وكدة

:p:frown:
ماهو باين عليكي اتغلبتي على مشكلة الفهم قوييييييييييييييييي :006et4::006et4::006et4:

بامارة الانتباه في المحاضرات والحضور بدري قوييييي:romarioxp6::romarioxp6:

:039uw8::039uw8:هم البنات كده :039uw8::039uw8:

او
:friendsxs3::friendsxs3:

ياتري حد فهم محاضرة الدكتورة سلمي انا عارفة هي اتكلمت عن ايه بس مش فهماها ياريت حد يوضحها لي

سورى ما لهم البنات عشان مش فاهمه حضرتك بتقول ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:angry2:

ياريييييييييييييييييييييييت يا دكاترة بما ان بكرة محاضرة د.سلمى

حد يقول اى حاجة عنها عشان اعرف اذاكرها بس

ايه اللى يتحفظ وايه اللى يتفهم؟

وكمان بعض الكلام اللى قالته ف المحاضرة مش زى كتاب القسم

انه اللى يتذاكر بالصبط:excl:

السلام عليكم
انا اسمى اسلام عادل
طب طنطا الفرقة لاولى
انا لسة جديد
معاكو فى المنتدى
اما عن الدراسة
فا انا مش فاهم حاجة خالص
الكلية جميلة بس العدد كتير
جداا
و طلب وحيد
اى حد من طب طنطا ممكن يقولى
عشان نتعرف و نبقى اصدقاء

متقلقش كلهم هنا طب طنطا وهتتعرف علي ناس كتيييييييييييييييييييييييير:022yb4:

اعرفك بنقسى الاول يا دكتورة نور
انا اسلام معاكى فى طب طنطا
اما عن الدكتورة سلمى
فهى من افضل الدكاترة فى الكلية
ولكن كل ما فى الموضوع
ان الدكتورة سلمى بتدرس من زمان فالعلم عندها واسع
بس احنا لازم نلتزم بكتاب القسم
مثلا هي قالت ال trachea تتكون من 23
و هى 24
بس كل شى لازم يتفهم
قبل الحفظ طبعا
و تقبلى مرورى

لو سمحتوا يا دكاترة
انا مش فاهم حاجة فى البيو هل العيب منى ولا اية
ممكن حد يفهمنى
و كل ما اقول لحد يقول دة الطبيعى ؟؟؟؟

يصراحه العيب مش منك لان مفيش حد فهم اصلا
والدكتور كمان مش كفايه مبيعرفش يشرح لا بيسيب المايك بجد بزهق اوى فى محاضرة البيو

انا حاسس ان فيه حاجه غريبه في طب طنطا
هو صعب للدرجادي ؟؟؟؟؟؟؟؟؟ اصل انا شايف اللي في طب طنطا مش بيدخلوه المنتدي الفتره دي

لا عادى واللة مش صعب بس احنا لسة فى الاول
فواحدة واحدة
امل الدخول فهوا بيعتمد على النت انا مثلا ليا فى النت
فى ناس بتتخنق منة

لأ اصلهم كانوا بيدخلوا بأستمرار ومره واحده مفيش حد بقي بيدخل

خلاص يا تيمو
دة نداء لمل من فى طب طنطا من صديقكم تيمو و اسلام
انتو فين تعالو بقى
هههههههه