لقاء طلاب طب اسنان المنيا .. OnLine
السلام عليكم .. ازيكو يا دكاترة .. اخباركو اية .. اولا كل سنة وانتو طيبين .. ثانيا : فى اعضاء معانا كتييير طلبت اننا كلنا نبقى مع بعض اون لاين وانا صراحة ف الاول مكنتش مؤيد للفكرة لكن بعد البحث والاستفتاء .. واذا كنا كلنا نتجمع على المنتدى ولا على برنامج وكدة يعني فقولت ماشي .. وناس رجحت انه يكون على برنامج احسن .. ودا لاسباب .. منها .. انه اسرع بكتير من المنتدى ... وثانيا الكلام بيتقال ويروح مش هيبقى موجود لسنتين قدام وبالتالى حبيت اجيبلكوا برنامج خفيف وسريع جدا وسهل (وفي امكانية التشغيل بالعربي) البرنامج اسمه inspeak ولتحميل البرنامج من هنا البرنامج مساحته 12 ميجا فقط بعد ما تنتهي من تحميل البرنامج هتدوس على ايقونة inspeak528_setup اللى انتا حملتها .. هتظهرلك النافذة دي .. ولو عايز البرنامج يبقى عربى اختار كدة ولو عايز انجليش كمل عادي .. وبعد متخلص Next Next او التالى التالي هيظهرلك وهندوس تسجيل هنملي البيانات والحاجات اللى مش عازينها تظهر منحطش جنبها علامة صح دا كله ياخد ثواني .. وهيفتح البرنامج في اقل من 4 ثواني وشكل البرنامج بسيط جدا وخفيف هندوس بحث عن غرفة هنعمل زي ما هوا موجود كدة بالظبط minia ونختار موجود ف الاسم وندوس بحث اسم الروم بتاعنا Minia Future Dentists والروم مش دايما هتلاقيه ... لية ؟؟ لانه الروم مش هيبقى موجود الا ما صاحب الروم او مشرفين الروم هما اللي يفتحوه ودي ميزة حلوة جدا واول ما تفتح الروم هتلاقي وعلامة * اللى جنب الاسم معناه انه العضو دا احد المشرفين على الروم وممكن ترفع ايدك (على اساس انك مؤدب اوي يعني وكمان في ايموشن - ابتسامات 9 وحاجات كتير حلوة وبسيطة ) الروم طريقته سهلة جدا ... واستعماله ممتع والمشرف او مدير الروم بيكون ليه التحكم ف الناس اللى بتدخل وكمان لو في اي حد بيضايق حد ممكن يعمله حظر مباشرة وبياناتك بتكون ف سرية .. زي ما قولنا فوق انا كدة عملت اللى عليا .. واتمنى انه يعجبكوا وان شاء الله المعاد انهاردة الخميس الساعة 9.5 .. وفى فترة ( بث تجريبي ) من بعد المغرب لغاية العشاء .. ومش شرط اكون انا موجود ممكن اي مشرف والمشرفين اكيد من المنتدى هنا بكدة اكون انا خلص كل اللى عندي واتمنى ان الفكرة تكون وصلتلكوا ولو ف اي استفسار .. انا موجود ان شاء الله |
صح يا جماعة يا ريت اللى يسجل بنفس الاسم اللى ف المنتدى او باسم مقارب لية .. يكون احسن
|
شكرا على مجهودك واهتمامك يا دكتور بس انا عندى مشكلة فى التحميل مؤقتا
|
ازيك يا سمايلى حاولى تانى علشان انا مستنياكوا
|
انا عايزة اعرف هو انتم دلوقتى هتتكلموا على البرنامج ولا المنتدى
ولا اساسا مفيش حد التزم بالميعادمن باقى الاعضاء |
هو انا موجودة فى االتنين بس البرنامج اسرع واحلى
ودكتور مصطفى برده موجود |
ازيك يا اسراء انا بحاول احمل البرنامج بس مفيش فايده فهكلمك على المنتدى شوية بعدان اسيبك تتكلمى معاهم على البرنامج
|
لا انا عايزاكى تدخلى حاولى تانى معلش
اصلى ايميلك ضاع منى |
خلاص كده انهرده اوت مفيش مشاكل بس والله كان نفسى اتكلم معاكو وكل سنة وانتى طيبةومتكليش لحمة كتير علشان متتعبيش بس ياريت تقولى على ميعاد نكون موجودين فيه كلنا علشان نشوف بقه هنذاكر ايه ونلم نفسنا شويه بدل الضياع ال احنا فيه وياريت لو يكون فى اقرب ميعاد
|
كل سنه وانتوا طيبين
|
اقتباس:
وبالنسبة للحمة فبلاش تبصيلى فيها برده مش هسبلك حتة:049gc0: هههههه اقتباس:
|
اقتباس:
وعايزين نشوفك كتير معانا يا دوك ،، ---- |
يا جماعة تقترحوا الاجتماع اللي جاي يكون امتا ... انا عن نفسي الاحد او الاتنين .. بعد الساعة 8 باليل .. بس المرة دي عايزين الكل يدخل .. المرة دي كان ف ناس .. بس مش كتير .. وكنا مشغلين تكبيرات علشان نحس بالعيد ،، وكانت حلوة --------------------- وبالنسبة لاي حد عنده مشاكل ف التحميل .. فهحاول احلها ان شاء الله .. بالنسبة للموقع .. فالرابط اللى فوق هوا اللى انا حملت منه البرنامج وشغال وكمان الرابط دا هوا الرابط الرسمي مباشرة .. وفي ناس حملت البرنامج منه وشغال 100% ... وادي الرابط الرسمي للموقع بتاع البرنامج .. وتدوس على كلمة Download Now ... ------------- اما بالنسبة للمشاكل التانية فياريت تكتبوها علشان نلحق نحلها بسرعــة .. وشكـــــراً ،، |
انا زيك يا سمايلي مش راضي يتحمل معايا try 2 obtain a new copy of the programmme\ بيقولي كده كل م اجي احمله
|
شكرا يا دكتور بس احنا كده هنسيب المنتدى وهيبقى كلامنا كله على البرنامج ولا ايه
وياريت يبقى ميعادنا يوم الاحد علشان نشوف موضوع الهستولوجى |
و ربنا م راضي يتحمل
|
لا طبعا احنا هنا على المنتدى ان شاء الله
البرنامج دا لقاء هيكون بمعاد في يوم محدد .. |
صورة من البرنامج فى نفس الوقت دا حالا ... http://img36.imageshack.us/img36/610/45256085.png وان شاء الله اجيبلكوا روابط تحميل تانية .. وتتحل مشاكل التحميل دي ان شاء الله .. |
نظرا لان الشكاوي كترت على موقع التحميل الاساسي للبرنامج
تم رفع البرنامج على موقع اخر .. ولو في اي مشاكل تانية .. ممكن نحلها http://www.mediafire.com/?3zy0nmm3mww ودا رابط من موقع تاني .. http://www.jsoftj.com/Download-5082-....html?sdi=8893 وشكرا .. واعتقد كدة انه كل حاجة عليا خلصت وربنا يسهل والبرنامج يتحمل .. |
بجد تعبناك معانا يا دكتور الف شكررر ليك
|
اقتباس:
اهم حاجة الناس تحمل البرنامج .. وحددو المعاد الجاي ان شاء الله .. ياريت بس الكل يكون موجود ف المعاد اللى هتحددوه .. وشكرا .. |
انا حملت البرنامج اخيراااااااااااااااااا هييييييييييييييييييييييييييييييييييييه
|
ياريت يكون الاجتماع ال جاي ع السبت بليل قبل م نرجع الكلية
|
اقتباس:
الحمد لله :av4056bb7jp3: .. اخيرا تعبي مارحش ع الفاضي :022yb4: واعتقد انه الرابط دا شغال كويس وسريع جــدا (اللي هوا mediafire ) .. واتمنى من كل الاعضاء انهم يحملوه منه :friendsxs3: وبالنسبة للمعاد .. فانا اقترح اننا نخليه الجمعة بالليل .. احسن علشان مانكونش مرتبطين بالكلية تاني يوم ^_^ انتوا رايكو ايــة ؟؟ ... ان شاء الله بعد الساعة 9 .. والروم هيتفتح قبلها بساعة ان شاء الله - دا لو محصلش ظروف - يعني من بعد صلاة العشاء :d |
وادي رابط كمان للبرنامج ..
www.inspeak.net وبعدين http://img694.imageshack.us/img694/2310/47623526.png وان شاء الله هنكون موجودين يوم الجمعــة بالليل ,, وتحديدا الساعة 9 .. وربنا يسهل ول ف اي مشاكل تانية ممكن تقولوها واحنا ان شاء الله موجودين للرد .. وشكــرا ،، |
يا جماعه ان شاء الله الدراسه ها تبقى يوم السبت
|
ازيكم كلكم عاملين ايه يارب تكونوا بخير انا كنت عايز اعرف اخر ميعاد حددتوه للبرنامج
وحاجه تاني انا جبت قاموس طبي في حاجه حلوه قوي بيجيب رسومات لاي حاجه تكتبها فيه هوه حلو قوي للهستولوجي لان اي حاجه بنكتيها او اي اسم شريحه بيجبلنا رسمتها وعليها البيانات انا والله كنت عايز ارفع البرنامج في المنتدى بس المشكله النت فصل عندي في البيت ومساحه البرنامج حوالي 500 ميجا فا ان شاء الله انا هادي البرنامج لمصطفى يوم الاحد وهوه يرفعه واللي عايز ينزله من النت هوه اسمه umd او unified medical dictionary |
شكرا يا دكتور عبده
والله تعبينكوا معانا يا دكاترة |
انا مش عارف اعمل اقتباس لاني من الموبايل
المهم بالنسبة للمعاد فالجمعة ان شاء الله لله هيقدر يجي من بعد صلاة العشاء او الساعة 9 انا عن نفسي ان شاء الله احتمال كبير اكون موجود بكرة ان شاء الله وبالنسبة للبرنامج فاعتقد انه صعب جـــــــــــــدا جـــــدا انه واحد يقعد يحمل ف برنامج 500 ميجا !! دا حتى صعب عليا اني ارفعه !! وتخيل لو واحد زي tweet متحملش معاه البرنامج دا انا احتمال يجيلي فيها شلل رباعي احسن حاجة لو كنت عايز توصل البرنامج لاي حد عن طريق الاسطوانات وريح نفسك لكن الحكاية دي عايزة كلام كتير لانك شوفت اللي حصل ف الاسطوانة الاولانية !! وعلى العموم شكرا ع البرنامج مقدما واخيرا قررت تعمل حاجة مفيدة ف حياتك وربنا يفتح علي بيدو ويدينا القاموس اللى معاه كمان ونشوف شغلكم اللي بجد !! |
شكرا يا دكتور مصطفى على تعبك معانا بس معلش استحملنا:angry2:
انا عندى بعد ما حملت البرنامج بيقولى جارى الاتصال بالانسبيك وبعدان يفضل واقف على الصفحة دى وما يتحركش لحد لما انا افصله |
اقتباس:
.. حاولي تعملي ريستارت للجهاز واحنا حاليا ع الروم ونرجوا من جميع الاعضاء انهم يجيوا هنا |
يا جماعة انا اسفة لانى مدخلتش البرنامج الميعاد اللى فات بس مكنتش عارفة اقعد من اختى الصغيرة
|
يا جماعه امتحان النبات العملي ها يكون الاسبوع اللي بعد اللي جاي وانا سمعت انه صعب فياريت نذاكر كويس لان الدكتوره حمديه شكلها لسه زعلانه وها تجبلنا امتحان زي الفل
|
هيييييييييييييييييييييي باركولى بقيت اعدادى اسنان:av4056bb7jp3::022yb4:
اقتباس:
اولا شكرا يا دكتور عبده :oثانيا انا عايزة اعيط لا حول ولا قوة الابالله اقتباس:
الاولاد مش عارفة قالها اى؟.. خلاها تزعل تانى على العموم لازم نذاكر:blush: |
اقتباس:
وان شاء الله تدخلي معانا المرة الجاية ان شاء الله .. وبالمناسبة لو عايزين .. حددوا معاد للمرة الجاية .. -------------------- اقتباس:
اخيرا حولتى من هندسة .. اية المواد اللى كنتوا بتاخدوها هناك بقى :d لا والاهم كمان اقتباس:
|
اقتباس:
ربنا يخليك لمصر يا عبده .. :slap1qk6: مش بتجيب الا الاخبار اللي زي العثل .. :d دا انا الناس اللى اكبر مننا بيقوللنا : حد يزعل حمدية .. حرام عليكو على العموم ربنا يسهل وهي سنة حلوة من اولها .. احنا نتوكل على ربنا وندعي انه ييسرلنا كل خير وان شاء الله .. هنعدي |
اقتباس:
لالا يا افنان تماسكي هههههههه اقتباس:
اقتباس:
|
اقتباس:
|
سلام عليكم يا جماعه حد يعرف امتحانات الكيمياء العملي امتى وكمان في خبر حلو انتوا عارفيتن طبعا ان اخر محاضره لدكتوره وجيده اتلغت انا روحتلها النهارده وسالتها على الامتحانات قالتلي ان شاء الله بعد اجازه نصف السنه وقالت ان كده كده لسه مفيش اي جداول امتحانات نزلت لينا وهيا دكتوره كويسه جدا وطيبه وقالتلي ان المتحان ها يكون سهل جدا زي الكلام اللي في الورق بتاعها بالظبط يعني مفيش قلق خالص من الفيزياء ان شاء الله
|
اقتباس:
وبعدين بقولك باركيلى تروحى تجيبيلى سيرة الامتحانات :pكتير كدة اقتباس:
ويا ريت اعرف اقرا الخط اللى فى الورق ;) شكرا يا دكتور |
سلام عليكم طبعا انتوا شوفتوا النهارده الدكتور مصطفى قال ان الامتحان قبل الاجازه بس انا والله الدكتوره وجيده قالتلي كده يارب تقدر تقنعه ان الامتحان يبقى بعد الاجازه
هوه انتوا ها تفتحوا البرنامج الاسبوع ده ولا لا ولو ها تفتحوا ها يبقى امتى |
اقتباس:
انهم امتحنوا "عملى عضوية " اخر السنة بس .. ودي بتاعت الدكتور فتحي .. لكن الوصفية الترم دا .. لكن امتا .. الله اعلم .. بس اعتقد انه هيكون بعد 3 اسابيع .. لانه باقي سكشن وكمان واحد مراجعة .. --------- وبالنسبة للفيزياء فاعتقد انه الدكتورة وجيدة ليها مكانتها ف الجامعة .. ولو فعلا قررت انه الفيزياء بعد نص السنة ،، فان شاء الله هتبقى بعد نص السنــة .. وبعدين الفيزياء مش هتخرج برة اللى بيتاخد ف المحاضرة وسيبكوا من العك اللى ف الكتاب والمسائل اللى ممكن تيجي .. هيا المسائل اللى بتتحل ف المحاضرة بس .. وعلى العموم الدكتورة وجيدة طيبة جدا وهتسهلنا ان شاء الله .. |
سلام عليكم لو حد يعرف ميعاد اي امتحان ياريت يقولنا عليه خصوصا الهستولوجي
|
الهستولوجي قالت الدكتورة .. سؤال مع العملي اللى مش عارفين معاده لحد دلوقتي ..
|
يا جماعة ينفع تخلو المعاد اللى جاى بكرة الساعة 8
|
والله ممكن حضرتك تفتحي الروم عادي ..
انا هحاول ابقى موجود بس اعتقد احتمال كبير مكونش موجود فى الوقت دا .. احتمال اجي متاخر .. |
خلاص مش مشكلة
بس انا كان عندى فكرة وكنت عيزاكوا تساعدونى فيها (الورق بتاع الدكتور مصطفى فرغل فى اسئلة فكنت عايزة يئما نحلها كلنا ونتناقش فيها يئما نقسمها على بعض وكل واحد يحل جزئية) |
ازيكو يا دكاترة
|
اقتباس:
يلا مش مشكلة نورتنا يا زميــل .. :p |
السلام عليكم
يا جماعة انا التنسيق رشحنى طب اسنان المنيا انا من اسيوط هى كلية كويسة ولا احول
|
جميع الأوقات بتوقيت GMT +2. الساعة الآن 10:29 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.