|
شباب ع القهوة ( بنظرة جديدة )
سلام عليكم لاول مرة افكر انى اكتب مقدمة وقولت انا هكتب مقدمة نار وهتعجبكم وهتنبهرو بيها وهتكملو الموضوع للاخر بس للاسف دا مش هيحصل لانى مش هكتب مقدمة اصلا!!:d فى يوم من الايام كنت قاعد على القهوة فمر شريط حياتى ( اسوة بكتاب حياتى يا عين ) ادام عنيا وافتكرت السنين الكتيرة اللى انا قضيتها فى التعليم وبالفعل اتعلمت ( قصدى حفظت المناهج ونسيتها بعد الامتحان ) واخدت الثانوية ودخلت الجامعة واجتهدت لدرجة انى كل سنة كنت بنجح بمادتين بس !!:d قضيت سنين الجامعة ضحك ولعب وجد وحب وشوية مذاكرة لزوم الجامعة يعنى والحمد لله نجحت واخدت البكالوريا ( زى ما بيقولو ) وطبعا لما انا اخدت الشهادة مقعدتش ساكت كدا انا عملت اللى كل الناس المفروض تعمله اخدت الشهادة وعلقتها على الحيطة بواسطة مسمار صلب ( من انتاج مصانع عز طبعا )!! وقولت انا هاخد راحة شهر على بال ما الوظيفة الحكومى تيجى اهو منها تبقا راحة وانتظار قطر الشغل الحكومى ومنها استعد للشغل تلاتة فى واحد ( زى بونكس للغسيل كدا ):d والشهر خلص بسرعة والشهر التانى بردو خلص ولما الشهر التالت والرابع خلصو قولت مبدهاش بقى فين الشغل الحكومى اللى انا مستنيه قولت الحل انى اصبر كمان لحد ما الشهر الخامس يعدى ولما الشهر التامن عدا هو كمان مقدرتش اصبر اكتر من 12 شهر لحد ما صبرى نفد وفى يوم قررت انى انزل ادور على شغل فى قطاع خاص لانى سألت اصحابى اللى متخرجين قبلى بتلات سنين على حل لمشكلتى قالولى تعالى دور معانا! على شغل وف خلال سنتين تلاتة هتلاقى شغل ان شاء الله وطبعا كعادتى انى لازم استفيد من نصايح الاخرين لان النصايح دى متولدة عن تجارب سابقة فاخدت بنصايحهم وفضلت ادور على شغل فى قطاع خاص وف نفس الوقت كنت بتخابس عليهم وبدور من وراهم على شغل حكومى بس هما سبقونى واتخابثو قبلى وكانت النتيجة واحدة ان محدش فينا لقى شغل:d ولا فى القطاع العام ولا فى القطاع الخاص وفى الوقت دا طبعا والدى كان جاب اخره معايا لانه كان مستنينى اتخرج واشتغل واريحه واعيشهم فى بيت شرح وبرح واعوضهم عن سنين البؤس والحرمان اللى عاشوها علشان اتعلم واتخرج وبعد وصلة الاحلام دى نرجع للواقع المرير اللى احنا عايشينه والدى كان راجل عنده بعد نظر مش مرض فى العين :d!لا انما كان بيعمل حساب لقدام فكان حاسس بينا كشباب عاطل وحاسس بالمعاناة والايام السودة ( اقصد المعنى الحرفى لكلمة سودة ) اللى بنعيشها المهم فضلت ادور على شغل واستمريت فى الروتين اليومى دا مدة مش كبيرة ومش قليلة فى نفس الوقت ففكرت انى افتح محل دباديب وهو فى الفلانتاين داى هنعمل احلى شغل بس بصيت لحال العشاق دلوقتى لقيت ان محدش بيطيق حد واكتشفت بالصدفة انزمن الرومانسية انتهى لان الناس بتقول كوز المحبة اتخرم:d ولان سمية بتقول ( هدوق قلبه طعم الذل هخليه من حياته يمل )!! لحد ما ف يوم من الايام ( خير اللهم اجعله خير ) ربنا هدانى لفكرة انما ايه جبارة فكرت انى افتح قهوة( او كافيه لزوم الانجليزى يعنى ) كشغلانة مؤقتة على بال ما الشغل الحكومى يجى ولو مكنتش شايف قهاوى كتير ادامى كنت قولت انى اول واحد يفكر فى الفكرة الجبارة دى بس اكتشفت ان ناس كتير فكرت فيها قبلى ونفذتها بس اكتشفت ان القهوة دى بيقعد عليها ناس كتير اوى شباب فى عمر الزهور وناس فى عمر الزهور الدبلانة بردو فجه فى بالى انهم ناس حالتهم زى الفل والاشية معدنوطول النهار يطلبو طلبات فكلمت واحد فيهم وقولتله يا بيه حضرتك بتشتغل ايه( اصله متشيك كدا وشكله بن ناس ) فرد عليا رد مكنتش متوقعه قاللى دنا قاعد على القهوة استنى شغل انا وباقى الشلة دى فكانت القهوة دى مقر للعواطلية ومن يومها غيرت اسم القهوة من قهوة ابو محمود:d ل(حزب العواطلية ) وعلى فكرة القهوة دى هيا اللى انا قاعد عليها دلوقت وبحكيلكم منها ذكرياتى ومازلت مش لاقى شغل بردو وشكرا لكل بنى ادم وصل للسطر دا لان ناس كتير مقرتش الموضوع (للاسف يعنى )بسب المقدمة البايخة اللى انا قولتها!!:d وبكدا لازم تستنو سنتين تلاتة علشان اكمل لكم باقى القصة اللى فى نهايتها مش هلاقى شغل برده والبركة فى وزارة القوى العاملة ..... the end اه كنت هنسى مش منقول :d |
هههههههههه دا انت
هو انت مش لسة طالب جامعى ؟ شكلى انا كمان خت البكالوريوس ومش واخد بالى وشكلى كنت بدور على شغل وشكلى لسه جاى من القهوة ههههههههههههه موضوع جامد |
جزاكم الله خير
موضوع كويس بس ليه الاحباط والحزن الرهيب ده مش اوى كده يعني دلوقتى احسن من كمان شوية في مشروعات صغيرة وفي صناع الحياة وفي دورات تدريبية وفي تنمية بشرية وفي وفي وفي ..... بس عرفة الاهم من ده كله ايه مكان القهوة قللنا مكانها واحنا ان شاء الله نقدر نستغل القوة البشرية هناك اغتنم شبابك قبل سقمك ربنا يتولانا جميعا ويخفف علينا |
جميل جدا ومفيد بجد
|
انتي قلت حزب العواطلجية ده فين :d |
هههههههههههههههههههههههههههههههه
البلد كلها على القهوة يامحمود |
اقتباس:
:angry2: |
اقتباس:
دمتم فى رعاية الله |
اقتباس:
فى اسيوط ادام المحطة علطول وبشوفك هناك كتير على فكرة :d اقتباس:
شكرا على المرور اقتباس:
اقتباس:
لا ياعم انا بقعد فى كافيتريا انا غيركم :d ايه العالم اللى داخلة تهزر دى :d |
هههههههههههه
ربنا يعزك يا محمود بقولك ايه هى القهوة دى فين بالظبط ؟؟؟؟؟؟؟ ويا ترى فيها لسه أماكن فاضية ولا ايه ظروفها يعنى لو جنبك كرسى فاضى ولا حاجة احجزه لأخوك لنا الله |
هههههههههههههههههههه
هما الشباب كلهم مقضينها قهاوى ولا ايه لاحول الله المهم خليكوا على موقفكم واوعوا تسيبوا القهوة(هههههههههه) يعنى يمكن تصعبوا على أى حد |
اقتباس:
اقتباس:
هو كله داخل يسأل عن القهوة ليه:039uw8: كدا هيبقا فى زحمة جامدة انا هعمل القهوة دى بالحجز علشان تقعد يوم 25 فى الشهر لازم تحجز من اول الشهر تصدقو ان القهوة افضل من الشغل الحكومى بدليل الاقبال الرهيب اللى عليها خاصة من اعضاء المنتديات :d دمتم فى رعاية الله |
اقتباس:
اقتباس:
لا قهاوى ونت بدليل انى قاعد نت دلوقت يعنى القهوة مش واخدة كل وقتى لازم نقسم وقتنا شوية للقهوة وشوية للنت والا كانت البلد خربت :d احنا مش هنتنقل من عليها مزودة بأحدث التقنيات على فكرة :d |
مبارك على التخرج يااخ محمود
مكنتش اعرف ان حضرتك كبير كدة عقبالنا يارب بس احنا مش هانقعد على كرسى على القهوة لا هانقعد على كرسى فى المطبخ نبكى حالنا فى البصل واسفاه وجزاكم الله خيرا على الموضوع |
اقتباس:
تقعد في المطبخ تحضر الشاي لزباين القهوة :d محمود نسيت أسألك صح هو الموضوع فعلاً مش منقول ولا انت بتهزر :d |
اقتباس:
وزباين مين:stickjo4: يارب الهمنى الصبر |
اقتباس:
اقتباس:
الله يخليهوملك :d وتبكى حالك ليه دنا لسة يادوب كاتب مطلوب انسة للعمل( اللافتة اللى بنشوفها فى كل مكان دى):d فمتحمليش هم تيجى تشتغلى فى القهوة وتقلقيش هراضيكى وهديكى حقك :d والبقشيش هنقسمه بالنص علشان متقوليش انا مظلومة لولا انى عارف انك بتضايقى من الايموشن دا(:d ) كنت عملتلك منه كتير :d :d :d :d:d:d:d:p نورتى القهوة :d |
اقتباس:
اول مرة اشوف حد من اسيوط بيفكر :d اه ياعم والله انا اللى كاتبه قصدك ان المستوى البيئة دا مش مستوايا انا عارف بس نعمل ايه انا قولت لازم احط موضوع بطريقة واطية تناسبك كدا :d اقتباس:
غيرك معاهم بكاليوريا وماجستير ورافض اشغلهم معايا :d ربنا يلهمك الصبر شوفتى كنت هنسى :d:d:d:d:angry2: |
اقتباس:
هه جميل اوي الموضوع يا محمود وعلى قد ما هو دمه خفيف على قد ما الواحد بيعيط برده وهو بيقراه ووالله البركة مش ف حد معين البركة فينا كلنا نفر نفر ونفراية نفراية وبعدين سؤال بجد بجد يعني انت فعلا بتعقد على قهوة :)؟؟؟ |
اقتباس:
ربنا يخليكى يا هنا اقتباس:
لا مش مستاهلة عياط ولا حاجة هوم محتاج صبر وناس كويسة تمسك البلد تقضى على الظواهر السيئة المنتشرة ثم دا واقع ولازم نرضى بيه ونحاول نغير فيه على اد ما نقدر اقتباس:
طب ايه ذنب الشاب اللى اتخرج ومش لاقى شغل هو اجتهد قعد سنين فى التعليم وعمل الى عليه واتخرج يبقا من حقه انه يلاقى فرصة عمل تناسب مجال تخرجه وزى منتى شايفة العيشة بقت صعبة واى حد بيشتغل اى حاجة دلوقت وبيتمرمط اقتباس:
ههههه حاليا لا بس لما اتخرج هقعد :d انا بقعد بس لما اكون فى قنا وفى ماتش مهم علشان مفيش تليفزيون فى الشقة وكدا :d شكرا على مرورك دمتى فى رعاية الله |
شككت الناس فيك يابو طه :d
أكيد كل واحد بيتفنن في الكتابة عن البيئة اللى هو فيها بس الخوف لا تبوظ المنصورية اللى في المنتدى معاك وتقعدهم عالقهوة منتا مش خسران حاجة |
وهو دا العادي من شعب مصر :d بس فيه ع فكرة شغل كثير بس انت اللي مش بدور مثلا بتشتغل ع توك توك ودي حاجة جديدة ومحدش بيعملها كثير :p وبما انك مهندس ممكن تطور من شكل التوك توك يعني مثلا تطلع بيه دورين ولا حاجة :d........وتزود ع الركاب وتكسب دهب ليه (3/4)صاحبة الفكرة بقي :p ..... ان شاء الله لما تتخرج هتلاقي شغل عشان نبقي نستفيد منك بذمة وضمير :av4056bb7jp3: |
اقتباس:
اقتباس:
لا ياعم هو انا فيروس اسيوطى واللا حاجة لا بتوع اسيوط بس هما اللى بيبوظو الغلابة انا فى حالى ياعم م البيت للقهوة وم القهوة للبيت :d |
اقتباس:
شكرا على الفكرة الجميلة دى بجد بجد كانت غايبة عنى الهمتينى بفكرة جبارة انا هخلى الواد حتة بتاع القهوة يشتغل عليه علشان لو حد طلب حاجة وهو فى البيت ( دليفرى يعنى ):d شكرا على المرور التوكتكى دا :d |
:lol::lol: وهذا هو (معظم) الشعب المصري اقتباس:
فين النظره الجديده دي؟!! ماطول عمرهم كده .. المهم انكم مش بتستفيدوا حاجه من القهوه غير النم ...والذي منه بس والله ما في دلوقتي اكتر من القهاوي في البلد وصلت انها تكون تحت البيت عندنا :(:( وطبعاً ازمة كبرى .. ماعلينا :bosyht9::bosyht9: بس فعلاً في شغل وكتير كمان بس للي يسعى إسعى يا عبد وانا اسعى معاك .. مش اقعد يا عبد على القهوه .. وانا اجبلك الشغل لحد عندك ربنا يكرمكم ويكرمنا كلنا .. شكراً يا بشمهندس (المستقبل) محمود على الموضوع .. . . . . . ياريت تحجزلينا كرسين جنبك ..:d:d واتنين شيشه (تفاح) .. عشان نفسنا نجربها:d:d .... دمت في حب الله :):) |
اقتباس:
للأسف .. مدرسين "الدروس الخصوصيه" ..:bosyht9::bosyht9: |
اقتباس:
اقتباس:
يا ساتر يارب ايه العالم اللى جاية تقر دى اه لو مدرس شاف كلامكو دلوقت هيطالب وقفكم :d شكرا على مروركم منورين القهوة بجد بالمناسبة السعيدة دى مشاريب القهوة على حسابكم النهاردة :d دمتم فى رعاية الله |
اقتباس:
:p:p اقتباس:
اومال احنا طلبنا كرسين جنبك ليه .. مش عشان تحاسب انت كنا طلبنا كرسين في مكان تاني على كده وبعدين ده احنا هنبقى ضيوفك لأول مره(وأخر مره برضو):d:d اقتباس:
اقتباس:
يا سلام .. ده احنا على كده ناس قديمه اوي طب قولنا ع الجديد .. ومنكم نستفيد بردو |
اقتباس:
دا حرف واو بس بيستعبط :d اقتباس:
سامحنى يارب اصلى بكدب :d |
ههههههههههههههههه
ايه يا حودة ده انا لاول مرة من زمان مقرتش موضوع لاخره انما المرة دى لا قريته للاخر عموما متحرمناش من طلتك علينا وشوف برضة صناع الحياة يمكن تجيب نتيجة |
اقتباس:
انا مالى ومال الكلام دا انا شغلى محجوز من دلوقت اصلا انا غير الناس دى :d دمت فى رعاية الله |
Mahmud
tienes un cafe para femeninas ? quiero uno , por favor :p:p:p:p:p أنا هعقدك زي ما عقدتنا |
اقتباس:
اقتباس:
No, no me Bnqad infrecuentes español en el café وهتعقدينى ليه ربنا يخليلنا الجوجل اى كلمة بنفس اللغة دى هحذفها انتى حرة بقا واحتمال يبقا فيها وقف القهوة دى لعامة الشعب مش لبتوع لغات :d |
[quote=..Just Stop;1784716]
لا قهاوى ونت بدليل انى قاعد نت دلوقت يعنى القهوة مش واخدة كل وقتى لازم نقسم وقتنا شوية للقهوة وشوية للنت والا كانت البلد خربت :d احنا مش هنتنقل من عليها مزودة بأحدث التقنيات على فكرة :d عرفت انى عندى حق |
Thanks so much
|
اقتباس:
انت بتقول ايه يني ؟؟؟ ارسي علي بر يعني نقعد علي القهوة ولا الشاي كفايا علينا علي فكرة .. انت زي الفل ؟؟ تسلم ايديك بس the end دي دليل علي نهايتنا ولا ايه النظام |
اقتباس:
silencio quien eres para hablar conmigo con esta forma ? fuera |
اقتباس:
ان شاء الله مهندس الحى يجيلك القهوة دى ويقولك ......كلوووووووووووووووووووووووووووووز :d علشان اوريك الصورة بشكل اوضح للحصول على عمل 1- تعتمد على علاقات توفر لك فرصة عمل ( صديق ـ اقارب _ .....الخ) ..ودة بقى الغالب الان 2ـ تعمل مشروع خاص بيك ..بس لازم تهتم بيه فى الاول بكل مجهودك 3ـ تلف على شغل ودة نسبته ضعيفة جدا ولا يأتى بعمل جيد الا فى حالات نادرة 4 ـ تشوف فرصة عمل برة مصر ...ويبقى كدة استريحنا منك 5_ تلف مع مهندس الحى وكل ما يدخل قهوة عواطليه ..تسبقه انت وتقول ...كلووووووووووووووووووز:d:d محمد سرور |
اقتباس:
|
ههههههههههههه حلو اوى
بس بيتهيألى ان الواحد عشان يلاقى شغل مش بالصعوبه الفائقه دى وغلط ان الواحد يستنى الشغل لحد ما يجيلوه لانه مش هيجى لازم اول ما اى حد يتخرج يقدم فى كل الشركات المتاحه ليه و يطور من نفسه عشان يقدر يتقبل فى شركه محترمه بس على العموم الموضوع جميييل اوى |
اقتباس:
وندمت على مافعلت كمان :d اقتباس:
:d |
اقتباس:
نورتنا دمت فى رعاية الله |
اقتباس:
وال كمان بتقوليلى انت مين علشان تتكلم كدا معايا لا دى حاجة ميتسكتش عليها هعتبر دا تحذير بعد كدا مش هعمل حاجة بردو:d كلمونا عربى الله يخليكم :d |
اقتباس:
الاستاذ محمد سرور بنفسه هنا اشرقت الانوار ونا بقول القهوة منورة ليه كدا بقا هتضطر تعزم اللى فى القهوة على حسابك دى فرصة متتكررش منورنا والله يا استاذ محمد اقتباس:
اتصرف معاها بقا انا من راييى ترفع عليهم قضية وان شاء الله الحكم بعد المداولة كلوزد قصدى دمت فى رعاية الله :d |
اقتباس:
دمتى فى رعاية الله |
اقتباس:
احم .. احم .. احنا بنتكلم على الناس اللي حياتها كلها مبنيه ع دروس خصوصيه وبيعذبوا الطلبه عشان يدوهم دروس خصوصيه بالعافيه وخلاص .. لإننا للأسف قابلنا المدرسين دول .. لكن مش بنتكلم على المدرسين الللي بيعملوا كده للناس المحتاجه فعلاً دروس لوحدهم .. بس نتمنى حضرتك مش تكون زعلت مننا .. |
اقتباس:
مستر محمد سرور صاحب القهوة يبقى يقول لكما:d |
اقتباس:
:006et4::006et4: احنا مش فاهمين حاجه .. :(:( |
اقتباس:
وبالنسبة للدروس الخصوصية ..فانا بقى مفترى ..حد عنده مانع :angry2: فين صاحب القهوة ...اكيد بيلف مع مهندس الحى :blush: سؤال كدة خطر على بالى هو لما بتكتبوا مشاركة هنا على المنتدى بتتحسب لكم باثنين فى عدد المشاركات :d |
اقتباس:
اما لسؤال حضرتك فالإجابه عليه .. لأ .. للأسف .. ولإن أي حد عايز ياخد مننا حاجه بيبقى عايزها اتنين .. لكن لو بيدينا حاجه لازم حاجه واحده بس .. بتبان أوي المصلحه ف الحاجات دي .. |
| جميع الأوقات بتوقيت GMT +2. الساعة الآن 09:06 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.