مرتبات العقود المميزة متفاوتة
 

انا يا جماعة من الزقازيق ادارة شرق الزقازيق ومرتبى العقود فى ادارتين شرق وغرب الزقازيق 307 جنية ولم يضاف ال10%ولم يضاف العلاوة الدورية اللى هما 4 جنية والتى تضاف على الاساس

هل جميع العقود المميزة فى باقى المراكز والمحافظات لا تضاف الية ال10% والعلاوة الدوريةولا احنا بس ؟

:giljotiiniug3::giljotiiniug3::giljotiiniug3:

لاأخي الحبيب نحن في المنوفية مرتبنا 364.5جنيه فاطلبوا بقية حقكم
لأنه لن يبحث لكم أحد عن حقوقكم فالسادة الاداريين بالمدارس المختلفة أخر ما يفكرون فيه المتعاقدون

احنا فى ادارة منيا القمح مرتبنا الشهر دة 317 جنيه بعد ما كان 322 عشان بيقولوا خصموا 4 جنية للنقابة

ممكن تعطينى مفردات المرتب الخاص بكم؟

بس على فكرة هما خصموا مننا النقابة

دمياط 350 جنيه

المفردات ليست معي الآن
ولكن أعدك بأنني سوف أحضرها من المدرسة وأخبرك بها عقب إجازة العيد
إن شاء الله مع العلم بأننا غير مشتركين بعد في نقابة المعلمين
ولكن حتي ولو كنا مشتركين لن تفرق في كل هذا الفرق بيني وبينك وهو ((57))جنيه
فهل يخصمون منك ((57))جنيه شهريا للنقابة !!!!!!!!!!!!!!!!!!!!!!!!!!!!!!!!!

دة بعد خصم النقابة ؟ والتامين والمعاشات؟

يا ريت كل من يدخل علي الخبر يذكر مرتبه بالكامل ويحدد محافظته
ليعرف كل منا كيف يتعامل مع هؤلاء الناس فلربما يكون هناك من يستفيدون منا علي مستوي المحافظات المختلفة فنكشفهم
لبعضنا البعض وشكرا

لا بيخصموا حوالى 4 جنية للنقابة
هو الاساس بتاعكم كام ؟ احانا الاساس بتاعنا 148 جنية بس وبيتم خصم المعاشات والتامينات

انا عملت موضوع جديد لنعرف حقوقنا
http://www.thanwya.com/vb/showthread...61#post1764561

المرتب فى الاسماعيلية للكل 365 جنية بعد ما كان 345 زاد العلاوة السنوية من شهر 7 اللى فات

مما سبق يتضح أن الراتب الصحيح هو 365 جنيه وعلي كل واحد أن يبحث عن حقه

الله يعينا ويعينكم
بالله 300 تعمل ايه لشاب واسره؟
وكمان بيدلعوا مش عايزين يعينو
حسبي الله ونعم الوكيل

احنا محافظة كفر الشيخ المرتب 317 جنيهة بعد الخصومات الكتيرة دى
نقتبة تامينات معاشات وكنا من شهر فات بناخد 301 بس ادونا من اول شهر 11 المرتب كامل 317
مع فروق الشهور اللى فاتت

انا من المنوفيه مرتبى354.75

يا جماعة فرق المتب نتيجة ان فى ناس جداد وناس قدام القديم حضر زيادة 30% أما الجديد لم يكن موجود أيام صرفها

الأستاذ mmyr14
كلا مك صحيح ولكن
راتب من هو متعاقد قبل 31/10/2008 المفروض يكون ((365.5))
وراتب من هو متعاقد بعد 31/10/2008المفروض يكون ((348.5))
وهذا في كل مكان علي مستوي الجمهورية
ولكن انظر إلي بعض الأخوة الزملاء في تعليقاتهم فهم يقولون نأخذ 307 والبعض يأخذ 317
أي أقل من هؤلاء وأولئك مما يؤكد وجود خلل بالفعل

إحنا ف كفر الشيخ بناخد320 و ف ناس بتاخد 317

نريد من الاخوة الزملاء مفردات مرتب حتى نشتكى بها ياريت اى حد ينزلها على المنتدى

احنا فى الدقهلية ادارة بلقاس0000هناك 3 اقسام مظلومين ومرتبهم 324،75 جنية وهم (مكتبات--حاسب الى--رياض أطفال) اما باقى الاقسام 355 جنية تقريبا 00000
اتكلمنا على هذا الفرق وكان الرد اننا بدانا العقد فى 1/10/2009 والباقى كانوا فى 1/7/2009 فاخدوا هما فرق العلاوة000
المهم ندعى ربنا انهم يعينونا ونثبت على مرتبات كبيرة نقدر نعيش منها وتمشى مع متطلبات الدنيا الان فى زمن الاسعار المرتفعة والدهب اللى وصل الى 175جنية 00
مع تحيات مكتبات بلقاس 00وكل عيد وانتم بخير00

انا تعاقد بتاعى من بتاريخ 1/7/2008 وبنقبض 307 بصد خصم النقابة ومش بناخد 10 فى المية ولا العلاوة الدورية ولا الحالة الاجتماعية بتاع المتجوزين واللى مخلفين
وحسب الله ونعمة الوكيل على الظلمة

القاهرة
324 الصافى

وزير التربية و التعليم فى جريدة الجمهورية غدا السبت 28/11/2009
. يسري الجمل:
تسكين مليون معلم اجتازوا الاختبارات
أكد د. يسري الجمل وزير التربية والتعليم ورئيس مجلس إدارة الأكاديمية المهنية للمعلمين أن الأكاديمية تقوم حاليا برصد معدلات التسكين الحالية للمعلمين وتقييم الأداء في الاختبارات الأربعة التي عقدت في أغسطس وسبتمبر الماضيين وبحث اجراءات تعيين المعلمين المساعدين الجدد في ضوء الدروس المستفادة من العام الماضي لاعداد وتطوير خطط متابعتهم وتقويم ادائهم المهني داخل الفصول والمدارس.
قال الوزير إن الأكاديمية قامت باجراء اختبارات التسكين للمرحلة الثانية لكادر المعلمين الذين انطبقت عليهم شروط ومعايير القانون 155 لسنة 2007 حيث يتم تسكين مليون معلم بعد اجتيازهم الاختبارات.
أوضح أنه تقرر توحيد صورة التعاقد مع المعلمين المساعدين وفق نموذج موحد ووفق معايير محددة بما يتفق مع القانون مشيرا إلي أنه سيتم توزيع النموذج علي جميع المحافظات مما يتيح المراجعة الكاملة لجميع العقود لوظيفة معلم مساعد علي مستوي الجمهورية من خلال الوزارة ويكون النموذج الكترونياً.
اشار إلي أنه بالنسبة للمعلمين المساعدين فسيتم توحيد أسلوب التقييم والتقرير الذي يقدم من قبل مدير المدرسة والموجه وذلك باستخدام نموذج الكتروني وورقي موحد سيتم توزيعه علي المدارس لاستيفائه بشكل الكتروني يسمح بالمتابعة والمراجعة من قبل الأكاديمية.
أكد أنه تم بحث خريطة التدريب التي أعدتها الأكاديمية بناء علي نتائج الاختبارات التي تمت بالتعاون مع كليات التربية في الاختبارات الثلاث وكذلك سبل توفير الحصول علي مؤهل تربوي لجميع المتعاقدين كمعلم مساعد علي مستوي الجمهورية وغير المؤهلين تربويا بحيث تتضمن برامج التدريب موضوعات تربوية يمكن تقديمها من خلال التعلم عن بعد.