<div align="center">طبعا مش فى حد فاهم حاجه من العنوان
خلونا فى موضوعنا احسن ... :)

منذ زمن ليس ببعيد كانت لسنوات الطب الدراسية شكل مختلف ... فلقد كنّا نمضي السنة الأولى والثانية متصلة وهذا مما كان يتيح لنا أن نتعامل مع الدفعة الأكبر ثم الأصغر .... حيث تجمعنا المعامل و...... المشرحة لا مؤاخذة

ولكن المؤاخذة وقصتنا رأيتها هناك ...

كنت أجلس وصديقتي المقربة في إحدى قاعات المشرحة نراجع قبل الامتحان الشفهي لطلبة السنة الثانية... وكنت أسمع عن بعد طالباً من سنة أولى يقوم بشرح بعض النقاط المهمة والواجب اتباعها عند القيام بعملية التشريح .... وكنت ألتفت ألتقط بعضاً مما يقول ... فكل حرف يفيد مع أساتذة التشريح الجبابرة ..... ومع التفاتي المستمر إليه من آن لآخر لاحظت أن لعينيه دفئاً يسري متوهجاً إذا نظر في اتجاه ما .... فتبعت الاتجاه وإذا بي أرى عينين عسليتين فتحت صاحبتهما نافذة قلبها عليهما وقد نقشت في قلبها كلمة واحدة : أحبك

يا إلهي ألهذا الحد ممكن أن تكون المشاعر مرئية .....

زغدت صديقتي فاقتلعت رأسها من بين العضلات والعظم

- عاوزه إيه ؟؟؟ أنا خلاص سلكت الجراسيليس

- بصي

- فين ؟؟

- هناك ؟؟

- فين ؟؟ على إيه ؟؟ خلصيني صوابعي نملت

- مجموعة سنة أولى اللي هناك ... بصي على وش الولد اللي بيشرح والبنوتة اللي قدامه ولابسه موف

- لأ !!!!! .... إيه ده !!!!! يا حبيبة قلبي ..... دول مش شايفين غير بعض يا عفاف

- عمرك شفتي كده؟؟

- يا روحي !!!! مش ممكن جمالهم .... بلا جراسيليس بلا تيبيا .( gracilis- tibia ).... يجننوا .... بس مش لا قيين غير الموقع العاطفي ده ... المشرحة !!!!

- يابنتى دول مش في الدنيا .... أقطع دراعي هي مش سامعه حاجة ولا فاهمه حاجة

وبدأت الاستقصاء بخفة عنهما ... وعرفت أنها تحبه بجنون ... من العام الفائت ..... رغم إن أباها أحد أكبر أساتذة الجراحة في الكلية وهو شاب عادي وبسيط ومكافح .... وتوقعت النهاية ولكن من حدثني أكد لي أن الفتاة متمسكة به ... وإنها تعرف كل ظروفه ووافقت عليها وأقسمت على الانتظار

وكلما مرّ عام أبدؤه بالبحث عنهما وأرتاح حين أجدها تعلقت بعينيه قبل جسده وهى تسير إلى جواره تتأبط ذراعه بل تحتضنها وكأنه سيطير مبتعداً .... وكلما سألت من أعرف من تلك الدفعة يؤكد أنها قادرة على إقناع أبيها الأستاذ الكبير وأنه يعرف ... ولم يبدِ اعتراضاً حتى الآن على الأقل ....

- يابنتي أنت فاكره الناس كلها قلوبها حجر زيك ياعفاف

- أنا قلبي حجر ؟؟؟ الله يسامحك .... أنا بس أعرف إن فيه واقع وفيه أحلام

- وإيه بقى الأحلام في حبهم ..... أهو أبوها عارف وبيشوفها وساكت

- وده اللي بيأكد خوفي .....

- إن الراجل بيقدر مشاعرهم ومش عاوز يحرم بنته من حبها ده اللي مخوفك ؟؟ مش بقولك مش كل الناس عندها عقل في دماغها وعقل في صدرها إلا أنت

- صدقيني تصرفه مش طبيعي .... كان لازم يقاوم ... يجرب حتى المقاومة

- ومين قال لك إنه ماقاومش والبنت هددته مثلاً إنها مش حتتجوز غيره فرضخ

- يرضخ ليه ؟؟؟ البنت قمر ... مال وجمال وحسب ونسب ..... يرضخ ليه ؟؟؟

- بس بس ...... ده إنت حاجة صعبة جداً الله يكون في عونه اللي حيتهف في نافوخه ويفكر يتجوزك

- حنشوف ... ويارب يا ستي أطلع غلطانة

- إن شاء الله بالثلث غلطانة ...... دول حيبقوا أحلى عرايس خرجوا من كليتنا

- قولي إن شاء الله

وقد تخرجنا قبلهم بالطبع ..... ولم تسنح الفرصة أثناء سنة الامتياز أن ألقاهم وقد شغلتهم الامتحانات النهائية ومنعتهم من الحضور بانتظام أو على الأقل غيرت نظام الحضور بالنسبة إليهم

وقد قابلت نصيبي في هذه المرحلة .... وعقدنا العقد وبدأت أستعد لزواجي وتاه من رأسي اهتمامي بقصة الحب الجميلة التي عايشتها ... وفي أحد الأيام اتصل بي زوجي:

- عفاف عندك حاجة الخميس ؟؟

- نوبتجي أطفال .... خير فيه حاجة ؟

- تعرفي تبدليها مع حد .... فرح ياسر صاحبي .... ومش معقول أسيبه في يوم زي ده

- ما شاء الله ياسر مدرس التخدير ؟

- أيوه ..هه حتعملي ايه ؟؟

- عادي حبدلها مع أي حد من زمايلي ... متشغلش بالك يا حبيبي ..معاك في كل مكان

الفندق خمس نجوم ...... وقد ازدانت حديقته بأكبر كمية من الزهور رأيتها في حياتي ... فعلاً ... كمية مهولة من الزهور البيضاء ..... يغلب عليها الياسمين و رائحة المدخل وفخامة التزيين بالأخضر والأبيض تذكرك بمنتجعات جنوب شرق أسيا الخيالية ..... ولاح في خاطري سؤال نسيته ... ياترى أخبارك إيه يا ياسمين إنت وعصام ؟؟؟؟؟؟

- إيه ؟؟؟ نفسك في فرح كده يا عفاف ؟؟؟؟

- أكيد نفسي .... بس ما تهونش علي ... إحنا اتفقنا تجهز عيادتك الأول

- ربنا يخليك لي يارب

- ويخليك لي .... بس ماشاء الله واضح إن ياسر إمكانياته كبيره قوي

- أيوه طبعاً ... والده راجل أعمال محترم جداً الحقيقة ... أنت عارفه إحنا أصحاب من أيام المدرسة

- ربنا يسعده



وبدأت الزفة وقد وقفت بين الناس نرقب الثنائي الشاب الذي سيهل علينا من سلم الفندق الرخامي .....

هل عرفتم العروس ؟؟؟؟ ياسمين !!! رأيت نفس الوجه الجميل ... والعينين العسليتين الواسعتين بأهدابهما الطويلة ... بل وابتسامة رقيقة على وجهها .....شيء واحد مختلف ..... شاشة زجاجية حجبت القلب عن العين ..... رأيتها وحدي بالتأكيد فأنا وحدي من رأى دفء القلب يطل من المقل

وحجبني ستار عن المكان والزمان .... كنت أسمع للضيوف وفى رأسي شريط آخر

- ما شاء الله عروسته قمر

- لها حق ترفض ابن عمها علشانه ... ما شاء الله شكله مريح

- مش ابن عمها بس .... دي رفضت ناس كتير قوي

- هي مالها مخشبة كده ليه ؟؟

- اتق الله دي عروسة ... أكيد مخضوضة .... زفة وناس .... فرح !!! عارفه يعني إيه فرح

- هو ياسر كان ناقصه مستشفى ..... كده جمع الخمسة "عين" بجدارة

- كفاية قر .... هو ابن حلال ويستاهل كل خير



كلمات وكلمات ...... وتعليقات وقفشات ......

ما الذي أبكاني ؟؟؟؟؟ لست أدري ..... لم يبدو عليها الحزن ولا التعاسة ... بالعكس كانت تتعلق في ذراع ياسر وكأنه نجدتها من هذا الحشد ...... وكانت تسترق النظر إليه من آن لآخر وهو يداعبها بضم جفونه وكأنه يقبلها ...... ولكنى بكيت .... ونفدت رائحة الياسمين ولفتني رائحة أشبه برائحة المشرحة....
حمد الله على السلامه :D </div>

نا توهت والحمد لله

هو احنا فين انا مكنتش عايزه ادخل طب ده والحمدله مجموعى ما جبهاش عان المشرحه فتجيبها لى هنا

هو احنا فين انا مكنتش عايزه ادخل طب ده والحمدله مجموعى ما جبهاش عان المشرحه فتجيبها لى هنا

هو احنا فين انا مكنتش عايزه ادخل طب ده والحمدله مجموعى ما جبهاش عان المشرحه فتجيبها لى هنا

هو احنا فين انا مكنتش عايزه ادخل طب ديه والحمدلله مجموعى ما جبهاش عشان المشرحه فتجيبها لى هنا

هههههههههه اقريها تانى يا جميل وهتوصل :)
ووحشتينى خالص يا ننوستى والله
وعلى فكره صيدله احسن بمراحل من طب

هههههههه حرام عليكي يا هند شديتيني الأول بقصة الحب دي وبعدين تقولي حمداً لله على السلامة :D
ماشي مردودة لك إن شاء الله :)

شكرا لمرورك يا قمر وردك الجميل ده
والحمد لله انها جات على اد كده :lol:
وسعيده انها عجبتك :)

وأنا كمان توهت
:)

بس حرجع أقراها بالليل

سلام

صحيح البنى ادم ده انسان

وووووووووووووووووووووووووووحشانى موت

iiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiii لاتعليق

يا حرام دا حرام والله :(
بعد قصه الحب دى يبقى الفراق نصيبها
فين ايام زمان عندما كان يعيش الحب
ويهدم كل الفوارق

ههههههههههههههههههههههه
لا يمكن 10 ردود ولا حد فاهم حاجه
ده اللى عاجبنى صراحه :lol:
يا جماعه الهدف الحب اللى فى الجامعه ده مش بينفع والفرح والحوار ده كله خيالى واللى ياكد كده انها لقت نفسها لسه فى المشرحه
وصباح الخير واتغطوا كويس على راى خالد :rolleyes:

شكرا يا استاذ توتي موضوع رائع



معلش اسف قصدي شكرا يا استاذة توتي موضوع رائع محدش فاهم حاجة صح

اليقدر يفهم الموضوع ده محمد البري لان اعتقد انه في صيدلة

ههههههههههه
بقوا 11
فى انتظار محمد البرى علشان يبقوا 12

طيب نادي علية كده هيدخل هلى طول

مش واخد بالي أيه الغامض في الموضوع يعني الموضوع واضح وزي الفل اهوه

بس بصراحه زعلت لما قولتي حمدا الله علي السلامه في الأخر ورائحة المشرحة ؟؟

بجد أنا disapointed

كنت منتظر باقي القصة والظروف اللي حكمت بالنهاية دي تروحي مصحيانا علي ريحة المشرحة كده والحلم اللي حلمته الأخت عفاف

طيب ما علينا خلينا في الجراسليس والتيبا ؟؟ بس هما ايه دول ؟؟
.
.

اشهد ان لا اله الا الله وان محمد رسول الله
دلوقتى اموت وانا مرتاحه :rolleyes: ...اخيرا حد فهمها
انا زيك مستغربه ايه اللى مش واضح فيها
شكرا ليك يا ميدو لردك وعلى فكره حمد الله على السلامه دى ليها هى بعد ما عرفت ان كل ده حلم وانها لسه فى المشرحه
خيالها واسع يعنى
بالنسبه بقى الجراسليس والتيبا فاعتقد والله اعلم ان دول لحفظ الجثث
قمه الرومانسيه طبعا :lol:
وشكرا لكل اللى ردوا :)

<div class='quotetop'>إقتباس</div>

ماشى يا خالد:D

فعلا ياهنوده (الحب اللى فى الجامعه ده مش بينفع )

طبعا أنا أكتر واحد يفهم الموضوع ده


طب بقى وريحة الفورمالين يوميا يتخلينى أعيط

بس من غير قصص حب

هو الفورمالين بيخليك تعيط من غير حاجة

بس مفيش حب كده فى جامعات مصر كلها

كله تقضيه وقت وكل عام وانتم بخير

هههههههه
الله يكون فى عونكم بجد يا اللى فى طب
مش متصوره اساسا انا ممكن ايه يحصل لو مشيت جنب المشرحه :D
واكيد صح كلامك انها فى الاغلب تقضيه وقت وتسليه
شكرا يا عبد اللطيف لمرورك

الموضوع حلو ورمانسى اوى ياهند(تسمحيلى اقولك ياهند كده على طول)

بس النهايه كانت تصدم اوى

شكرا لمرورك يا حدوته مصريه
وهى القصه دى بس بتوضح ان قصص الحب فى الجامعه مش بتنتهى بزواج فى اغلب الاحوال طبعا
واهلا بيك او بيكى معانا فى المنتدى:)

لأ بيكى مش بيك :lol: :lol:

:)
منوره فى كلتا الحالتين

هو مش موضوع النقاش هنا بس عايز اقول لدكتور عبد اللطيف وتويتي مش قاعدة ثابتة إن كل الحب في الجامعات تسلية وتقضية وقت

شكراا.
.
.

مممممممم
خلاص علشان مش نختلف نقول ان دى القاعده واللى بينجح منها شواذ
وشكرا لتفاعلك مع الموضوع يا ميدو :)

ههههههههه

هو الشئ الخطأ بقي هو القاعدة والصح بقي هو الشاذ ؟؟

جايز بس مفروض العكس يمكن اللي بيحصل دلوقتي مش هو اللي مفروض لكن مش عايز افترض قواعد تكون مش واقع

شكرا ليكي يا هند
.
.

والله موضوع جميل يا هند وقصة فيها هدف كبير قوي

بس مش مقتنع برضو بكل الأحداث وزي ما قالت عواطف ولا اسمها كان لازم يكون فيه مقاومة م الأول

وتقريبا مفيش حد ممكن يبيع حبه عشان كدا

وعلى العموم دي قصة وبتحصل كتير بجد للأسف

بس احنا هنا ملقيناش ظروف الطرف التاني :) ولا ايه السبب في انهم مرتبطوش ببعض فكدا تعتبر القصة ناقصة احداث بس مجملها وصل أكيد

بصي يا هند من الاخر 90% من حب الجامعات مش بيكمل و لا بينتهي بالجواز

و ده عن تجربة اول السنة دي استمرت شهرين او أقل كمان و دلوقتي بيهرب منها

اتنين معايا في الكلية واحدة في اسنان معايا في السيكشن وواحد في اتحاد الطلبة بتاع علوم في تالتة

اتعرفوا علي بعض و احنا بنقدم ورق الكلية في الصيف و العلاقة زادت في اول الدراسة و طول ما احنا فاضيين يجي يقعد معاها

و في الاخر زهق منها و سابها

و هي كل ما تشوفه تروح له بس هو بيتهرب منها و يشوف غيرها

مع ان الولد ده كان بيحب بنت من ايام ما كان في ثانوي و اتخطبوا بس محصلش نصيب

مش عارف هو بيقول انه بيحبها و هيا برضه بس مش عارف بيتهرب منها ليه

فدي تجربة قدامكم اهي

عشان كده انا مقتنع انه مفيش حب حيستمر الا في حالات نادرة

شكرا ليك يا ميدو لمرورك
بس السايد دلوقتى هى القاعده الغريبه اللى انا قلت عليها

محمد باشا اولا شكرا لمرورك
ثانيا كويس انك فهمت الهدف من القصه
بالنسبه للطرف التانى فى دى عندك حق ويمكن ده اللى عامل شئ من الغموض للقصه
بس المخرج عايز كده :D

اسلام تقريبا فيه فرق كبير قوي بين القصة دي وبين اللي انتا قلته

دول مش شهرين يحج دول سنين ؟

شكرا لمرورك يا اسلام وتعقيبك
وهى فعلا فى الاغلب بتكون تسليه او مصلحه علشان الناس اللى بتزعل من كلمه تسليه
والمثال اللى انت قلته بيثبت ده
وشكرا ليكم يا جماعه على التفاعل

عادى يا جماعة
مشكلتنا اننا بنسيب اللى احنا فيه ونبص قدام قدااااااااااااااااااام
قدااااااااااااااااااااااااااااام
حاسب فى عربية

كل واحد ادرى بنفسه ويعرف مصلحته اكتر من غيره
داكوووووووور :D

احسن حاجه يا خالد انك بتجيب من الاخر
بحييك والله :rolleyes:
وهى رساله حبيبت اوصلها بس ويارب تكون وصلت
ومش معاك ان كل واحد ادرى بمصلحته

موضوع جميل اوي وقصه كمان جميله

بس هي فعلا مش قاعده



وللتوضيح بس



gracilis>>>اسم عضله موجوده في منطقه الفخذ


tibia ........دي عظمه من عظام الرجل....مش عارفه بالعربي اسمها ايه بس ده اسمها الاتيني اللي في لغه التشريح.....

والموضوع ده وقته كويس خاصة ان اول امتحان عندي بعد العيد تشريح.........ادعولي بجد

وتبقي الجمجمه كده كويسه عشان اعرف ازاكرها واحل في الامتحان كويس....

ميرسى لمرورك يا احلى هبه
ووحشانى جدا جدا جدا
وكل سنه وانتى طيبه وربنا يوفقك فى امتحاناتك باذن الله

هههههههه حلوه اوى

ميرسى ياعسل

ميرسى لمرورك يا احلى يويو