لمن تمنح اجازة العيد؟
 

سمعنا ان اجازة العيد 10 ايام
فهل هي للطلبة فقط ام للطلبة و المدرسين ؟
افيدوني جزاكم الله خيرا

هى لكل العاملين بوزارة التعليم وكل عام وانتم بخير

للطلبة 10 ايام والمدرسين 5 ايام فقط

انتظروا فتوى الجمل لان رئيس الوزراء قال مدارس يعنى الجامعات شغالة اللة اعلم
وعلى العموم تعودنا من الحكومة الفوازير وكلها تسالى 1111111111111111111111111111111111111

با اخوانى 10 ايام للطلبة فقط والمدرسين 5 ايام

اجازة خمسة ايام
 

مشكور استاذ/ ابو جهاد

و كل عام و حضرتك و الامة الاسلامية بخير

كل عام وانتم بخير
رزقنا الله واياكم خير الايام المباركة

طيب حنروح المدارس ليه وحنعمل ايه

انا لله وانا اليه راجعون
الظاهر اننا هنغنى ونرد على نفسنا

حد يرد بصفة رسميه
ولا محدش بيشوف كلامنا

جنود .... جنود مين يا عم جنود لمن ؟ لناس بتتعامل معاك علي انك مواطن درجة عاشرة لنقابة همها نهب اموالنا لوزير اخر ما يفكر فيه مصلحة المدرس لناس بتستفيد من وراء ازماتنا ومشاكلنا وبتبعنا بارخص ثمن .
قلبك ابيض ....

نحن جنود لله نعمل من اجل ان نحلل رزقنا مش منتظرين كلمة شكر من أحد و ربنا هو اللي بيحاسب .....
لو كل واحد مننا اتقن عمله خالصا لله كل شئ سوف يستقيم
اللهم بارك لنا في القليل

اما التلاميذ مش موجودين احنا نحضر ونشرح لنفسنا يعنى؟
وبعدين تهيئة ايه !!
كله هيروح يضيع وقت ويرجع

السلام عليكم
الاجازة كالعادة للطلاب فقط
اما العاملين بالتربية والتعليم والمعلمين والمعلمات
مثل بقية العاملين في الدولة تنتهي بنهاية اليوم الرابع للعيد الاضحي المبارك
بمعني اخر ............( وقفة عرفات يوم الخميس 26 نوفمبر اجازة ثم
+الجمعة 27 نوفمبر+ السبت 28 نوفمبر+الاحد29نوفمبر+30الاثنين) اجازة خمسة ايام كما قال الاخ حسام
ونتوجه الي مدارسنا يوم الثلاثاء الاول من ديسمبر 2009
هذا للعلم

كالعادة نظام العبودية التى تتبعه وزارة التربية والتعليم وبلاش الناس تتكلم عن تحليل اموالنا لان السادة المسئولين بيخدوا ملايين وهما قاعدين فى مكاتبهم وهمهم الاول ضرب البلد واحنا مش جنود ولا حاجة احنا لعبة فى ايد الوزارة تحركنا زى ماهى عاوزه

طبعاً نحن جنود لله وهذا ما اقصده لكن نصيحتك باتقان العمل اتمني ان تتوجهي بها الي المسؤلين الذين ادت افعالهم الي ما نحن فيه واشكرك علي التواصل .

السلام عليكم

ولا يهمك اخي وابن عمي محمد عودة
علي العموم حلوة وجميلة علي الاقل احسن من بقية المشاركات التفطس من الضحك
زي الاخت العزيزة القناوية التي تجلس تحت الشجرة
فاضل بس تقول تحت الشجر يا وهيبه ياما اكلنا برتقال
ههههههههههههه
ده نظام دولة هيبة . دولة كينونة. دولة تامر فتطاع
ولي امر . اب يعني. والد كل المصريين . حكومة شرعية منتخبة قدرنا

خلاص المش عاجبه كلامنا ما يرحش ويقعد في بيتهم وحنشوف حيوكل اولاده منين
يا جماعه بعض الكلام ممكن تتعاقبوا عليه قانونيا
وحضرتك وحضرتها لديكم مسئولية كاملة عن كل مايخرج من اللسان وكل مايسطره القلم
لديك حسيب الم يكفيك الله حسيبا
عليه العوض
لك الله يا مصر

ابو جهاد عودة

سمعتم اخر الاخبار الجمل لغى العشر ايام بقو خمس ايام فقط

استاذي الفاضل
لو كان المسؤولون كما تقول افعالهم ادت الي ما نحن فيه فهل هذا مبرر الا نعمل ونقعد تحت الشجرة ابدأ بنفسك علي قدر استطاعتك في الاصلاح و لن يضيع الله اجر من احسن عملا
فعلي سبيل المثال
فلقد تطوعت لمساعدة الاداريين في ادخال بيانات الحكومة الالكترونية علي الكمبيوتر و لقد وجه لي اللوم من كثير من الزملاء فقيل لي مثلا :
- و انتي مالك و مال الشغل ده
- هو انتي هتعدلي المايلة
-و ايه اللي هتخديه غير تعب عنيك
- احسن حاجة انك تقولي ما اعرفش

لا حول ولا قوة الا بالله العلي العظيم

هو الخلاف وصل للاجازه 10 ايام ولا 5 ايام
لله الامر من قبل ومن بعد

استاذي الفاضل انا لم اقصد اتهامك بأي شئ ولكن ما اقصدة ان نحاول ان نشد بأزر بعضنا حتي نستطيع ان نسير وسط كل الظروف القاسية فأنا ايضا 16 سنة في التربية و التعليم وأحاول ايضا بقدر الامكان ان ارضي الله في عملي .......... ربنا يتقبل منا جميعا

عشرة ايام على النت ومش رايح اقوم الاعلشان اصلى الصلاوات الخمس
ههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههه

انا مع الاخت التى تقول اننا لا نفعل شئ فى المدرسة اللهم الا ملف الاعتماد والجودة اما اختى ان تقولى اننا نشد ازر بعضنا فهذا معناها ان هذه هى الحقيقة ولا يجب ان نغفلها كما ان حوالى 90 %من المدرسين يقوموا بعملهم وزيادة بل يتعاونون مع الاخرين فى الاوقات التى كنا فى الماضى متفرغين فيها اما الان فحتى الحصص التى تكون فاضية بين حصص العمل نكون مشغولين باعداد ملفات الجودة والحقيقة اننا كمدرسين محبطين من اننا نعانى من كل وزير يتعامل معنا على اننا اعداء الوطن واننا الحرامية التى نهب ثروات الوطن وليس اننا نحن الذين نبنى بتعليم المهندسين والعمال والضباط والوزراء فنحن الاساس ومع ذلك لانجد من يقدر هذا العمل

السلام عليكم
انا مدرس اول نصابى القانونى حسب الكادر 22حصة ولكن واخد 28 حصة بلا اجر غير حصص الاضافى
والاشراف واعمل اخر كتير كل ده مش عاوز اجازة عشرة ايام للراحة والاستعداد لما بعد ذلك
لابد من رفع صوت المعلم المسلوب منه كل الحقوق
لابد من رفع شعار لا نستعبد بعد اليوم

الحقيقة يجب ان نطيع ولى الامر كمسلمين ومؤمنين بغض النظر عن كونه سئ او لا
اما ماذا نفعل فهناك العديد من الانشطة التى ابتلانا ربنا بها من قبل المسئولين العظماء فى الوزارة واولها تكملة ملف التقويم الشامل استعدادا للامتحانات واعمال الكنترول وتجهيزاته والطامة الكبرى ملف الجودة والاعتماد الذى لدى تحفظ عليه وانه كان يجب فى ظل هذه الظروف تأجيله لانه ليس من المنصف فى ظل الغياب المتكرر للطلبة وغلق بعض الفصول وتأتى الهيئة وترفض ملفى وعندها حق فهل هذا يعقل يا احباب الله
حسبى الله ونعم الوكيل
:039uw8: :giljotiiniug3: :039uw8:

ما هو اخر كلام بخصوص اجازة العيد

اجازة مربى العقول تساوت مع اجازة مربى المواشى كلهم موظفين
 

الي الان لنا اقاويل عن الاجازة !!!!!!!!!!!!!!!!!
الايوجد احد يعرف لمن تمنح الاجازة
لنا الله

ايها الساده السلام علسكم ورحمه الله
لقد قرات قرار السيد وزير الصحه بنفسى وقد قال ان الاجازه للمدارس والجامعات والعاملين بها اما اجتهادات الساده الزملاء فلا اساس قانونى لها.وانا من رايى ان رئيس الوزراء اصدر قرارا لا يلغيه الا قرار واضح يفرق بين الطالب والمدرس بهذا الصدد,والاصل فى الامور الحلال مالم يرد نص بالتحريم.
اشكركم وكل عام وانتم بخير

على العموم الموضوع بتاع الاجازه معروض على مجلس الدوله ولسه هنشوف امتى تصدر الفتوى بتاعة الاجازة احتمال تصدر الفوتو فى العيد القادم انشاء الله لانه الوزاره كل شىظر قرار مجلس الدوله زى كادر المشرفين وموة يحمار لما يجى العيد ء

لكم الشكر جميعا

يعنى لما فتحو المدارس الساعة سبعة الا ربع قالو المدرسين زى الطلبة ملهومش دعوة بباقى الموظفين
ولما يعملو صباحى ومسائى ويرجعونا بيوتنا الساعة ستة يقولو المدرسين مع الطلبة مش زى باقى الموظفين:abdoog8:
ولما تيجى اجازة يقولو المدرسين ملهومش دعوة بالطلبة وهما زى باقى الموظفين؟؟؟؟؟؟

ياجماعة انتم فى مصر ، اظاهر انكم مش عايشين فى الدنيا، ومابتشفوش اللى بيحصل فى المدارس، جنود ايه الكلمة دى قديمة قوى،الاخ كانه طالع من فيلم ابيض واسود،ى احنا بنتعلم كل يوم ان اللى بيشتغل بضمير بياخد فوق دماغة ، جرب تشتغل منهج بضمير ،جرب متكروتش شوف اللى حيجرى،جرب تطيع الاوامر وتمشى بالقانون شوف ايه اللى حيجرى ،صدقونى انا ياما مشيت صح وفى الاخر لقيت ان مافيش فايدة واتعلمت انى ارضى ضميرى وفى نفس الوقت لا اصطدم بالفساد حتى لا انكسر ،يا أخ ياللى بتقول وهيبة ،خلاص وهيبة اتجوزت