ممكن نتناقش في موضوع المذاكره في جامعه القاهره ازاى
 

انا في سنه اولي كليه تجاره القاهره انا طبعا لسه اول سنه ومش عارف اذاكر ازاى وعايز حد خبره يفهمني وانا عايز اذاكر واجيب تقدير ومش عارف اسمع كلام مين ناس بيقولوا اني الكتاب معقد وذاكر من الملازم وانا خايف اذاكر منها ممكن حد يساعدني غي المشكله دي:excl:

السلام عليكم ازيك يا احمد الف مبروك على دخولك الكلية والحمد لله انى انت معنا جديد فى المنتدى بس يا احمد انا كريم مجموعة مميزة اول شرط تعرفه انى انت لازم تحضر جميع المحاضرات وتفهم واما تروح تكتب كل مادة فى كشكولها ولو فى حاجات عتحفظها احفظها ولو فى اسئلة هتحلها حلها هتمشى على هذا النظام عقبال ما الكتاب ينزل وبعد كدة تجيب الكتاب وتقرا المواضبع اللى انت عايز تقراها ولو فى اسئلة حلها وابعد خالص عن الملازم عليات الدكاترة اللى دخلولى حظرونا منها وقالوا انتوا لو مشيتوا على النظام اللى بقولك عليه ده هجيب باذن الله 20من 20 بس خلى بالك ياشاطر النظام اللى انا بقولك عليه ده ما اثقله على النفس الطلابية!!!!!فالكلام فيه سهل انما التطبيق عايز رجالة فعلا ربنا يوفقك يا احمد واحنا جميها ودعواتك ولو فى اى اعتراض من الاخوة الافاضل على الكلام انا متقبل للنقد..........شكراا....السلام عليكم

اولا انا مع احمد فى المجموعة وفى نفس المدرج واحنا اصحاب كمان وانا بتفق معاك يا كريم
بس ازاى اذاكر اللى انا كتبته فى المحاضرة وهو شرح على الورق زى ما بيقولوا انما مش شرح يخليك تذاكر يعنى اقصد شرح (( اختصار المختصر )) لكن كل الشرح بيبقى الدكتور بيقولوا من غير ما يكتبه كله
يا ريت تكون فهمتنى
وشكرا ليك مرة تانية وانا متفق معاك تماما

السلام عليكم عامل ايه يا احمد؟؟ الف مبروك على دخول الكلية بص يا احمد الوقتى مثلا الدكتور بيشرح فى جزئية وقال عليه امثلة حلو هو مثلا اما بيجى يميلك الدكتور او يكتب لا يكتب الامثلة فانت بقى بذكائك اما تروح تكتب المحاضرة تحاول تفتكر الامثلة وتكتبها بحيث حضرتك اما تيجى تذاكر تانى تبقى فاهم لو فى حاجة مستنى ردك

اهلا بيك اولا يعني انت عارف احنا بناخد مع مين اولا السلوك التنظيمي :oدكتور اميره والرااياضه :dدكتور علي الديب والمحاسبه :angry2:الاداره:o دكتور احمد فهمي والموارد الاقتصاديه :abdoog8:دكتور مصطفي عبد الغني معلش عايز اعرف نظام كل واحد واني حلو واني وحش

السلام عليكم يا حبيبى مفيش حاجة اسمعا دكتور حلو ودكتور وحش بص الدكتور واضغ كتابك وامتحانك وكل شئ فانت لازم تحبوا هو ومادته لانى فى الاول والاهر ده مصلحتك ومش مصلحتع عو لوانت معجبتوش ممكن يقولك انت ساثط هلصت القضبة فهمنى

اولا الله يبارك فيك انا موافقك على كلامك و لسة المحاضرات جاية كتير ان شاء الله نحاول نطبق كذا طريقة كدة لحد اما الكتب تنزل عشان نفصل ما بين المذاكرة التقليدية الثانوية والمذاكرة الاكاديمية الجامعية


وبشكرك تانى مرة على المتابعة والاهتمام وكل واحد يجرب طريقة ويقول للتانى وهكذا وان شاء الله نقدر نساعد بعض

اسال الله التوفيق لنا ولكم وجزاكم الله خيرا

جزاك الله كل خير

ايه يجماعه مفيش اي اخبار عن الكتب

أنا سألت النهارده قالوا يوم السبت او الاحد بالكتير

هي دي كتب تتذاكر
 

الكتب نزلت ويارتها ما نزلت والنبي حد يرد عليا علشان ان ادججنت خلاص هنذاكر ازاى حد يقولي

السلام عليكم يا اخ احمد فكري لا يجوز ان تقول والنبي قال النبي صلى الله علية وسلم (من كان حالفا فليحلف بالله أو ليصمت ) اخوك ايهاب

طريقة المذاكرة
 

السلام عليكم ورحمة الله
بداية كل عام وانتم جميعا بخير وياب تكون سنة سعيدة عليكم جميعا ان شاء الله وبعد...
بالنسبة لطريقة المذاكرة فى الكلية تكون كالتالى
اولا يتم التركيز جدا على المحاضرات التى يلقيها الدكتور ومن ثم الالتزام بالحضور فى المحاضرات.
ثانيا المذاكرة من الكتاب تكون فقط للموضوعات التى القاها الدكتور فى المحاضرة لان هناك بعض النقاط فى الكتاب لن تكون مهمة ( هذا بالنسبة للمواد العملى مثل المحاسبة )
ثالثا غالبا ما يقوم الدكتور بتنزيل كتاب للتطبيقات وهو عباة عن تمارين واجوية لها على المادة وذلك من اجل التعود عليها وكذلك يحتوى على تمارين مش محلولة للتدريب وغالبا ما تنزل التطبيقات بعد 6 اسابيع من الدراسة وبالتالى يجب الاهتمام بالتطبيقات وحلها جيدا والتركيز عليها لان اسئلة الامتحان غالبا ما تاتى منها او مثلها.
رابعا محاولة الحصول على الامتحانات السابقة للدكتور لمعرفة طبيعة الاسئلة التى تتكرر للدكتور ومن ثم التركيز عليها .
خامسا المواد العملى مل المحاسبة والرياضة يتم التركيز فيها على المسائل اما الاجزاء النظرية فى الكتاب فهى غالبا للفهم وذيادة المعرفة وليست مثار سوال فى الامتحانات ( مع استثناءات بسيطة جدا ).

واخيرا اقول للجميع لا تقلقو وركزو حاليا مع المحاضرات حتى تفهموا طبيعة المواد والدراسة وتتعودو على مصطلحاتها ومبادئها ...وانى على استعداد للاجابة عن جميع استفساراتكم وهذا ايميلى AMR_ibrahim91 على الياهو . والله ولى التوفيق
اخوكم عمرو ابراهيم معيد فى قسم المحاسبة كلية تجارة جامعة القاهرة

السلام عليكم..ازىك اخ عمرو والحمد لله انى معانا على المنتدى معيد حتى نستشيره وجزاك الله خيرا على هذا الكلام وانت فعلا كلام حضرتك مضبوط

الله يسلمك يا ( thenomadic) انا سعيد ان انا معاكم وانا تحت امركم فى اى استفسارات تخص المواد وبالتوفيق للجميع ان شاء الله .

ازيك يا عمر عامل ايه بقولك انا مش عارف اذاكر النظري خالص ومش عارف اذاكره منين اجيب مذكرات ولا ايه وماده الموارد دكتور احمد الزاملي لللاسف مش بيكتب حاجه وبيقرا سريع ومش عارف اعمل ايه ممكن تساعدني ا1ذاكر ازاى في النظري انا في مجموعه الف 1 الفرقه الاولي وانا عندنا دكتور مجدي نصار في الماحسبه بس ده دكتور ميه ميه ودكتور علي الديب في الرياضات ودكتور اميره في السلوك ودكتور احمد فهمي في الاداره مش عارف في حاجه غربيه في الدكتور ده بسمع الكل بيقول حلو وانا مش شايف كده معلش هتعبك معايا عايز بس ارعرف اذاكر اازى وياريت تقبل الاضافه علي الياهو وشكرا

تمام يا معللللللللللللللللللم

إيه ياجماعة ؟؟أبش أخبار المذاكرة فى حاجة واقفة ؟؟كله تمام

الا خبار معاك انا المواد النظري مش عارف اذاكرها منين وازاى رد عليا بسرعه

شكراجدا
 

انا خايف من الملازم دي الكل بيحظر منها انا شكلي هغوص في الكتاب وخلاص اعرف العنواين والبافي اقراه كده

بص يا حمادة انا من أول الناس اللى بتمانع موضوع الملازم هذا!!!اوك
انا قولتلك كدا عشان تيسر على نفسك وتقرا من الكتاب وتقرا ال س و ج اوك



اوك بص انت هات ورق ابيض وهات الكتاب وخد كل نقطة من الفصل واكتب العنوان واقرا ما تحته ولخص لنفسك اى تلخيص ترضى عنه وخلى بالك حاول تحفظ بعض النسب الهامة فى الموارد ....والله ولىُّ التوفيقِ......

شكرت جدا ورينا يوفقك في الا متحاناتتت الميت ترم

الشكر لله امين ربنا يوفقنا جميعا وانا اسف انى مبخشش على الموضوع

ولا يهمك مفيش حاجه

انا فى سنه اولى تجاره مجموعه ا/2 ومش عارفه احفظ خالص

لو سمحت حد يعرفني المفروض اعمل ايه انا عايد السنه الاولي وعندي مادة السلوكيه ولسه معرفش حاجه عنها لا ملغي ولا مقرر حد يساعدني انا الفرقه الاولى ه

لو سمحت حد يعرفني المفروض اعمل ايه انا عايد السنه الاولي وعندي مادة السلوكيه ولسه معرفش حاجه عنها لا ملغي ولا مقرر حد يساعدني انا الفرقه الاولى ه