|
أعترض عن مقاطعه الفيس بوك ليوم واحد !!!!!!
السلام عليكم ورحمة الله وبركاته
لقد أحزننى حقا ما رايته من دعوة أحد الاعضاء الى مقاطعه موقع الفيس بوك ليوم واحد بسبب الاهانه للمسلمين ورسولهم احسست كانه يطلب شىء صعب على المشتركين هل هذا الموقع ضرورى جدا فى حياتكم ولا يمكن الاستغناء عنه بالرغم من انه موقع اهين فيه رسولكم ودينكم انا اعترض عن طلب مقاطعته ليوم واحد واطالب بمقاطعته نهائى وارى من يعود اليه مرة اخرىبانه لا يهمه امر المسلمين ورضى على نفسه بالتواجد فى مكان اهين فيه رسوله قبل ان يهان فيه |
لا بصي يا مس رانيا الموقع مش مجرد موقع تعارف او موقع اجتماعي
يعني انا بالنسبه لي بحتاجه جدا ف دراستي اولا لو فيه حاجه تبع الكلية سواء فيديوهات او بيانات بحتاجها بتنزل عليه لما النتيجه بتاعتي بتبان برضه بيبقي عليه وتقريبا برضه مش حلاقي موقع تاني العب عليه :d فيه جيمز مسلية :d هوا زيه زي اي موقع تاني زي ما ليه ايجابيات ليه سلبيات المشكله مش مشكله موقع المشكله بتبقي ف الاستخدام نفسه وبرضه بالنسبه لنقطه الاهانه دي تقريبا كل شخص بتبقي ليه صفحته الخاصه اللي بيعبر فيه عن اراءه او عن افكاره يعني بيبقي زي القاعه او الحيز اللي بتبقي موجوده فيه اراء كتيره اكيد فيه منها المعتدل وفيه منها الاراء المتشدده زي ما بتكون فيه استفاده ثقافيه او فكريه زي برضه ما بتبقي فيه اساءات او حاجات خارجه المهم ف المستخدم نفسه |
أنا مش معاكى يا مس رانيا فى شىء إن الفيس بوك فيه دعوة إسلامية جميلة فعلاً و فيه كمية إفادة دينية و ثقافية كبيرة هو يمكن مش صعب الاستغناء عنه بس المقاطعة فى حد ذاتها هدفها إننا نورى الناس المسيئة للإسلام إننا فى إيدنا نعمل شىء و لو بسيط صوت مسلمين واحد .. شىء بسيط بيعبر عن غضبنا و على فكرة المقاطعة هتستمر ليوم 26 أنا حبيت أوضح لحضرتك نقطة إن الموضوع مش إستغناء أو تمسك بالفيس بوك .. إحنا لو سبناه خالص يبقى بنديهم الفرصة يعملوا اللى يعجبهم فيه و هو فى حد ذاته مساحة كبيرة لدعوة إسلامية و ثقافية مش بس تعارف و خلافه.. و جزاكِ الله كل خير |
اقتباس:
بعد كلامك ممكن اقول قاطعوه بس زودوا المده شويه يعنى اسبوع او اتنين مع ضرورة التصدى لهؤلاء بالحجج المنطقيه والمناظرات العقليه اللهم انصر الاسلام والمسلمين فى كل مكان جزاك الله خيرا على الافاده فى امان الله |
اقتباس:
مهم في الدراسة ازاي يعني ؟ هما قالولك ان المقاطعه مدى الحياة اساسا ؟؟ ولا اساسا بينزلوا دروس الكليات عليه ؟ والنتيجة ازاي اصلا بتنزل عليه ؟ مفيش اختراع اسمه موقع الجامعه او منتدى شوية طلاب عاملينه للجامعه او الكلية الي حضرتك فيها ؟ مع احترامي احنا بنساير الأمور ونرجع نقول ماتشتموش رسولنا غيروا على دينكوا ونبيكو بقى دا اما واحد فيهم بيقع كلهم بيتكاتفو ويقفو جنبه لو واحد قال للتاني انا يهودي زي زيك بيديله ماله وشرفه وعرضه مابالك نبيك بيستنجد بيك بلاش بقى الحجج الي ملهاش لزمة ارجوكو |
هو الموضوع مش موضوع الموقع يا مس
فى مواقع تانية كتير بيحصل عليها اكتر من كدة الموقع زى ماهو فيه حاجات وحشة فى حاجات تانية حلوة واحنا الحمد لله انا وشوية من اصحابى عملنا اكتر من جروب على الفيس بوك لنصرة دينا ورسولنا محمد صلى الله عليه وسلم فا هو فيه حاجات كتير حلوة زى مافيه شوية وحشين وربنا يهدينا جميعا يارب |
هو اي نعم موقع رخيم وعن نفسي مش بعمل فيه حاجة
بس في ناس مقيمة فيه هناك وزي ما في مواضيع غير هادفة فيه مواضيع هادفة وفي كلتا الحالتين مينفعش نقول للناس دي قاطعوهم على طول وزيه زي اي موقع او منتدى فلو المنتدى هنا مثلاً اتحط فيه اساءة والناس اشتكت لادارة المنتدى بحذف هذه المواضيع والادارة تجاهلتها فلو الاعضاء سابو المنتدى خلاص المنتدى خسر والاعضاء مشيت وبكره حيرجع تاني والمواضيع حتفضل زي ما هي وتزيد لكن لما يكون لينا وقفة ساعتها الادارة حتحس بالخسارة وحيكون قدامها طريق واحد لازالة هذه الخسارة فورياً وهي ازالة مثل تلك الجروبات وعلى الاقل بدل ما نمشي كلنا (وأنا واثق إنه ده صعب اصلاً) حنكون اثبتنا موقفنا هناك |
اقتباس:
أنا هوضح لحضرتك ليه الشباب ممكن يكونوا زعلانين هو عموما المقاطعة إن شاء الله 3 أيام 24&25&26 و فكرتها هي ضغط علي القائمين علي الموقع بإغلاق الجروبات المسيئة اللي ناس كتير بتبلغ عنها و مبيحصلش حاجة ممكن واحد يقول مش مهم حد يدخل لأ هما في كل ضغطه و فتح لنك لموقعهم بيدخلهم فلوس فالواحد يتخيل هيخسروا قد إيه الأخ محمد بيقول موقع رخم الفيس بوك هو فكرة أعم من فكرة المنتديات بكتير فيه جميع المجالات بيخاطب جميع الأعمار فيه شات فيه فيديوهات فيه ألعاب فيه مسابقات إحنا بنلاقي ناس متعلقة بمنتديات بطريقة رهيبه لدرجة إن لو قلت لواحد متدخلش مثلا الثانوية يوم يقولك "أعترض عن مقاطعة الثانوية ليوم واحد" ما بالك بمكان به المجال أوسع الإقتباس اللي فوق ده احد الشباب علي الفيس قالهولي و ماشاء الله ربنا يثبتهم علي فكرة دي حركة حلوة منهم هما ممكن يكونوا مبيصلوش بس لو في إيديهم حاجة بيعملوها ده كل اللي في الموضوع و انا باكد إن المقاطعة 24 25 26 في أمان الله |
اخوانى الكرام انا مع مقاطعة الفيس بوك على طول فاحنا والله مش هنموت ولا نخسر كل حاجة لو قاطعنهم على طول
بل بالعكس هنحس حتى يا ناس ان احنا بنعمل حاجة نرجع بيها كرامتنا ونحافظ على ديننا كفاية قعدنا نقول قاطعو المنتجات الدنماركية والدنيا اتقلبت ويا فرحتى شهور قليلة ونسينا كل حاجة وملئت البضائع الاسواق من جديد والبمسلمنين يستخدمونها اكثر من المنتجات العربية انا بقول للاخ الى بيقول دروس وفديو العابمع احترامى له دينك اكبر من كده بكتير ونبيك يستحق منك ان تنصرة فوالله لا رفعة لنا ولا تقدم طول مااحنا اتباع لهؤلاء وبالنسبة لان فيه مواقع كتير تفعل ذالك فهذا لضعفنا وجهلنا وتخلفنا عن باقى الامم وكمان المواقع دية ميدخلش عليها ملاين العرب والمسلمين لكى يفيدوها وسكوتنا على المهانة فمن ينصرنا ان لم ننصر ديننا وانفسنا واما الاخت الذى تقول ان فيه جروبات كبيرة لنصرة الرسول الكريم مع احترامى لها فاكثر منها الجروبات الفارغة والتى ليس لها اى معنى غير شوية شباب وبنات بيتكلمو فى الفاضى يعنى رغى وخلاص وجروبات بتتكلم كلام وبس عن قضايا وهما اصلا مقيدروش يعملو حاجة يعنى زى برامج التوك شو يثيرو القضايا ولا يقدرو على اصلاحها فما يحملنا على ان نستمر فى الفيس بوك ونجعلهم يكسبون من ورائنا الاموال الطائلة التى يستخدموها ضدنا ولمحاربة ديننا فحسبنا الله ونعم الوكيل فينا قبلهم ان لم ننصر ديننا فو الله الحساب عسير وغضب الله شديد وخصومة نبينا يوم الدين لهى الهلاك المبين افيقو يا امة محمد كفاكم خمول وتهاون كفاكم كفاكم يا من يباهى بكم نبيكم بين الامم اللهم انصر دينك وانصر نبيك فنحن ضعفاء لا نقدر على نصرته ولا تسامحنا فنحن لسنا اهل لمغفرتك وشفاعة حبيبك اشرف الخلق واكرمهم ونحن صرنا اتفه الامم واحقرهم بعد تخاذلنا فى نصرة الدين والرسول ولا حول ولا قوة الا بالله العلى العظيم |
وأنا مع مقاطعة الفيس بوك مدى الحياة والحمد لله مليش عليه اكونت ومش هعمل لأنه وبصراحة شديدة مش مفد لاليا ولا ليكم . وإن كان بقه مفيد عند حد زي اللي بيقول ان النتيجة بتتحط عليه وانه بيلعب جيمز طيب مهو انت وزمايلك اللي اديتو موقع تافه زي ده أهمية وحطيته عليه موادكو الدراسية ونتايج امتجاناتكو باديكو مع ان عندكو مواقع عربية ممتازة كتير زي ثانوية وغيره ونفس الحكاية مع الجيمز.نيجي بقه لإدارة الفيس بوك والمسؤلين عنه عمركم شفتوهم مرة مسحو جروب بيشتم رسولكم؟ عمركو شفتوهم حتى بصولكو في اي شكوى بعتوهالهم والله أكيد الإجابة لا .إذا ليه تفضلو تدوه أهمية مع إنكو لو سبتوه مش هتبقو محتاجينه تاني .انا بصراحة بستغرب على التفاهة اللي الشباب فيها مالمنتديات وغرف المحادثة موجودة على الأقل ليها مدراء ومشرفين ينظفوها وأنا والله أرى أن بوابة الثانوية مثلا أفضل عندي من الفيس بوك ومسلي عنه. سؤال أخير بعد اللي انا قلته ده بتدخل على الفيس بوك ليه |
انا مع اننا لازم نقاطع الفيس بوك وشكرا
|
هو غالباً التعلق بشئ لدرجة إنه يتحكم فينا او الإعتياد علي شئ لدرجة إن البني آدم ميقدرش يتحكم في نفسه نوع من الحماقة او الخلل زيه زي التبول اللا إرادي بالظبط وزيه بردو زي إدمان المخدرات وزيه زي السجاير وزيه زي حاجات كتيرة انا شايف لو اعتبرنا نفسنا مدخلناش نت اصلاً وكنا مشغولين بقراءة قرآن مثلاً او ياسيدي بلاش قراءة قرآن قراءة كتاب في اي حاجة او مثلاً ايام امتحانات او ياسيبكم من كل ده بـنتفرج علي التلفزيون .. هنبقي مخسرناش حاجة وشاركنا في حملة كويسة :) مش دول التلت ايام اللي هيبقي الوجود فيهم بلا إله والدنيا تخرب زي ما في المثولوجيا المسيحية :d ربنا يقويكم علي فراقه ياشباب انهار مش فايت جزاكِ الله كل خير يامس رانيا :redface: كويس انكم فكرتوني ان النهاردة 24 يبقي بكره وبعده إن شاء الله مدخلش والله المستعان عما يصفون |
مش عارف والله ياجماعه .. ليا ناس زملائي بيحسسوني بردو ان الفيس بوك = الحياة
هو محدش عارف ان من 20 سنة مكنش حد يعرف يعني اي انترنت . ؟ ومش واخدين بالهم ان من 50 سنة مكناش نعرف ما معنى كلمة كمبيوتر ؟ :؟ ووقتها كان لسه عايشين اجدادنا عاللمبة الجاز ؟؟ كانوا عايشين على دين سيدنا محمد ولا لأ !!! صحيح النصارى مش هيرضوا عنا غير اما نتبع دينهم .. صدق رسول الله صلى الله عليه وسلم |
اقتباس:
يعني احنا بالنسالنا اللمبة النيون بقت هي الحياة لو لمبة جاز مش حنتحرك طبعاً قارن في حاجة عصرية شوية :d |
المفروض بس مين يسمع
|
السلام عليكم
كل الاسباب المعطاة لعدم المقاطعة اسباب تافهة جدا وانا الحمد لله فى الجامعة ومدخلتش على الفيس بوك مرة او مرتين بالكتير وعاى فكرة منتدى اى جامعة احسن من اى موقع يتكلم عن نفس الحامعة |
انا عندي اقتراح يمكن يكون مش قد كده بس يكون بشكل مبدأي
نعمل مقاطعة يوم كل اسبوع .. و لو ان طبعا يبقى احسن اللي يسيب الفيس بوك خالص. و الاهم من كده ان مفيش جروب عرف يلم عدد محترم من المسلمين. في كذا جروب و كل جروب فيه شوية المفروض جروب واحد بكل لغات العالم او على الاقل لغات الدول اللي فيهاعدد من المسلمين. و ده مش عشان الفيس بوك بس... الجروب ده ممكن ندافع فيه عن الاسلام في حاجات كتير. |
أنا بقا ضد مقاطعة الموقع ده بأى حال من الاحوال
والحل مش هو مقاطعة الموقع لأن العيب مش فى الموقع العيب فينا احنا وفى رواد الموقع والمقاطعة من وجهة نظرى هروب ليس الا |
يعني هوا اما يكون فيه واحد بيقول عليك كلام مش حلو ومش محترمك في غيابك عند كل الناس..
ينفع تسكن عنده في بيته ..؟؟ عارفين ايه اقل كلمة بتتقال من ادمن جروب بيكون فيه الشتايم دي ؟ والله العظيم ترجمتها كدا : : انتم دخلاء على مواقعنا ومنتدايتنا .. اذا لا تريدون سماع سباب نبيكم إ‘غربوا عن وجهنا ..وحاولوا ابتكار فيس بوك خاص بالمسلمين !! واتحدى اي حد يجيبلي واحد من ا وروبا بيدخل على موقع عربي اساساً .. مش عشان فكرة لغتنا مختلفة أ بداً يقدروا يترجموا المواقع وكل حاجه .. بس هو مبدء مش هروب ولا حاجه .. |
فعلا لازم نقاطعة
او اللي يدخله يكون عنده قدر كافي من الدين عشان يرد على الاساءة وكمان في مواقع زيه واحسن مش هنموت لو مدخلنهوش يعني |
|
اقتباس:
الحمد لله بجد يا ريت نكررها تاني هما أكيد خسروا ملايين في أمان الله |
معاك يارياسة
|
قاطع الفيس بوك وافتح يور بوك
|
الحمدلله مش عليه اكونت ولا عايزة يكون ليا
اللى عاوزاه ان انصر دينى ورسولى مش بالفيس بوك او غيره بيا شخصيا اكون ممتثلة لامر رسولى وزوجاته عشان اقتدى بهديه وسنته النبوية الشريفة |
الحمد لله انهم عملوا اللي احنا عايزينه.
انا قعدت 5 ايام ما ادخلش.. و لسه عارف انهم لبوا طلبنا. و الله انا شايف برغم انها حاجة سيئة انك تكون متهلك فقط لكن احنا ممكن نستغل انهم معتمدين علينا في صالح الاسلام. |
هوا إيه اللى بيشد أى حد إنه يقعد على الفيس بوك
أصل أنا مدخلتوش قبل كده ومش ناويه إنى أدخله |
اقتباس:
اتفق معاك انه لو حصل مقاطعة على طول هايبقى اسمه هروب لان الفيس جزء من الحياة العادية والكلام ده بيحصل ف العادى مانقدرش ننسحب من الدنيا بسبب الناس اللى بتهين الاسلام يبقى مانقدرش ننسحب من الفيس عشان الناس اللى بتهين الاسلام الرد ممكن يكون بطرق كتيرة النقاش بالمنطق .. مع انى عارفة ومتأكدة انه صعب جدا على اشخاص متعصبين بالاسلوب ده يفهموا حاجة او زى ما كنا متفقين مقاطعة السايت ده لمدة كافية مش 3 ايام واللى خلصوا على نص يوم ف الاخر ..!! عشان لما تحصل خسارة كبيرة للسايت هايكون وقتها ايقاف الجروبات دى حاجة اضطرارية اقتباس:
الجروب اتشال لان واحد عمل هاكر وحوله لجروب اسلامى وف نفس الساعة تقريبا اتعمل جروب تانى بنفس الموضوع القديم يعنى كأن مفيش حاجة حصلت اصلا كان نفسى يكون سبب ان الجروب يتشال هو المقاطعة دى :bosyht9: |
في ظل الجروبات المسيئة
وقلة الادب والاستهزاء واصرار جميع الاجانب على التهاتف الى موقع الفيس بوك في ايام المقاطعة حتى تعطلت مهام كثير من اهم رجالهم حتى لا تشعر شبكة الفيس بوك بخلل ولا تفتقد دخول المسلمين اليها كان لابد ان يجتهد الشباب العربي في محاولة البحث عن بديل لا اعلم هل الخطوة دي جيدة ام لا لكن ضميرى يحتم على ان اخبركم بها والتى نقلتها من الموقع ده :-وده رابط للموقع http://www.tellamrkhaled.com/pages/tak_intro_9.html أصنع الـ Face Book بهوية عربية.. أتحدث عن تجربتي في إنشاء وتطوير موقع هويتي www.hawyaty.comبدأت الفكرة بالتحديد العام الماضي حيث كانت توجد لدى العديد من الأفكار ولكنها غير مترابطة ومنها:http://www.tellamrkhaled.com/pages/i...awyatyLogo.gif
وبحمد الله بعد عام تقريبا من الدراسة والعمل تم نشر الموقع على الانترنت يوم الاثنين 17/11/2008 بشكل تجريبي لأخذ آراء الزوار وكذلك لزيادة عدد التصميمات المتاحة للأعضاء لاختيار احدها عند تكوين هويته وفى بداية العام بإذن الله سيتم نشر الموقع بشكل رسمي وليس الهدف هو نشر الموقع بشكله الحالي فقط إنما هيا مجرد خطوه بداية من اجل تكوين هوية عربية شاملة لكل ما يحتاجه المستخدم العربي من موضوعات وخدمات بما فيها التوظيف والتدريب والمشاريع والتواصل بين أعضاء الموقع من مختلف الدول لتكوين مشاريع مشتركه تجمع بينهم ومنبر لنشر أعمال الشباب العربي المهتمين بالأدب والشعر والترجمة ويوحد طاقتهم وخبراتهم ويكون موقع مثالي للأسرة العربية يضمن لهم الحصول على محتو مفيد لا يحتوى على اى مصدر من مصادر الإخلال بالقيم الإسلامية . سامح حمدى ابراهيم المسئول عن الموقع هويتي info*hawyaty.com |
| جميع الأوقات بتوقيت GMT +2. الساعة الآن 04:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.