كل طالب ازهرى فى ثالثه ثانوى السنه دى يدخل للضروره القصوى
 

يا اخواتى انا دلوقتى فى ثالثه ثانوى علمى
والنهار ده ولله الحمد كل الدروس بتاعتى شمعوها اصلى باخد عند مدرسين مشهورين فالصحه الله يسامحها قفلتهم يعنى انا مصيرى ايه لا درس ولا مدرسه يا ترى فى حد هنا ذى دروسه اتشمعت اتمنى ان اللى انا فيه ده يكون كابوس ولما افتح عينى تكون حياتى ماشيه طبيعى بدون قلق
فعسى فرج ياتى به الله
منتظره تفاعلكم مع الموضوع
والسلام عليكم ورحمة الله وبركاته

اختى مش لوحدك

والله دا حالنا كلنا

وربنا يفرجها من عنده

ما ضاقت الا لما فرجت

وادينى زيك اهو بدور على النت على اى سيديهات تعليمية

والمشكلة ان مفيش برا سيدى تعليمى للازهر

والسنادى مفيش 3 ثانوى الا ازهرى فقط

والله مش عارف اعمل ايه هشت ودماغى هتفرقع

وربنا يستر علينا فى الامتحانات

ربنا معاكم
وعلي فكره انا ازهري وكنت بستخدم كتب المرشد بجانب كتب المدرسه
وتركزوا كتير اوي علي كتب المدرسه
وربنا معاكم

بإذن الله تعالي نضع أيدينا علي أيديكم لنعبر بر الأمان

فنحن معكم في العلوم العربية و الشرعية وأعتقد أن العلوم الثقافية في المنتدي هنا تحظي بكم هائل من العناية

ذاكروا من كتب المعهد واستعينوا ما شئتم بالمذكرات الخارجية كما أن المنتدي هنا به الكثير من المذكرات

وأي غامض معين سلوا عنه ونحن بإذن الله سنحاول معكم فما هي إلا أيام وستعودون إلي أساتذتكم بإذن الله تعالي

جزاك الله خيرا يا معلمنا ونحن لن نتردد فى طلب المساعده ونرجو منك الدعاء بالتوفيق
والسلام عليكم ورحمة الله وبركاته

وأنا مدرس E ف خدمتكم ومنتظر أي سؤال ف المنهج وان شاء الله تشوفو الحلم حقيقه
والاميل : superenglish2006***********

ربنا معاكى ياقطوف ويوفقك ياااااااااااارب أنت وكل طلاب تالته ثانوىأزهر
وأشوفك فى الجامعه السنه القادمه ان شاء الله

انا معاكم فـ 3 ثانوى

وعندى مدرسين كتير اوى الحمد لله علاقتى بيهم كأصدقاء

ممكن تبعتيلى اى سؤال على ميلى ونوع المادة

وأنا هسألك عليها الاساتذة الى باخد معاهم دروس

الميل اهو

hate.heart* y a h o o . c o m

انا كمان فى ثالثة ثانوى زيكم باخد الدروس كلها والحمد لله وبروح المدرسة بس نفسى المدرسة تتقفل علشان اعرف اذاكر كويس وكمان رياضة 2 طويلة قوى ومحتاجة مذاكرة باستمرار

يا جماعة ايه رايكوا فى الكيمياء انا فى الدرس وصلت للعضوية لكن لما ارجع اذاكر الحساب الكيميائى انسى حل المسائل ازاى خصوصا ان المواد كتيرة وعلى ماارجع اراجع المادة تانى اذاكرها من اول جديد افدونى من فضلكم

انا زيك يا انسة سارة ممكن حد يقولى اعمل اية انا كمان وبذات انا با خد دروس كتير وكش لاقى وقت كمان
اعمل اية اعمل اية..............

وفى عندى مشكلة كمان انا مش عارف اذاكر الفيزياء من كتاب اية؟ .... طبعا مش هذاكر من كتاب المدرسة هيا المسائل وبس انا عايز اعرف كتاب للمسائل كويس انا عندى كتاب الوسام دة كويس ولا ... لا .. وعندى كتاب المرشد اعمل اية ؟ وممكن بعض اقتراحتكم لبعض الكتب فى المواد الاخرى....................... وشكرااااااااااااااااا...........

على فكرة كتاب الامتحان للمسائل فقط كويس جدا وللشرح كتاب المثالى جميل جدا

شكرااااااااا..............

دى مشكله كبيره طبعا لكن ماتقلقيش يا ساره

ممكن انتى تعملى حاجه كويسه معظمنا كنا بنعملها السنه اللى فااتت فى ونا شخصيا كنت بعملها

بتوجيه وتحت اشراف المدرسين بتوعنا طبعا

انك تاخدى العضويه اول حاجه وتخلصيها كويس وتحفظى معادلاتها جيدا والتحويلات تكونى متمكنه فيها

اما الجزء الخاص بالحساب الكيميائى والاتزان ده جزء بسيط مافيهوش حاجه خليه بعد ماتاخدى العضويه كويس

وركزى فى الحساب ولاتزان على التجارب وخليكى فى كتاب المدرسه احسن

شكرااااااااا

على فكرة انا سمعت من احد الشيوخ ان من دعا لنفسه ولامته الاسلامية بهذه الدعوة ياخذ حسناته بمقدار مادعا لهم وارجوكم كل واحد فيكم وهو بيصلى يدعى ان ربنا يحقق امنية كل مسلم ولكل مجتهد نصيب

السلام عليكم انا راى بالنسبه للفيزياءفى الشرح متفقه مع ساره على كتاب الميثالى والمسائل اللى فيه كمان مهمه لكن مش كفايه ولازم ان شاء الله كلنا نحل مسائل الوسام رغم غلستها والسبب ان فى ثانيه ثانوى جالنا منها مساله على المنشور ومكنتش سهله خالص وكمان رسم بيانى وده دليل على ان الوسام اهم من المثالى كمان
اعتزر عن التاخير فى الرد وعدم متابعه الموضوع
والسلام عليكم

السلام عليكم ازيكم عاملين ايه انا اخيرا لقيت ناس اتفاعل معاهم لانى انا فى ثانوية ازهرية واتمنى للجميع التوفيق والنجاح ونخلص من السنة التقيلة دى
ومن ناحية الكيمياء انا المدرس بدا معايا عضوية الاول

انا كمان معاكوا يا جماعه في تالته ازهر واحنا لسه واخدين عضويه الحصه اللي فاتت

كل الاى خد عضوية ممكن يقول ايه رايه فيها اناعن نفسى كنت خايفة منها فى الاول بس الحمد لله لما ذاكرتها كويس اصبحت سهلة

اقتباس:

[ياريتنى بجد ودى الحاجه اللى انا نادمن عاليها بجد ]

وهل لو كنت طالبا في التربية والتعليم كنت ذاكرت ؟ !!!!!!!!!!!!!!

اخى elrasam2 لاتحزن على ما فاتك فلو طال حزنك على الماضى لما استطعت التفكير فى المسقبل وان كا ن ما فاتك هو ثلاث اشهر فابشر ان امامك سعة من الوقت وهى سبعة اشهر فابدا من الان ولا تضمر فى نفسك انك ان تسطيع تحقيق حلمك مازال الوقت امامك فثق بالله وابدا الان ولا تنتظر فوات شهر اخر منك وعليك الاستعانه بالله فى عمل جدول يناسب مواعيد دروسك وقدرتك على الاستيعاب فان لكل انسان منا طاقة وقدره ولكن لا تنس انه على قدر اهل العزم تاتى العزائم وفققك الله وسدد على درب الفلاح خطاك
لا تنسانى من خالص دعائك فانا طالبة مثللك احتاج اليه
والسلام عليكم ورحمة الله وبركاته

السلام عليكم يا اخى الفاضل انت المفروض انك تفتخر انك فى الازهر وثق تماما انك عند الله فضل من اللى دخلوا عام اولا استعن بالله وواظب على صلاة الفجر حاضر ونظم وقتك ولا تلتفت الى شهوات الدنيا وثق ان الله لا يضيع اجر من احسن عملا وياريت وانت بتصلى ادعى لكل اللى فى تالتة ثانوى كل واحد يدخل الكلية اللى بيتمناها

ربنا يوفقنا كلنا يارب وكل واحد يدخل الكلية اللى هو عاوزها

يا جماعة لو حد يعرف امتحانات النقل هتبقى فى شهر اية والشهادات هتعقد فى شهر اية لو سمحت افيدونى لانى محتاجة انظم وقتى بجد

يا شباب انا كمان معاكم في الثانويه الازهريه علمي وعايز اعرف اذا كانت المناهج هتفضل زي ما هيا ولا في حاجه هتتلغي زي كل المراحل التعليميه
ولا احنا مش موجودين على اي خريطه

بالنسبة للشهادات مفيش حاجة هتتحزف من المناهج لان احنا هنمتحن السنة كلها على بعضها وقدامنا فرصة كبيرة نخلص فيها المناهج والله الموفق

لاناسف على غدر الزمان فعلا اكبر وهم انى احنا دخلنا الازهر لاننا مش عارفين نعمل اى شى فى الموادالمنيله كتيره جداااااااااا والواحد مش عارف يذاكر ايه ولا ايه انا بندم انى دخلت الازهر لانى من كتر التفكير خلاص يأ ست وبرجع واقول لايأيس من روح الله الا القوم الكافرين اللهم مالا عيش الا عيشك

ياجماعة والله العظيم احنا مظلومين يعني احنا هنلاقيها من سنة الفراغ ولا من موضوع الذعر بتاع انفلونزا الخنازير ولا من المراشد اللى الواحد ماينفعش يعتمد عليها كشرح لمادة علمية او ادبية

انا ملاحظ ان الشكوى كثيرة لكن لم ياتِ احد باى سؤال هل المناهج سهله لهذة الدرجة ؟ ابدا بهذا السوال وان شاء الله أجد الإجابة من أساتذتنا أعرب مع بيان حكم الفعل المضارع (حسبك الحيث فينام الناس )

اى شى انتم عاوزينة احنا تحت امركم

حكم الفعل المضارع وجب رفعه لانه واقع بعد الفاء

ربنا يوفقكم ويسترها انا لسة في تانية ثانوي ازهر
ربنا معاكم ومعانا

انا فى3ثانوى ادبى والنجليزى بيسبب عندى مشكلة كبيرة جدا خصوصا المستوى الرفيع فارجو المساعدة للضرورة القصوى

أغبى حاجه تجيب المرشد شرح أنا بنصح المرشد مراجعه نهائيه

امتحانات 3ثانوى ازهر بتبقى فى شهر6

يا بنى النجليزى من اسهل المواد (احفظ كلمات كتير على قد ما تقدر وذاكر القواعد) وانت هتبقى زى الفل ان شاء اللله

بصوا يا جماعه احنا لازم نعترف اننا السنه دى فى مأساه وربنا وحده اللى قادر يخلصنا منها على خير لان الموضوع فعلا مش سهل والمواد كتيره والواحد اعصابه باظت:angry2::angry2::angry2::angry2:

يا جماعة انا عايزة اعرف حد خلص المواد العربية والشرعية ولا لا عشان اعرف اتاخرت فى المذاكرة انا خلصت الفقه والتوحيد و الحديث وبقية المواد فاضل فيها دروس بسيطة واخلصها

اتمنى للجميع التوفيق وكل انسان ربنا يحققلة املة انشاء الله

اهلا يا جماعه انا لسه مشاركه جديد وبرده فى تالته ازهر الحمد له المواد ماشيه كويس الى حد ما يا ريت ي( ساره الازهريه)تلكمينى
عالشات ((shery733

كان نفسى اساعدكمة بس للاسف انا مدرس تاريخ وجغرافيا لو حد محتاج حاجة ادبى يطلب

ربنا يوفقنا ياااارب

والله الواحد بقى مش عارف يفكر بس
بقول لكل مجتهد نصيب والله كل انسان هياخد على قد عمله واللى مكتوب له
ربنا معانا ويوفقنا كلنا ياااااااااااارب

ربنـــــــــــــــا يستر