|
ضع سؤالك ( مسالتك ) هنا ... خاص بمادة mathematics ... الرد على السؤال اسبوعيا
السلام عليكم ورحمة الله وبركاته كل عام حضراتكم بكل خير وبارك الله لكم فى أولادكم أعز ما تملكون - أنبتهم الله نباتا حسنا وجعلهم قرة أعين لحضراتكم ومعبرا لكم الى الجنه فى الآخرة باذن الله ومتعكم الله بهم ومتعتهم بكم وان شاء الله ترونهم فى أعلى وأسمى المناصب ورزقكم الله وابناءكم الهداية والتقوى والورع والصلاح باذن الله ............. آمين رأيت أن أخصص هذه النافذة لحضراتكم لوضع أسئلة أبناءكم الخاصة بالمرحلة الابتدائية مادة الرياضيات أو mathematics مجال تخصصى وسأقوم بعمل نفس الموضوع فى أقسام اللغات بالقسم الاعدادى وايضا الثانوىإن شاء الله المهم ... اذا كان لدى ابنكم أو ابنتكم اى مسالة صعبة ضعوها هنا وساقوم بحلها ان شاء الله أو يمكن لاى زميل أو زميلة حلها هنا ايضا .. جزى الله الجميع خيرا فالكل بالتاكيد هادف للخير بالنسبة لى سيكون الدخول على هذا الموضوع أسبوعيا باذن الله وليس يومياكما اتمنى ان تكون هناك امانه فى نقل السؤال بمعنى ان يكون السؤال صحيحا وليس به معطى ناقصا مثلا فنحن لسنا فى تبارى او صراعات مع اخرين وما يهمنا هو افادة اولادنا بقدر الامكان ومساعدتكم اخوتى واخواتى اولياء الامور فى تسهيل هذه المادة المهمة جزاكم الله كل خير فى أمان المليك اقتباس:
|
الف الف شكر على مبادرة حضرتك واكيد لما تقف اي مسألة حجيبها بالموضوع هنا
وياريت يتم تثبيت الموضوع لأهميته جزاك الله كل خير |
جزاكم الله خيرا
اخى الكريم الفاضل مستر / جمال سراج وجعل الله عملك فى ميزان حسناتك ونثبت الموضوع ليكون مفيدا للجميع |
http://www.4shared.com/file/13408186...ml?err=no-sess
هذا هو رابط كتاب الرياضيات MATHS الجديد 2010 للصف الخامس الابتدائى حيث لا يوجد على موقع الوزارة الى الان يمكنكم تحميله من الرابط اعلاه شكرا |
اقتباس:
|
اهلا وسهلا بكم اخواتي الاعزاء انا مغترب في السعودية وابنتي هتدخل مدرسة لغات في مصر السنة القادمة باذن الله الصف الاول الابتدائي بس عندي سوال ممكن احد الاخوات يوفر لي اي كتب kg2 لابنتي حتي احاو ل تدريسها لاني غير متوفر لدي اي كتب لها وشكرا علي الموقع الرائع
|
أريد أهداف تدريس الرياضيات باللغة الإنجليزية للصف الأول الابتدائي وشكرا
|
اقتباس:
وهناك العديد من الكتب الخارجية الرائعة - ممكن اقولك اسمها فى رسالة خاصة اذا طلبت منى ويمكنك الحصول عليها من السعودية ايضا واذا تيسر لك الحصول على كتاب المدرسة للصف الاول يبقى جميل جدا وتحت امر حضرتك |
اقتباس:
كما ان هناك بعض الكتب الخارجية التى تضع اهدافا لكل درس يمكنك تجميعها لتعطيك الاهداف مجتمعة تحياتى |
اطلب من مستر جمال كيفية قراءة رقم مثلا 428 لان احاول اذاكر لابنى و جزاك الله خير
|
اقتباس:
العدد المكتوب يقرا هكذا Four hundred and twenty eight وينفع عدم نطق and فيكون هكذا Four hundred twenty eight وهكذا سيدى الكريم تحت امر حضرتك والجميع بارك الله لك فى ابنك وللجميع فى ابناءهم |
بارك الله فيك يا مستر ووفقك الله
|
مشكووووووووووووووووووور
|
برجاء الاهتمام
استاذنا العزيز الاستاذ جمال / برجاء لو يوجد هناك شرح لمنهج الرياضة انجليزي اتمني تضعة هناارجو الاهتمام والرد وخصوصا القسمة و geometry وشكورا علي مجهوداتك
|
السلام عليكم ورحمه الله وبركاته
انا دخلت على موقع وزارة التربيه و التعليم وملقتش اسطوانات Math للصف الثانى ابتدائى لقيت العربى و الحساب بالعربى و الانجلش فا لو حد عرف ينزل ال math يكون شاكر لو يجيبه لكم تحياتى |
السلام عليكم ورحمة اللة وبركاتة
الرجاء مساعدتى فى منهج الصف الاول الابتدائى رياضيات انجليزى واكون شاكرة جدا افضالكم |
شكرا جزيلا أستاذنا العزيز ولكن أضم صوتي لصوت القارئ الكريم في احتياجنا ال مذكرات لشرح منهج الMath لسنه خامسة لغات لأن المدرسة قفلت من أسبوعين واحنا محتاسين
وجزاك الله خيرا |
جزاكم الله خير
مستر سراج وبارك الله لكم وبكم وجعل جهودكم فى ميزان حسناتكم ان شاء الله فكرة طيبه ورائعه ويا ريت تتعمم على باقى المواد الدراسيه لما لها من الفائدة العظيمه الجمه بوركتم اخوى وبارك الله بكم تحيتى العطرة اخوكم شمس |
السلام عليكم ورحمة الله وبركاته
انتم قولتو ان الرد هيكون كل اسبوع ولحد دلوقتى محدش رد علينا ولا عرفنا اى حاجه من فضلكم اى حد عنده اسطوانات لل Math للصف الثانى ابتدائى او اى شرح ويا ريت الرد و الاهتمام ولو مفيش حد برضه يرد و يقول مفيش شكرا |
اقتباس:
متاسف لو تاخرت بالرد بس اصل الموضوع يتعلق بمساءل واجابتها وليس مخصص لغير كدا هناك للاسف مدرسين يطلبوا اعمال - يعنى للاسف مش عاوز حتى يعمل حاجة ويقدمها لا عاوز ياخد على الجاهز - الكلام مش لحضرتك لكن هناك احيانا ردود استفزازية ومطالب تبعث على الضيق المهم حضرتك لو تحبى انزلك اسطوانه كتاب خارجى اوكى مفيش مشكله بس اعتقد ان حضرتك ربما يكون عندك كتاب خارجى فى الماث ولو مش عندك تحت امرك ممكن نشوف اكثر من كتاب باذن الله شكرا لحضرتك وتحت امرك |
اقتباس:
واهم ما فى الموضوع هو الكلمات الكتيرة يعنى حاولى حضرتك تحفظى ابنك او بنتك الكلمات الكتيرة كما يمكنك بالاستعانه بقاموس ناطق تكتبى فيه اى كلمة مش عارفة نطقها الصحيح دا موضوع ليا فى قسم الكادر فيه برامج وقواميس ممكن تحملى اى قاموس يعجبك http://www.thanwya.com/vb/showthread.php?t=152559 وفى هذا القسم ( لغات ابتدائى) انا منزل مصطلحات رياضيات ابتدائى وايضا الاعدادى والثانوى فى قسم اولى ثانوى عربى وتحت امرك فى اى وقت |
شكرا جزيلا أستاذنا العزيز ولكن أضم صوتي لصوت القارئ الكريم في احتياجنا ال مذكرات لشرح منهج way ahead لسنه خامسة لغات لأن المدرسة قفلت من أسبوعين واحنا محتاسين
|
السلام عليكم ورحمة الله وبركاته
بارك الله فيك يا مستر ممكن امتحانات Math اولي ابتدائي ترم الاول |
ممكن نماذج امتحانات ترم الاول math
|
سؤال
هل يمكن رسم مثلث بعلومية زوياه صح ام خطأ في كتاب الصف الرابع الابتدائي |
السلام عليكم ورحمة الله وبركاته
بارك الله فيك يا مستر ممكن امتحانات Math اولى ابتدائي ترم الاول |
اقتباس:
والنموذج التانى فى الطريق كما توجد امتحانات العام الماضى بالغربية شكرا وتحت امرك |
عند رسم مثلث يجب معلومية ضلع علي الاقل + زراويتين علي اطراف الضلع لكي اتمكن من رسم المثلث
اما لكي ارسم مثلث بمعلومية زواياه فيمكن و لكن تخضع للأهواء حيث سوف يختار كل طالب ضلع مختلف عن الثاني فتكون الحلول غير نهائية |
مستر جمال معاك مستر مسعد صلاح الدين mosad_goda*********** كن علي اتصال
|
www.mosad_goda***********
مستر جمال هذا هو الاميل و رسل لي اميلك لكي نكون علي اتصال مسعد |
اقتباس:
الاجابة خطا لا يمكن رسم مثلث معين بعلومية زواياه ولابد من توافر ضلع على الاقل وننوه ان العكس صحيح يعنى يمكن رسم ثلث بمعلومية اضلاعه الثلاثة شكرا وبالتوفيق |
ممكن لو سمحت انا عايز شرح منهج ل math للصف السادس ياريييييت انا محتاااااااااجه
|
السلام عليكم
لو سمحت انا عايزه مساعده ف رياضيات 2 ابتدائى ماس |
اريد امتحانات للصف الخامس لغات في اسرع وقت
|
بارك الله فيك يا مستر جمال
بس ممكن سوال هو فى حد بيشرح مادة الرياضيات بالنجليزى على الغرف الصوتية وجزاك الله كل الخير |
السلام عليكم ورحمة الله وبركاته ممكن شرح مختصر ل math 4
|
اقتباس:
وكمان معظمهم مهرة فى الماس والكتب الخارجية عند كلهم |
ربنا يبارك لك مستر جمال ويجعله فى ميزان حسناتك لكن انا عندى طلب وارجو منك ان تساعدنى انا ابنى داخل اول ابتدائى لغات ونفسى تساعدنى فى مصطلحات الرياضهوشرح الرياضه انا عارفه انى حتقل عليك بس اتمنى منك المساعده انا ماكنتش لغات بس نفسى اشوف ابنى احسن منىوطبعا حضرتك عارف ان الدرس الخصوصى غالى وانا مش فى مقدرتى فارجو منك المساعده او من اى مدرس اومدرسه شكرا ام روميساء
|
اقتباس:
ربنا يبارك فيهم وفى جميع ولادنا وحاضر حضرتك ربما جديدة عندنا بالمنتدى فيه مصطلحات كتير انا حاططها فى موضوعاتى زى دى http://www.thanwya.com/vb/showthread.php?t=86790 وغيرها وحاضر عندى ابسط شوية وتحت امرك وامر الجميع ممكن لاى حد التواصل معى هنا او عن طريق الاميل او الموبيل وممكن اديهم لمن يطلبهم فى رسالة خاصة فى امان المليك |
لو سمحت استاذى الفاضل مستر جمال عايزة مراجعة شاملة Math للصف الثالث الابتدائى
|
جزاك الله خيرا على المجهود الرائع والفكره الجميله بان تساعد الغير ولكن انا بنتى فى اولى لغات تجريبى وانا مغتربه عن مصر لذلك اتمنى ان تساعدنى فى ايجاد محتوى الترم الثانى فى الmath لان لا يوجد عندى كتب او اى شىء عن الترم الثانى وانا اسفه اذا كنت خرجت عن الموضوع الاصلى للمشاركه ولك جزيل الشكر
|
اقتباس:
اليك أو اليكم جميع هذا الموضوع الذى تريد على الرابط دا http://www.thanwya.com/vb/showthread...54#post1866954 تحت امرك والجميع |
محتاجه كتاب المعاصر mathاولى ابتدائى
لظروف خاصه لم تنتظم ابنتى فى الدراسه من اول الترم و لكن الحمد لله الان انتظمت و لكن احتاج لكتاب المعاصر mathضرورى جدا و لم اجده فى السوق لذا ارجو المساعده
|
اقتباس:
الترم الاول بسيط يتناول الاعداد من 1 الى 9 وترتيب ومقارنة ومسائل لفظية جمع وطرح حتى العدد 9 التيرم التانى يتناول الاعداد 0 وايضا العدد المكون من رقمين حتى 99 والعمليات عليها جمع وطرح وترتيب ومسائل لفظية الامر بسيط ويمكنك ادراك ما فات فى التيرم الثانى لانه حتى الاختبار شفهى لطلاب اولى ابتدائى فى التيرم الاول تحياتى |
1 مرفق
:dثلاث مسائل صف سادس من طالب على ما يبدو وهو عضو ممتاز بالمنتدى و حلولهم منى فى الملف المرفق تحياتى |
ارجوك يامستر جمال نريد نماذج امتحانات math لصف الخامس الابتدائى اليوم ضرورى جدا لأن الامتحان بكرة
|
أولاً : أحييك مستر جمال سراج وأشكرك على فكرة هذه المشاركة الرائعة وهى من المشاركات الفعالة النادرة فى الموقع، على الرغم من خروج البعض عن الموضع . ولكنها من الأفكار الأكثر فاعلية وإفادة وجزاك الله خيرًا عننا. والآن مسألتى هى: فى الثلاث مسائل التالية كلها عن القسمة المطولة long division وأتمنى من الأستاذ الفاضل أن يقوم بحلها لى خطوة بخطوة حتى استطيع ان استنتج الخطوات. ولو تشابهت مسألتين فى الخطوات بالضبط يمكنك الإشارة إلى ذلك دون حل المسألة الأخرى . ولكن أرجوا إذا كانت جميعها متشابهة أرجوا أن تحل أثنين على الأقل. ملاحظة: المشكلة فى هذه المسائل أننى لا اعرف متى نضع الصفر فى وسط الحل (quotient) حتى تستمر عملية القسمة . وسؤال آخر فنى : ما اسم البرنامج الذى تكتب به الرموز الرياضية ؟ حتى استطيع عمل ملخص لابنى قبل الامتحان . وأشكرك كثيرًا المسائل: Divide each of the following, approximating the quotient to two decimal places, then to one decimal place. d ) 11 ÷ 125 e ) 13 ÷ 123 h ) 36128 ÷ 612 f ) 12929 ÷ 517 |
|
اقتباس:
شكرا لحضرتك بالنسبة لبرنامج الكتابة يعرفه ربما مدرسى الMATH او الSCIENCE وهو برنامج اسمه MATH TYPE دا ممكن تحمليه من النت او من موضوعى المثبت بقسم الكادر http://www.thanwya.com/vb/showthread.php?t=152559 وهناك هتلاقى برامج اخرى جميلة وبالنسبة لاسئلة حضرتك عن القسمة المطولة اسمحيلى اقدم لحضرتك الملف دا ان شاء الله يفيد جدا فى الدرس دا عموما سواء بالنسبة ل DECIMALS او بدون تقبلى احترامى وتقدرى بعد ما تشوفى الملف تحلى اى مسئلة بنفس الطريقة باذن الله خالص احترامى |
شكرا لحضرتك 03-02-2010 01:07 AMبالنسبة لبرنامج الكتابة يعرفه ربما مدرسى الMATH او الSCIENCE وهو برنامج اسمه MATH TYPE دا ممكن تحمليه من النت او من موضوعى المثبت بقسم الكادر http://www.thanwya.com/vb/showthread.php?t=152559 وهناك هتلاقى برامج اخرى جميلة وبالنسبة لاسئلة حضرتك عن القسمة المطولة اسمحيلى اقدم لحضرتك الملف دا ان شاء الله يفيد جدا فى الدرس دا عموما سواء بالنسبة ل DECIMALS او بدون تقبلى احترامى وتقدرى بعد ما تشوفى الملف تحلى اى مسئلة بنفس الطريقة باذن الله خالص احترامى السلام عليكم ورحمة الله أشكر جضرتك كثيرًا على الملف وإن شاء الله يفيدنى وأشكر حضرتك على برنامج الرموز الحسابية للرياضيات وجزاك الله خيرًا عن أولادنا شكرًا |
| جميع الأوقات بتوقيت GMT +2. الساعة الآن 06:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.