|
ساحه حوار فرقه اعدادي اسنان
انا لاقيت كل الفرق في معظم المنتديات عمله ساحه حوار قلت اشمعنا احنا هوه احنا قليلين وبدل كل واحد مايعمل توبيك لواحده ونتوه في التوبيكات المختلفه نبقي في توبيك واحد وبكده نقدر نفيد بعض ونستفيد من بعض http://t1.gstatic.com/images?q=tbn:w...fieldtooth.gif |
فكره جامده يادوك احمد
طيب هنرغي في ايه بقي؟؟؟؟؟؟؟؟؟؟؟؟ |
صراحة هى فكرة حلوة اووووى
اية رايكم لما نبتدى نكلم فىاحساس كل واحد بنسبة للكلية ونظام المحاضرات هو احسن ولا المدرسة واية اكتر مادة حبتها واية المادة الى حسين انها رخمة اووووووووووى وعايزين نشوف ردود كتيييييييييييييييييييييييييييييير |
شكرا جزيلا
|
okayyyyyyyyyyyyyyyyyyyyyyyyyyyyyyyyyyyyy
|
فين الردود يادكاترة المستقبل
|
ايه اخبار كليه اسنان المنصورة النهارده ياريت اي حد في اعدادي يقولنا عملوا ايه النهارده
|
هو يوم الاحد ان شاء الله هيبقى ف حاسب الى بالنسبة للمجموعة 2 ولا هوه اتلغى
|
الحاسب اتلغي ان شاء الله
|
الموضوع جميل يا د/ احمد:av4056bb7jp3:
اقتباس:
انا حاسة ان المدرسة فيها نظام اكتر وبالنسبة للمواد لسة متعرفتش عليها |
بس للاسف ناس كتير مدخلتشي عليه عاوزين الكل يشارك
|
أنا لقيت ان في دكاترة بيراعوا ان مش كلنا كنا لغات .. و في مش بيراعوا ...
انا يوم السبت رحت 8 و 10 لقيت دكتور الأورجانيك بادئ حامي اوي و عمال يشرح .. ما شاء الله .. احسن بردو من اللي بينفضوا .. بس عموما ما حبيتش ال بوتاني و كنا قاعدين في المحاضرة زي ال....... بتوع كده .. ربنا يستر .. و لسه ما خدناش سكاشن ... ربنا يهون لسنادي علينا ياااااااااااااااااارب .. و ينفع بينا الإسلام و المسلمين |
وانته في جامعه ايه يا دك:d
|
الحمد لله ف المنيا محصلة الأسبوع الأول كله محاضرة واحد محاضرة cytology .. والحمد لله .. الحمد لله .. الحمد لله مفهمتش حاجة خالص :022yb4: والدكتورة اسمها ليلى باين .. داخلة سخنة جدا :049gc0: وبدات من الساعـة 10 وخلصت الساعة 12 بس الصراحة المحاضرة كانت حلوة وكلها معلومات قديمة من الثانوي باستثناء انها كانت بتقول مصطلحات انجليش بسرعة .. ولسة ماجبتش الادوات ولا الباطو ولا حاجة خالص :028ja7: .. دا كمان بيقولوا الكتب بعد اسبوعين والسكاشن بعد اسبوع .. والمش عارف اية بعد 3 سنين .. يا عمي دي جامعة نايــمة :wacko: ربنا يسهل ونبدا فى الجد بقى وربنا يوفقنا للخير وننفع الاسلام والمسلمين .. اللهم امين |
مهو اغلبيه الجامعات كده مش انتم لواحدكم بس
|
ياريت يعني الي هيعمل موضوع يفيدالفرقه الاعداديه يحطه هنا بدل المواضيع الكتير الي احنا تايهين فيها دي
|
اقتباس:
والله يكون احسن بس كل واحد براحته .. وكمان اغلب الموضيع الحالية ملهاش دعوة باعدادي وان لقيت حاجة لاعداي هجيبهالكو عالطول ان شاء الله |
اجمع اعدادى اسنان
السلام عليكم ورحمة الله
http://img411.imageshack.us/img411/1999/79827656.jpg اهلاا وسهلا بطلبة اعدادى اولا بعض النصائح: 1-ركزوا فى المحاضرات والقطوا اى كلمات وحاولى تكتبوا حتى لو كتبتم غلط. ده هيخليكوا تتعودوا على اللغة ولا تخافوا من بداية الترم التانى هتنسوا العربى ومش هتفهموا غير انجليزى وتذاكروا بكل سهولة. 2-لا تمسك قاموس وانت بتذاكر وترجم كل كلمة وكل حرف ولا تعتمد على الترجمة الحرفية لان الموضوع ده مرهق وغير مجدى لكن خمن معنى الجملة ولما تكون كلمة صعبة ومهمة ابحث عنها. 3-اسال الدكتور عادى فى المحاضرة او بعدها. 4-يفضل قراءة موضوع المحاضرة قبل ما تاخذها 5-لاتنتظر الكتب واستلف كتب من حد اكبر منك طيب لو متعرفش حد انزلوا الكلية يا جماعة واطلوبوا الكتب من اى حد متعرفهوش ...قولوا احنا فى اعدادى وعاوزين كتب محدش هيبخل عليكم 6-بلاش كورسات يا جماعة ....الموضوع مش مستاهل اصلا وكمان الدكاترة بيزعلوا قوووووووووووى من الموضوع ده وانتم عارفين زعل الدكاترة وحش ازاى ومن يريد اخذ مجموعة فالكلية بتعمل مجموعات تقوية باسعار كويسة وبرضا الدكاترة كمان. 7-ذاكوا اول باول بلاش تطنيش اعدادى سنة سهلة جداااااااااااااااااا وكانها ثانوية عامة لغات 8-اكتبوا المحاضرات كويس وكملوها من الكتاب وبيضوها . 9-حلوا امتحانات السنين السابقة. 10-تعاونوا مع بعض واللى فاهم حاجة يشرحها للاخرين(طبعا البنات وحدهم والشباب وحدهم) جمعوا بعض كده فى مكان واشرحوا لبعض (اتفقنا مفيش اختلاط) 11-استعينوا بالله وكل شئ يهون ويسهل خلى بالكم اللى عنده هدف هيتفوق واللى مش عنده هدف هيعدى لكن هيخسر كتير قوى اكمل معكم بعد قليل ان شاء الله ومن يريد طرح اسئلة يتفضل |
بسم الله الرحمن الرحيم
بعض ملفات السيتولوجى هتستفيدوا منها ان شاء الله [PPT] Review of the ISAC Draft Requirements for a Cytometry/Analytical ... [PPT] Outlook/RHO [PPT] Cytology Weekly Cases [PPT] wberesford.hsc.wvu.edu/L3WB_Cytology04.ppt |
شكرا اوييييييييييييييييييييييييييييي د/ بسمة
|
اى سؤال؟يا د.افنان؟
|
بسم الله الرحمن الرحيم ما هو السيتولوجى؟ cytology هو علم يدرس الخلية يعنى هنمسك الخلية وندرس مكوناتها من سيتوبلازم ونواة وشبكة اندوبلازمية والخ....... مادة سهلة جداااااا وهتخلص فى محاضرتين او3 احنا درسنا الموضوع ده فى اعدادى وثانوى بس هنا هندرسة باللغة وبتفصيل بسيط لا تقلقوا اللى هيقرا من الكتاب هيفهم لا تخافوا ود.ليلى بتحب الشطار واللى بيحضروا المحاضرات وبيقروا المحاضرة قبل ما ياخذوها وبيذاكروا المحاضرة القديمة بتعطيهم اعمال سنة وهى د.زى العسل وطيبة قوى ما هو الهستولوجى؟ histology هو علم يدرس الانسجة. النسيج الضام والنسيج العضلى والنسيج العصبى والعظم الفرع ده ممكن ياخد 3محاضرات بسيط قوى والله سهل باذن الله انتم ذاكروا كويس من الكتاب هتفهموا كل شئ واللى مش فاهم حاجة يذهب الى كليتنا ويسال اى حد يعرفة اولا ولا ينكسف ما هو الامبريولوجى؟ embryology ده علم بيدرس الاجنة وكف تكون الجنين والمراحل التى يمر بها بصوا ده ممكن ياخد محاضرة او محاضرة ونصف نصيحة تذاكروا كويس لانكم هتدرسوا السيتولوجى والهستولوجى تانى فى اولى بس بتوسع اكتر وهتدرسوا الامبريولوجى فى2 فالافضل انكم تذاكروا كويس علشان ترتاحو فى اولى و2 الكلام ده لبتوع المنيا خااصة |
اقتباس:
الف شكررررررررررررررر ليكي يا كتورة هو حضرتك اسنان المنيا بردوه وربنا يجزيك كــــــــل خيــــر |
مريييييييييييييييييييييييى يادكتورة بسمة
|
الله عليكي يا د\بسمه المجهود الرائع الي انتي عملاه ده شكرااااااااااااااااااااااااااااااااااااااااااااااا ااااااااا
بس ياريت يعني لو توبيك لاعدادي اسنان يتحط هنا اصلا احنا تهنا خالص ومعتش عارفين ايه الي تبعنا |
يا اعدادى اسنان المنيا
اى بنت عاوزة اى حاجة ترسل لى رسالة خاصة او موضوع هنا واى حد عنده سؤال يسالة هنا |
الدكتورة ماجدة:
دى دكتورة طيبة وبتحب ايه؟ بتحب اللى ينتظم معاها ويحضر المحاضرات ويجاوب معاها واصلا اللغة دى ايه ده كلام اعدادى وثانوى حاجة تافهة لكن ممكن تجيب امتياز لو الدكتورة عرفتك وحفظتك وهى بتحفظ الناس الملتزمة بالحضور وفى الحضور يعنى تقعد من امام فى البنشات المتقدمة تركز معاها تجاوب وتسال تأخذ امتياز ان شاء الله ممكن الدفعة تستعبط وتخلى المحاضرة فرح اوعى حد منكم يشارك فى ده اقعدوا امامها واحترموها وجابوا معاها ولا تستهتروا بيها تاخذوا امتياز والله والله الست طيبة ومحترمة وبتحب الطلبة وبتتقن عملها دكتور ضياء: زوج دكتورة ليلى هو شرحة كويس ياريت تتجابوا معاه يعنى تاخذوا وتدوا معاه فى المحاضرة وتحسسسوه انكم فاهمين وكورس الدكتور سهل جدا وامتحان الدكتور كويس وهو راجل محترم وبيحترم الطلبة بلاش شغب او اى حاجة وحشة فى المحاضرة خدوها قاعدة عامة هتحترم اللى امامك وتسمعه وتعطية حقة هيحترمك ويعطيك حقك هتقل ادبك ولاتحترمة فلن تجد الا اسؤ مما قدمت وبلاش الغيبة فى الدكاترة ليل نهار اعتبروهم ابائكم وامهاتكم ومفهاش حاجة لو دكتور غلط غلطة خلاص كل بنى ادم خطاء والغيبة دة سبب من اسباب عذاب القبر والغيبة هى ذكرك لاخاك بما يكره حتى لو كان فيه اما اذا لم يكن فيه فقد ظلمتة واحذروا معظم الكلام بيوصل للدكاترة خاصة بتوع علوم فاتقوا الله فى الدكاترة وبلاش غيبة كتير قبل ان ياتى يوم نندم فيه. اى سؤال تانى عن اى دكتور او معيد؟؟؟ جزاكم الله خير. |
موقع جميل قوى هيفيد اعدادى http://www.whereisdoc.com/
ده موقع تقدر تحمل منه ملفات بوربوينت او وورد او اكروبات ريدر او فلاش وصيغ اخرى كتير كل ما عليك ان تكتب الكلمة التى تريد البحث عنها وليكن مثلا cytology ثم تضغط بحث ولاتنسى تختار من اعلى نوع الملف وده صورة بسيطة عملتها لكم http://www.thanwya.com/vb/images/sta.../wol_error.gifThis image has been resized. Click this bar to view the full image. The original image is sized 1024x768.http://www.thanwya.com/vb/attachment...1&d=1255116007 الموقع ده هينفعكم جاااااااااااااااااامد قوى باذن الله ممكن تبحثوا فيه عن موضوع المحاضرات وكده |
السلام عليكم جميعااااااااااا انا كانت جاية لي طب اسنان المنيا و حولت عين شمس و أهي جتليي :av4056bb7jp3: عايزة اعرف ايه النظام بالزبط و ازاي أدخل الكلية ,, و المصاريف نظامها ايه و كدة يعني , و المحاضرات و العملي اللي فاتتني أتصرف فيها ازاي .. يا ريت حد يفيدني :bosyht9: |
ربنا يجزيكي كل خير يا دكتور بسمة
كل مشاركاتك فيها إفادة ربنا يزيدك من علمه ويبارك فيكي |
[quoteالسلام عليكم جميعااااااااااا
انا كانت جاية لي طب اسنان المنيا و حولت عين شمس و أهي جتليي عايزة اعرف ايه النظام بالزبط و ازاي أدخل الكلية ,, و المصاريف نظامها ايه و كدة يعني , و المحاضرات و العملي اللي فاتتني أتصرف فيها ازاي .. يا ريت حد يفيدني [/quote] ما تقلقيش أو ما تقلقش خالص .. لما تيجي هتعرف كل حاجة .. و ممكن تسأل المعيدين عن السكاشن لأنها بتتعاد في مواعيد تانية .. إما لجروبات تانية .. أو مثلا لإعدادي أسنان .. بالنسبة للمصاريف و الأوراق الرسمية و كده .. كل الحاجات دي فشؤون الطلبة فمبنى أسنان " الجديد " اللي هو جنب صيدلة .. يعني لازم تعدي الشارع و تروح عند تجارة كده و بعدين هتفضل ماشي لجوه شمال شوية كده .. و لو سألت هيدلوك إن شاء الله .. و المحاضرات .. عادي جدا .. قالولنا احجزوا الكتب فالقسم بتاع كل مادة .. و لسه مش هييجوا دلوقتي .. يعني احنا بنكتب ورا الدكاترة على أد ما نقدر .. و في ورق للمحاضرات بيتباع فكشك كده ادام علوم .. بس كده ... و أهلا بيكي معانا ... تنوريييييييييييييينا .. D= |
:022yb4:ألف شكر يا دكتور أسلام :022yb4: بس انا امتى اروح شؤون الطلبة .. لما يجي اسمي وللا أروح علطول وللا إيه بالزبط ؟ و إزاي أعرف ان ملفي وصل وللا لسة ؟ |
اقتباس:
فعلا فى ناس كتيييييييير بتتكلم بس حضرتك اشمعنا اتكلمتى عن الاتنين دول بس في حد قالك حاجة عليهم .. ؟؟ اقتباس:
بقول لو كانت دي امي ولا حتى قريبتي .. ولو كان دا قريبي .. كنت هرضاله حد يقول عليه كدة يارب ابعدنا عن الغيبة واهلها وجزاكي الله خير |
اه فى حد منكم سالنى عليهم
|
[quoteألف شكر يا دكتور أسلام
بس انا امتى اروح شؤون الطلبة .. لما يجي اسمي وللا أروح علطول وللا إيه بالزبط ؟ و إزاي أعرف ان ملفي وصل وللا لسة ؟ [/quote] بصي روحي فأقرب وقت و اسألي هناك .. و هموا هيقولولك هيوصل اسمك امتى لو ما كانش وصل .. بس طبعا احضري عادي .. على فكرة أنا " دكتورة " ... ده نك نيم بس يعني .. |
مشكوووووووووووووووووووووووووووور
|
الله يخليكي يا دكتورة جوهرة أو لؤلؤة أو مش عارفة أقول ايه :p انا لازم يوم السبت أروح إن شاء الله واشوف حيقولو ايه بس السكاشن العملي كدة اسمي مش موجود فيها ويمكن لما يجي يسجلوني غياب على اللي قبل كدة الحل ايه بأى في الموضوع ده ؟؟ |
انتي احضري السكاشن عادي .. و قوليلهم هناك ان اسمك لسه ما جاش ...
و غالبا هتحضري مع جروب ( سي ) .. لأن انا اعرف ان كل المحولين بيبقوا هناك .. و اكيد هما عارفين ان مش كل الناس اساميها جت ... ما تقلقيش يعني .... ( لؤلؤة الإسلام ) ...... |
طيب يا دكتورة لؤلؤة .. كدة في سكاشن عملي فاتتني .. إزاي أعوضها بأى ؟ و معلش عندي طلب رخم شوية .. يا ريت لو أي حد يقدر يحط لنا التقويم الدراسي للسنة دي .. يعني امتى امتحانات العملى وامتى اجازة العيد واجازة نص السنة وحتكون كام يوم ... وكدة يعني .. الف شكر |
الحقونيييييييييييييي
بليز لو حد عندة اى حاجة تخص اعدادى عين شمس
وخصوصا البوتانى و الاورجنك ياريت ينزلة بسرعة |
مساء الخير انا اسمى محمد وزميل ليكوا فى اسنان واحب اشاركوا فى مواضيع مفيده لان انا وبصراحه مقصر جدا من ناحيه المذاكره واحب نشجع بعض ونكون اصدقاء .وياريت نسيب ميعاد نتقابل فيه كلنا على المنتدى ده او على الفيس بوك باااااااااااى
|
[quote=dr.moom;1717976]مساء الخير انا اسمى محمد وزميل ليكوا فى اسنان واحب اشاركوا فى مواضيع مفيده لان انا وبصراحه مقصر جدا من ناحيه المذاكره واحب نشجع بعض ونكون اصدقاء .وياريت نسيب ميعاد نتقابل فيه كلنا على المنتدى ده او على الفيس بوك باااااااااااى[/quote
ايوة يادكتور محمد بس يارت نعرف انت فى سنة كام و جامعة اية |
انا عايزة اعرف طب اسنان بياخد من كام في الثانوية العامة
|
اقتباس:
|
اقتباس:
انا اسمى محمد ومحتاج مشورة حضرتك فى بعض الحاجات . انا جامعة طنطا فهل ينفع حضرتك تفيدينى . شكرا مقدما.:078111rg3: |
اقتباس:
جزاك الله الف خير دكتورة بسمة .... هذا الموقع افادنى افادة فوق الوصف :078111rg3: ....اشكرك مرة اخرى |
من د.سلمى الى الى كل زملاءي مارأيكم فى مستقبلناهل نطمأن أم نقلق هل اختيا رنالطب الاسنان كان موفقا وهل جامعة القاهرةأفضل لانها اختيارى أنا (رغم بعدالمسافة)
|
[quote:giljotiiniug3:=الاودن;2832427]من د.سلمى الى الى كل زملاءي مارأيكم فى مستقبلناهل نطمأن أم نقلق هل اختيا رنالطب الاسنان كان موفقا وهل جامعة القاهرةأفضل لانها اختيارى أنا (رغم بعدالمسافة)[/quote]
:redface: |
سؤال
:078111rg3::078111rg3:تالى زملائى الكرام ياريت اعرف كيف ومن أين اذاكر physical chemistry
|
| جميع الأوقات بتوقيت GMT +2. الساعة الآن 05:31 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.