يلا اللي عندة اسئلة جامدة يخش ويحطها واحنا نجاوب
 

عندي فكرة يا جماعة اللي عندة اسلة جامدة يخش ويحطها ويلا خلينا نفيد ونستفيد

اية يا جماعة الموضوع مش عجبكم ولا اية

فى موضوع تانى اسمه اسئله من طلبه الى طلبه فقط ياريت تروح له

انا عندي مشكلة في الباب السادس ياريت حد يساعدني

اوك انا هخلص الباب قريب جدا ومن ثم سوف اساعدك

شكرا علي الاهتمام

الفكرة مش حلوة اوي لانك مكنتش ولا عمرك كنتاستاز

لا الفكرة حلوة لاننا طلبة وهذة الميزة فالطلبة يجمعون اكثر من فكرة اما الدرسين لديهم شرحهم فقط وكمان الاساتذة مع الاحترام لهم ليسو ملائكة وكل بني ادم خطاء

ما نوع الروابط في كلا من:
1)بخار ماء
2)شريط ماغنسيوم
3)حمض الهيدروكلوريك
4)غازالنشادر
5)البروتون المماة
يلا جاوب يا جامد!!!!!!!!!!!!!!!!!!!!!

نوع الروابط في بخار الماء نوعين روابط تساهمية قطبية داخل الجزيئات وروابط هيدروجينية بين جزيئات الماء
نوع الروابط في شريط من الماغنيسيوم نوع واحد من الروابط ألا وهو الرابطة الفلزية
في حمض الهيدروكلوريك نوعا واحداً ايضاً من الروابط وهو الرابطة التساهمية القطبية
في غاز النشادر(nh3)توجد ثلاثة روابط من نوع الروابط التساهمية القطبية
أما في البروتون المماه فهو يرتبط بجزئ الماء برابطة تناسقية وهي نوع خاص من الرابطة التساهمية

ازاى احفظ المعادلات

اجابات comboy خاطئة
اما بالنسبة لحفظ المعادلات انا اري انك تحفظها وتفهما عربي ثم اكتبها انجليزي

اجابات comboy ليست خاطئه

ازاي وهو بيقول انا الروابط في بخار الماء:
نوع الروابط في بخار الماء نوعين روابط تساهمية قطبية داخل الجزيئات وروابط هيدروجينية بين جزيئات الماء
حمض الهيدروكلوريك نوعا واحداً ايضاً من الروابط وهو الرابطة التساهمية القطبية
أما في البروتون المماه فهو يرتبط بجزئ الماء برابطة تناسقية وهي نوع خاص من الرابطة التساهمي
ازاي يكون صح بقي !!!!!!!!!!!!!!!!!!!!!

h c lصح
الماء غلط ليه فهمنى

اقولك يا مجدة :
في حمض hcl تساهمية قطبية وهيدروجينية لانة سائل
في بخار الماء تساهمية قطبية فقط لانة بخار وليس سائل
ولو انت مش فاهمة راجعي الرابطة الهيدروجنينة
ولو فهمتي من فضلك اكتبي كلمة شكرا

ليه Hcl تساهمى وقطبى وهيدروجينى .................... مش تساهمى بس

ما المقصود بالاكسدة والاختزال

عندما توجد الرابطة الهيدروجينية يكون المركب في حالة سائلة وهنا الحمض سائل

:)مرسى ليك اوى
اصل المستر مش مدينا غير الى انا قولت عليه بس:)

اوك مظبوط
بس انا مش شايفة اسئلة جامدة وكمان لازم مدرس يدخل ياكد لنا الاجابات
ولا يييييييييييييييه

شكرا لردك وهذة الاسئلة حلوة بدليل كثرة من وقعوا في الخطأ
ومرسي علي تقديرك لتعبي!!!!

عند اتحاد 36جم من الماغنسيوم مع 14 جم من النيتروجين يتكون مركب صيغته
يا ريت الاجابة بالتفصيل

السؤال مش كامل:
عشان نعرف نحله لازم نعرف الكتلة الذرية لكل من الماغنسيوم والهيدروجين
بعد كده:
هنقسم 26 "كتلة الماغنسيوم المتفاعل" على الكتلة الذرية للماغنسيوم لإيجاد عدد مولات الماغنسيوم المتفاعلة
وبالمثل للنيتروجين:
هنقسم 14 "كتلة النيتروجين المتفاعل" على الكتلة الذرية للنيتروجين لإيجاد عدد مولات النيتروجين المتفاعلة
ثم نكتب صيغة المركب بالإستعانة بالمولات

هذا ما أذكره من الصف الأول الثانوى
أرجو الإفادة والتصويب إن كان كلامى خاطئ

واضح ان كل الطلبة مش لاقية اسئلة فبتقول اى حاجة
اما بالنسبة للطالب الذى لا يعرف يذاكر
فيارييييييييييييييييييييت يروح لطبيب نفسى احسن
او يقعد فى بيتهم
ايه الطلبة دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حرام عليكي وبعدين مفيش حاجة اسمها ذكي او غبي كل العقول متساوية ولكن تختلففي درجة استخدامها

اوك
يلا مساله سهلة بس حلوة
يحتوى خام الحديد على30 % من اكسيد الحديد الثلاثى كم طن من الخام يازم لانتاج طن واحد من الحديد
يلا ورونا شطارتكم

امال فين الناس الشاطرة

انا شايفة يا جماعة ان انا سبنا الموضوع الاصلي و هو الاسئلة و اتناقشنا في حاجات تانيه
و بعدين هو لازم فعلا يكون في مدرس يتابعنا

شكرا يا نواعم
هى المسالة صعبة ولا ايه

شكلكم راكيبن صواريخ فى المنهج انا لسه فى بدايه الخامس حرام عليكم انا حاسس انى هاحول ادبى على ايديكم

ايه التشاؤم ده دى حاجات عادية اعتبرنى محطيتشى السؤال واختبر نفسك فى الى اخدته
عموما ده الباب السادس وهو اصلا باب صغير يعنى ماانتوش متاخرين ولا حاجه
اوك

ماشى يا روز هى مسألة سهله وانا حلتها قبل كده وده الحل مره تانيه
fe2o3 ____________ 2fe
122 160
1000
كنلة fe2o3 = 1428.57 كجم
الخام fe2o3
100% 30%
1428.57
كتلة الخام = 1428.57 ×100/45 = ? الناتج مش معايه اله حاسبه نا و سورى بقى بس المهم قولى لى صح ولا غلط

سهلة جدا:
امول من Fe2O3 =
159.6 جم
2مول من Fe =
111.6جم
Fe2O3__________________2Fe
111.6جم______________159.6 جم
1طن(10 اوس 6)_________س(كتلة Fe2O3)
س(كتلة Fe2O3)=
1.43 طن
خام Fe2O3 النقي__________خام Fe2O3 غير النقي
30 طن(30%)______________100طن(100%)
1.43 طن__________________س(كتلة Fe2O3 غير النقي)
س=4.76 طن
وشكرا لسؤالك وياريت تجيبي حاجة اصعب:049gc0::078111rg3:

صح يا جماعة
انتو بقى فين اسالتكم الصعبة

:049gc0:وكلامك راح فين "يلا ورونا شطارتكم" لو سمحت حاولي مرة اخري فانت اخطأت بالعنوان

طيب ياعم ميدو انت والاخت rose احنا عاوزين حد يحط لنا الصعب

مرة اخرى ياريت النقاش يكون افضل من كدا
وليس معنى انك تعرف السؤال فهناك غيرك لا يعرف اجابة هذا السؤال
رجاء عدم الاستهزاء بالاخرين خصوصا الاخ ميدو

وبالنسبة لاجابتك على سؤال daisy rose فمن الافضل انك تتعامل بالطن من البداية بدلا من الضرب فى المليون يعنى تحسب المول بالطن ولا تقلل ستخرج نفس الاجابة ولكن بسهولة دون تعقيد


بالتوفيق

هل ممكن الحصول على فوسفات امونيوم من الكالسيوم
ارجوكم الاستفادة

مشكوررررررررررررررررررررررررررر

والله انا حطيت السؤال للى ماشافهوش قبل كده كون انك شفته والمستر بتاعك قاله لك خلاص وياريت ترد بسؤال خلينا نستفيد افضل
منتظرة سؤالك
ولو العنوان غلط ان ممكن اسيبه واروح لعنوان تانى
العناوين كتير مش هنغلب يعنى

يا جماعه مش عاوزين نكبر الموضوع
الاخ ميدو بس عنده شوية ثقة زيادة بعد حل المسألة مع انى حلتها قبل والاجابه صح ميه فى الميه
فياريت مناخدش على كلام البعض بحساسية زيادة ونتقبلها فقط والعضو محمد حط سؤال ياريت نرد عليه

مشكوررررررررررررر علي ردك وانا بردك مستني منك اسئلة وخلينا نعيش التحدي

انا بس اسمحلولي اقول حاجة بسيطة الانسان عمرة مايكون لية وجود في المجتمع اذا كان بيتعامل بطريقة التكبر وبعدين في اسئلة كتيرة احيانا بعض الطلاب بيكتبوها وبتكون صعبة بس الاسئلة لما بوديها لمدرسي دايما بيقولي عمرها ماتيجي في الامتحان يعني مش لازم تكون الاسئلة صعبة اوي


وانا اسفة لو كنت تدخلت عليكم بس في الاول ولاخر لازم نفكر في مصلحتنا

انا اسف يا جماعة ولكنها كانت لحظة غضب وعلي فكرة انا مش مغرور ولا متكبر ويمكن اكون اقل منكم جميعا
وشكررررررررررررررررررررررررررا لكم
وان كنت اضايقكم فاني ساترك الحوار ولن تروني مرة اخري
انا اسف

يلا المسامح كريم بس ياريت تركز فى انك تجيب اسئلة وترد على اسئلة الاعضاء بدل ما تشغل نفسك بحاجات تانية هتضرك انت فى الاول
وبالتوفيق للجميع

السلام عليكم ورحمة الله وبركاته
ان شاء الله فى اى مسألةلابد ان يذكر الكتل الذرية للعناصر مثلا هنا المغنسيوم 24 والنيتروجين 14
نحسب عدد المولات لكل عنصر على حده
عدد مولات الماغنسيوم =كتلة المادة / كتلة المول
=36/24=3/2
بالمثل عدد مولات النيتروجين = 14/14=1
النسبة بين عدد مولات الماغنسيوم : عدد مولات النيتروجين
= 3/2 : 1
Mg : N
1 : 3/2
بالضرب فى 2
Mg : N
2 : 3
لذلك تكون الصيغة الكيميائية للمركب الناتج Mg3N2

وانا كمان مسامحك

كيف يمكن الحصول على اكسيد قاعدى لايذوب فى الماء من اكسيد قاعدى يذوب فى الماء