<div align="center">

اموت و اقبل الشخص العبقري الذي اخترع خدمة كلمني شكرا ....

الاسباب كثيرة .. اهمها ان الخدمة العظيمة التي اخترعها سيادته اصبحت هي الخدمة المفضلة لدي جموع مستخدمي الموبايل في مصر
طيب خلوني اقولكم طبيعة خدمة كلمني شكرا لمن لا يعرفها و انا اعتقد ان هناك في مصر من لا يزال يجهل طبيعة هذه الخدمة فشركة المحمول المحترمة تعطي لكل مشتخدم الحق في ارسال 3 رسايل مجانية من موبايله حتي و لو كان رصيده صفر زي اغلب الشعب المصري

بتطلب كود معين *505* ثم رقم الموبايل اللي انت عاوز تبعتب له الرسالة ثم # و حاول تبعت 3 رسايل بس لان الراسلة الرابعة لن يتم ارسالها زز. الشركة كريمة أينعم لكن كل كرم " حتي و لو كان كرم جابر " و له نهاية زي كل ظالم بالظبط

و لان الشعب المصري هو الشعب الوحيد في العالم و الاول الذي اخترع الميسد كمول فقد كان له طرق مبتكرة في استخدام المنحة الرسائلية الجديدة كلمني شكرا

يعني قبل كده من الطبيعي انك تلاقي الشاب من دول بيقول للبنت بتاعته و هي نازلة من الميكروباص ابقي كلميني لما تروحي و نظرا لان البنت ممعهاش رصيد و لان الولد مش لاقي ياكل لكن لاقي فلوس يجيب بيها كارت شحن اصبحت الجملة المعدلة ابقي ابعتيلي كلمني شكرا لما تروحي

تبعت البنت الرسالة و يرد عليها الولد بنفس الرسالة و بهذا الشكل يتم تحديد المواعيد بينهما و فجأة اصبحت كلمني شكرا هي السيم الذي تستخدمه مصر كلها

في بداية ظهور الخدمة و نظرا لان الشعب لم يكن يعرفها كان كل ما واحد تجيله الرسالة يروح مكلم الرقم اللي باعتها و يكتشف انه حمامة من القهوة او ممش من مركز الشباب او سعيد المكوجي او حوده صاحبه من ايام ثانوي و الغريب انك لما تكلم اي حد من دول سيخبرك انه مش عايزك و لا حاجة و انه بس حب يمسي عليك و طبعا لان الكارت بفلوس يصبح من الطبيعي انك تتجاهل الرسالة تماما او انك تستخدم الوصفة العبقرية اللي يبعتلك كلمني شكرات رد عليه بمثلها او باحسن منها و ابعتله كلمني شكرا

البعض يبدي خنقته من الرسالة و من الخجمة و من الشبكة و من الشركة كمان
الاعتراضات التي واجهت الخدمة الجديدة لم تخرج من كونها وسيلة للازعاج او انها جافة المعني يعني بايخة قوي بصراحة لما تلاقي واحد بيقولك كلمني شكرا بدرن اي كلام تاني و احتمال كبير انك متكنش تعرفه اعتراض اخر كان يحث علي التمسك بتاعاليمنا الاسلامية الحنيفة و ان الرسالة تكون كلمني جزاك الله خيرا و الاعتراض الثالث الذي يقترح ان تكون الرسالة ارق و يكتب فيها كلمني مرسي

بالاضافة للاعتراضات السابقة يبدو ان الرسالة لم تلق ترحيبات من جمعيات الدفاع عن حقوق المرأة فالرسالة مكتوب فيها كلمني برغم انه من الممكن ان تكون مستخدمة الموبايل واحدة ست و بالتالي لابد من الحفاظ علي مشاعرها و ان يتم تخصيص رسالة للسيدات مكتوب فيها كلميني شكرا

مستحدم الموبايل في مصر مستخدم واعي و حريص علي حقوقه لذا نجده كل مساء و قبل الساعة 12 بفحص موبايله و بتاكد انه استخدم حقوقه كاملة و ارسل 3 كلمني شكرا في اليوم حتي و لو كان معاه رصيد لابد ان يستغل حقه الدستوري في الشبكة و يستخدم الخدمة العبقرية اللي الله اعلم كان حيعمل ايه من غيرها

............................................</div>

جزاك الله خير
وكلمنى شكرااااااااا

ده بس من غلبك عشان لما مسكت موبايلك ...

كانت كل رسايله كلنى شكرا ...

ههههههههههههههههههههههههه

واحب اشكرك على الكجهود الجميل ده ...

هههههههههههههههههههههههه


مش فاكر و الله يا بني

انا علي طول بمسح الرسايل دي

لانها بتنرفزني

انا الي بيبعتهالي مش بتصل بيه

شــــــــــــــــــــــــــــــــــكراً

انا فعلا بتنرفز من الرسالة دي . كنت الاول بتصل باللي بيبعتها لكن حاليا ولا بعبره .
وانا الحمد لله عمري ما استخدمتها لاني بحس ان صاحب الموبايل هيقولي (وليه ما تتصليش انتي ؟ ده ايه قلة الذوق دي ؟؟ ) . كدة يعني .
شكرا اسلام

<div class='quotetop'>إقتباس(mody rose @ Jan 10 2007, 02:58 AM) [snapback]254288[/snapback]</div>ردك هو فعلا اللى انا كنت عايزة واللى ينرفذنى لما يجى صوت الموبايل نغمه الرسايل والا قيها كلمنى شكررررا :angry: :angry: .......... موضوع دمه خفيف يا اسلام

على فكرة الرسايل دى مفيدة جدا ومش شرط نستخدمها على اساس ان معناها اتصل و كدة
انا واصحابى بنبعتها لبعضنا مثلا لو حد مستنينى فى حتة وجة بدل ماتتصل و تقولى انها وصلت بتبعتلى المسدج دى :D

هههههههه
دى نتيجه للمطالبه بالمساواه بين الشعب كله
يعنى مثلا عم عبده البواب مش معاه رصيد وعايز يتصل بعم مصطفى المكوجى
يبعت ليه كلمنى شكرا او " call me ..thank you"
على اساس انه موبايله انجليزى يعنى
يعنى برده بنستفيد منها

والنبي ما تفكرونيش بموضوع كلمني شكرا دا

دا ماساه بجد يعني

تخيلوا مره بعت لحد من اصحابي كلمني شكرا لاني مش معايا رصيد وعايواها ضروري

البخيله تبعتلي هي كمان كلمني شكرا

انا بجد بتنرفز منها جدا لدرجه اني ساعات مش بحب افتح الرسايل الا تطلع كلمني شكرا

انا عندي علي الجهازي 15 رساله كلمني شكرا

قليل صح

دا طبعا غير اللي بمسحه
دا حتي بيستخسروا يرنوا

يلا

بس بجد حلو الموضوع
سلام

شكرا عليث مروركم علي الموضوع

و يا ريت نبطل هيافة و بخل

يعني الي معاه رصيد يتصل مش يبعت كلمني

لانه بصراحة بيبقي معندوش دم

هههههههههههههههههههه

كلمني شكرا

يا اسلام

شكرا علي مرورك يا ميدو

احلي حاجة انك معندكش كلمني شكرا عندك

عندي بس 3 في الإسبوع وكمان من موبينيل لموبينيل بس

...
.

ههههههههههههههههههههههه


ميدو يا حبيبي

خد دي مني

و بعدين ابقي قول هيا ايه ؟؟ :lol:

أولا شكرا جدا على الموضوع يا اسلام
ثانيا الرسائل مفيدة يا جماعة علشان انت ممكن ما يبقاش معاك رصيد مثلا و عايز تكلم اى حد مش ها تعرف صح؟
ولكن ارخم حاجة انك ما تعرفشى تبعتها من موبينيل الى فودافون

شكراااا يا اسلام على الموضوع المفيد ده

وفعلا الرسايل دى مش بحبها خالص انا لازم يجيلى فى اليوم مش اقل من اربع او خمس رسايل

حاجه بجد تخنق طبعا ولا بعبرهم

اللى عايزنى يجيلى قصدى يكلمنى :P

سلاام :D

:)

:)

هههههههههههههههههههه

موضوع جميل جدا وكلامك مظبوط

شكرااااا

شكرا علي مروركم يا جماعة

و شككرا اكتر علي ارائكم المتنوعة دي

ههههههههه
كلمني شكرا دي مأساه عالمية بجد
والله بتنرفز الواحد جدا اية البخل دة
بجد انا بقوم ماسحة الرساله وما عبرش حتى اللي باعتها وخصوصا لما تكون عارف ان معاه رصيد
رخامة بجد
ومرسي ع الموضوع

لا بجد رائع يا اسلام

شكرا علي مرورك همسة و شكرا يا زيزو

هههههههههههههههه

تلاقى من الى بتعمله فى الناس من كتر الرسايل الى بتبعتها فقالو نخفف عنك شويه ونطلع (( كلمنى شكرا))

الله ينور يا اسلام
محمود شومان................ كيكو

ههههه فعلا انا طهقت من الرسايل دي و لا عمري فكرت مين اللي باعتها لأن ببساطة اللي باعتها اكيد انسان مفلس و بخيل و تافه

شكرا علي مروركم علي الموضوع

بصراحة انا شايفة انها خدمة مش بطالة ^_^
بس ساعات بتبقي over شوية
و بيبقي ليها ثيم بين كل واحد و صاحبة ;) او صاحبته ;)
يعنى انا مثلا لما صاحبتى تبعتلى كلمنى شكرا معناها انها معهاش رصيد ترن عليا لما ارن عليها
اصلنا مقضينها رنات ههههههه :lol: :lol:
او برضة بحتاجها لما اعوز اكلم واحدة صاحبتى بالليل متاخر ف بدل ما اعمل ازعاج للى نايمين :angry:
ابعتلها كلمنى و هى تتصل ع البيت عادى
اهو توفير برضة :D


بس بصراحة هما فاتتهم حاجة مهمة :angry:
انا كتير اكون عاوزة اكلم بابا و رصيدي مايكفيش :( :(
المفروض يعملوا "كلمنى شكرا جداجدا" :lol: :D
**للدولى**
ههههههههههه

الطمع بقي
هههههههه :huh: :P :lol:

مش مشكلة بس فعلا
" كلمنى شكرا حق دستورى لكل مواطن"
و مفيش مصري يسيب حقه :angry:
صح؟؟؟ :angry:



شكرا ع الموضوع اللذيذ ده

صح طبعا

مفيش مصري يسيب حقه

شكرا علي ردك

كلمني شكراً دي فديمه اوي
تعالى و بص عالجديد

انا معايا خط اتصالات بنبعت "من فضلك كلمني" << احترام بلا حدود
و برضو 3 رسايل مجانيه
انا اللي بيبعت لي كلمني شكراً مش بعبره لا برنه ولا بـ من فضلك كلمني
وبعدين مره واحده صاحبتي بعتت لي كلمني شكراً اتنرفزت اوووي و مابعتش من فضلك كلمني
بعت لها
"كلمتك العفو"
قعدت تضحك اوووووووووووووي
شكراً للموضوع اللذيذ ده

نفسى اولع فى الى عامل الخدمه دى
اتخنقت
زهقت هطق
اكتر رسايل عندى
معظمها
كلمنى شكراً

اول ماحد بيبعتهالى
برن عليه
واقفل
فهو
بيرن عليا
هنا بقا
انا بفتح عليه واقوله
انت عايز ايه
طبعاً
بجننه






وشكراًعلى الموضوع الذيذ دا






وكلمنى شكراًُ
هههههههههههههههههههههههههههههههههههههههههههههههههه ههههههههههههههههههههههههه

انا شايف انها مش وحشه للدرجه دي الكل بيستخدمها لو انت الرصيد خلص منك ومفيش فلوس في جيبك وعايز تكلم بباك او اي حد من اصحابك هتعمل ايه
اكيد هتستخدمها
محدش يقولي انا عمري ماعملتها

thx awy ya eslam bgd mwdoo3 to7fa bs a7san 7aga b2a en ana etisalat w fodavone w mobinil mynf3esh yb3tolha ana elly bba3t bs :D:D

7lwa awy bta3t 3la 7sabk dyh lw nzlt fi masr htb2a gamda awy :D

السلام عليكم بصراحه موضوع جيد
شكر الله لك

جزاك الله خيرا

بصراحه انا راى مختلف وشايف انها خدمه كويسه لأن كلنا ممكن نكون فى موقف حرج او فى مكان مفهوش كروت ومحتاجين حد يكلمنا ضروررى