|
إهداء لكل مومو وتوتو وميمى كمان علشان مايزعلش
السلام عليكم ورحمة الله وبركاته كيف حال حضراتكم جميعا؟؟ اتمنى ان تكوننوا بخير حال:) انا عاوزة احكى موقفين كدة حصلوا فى العيد كنا فى النادى وما اداراكم ما النادى مومو وتوتو والجماعة دول:bosyht9: المهم واحنا قاعدين كان قدامنا شابين كدة وقاعدين بالاب توب واخر احترام والله جه عنكبوت كبير كلهم جريوا من مكانهم وقالوا المفروض حد يموتوا بجزمته:d بس على مين يخافوا ليطع على البنطلون ويلذغ ويسم :romarioxp6: وبردوا روحنا الانتريه هناك فكانوا على كنبة شوية قطط بتلعب وكان فيه شاب قاعد جمبهم وكل نطة من قطة ده ينط لغاية ما ربع رجله على الانتريه علشان القطة لحسن تعضه:romarioxp6: واما قومنا قام جرى وقعد مكانا وتشوفه تقول مهندس يعنى هيبة بقى:bosyht9: واحنا راجعين لحظنا السيئ ركبنا تاكسى كان شاب طبعا انا شاكيت فى كونه سواق تاكسى السلسلة والحاجات دى واخد المصروف ونازل يكمل علشان الرحلة المهم يابنى وديناشارع السودان مش عارفه طب التحرير مش عارفه طيب الشيرتون مش عارف المهم بابا وصفله لحد ما وصلنا وماما وهى نازلة تقوله خلى بالك من نفسك هاتعرف ترجع يابابا:romarioxp6: المهم قعدت تدعيله انه مايتوهش الاستاذ انه مش هايتوه:d المهم السؤال هنا فين الرجال فى الناس دى؟ ناس بابى ومامى:bosyht9: ياترى لو حصلت حرب واكييد هم مش هايدخلوا جيش لانه مش طرى هايستخبوا؟؟ هم دول اللى هايحرروا الاقصى؟؟:( لو تزوجوا وحد كلم زوجاتهم هايخافوا حتى يزعقوله؟ يااااااااااااااه فين الرجولة راحت:( كان زمان البنت تمشى تقول انا نازلة مع اخويا يعنى يقينا محدش هايقدر يكلمنى دلوقتى انا نازلة مع اخويا يعنى لو كلب قرب منه هايجرى ويسيبها يعنى ضمان انها ممكن مترجعش معاه عاوزة اعرف ايه رائيكم فى ميمى والمسميات العجيبة دى؟ وهل فى لسه فعلا رجالة يعتمد عليهم؟ وجزاكم الله خيرا :) |
اقتباس:
هما مؤمنين بالمثل اللى بيقول الجرى نص المجدعة:d اقتباس:
اقتباس:
.................... احم بصى يا اية مفيش حاجة اسمها الرجالة خلصو من البلد لان لو الرجالة خلصت من البلد يبقا انا اكيد مت ( بعد الشر عليا طبعا ):d هيا المشكلة من البداية فى طريقة التربية اكيد كانو مرفهين الى درجة انهم لو الواحد منهم جه يشرب يتصل بمامته ويسألها يشرب فى كوباية واللا يعمل ايه :d بس انتى دلوقتى ذكرتى عينة من الشباب وطبعا مش كل الناس كدا فى ناس رجولة رجولة ( زييى كدا ):d انا مش عارف اتكلم فى الموضوع دا بجد لان فى عيال ( سيس ) اوى دول عمرهم ما هيعرفو يتحملو مسئولية ولا هيعرفو يعنى ايه معناها هو الخوف فى حد زاته مش وحش بشرط انه يكون يجابى وان يكون خوف من حاجة تدعى ان الواحد يخاف مش زى ما البنى ادمين بيعملم بس لازم تبصى لكل الناس ومتركزييش مع الناس دى بكره هيعرفو ان الله حق بس كان فى سؤال عايز اسأله بس متردد شوية هو ايه نوع اللاب توب اللى كان معاهم؟:d شكرا على الموضوع السيس دا :d |
ههههههههههههه
ضحكتينى يعنى ممكن اعرف ان فيه ناس زى كده لكن الحمد لله لسة ما تعاملتش معاهم او قابلتهم اللى عندينا صعايد مقفلين ههههههههههههههه |
ايه العالم اللي بتاكل نايتي كتير دي :d
بغض النظر عن العيال السيس بتوع الناتي دول نركز احنا احسن مع الكابتن بتاع التاكسي دا :d مثلا ايه اللي بيخلي شباب ف سن 15 او 16 سنة يشتغل سواء سواق او ميكانيكي ... الخ حاليا التكوين الطبقي ف مجتمعنا اكيد بقي غير الاول يعني حاليا زي ما فيه فعلا مستويات معيشه كويسه او عاليه فيه فعلا مستويات متدنية جدا او ناس بتحاول ع قد ما تقدر تعيش بشتي الطرق المتاحه قدمها عاتي جدا تلاقي عيل صغير وسارح بعربيه واحتمال يكون سارقها كمان بتحصل ف احسن العائلات :d نرجع تاني بقي للعيال الكمال اللي ف الاول دول :d حقول ايه يعني :d سبحان من خلق فسوي :d فعلا ويخلق ما لا تعلمون |
الموضوع بصراحه في غاية الاهميه لانه غالباً بنشوفه وبنفكر فيه عارفه المشكله مش الناس دي اللي هما ميمي وتوتو والناس دي لان التربيه هي اللي عملت فيهم كده المشكله في البشر العاديين وتلاقي مفيش رجوله برضو يعني دول ليهم العذر اتعودو على كده وتربيتهم كده لكن الدور والباقي على اللي المفروض اللي اتربى تربيه كويسه ومتلاقيش معنى الرجوله فيه وعلى الاقل ضميره ماااااااات بصي اجابتاً على سؤالك هل فيه رجاله لسه ولا لأ .. فهو فيه فعلاً بس يتعدوا على الصوابع نادراً لما تلاقيهم ونفرح جدااا لما نشوفهم ومنابقاش مصدقين واقل حاجه بنعملها اننا بنشكرهم على الرغم من المفروض مفيش شكر بس من ناحية الوجود فهما لسه ما انقرضوش اوي شكراً لموضوعك الجميل ده يا ايه ودعوه لكل الشباب .. عايزين نشوف الرجاله بجد جزاكِ الله الجنه |
لما البنات استرجلت الولاد استـ.........معرفش بيبقى اسمها ايه :d
بس طول مانا موجود متخافوش انا كنت بقتل النمل بنفسي :d بس ليهم حق برده الجزمة جديدة والبنطلون جديد وعايزاهم يضربو عنكبوت |
والله عاوز اقولك حاجتين مهمين اوي
اول حاجه كان المفروض تغضي بصرك ومتشوفيش دول بيعملوا ايه ولا شكلهم ايه دي اول حاجه تاني حاجه انتي ف النادي يعني اكيد اللي بيروح النادي معروفين هيبقوا مين لكن لسه البلد فيها رجاله بالبلدي دكره اي نعم هما قلوا بس بردوا موجودين وهنعرف نحرر القدس لما يجي وقتها ومينعفش كمان نجمع يعني انتي شفتي حالات خاصه ومش العشرين ولا الميه اللي انت شوفتيهم دول هما الكوماندوز اللي كانوا هيحرروا القدس ؟ ماعلينا خلص الكلام خلاص وصراحه الموضوع نرفزني جدا سوري لو كان في كلام ضايقك انا قلت كلمي كله بعفويه |
اه نسيت حاجه
الرجوله مش بالشكل علي فكره مش معني ان حد كان لابس سلسله انه يعني ...... لا مش شرط في ناس كتير جدا مش لابسين سلاسل وبردوا تييييييييييييت |
ههههههههههههههه
والله ضحكت من قلبى بجد دى مهزله..فضيحه يا خسارة الرجاله!!!!!! بس ده ميمنعش إن فى رجاله ورجاله جدعه كمان مش بتوع بابى ومامى |
اقتباس:
ربنا يستر:bosyht9: اولا يعنى ايه سيس دى علشان الواححد يعرف دى شتيمة ولا مدح ولا ذم ولا ايه بالظبط؟ ثانيا ربنا يبارك فى نسلكم من الانقراض وعلى فكرة ده قلة قليلة جدا بجد اللى تلاقيهم رجالة كله بياخد المصروف من بابا لحد ما يولد الابن الرابع:bosyht9: ثالثا اللاب توب فيه اقوال انه asus واقوال acer وجزاكم الله خيرا على المرور |
اقتباس:
والله كان حتة يوم بجد مكنتش قادرة اخد نفسى من الضحك انا كنت اسمع لكن انى اشوف وبالطريقة دى ده عيب اوى بجد نورتينى يا طنط شمس |
اقتباس:
الشباب ينقسم الى توتو ومومو والناس دى والقسم الثانى حرنكش وظلطة والاخوان دول:d يااما مفييش خالص يااما مش محترمين وصفوة قليلة من المحترنمين ورجالة فى نفس الوقت زى احمد ومحمد ومحروس وجماعتهم ده من وجهة نظرى وجزاكم الله خيرا على المرور |
اقتباس:
بس فعلا بقوا عملة نادرة يعنى هسالكم سؤال لو حد من ميمى وتوتو اتقدمولكم حتى لو كان مركز واحترام وبتاع هاتوافقوا عليه؟ معتقدش ان ممكن واحدة تامن نفسها على واحد مش ممكن يحافظ عليها اصلا نورتم ياعسلات:022yb4: |
اقتباس:
كان العيد بقى والجزمة جديدة ليهم عذرهم بصراحة كعب االجزمة هايتبهدل:romarioxp6: وجزاكم الله خيرا على المرور |
اقتباس:
اقتباس:
على الاقل المظهر يكون راجل مش يكون ظاهر وباطن كدة تبقى خربت مفييش فرق لا بين ولد وبنت وجزاك ى الله خيرا على المرور |
اقتباس:
فيه اة طيب الرجالة دوول ممكن يكونوا كام فى المية من شباب القرن الواحد والعشرين؟؟؟ وحتى الناس اللى مش ولاد مامى وبابى بقت تبقى عاوزة تعيش العيشة دى وبتقلد وخلاص بقينا نتمرد ان يكون الراجل راجل والبنت تكون بنت لا ازاى ايه يعنى اما يكون الراجل بنت والبنت راجل ولا حول ولا قوة الا بالله نورتى يانودا :) |
اقتباس:
فيها قولان بردو وبيبقا بحسب الموقف ساعات تقصد للمدح وساعات بتقد للذم بس الموضوع دا سيس اوى بجد :d اقتباس:
لا هنفشر بقا هو لحد المولود التانى بس بعد كدا باباه بيسيبه يتحمل مسئولية نفسه :d اقتباس:
مش شايف اسم محمود وبسام فيهم يعنى عيب كدا على فكرة :d اقتباس:
اقتباس:
هو حد لاقى عرسان دلوقت اللى يجيلكم امسكو فيه بأديه وسنانكم انتو عارفين نسبة العنوسة فى مصر بقت اد ايه مالهم ميمى وتوتو يعنى خلقة ربنا :d اقتباس:
طب كدا ممكن ندخل فى موضوع تانى شوفو لبس البنات دلوقت انا معنتش بعرف افرق بين ولد وبنت دلوقت غير لما اركز :d اصلهم بيلبسو زى بعض دلوقت مش كلهم طبعا :d بجد بجد موضوع سيس اوى :d |
اقتباس:
حتعلم الناس الاحترام من دلوقتي وهي الالفاظ دي بتطلع بره برده :d دي اسرار لغة يا معلم :d |
اقتباس:
عادى يعنى وجزاكم الله خيرا على المرور |
اقتباس:
وقالى انت اصلا سمعتيها فين؟ يعنى اكيد فيها مصيبة حسبنا الله |
هههههههههه
والله الواحد معدش قادر يفرق مين الرجالة بالظبط ؟ ومين الستات ؟؟؟ معدش فيه معالم واضحة أوى الواحد يقدر يفرق من خلالها ؟ بقينا بنفتكر الستات رجالة والعكس برده صحيح وعجبى |
اقتباس:
انا اول ما شوفت الرد قولت خلاص حان وقت الشجار بس الحمد لله ربنا سترها الستات مش رجالة كدة عيب فى حقهم لزوم النظام تبقى ميت راجل والعكس بردوا وجزاكم الله خيرا على المرور |
بصي يايويو كل الموضوع ان الرجالة دلوقتي اخريتهم هيدوره ع واحدة بنت حلال كدا تصرف عليه وتقعدهم ف البيت يربيوا العيال:d ::: ممكن نحكم ع الشاب انه راجل او لا من المواقف وردود افعاله فيه شباب بتبقي الناس واخده عندهم فكرة عيال مدلعه وحاجات كدا يعني ...ولما يجي الوقت المناسب بيثبتوا انهم اد المسئولية ....وفيه شباب بتبقي بتقلد وخلاص سلاسل كلاب وحاجات غريبة اكيد برده للتربية عامل اساسي ..... شكرا ع الموضوع ياقمراية ;) |
اقتباس:
وانا متفقة معاك جدا وربنا يحفظنا نورتى ياقمر :) |
اقتباس:
مين قال انهم هيفكروا في الزواج أصلاً اقتباس:
لو توأم هنفكر في الموضوع :d أكيد لأ طبعاً .. نفضل القعده عن الزواج من الناس دي لازماً طبعاً يبقى راجل |
ههههههههههههههه
ضحكتيني والله يابنتي ف العيد كنا ف حديقة الأزهر وكان في ولدين مشغلين الموبيل وبيرقصوا سلو تخيلي !!!!!!!!! وشوية وراح الواد نام على كتف صحبه وفضل يلعبله ف شعره شوية وراح قرب منه وزغزغه كنت عايزة أصورهم موبيل بس خفت يضربوني |
اقتباس:
واسفاه انتوا تمسكوه من هدومه انت ميمى هايقولك لا توتو لا طيب مين يقولكو دعبوسى وافقوا على طول:d نورتم |
اقتباس:
هى دى الرومانسية يابنتى اصلا دول بيرقصوا سلو فى بيرقصوا شرقى:d يعنى ناس محترمة اهيه نورتى ياخوخة |
صدقينى يا اخت اية
انتى رحتى النادى احودى شوية وروحى الجامع حتلاقى الرجالة لسه موجودين لان الدنيا هى كدا فى عز مجد الاندلس كان فى نمازج سيئه للمسلمين لان اكيد طول ما فينا نفس وطول ما احنا فى الدنيا حنشوف كتير الحلو و الوحش المثال الكويس و المثال الى مش كويس لانى زى ما قولت لو كنتى رحتى المسجد كنتى حتلاقى شباب صح بيعبد ربنا و راجل فى لبسه و فى هيئته انما انتى رحتى نادى توقعى بقى اى حاجه |
اقتباس:
حضرتك بتتكلم عن فئة قليلة من المجتمع الاوهم الملتزمون ولو انى اختلف ان الالتزام مبقاش بنفس القوة المهم فى شئ حضرتك ادرى بيه اسمه اللهو المباح يعنى انى اتمتع بشئ لا يغضب الله يعنى محترم بمعنى اصح والنادى كدة مفهوش ولا محرمات ولا معاكسات ولا اى شئ ناس محترمة وطبيعة صافية فقط ايه الغلط فيها انا مش بنفى ان الافضل الذهاب للمسجد لا بالعكس بس حضرتك كمان تعرف المساجد دلوقتى عاملين فيها ايه دى اول نقطة اذن النادى ترويح عن النفس وليس معصية ثانيا تقدر حضرتك تقولى نسبة الرجالة اللى حضرتك بتكلم عنهم كام فى المية؟؟؟ والله انا لما بذهب لصلاة الفجر نادر جدا لو لاقيت اقصى من خمس افراد رجال فى المسجد هو مسجد منقسم نصفين يعنى وعلى فكرة انا ذكرت فوق العينة دى وقولت محمد واحمد ومحروس يعبروا عن فئة الرجال محمد واحمد نسبة للمحترمين ينقصهم التزام محروس فئة المساجد معظمهم ولكن هم نسبتهم كام؟ ده واقع محزن بجد وجزاكم الله خيرا على المرور |
مش عارف والله اعلم بس كده انتو بدأتو تخلطو بين حاجتين
المرجلة والتدين مش شرط إني عشان اكون متدين اكون راجل والعكس منا ممكن مكنش متدين بس راجل ومسؤول وممكن اكون بصلي وحافظ قرآن بس فافي وبخاف من العناكب :d أي نعم المؤمن القوي خير من المؤمن الضعيف وعلى القياس المؤمن المسؤول والغير مسؤول لكن موضوع المسجد حاجة والناس اللى في النادي (اللى تمثل الصنفين) حاجة |
اقتباس:
اولا اعتقد يا اخت اية انى مقولتش انك لازم تروحى المسجد بدل النادى انا قولت انتى رحتى النادى فا بالتالى حيكون المنظر كدا ولو رحتى المسجد حتلاقى ناس تانيه و حتقولى عنهم برضه كلام غير دا انما انا مش بقولك ما علشان انتى بتروحى النادى بتشوفى كل الرجاله كدا اعتقد ان فى لبس عند حضرتك فى النقطه دى انك فهمتى ردى غلط ثانيا مين قالك كدا برضه حضرتك قولتى فى المسجد الى عندكم احنا عندنا المسجد بسم الله ما شاء الله ولا حول ولا قوة الا بالله فى صلاة الفجر برغم السقعه و تلاقى العدد كتير اوى الحمدلله و تلات تربعهم شباب انا بديكى امثلة ان مش كل الرجاله هما الى انتى شوفتيهم ما كان والدك مع حضرتك و راجل و فى النادى نقدر نقول عليه حاجه معتقدش يبقى نلخص الرد و نقول ان مش كل الرجاله هما الى انتى شوفتيهم مش كلنا موتوا و نونو و كتموته |
اقتباس:
وده اللى وضحته فى ردى فوق انا فى موضوعى بتكلم عن الراجل بشخصيته ومعظم اللى بيتحقق فيهم الملتزمين يعنى انهم واخدين الرسول صلى عليه وسلم قدوة لهم وفى مظهر وبس وللاسف بقى جزء كبير الا من رحم ربى انا بقول مكنتش روحت ولا نادى ولا بتاع كنت قعدت في بيتنا احسن وجزاكم الله خيرا مرة تالتة على المرور |
اقتباس:
اول نقطة انا فهمتها غلط ماشى بس حضرتك اهوه بتعمم انا معممتش فى موضوعى وقولت ان كل الشباب مومو وتوتو انا قولت ان دول بيمثلوا طبقة عالية وليها مكانها فى المجتمع وقولت فيه نسبة من مش الرجالة لا نعتبر اسمهم بلطجية اللى هم ظلطته وحمبوزه والناس دى دول بردوا مش رجالة وبيمثلوا تقريبا معظم الاماكن الشعبية الا قليل متبقاش الا تصافى من الطبقتين وهم نتاج الرجالة بجد قولنا اغلبية منهم فى المسجد وان كانوا قلة وناس فعلا محترمة بس ينقصها زيادة دين دوووول بقى كام فى المية؟ هل يتجاوزوا ال30 فى المية؟ معتقدش ده اللى بتكلم عليه وانا بخص هنا الشباب مش الرجال لان الرجال بتوع 73 دول رجالة بجد الا القليل فى وقتنا ده مفييش رجالة بجد الا قليل دى وجهة نظرى انا بستثنى فى كل حالة على فكرة ومقولتش كلهم مومو وتوتو خلي الناس نايمة كدة هانقلقهم اما نجيب سيرتهم من النوم وبعدين يشرقوا ويجيلهم زغطة:d وجزاكم الله خيرا على المرور |
اعتقد ان كل انواع البشر هتلاقيها في مصر
مش غريبه انك لقيتي ناس من هذا النوع في مصر ما زال موجود حتي الان !!! ممكن نعتبرها طفرة ولكن مش معني انك لقيتي من النوع دة يبقي هو دة شباب مصر وننسي الشباب المتدين اللي متحمل المسئوليه بجد اكيد استغربتي لما شوفتي النوع دة ومش استغربتي لما تشوفي الرجاله والمتديين يبقي النوع بتاع مومو وتوتو و ميمي مش حاجه من البلد مهو مش كل ما نلاقي حد غريب و سلبي في بلدنا هنقول ازاي هنحارب ولا نحرر غيرنا مينفعش نقول الكلام دة زي ما لكل قاعدة شواذ أكيد هم دول اللي شاذين عن القاعدة وربنا يسترها ع البلد وشكراااااااا |
اقتباس:
وانا برد على حضرتك وعلى فكرة نسبة المتدينين اعلى بكتير من 30 فى الميه دا على المثال بتاعك نخليها تلاتين و نقول كمان من البنات 20 يبقى نسبة المتدينين فى البلد 50 فى الميه نص المجتمع يبقى فى كتير اوى متدينين طبعا مش موضوعنا موضوعنا عن الرجاله اذا كانت نسبة المتدينين هما الرجاله من وجهت نظرك و كان نسبتهم تقريبا 30 فى الميه و غير المتدينين و برضه رجاله و نسبتهم نقول يا ستى كمان 40 فى المايه يبقى 70 فى الميه رجاله بجد و الشواذ نسبة لا قيمة لها بس الرجاله مش بمقياسحرب 73 او بغرها لو فى حى على الجهاد دوقتى حتلاقى رجاله غير الى انتى شيفاها دى |
اقتباس:
وانا مش بعمم هنا والحمد لله انا تقريبا اختلاطى ان لم يكن كله فتلت اربعه مع ناس ملتزمة وجزاكم الله خيرا على المرور |
اقتباس:
يعنى طالب ثانوية يقول انا دلوقتى مش بذذذذاكر لكن فى شهر تلاتة هاتشووف هاقطع الكتب ده انا هاشربها ونهايته بتكون 60 فى المية؟ سقوط؟ لانه كربسها على نفسه ومذاكرش صح حضرتك احنا فيها اهوه الاقصى يكاد ينطق ويقول اين انتم يامسلمون؟ هو دلوقتى مش وقت حى على الجهاد؟؟؟ قسما بربى انا سمعت شاب بيقول مين غزة دى وكان فى مظاهرة عن القدس فواقفة فواحدة بتسالنى فيه ايه بقولها دى عن القدس قالتلى ماله؟ قولتلها ماله؟ قالتلى اة هو حصله حاجة؟ بجد كنت عاوزة ابكى مردتش عليها وبعدت فييييييين بقى هم فين بالله عليك لما الاسرائيلين مسكوا نساء غزة وعملوهم عرض فى المدينة كلها كان فين المروءة؟ لكن لما قولنا حى على الكرة ظهرت لشهامة ظهرت المروءة هو احنا كدة للاسف |
موضوع مميز فعلا .. يااااااااااااااه استغربت فالبداية من المووضوع بس لما قريت فهمت ,,, المهم امم اتفق معاك في بعض النقاط و اختلف في اخرى بالنسبة ان دلوقتي مافيش رجالة بجد اها ممكن ,, و قابلت اشكال زي ديه فعلا و كانت صدمتي كبيرة لاني مش متعودة اني اشوف حاجة زي ديه بس بردوا اختلف معاك ان كلهم كدة .. لا الحمدلله فيه شباب كويس ونسبته كويسة و مش هقول كبيرة و صغيرة ما نقدرش نحط نسبة لا انا و لا انتي و لا غيرنا كل واحد فينا في مكان و كل مكان بيختلف فبالتالي النسب مش هتكون قيمة ثابتة بس لسة فيه الحمدلله و بنفتخر بيهم والله و واحد بيحس ان الدنيا بخير لسة ,, اما النقطة التانية ال حضرتك قولتيها فين الرجولة راحت:( كان زمان البنت تمشى تقول انا نازلة مع اخويا يعنى يقينا محدش هايقدر يكلمنى دلوقتى انا نازلة مع اخويا يعنى لو كلب قرب منه هايجرى ويسيبها يعنى ضمان انها ممكن مترجعش معاه عاوزة اعرف ايه رائيكم فى ميمى والمسميات العجيبة دى؟ وهل فى لسه فعلا رجالة يعتمد عليهم؟ لا والله لسة الاحساس بالامان موجود وانا وحدة من ال بقول انا نازلة مع اخويا يعني خلاص انا محمية .. باذن ربنا طبعا و فيه بنات كتيير كدة والله ,, فالنهاية بقول الفئة ال شفتيها هي شريحة موجودة فمجتمعنا اه و للاسف يعني بس لسة فيه رجالة نعتمد عليهم .. و نتمنى ربنا يكتر من امثالهم ,.. وشكرا ليك على الموضوع المميز و المثير ,, بس قبل ما اروح احب اقول حاجة اخيرة اتعرض ليها قبلي الاعضاء ال هي شكل البنت و انه صعب نفرق دلوقتي هقول ان زي ماهم اتغيرو احنا اتغيرنا وديه حقيقة بس لا كلهم اتغيرو و لا كلنا اتغيرنا فماينفعش نعمم على الكل لان بكدة هتكون البلد خربت !!! فلازم تكون نظرتنا نظرة واقعية ,, و السلام عليكم ,, وبحفظ الله |
اقتباس:
يبقي متنتظريش من دول يحروروا الأقصي ولا حتي تنظر منهم أي رجولة وليس معني انك رايت مثل هولاء يبقي تشك في وجود رجال يعتمد عليها !!! أكيد لسه في رجال يعتمد عليها والسؤال الأخير اعتبره مش منطقي (( كنتم خير أمة أخرجت للناس تأمرون بالمعروف وتنهون عن المنكر وتؤمنون بالله )) مدام لسه في مسلمين يبقي لسه في رجال (( رجال لا تلهيهم تجارة ولا بيع عن ذكر الله )) |
اقتباس:
وهم دول مش يطلق عليهم لفظة مسلمين؟ للاسف دلوقتى اى حد مكتوب فى البطاقة مسلم يكون مسلم ولكن هو فعلا مسلم روحيا؟ هو مسلم بلسانه بتفكيره بكل ذرة فيه؟ الناس زمان كانوا بيبحثوا عن مراتب الايمان لكن دلوقتى بنبحث عن الاسلام لو حضرتك سالت حد دلوقتى انت مسلم هايقوول طبعاااااااا طيب يالا على الجهاد هاتظهر لكن اللحية لكن الصلاة لكن الصوم لكن الا من رحم ربى |
اقتباس:
اقتباس:
وليس مسلمين البطاقة فكثير من المنافقين ايضا يطلق عليهم لفظ مسلمين في الظاهر مع ان المنافقين في الدرك الأسفل من النار وكلا من النوعين موجودين منذ عهد الرسول (( صلي الله عليه وسلم )) إلي يومنا هذا. لكن ما فائدة سؤالك الأخير؟ وهل فى لسه فعلا رجالة يعتمد عليهم؟ :028ja7:(( أعتبر هذا السؤال فيه نوع من التعميم )) جاوبي حضرتك ؟ تنفع الاجابه : ان مفيش رجال يعتمد عليها !!!!!! :o مع العلم ان من بين هولاء الرجال اباكي وعمك وخالك واخيكي وزوجك وابنك وغيرهم من الرجال سوري ممكن يكون ابنك من الاطفال ... دة اذا كان فيه زوج وابناء أصلا!!! ولا ايه رايك؟؟:friendsxs3: |
اقتباس:
اقتباس:
علشان كدا قولت ان حضرتك بتعممى اقتباس:
اعتقد انى اتكلمت فيها فى ردى السابق و حسبتلك على حسب كلامك انتى بالنسبة و طلعتها 70 فى الميه و اعتقد ان الكلام فيها منطقى جدا بالنسبة للنقطه التانية اعتقد ان حضرتك ممكن تكونى بتشوفى دا فى الجامعه او فى التلفزيون واحنا مكتفين البلطجية الى بتبعتهم الحكومة و برضه بتشوفى ازاى وهما بيفرقونا بالمية وازاى وهما بيتكتلوا علشان يمشونا يعنى محدش بيجرى الا الى مش من الاخوان ولما المرشد العام لجماعة الاخوان المسلمين قال بالفظ انه على اتم استعداد انه يرسل 10الاف مقاتل فهو يعنيها بالكلمة لانه اعلم باخوانه انهم على اتم الاستعداد بالتضحية و الخروج للجهاد انما الى بتشوفيهم بيجروا دول هما واحد ولا اتنين الى هما مش من الاخوان اصلا اقتباس:
معلش احنا بناجل امر الجهاد الحربى لاطاعة اولى الامر الى احنا مامورين باطاعته انما كا قضية دورنا كا رجالة اولا مسلمين ظاهر اوى واعتقد انك حتلاقى ليا كذا موضوع عن الاقصى وانا فرد ومش هنا وبس يعنى دورنا موجود كا رجالة مش كا اخوان مسلمين و فى كتير هنا رجالة بنقاطع و بنجاهد بكلمة لا و بنرفع الظلم عنا بقدر الامكان ولا يكلف الله نفسا الا وسعها واعتقد ان جزء مننا بما انك بتتلكمى على الاخوان و بتستشهدى بيهم بيحارب العدى اخونا فى حماس جزء من الاخوان المسلمين اين انتم ؟ وفى كتير من الرجالة هنا فى مصر منتظرين الفرصة دى وهما ولا اخوان ولا غيره انا قابلت النماذج دى واعرفها اكتر منك لانى راجل زيهم و بقعد معاهم و عارفهم كويس انما انتى بتقولى كدا علشان انتى بنت مش تعرفى حاجه عن الرجولة ولا عن افكارهم انتى اخدتى بالظاهر و حكمتى |
اقتباس:
كنت ساكتب ما يماثل هذا التعليق لانه منطقى جدا وموضوعى جزى الله صاحبة الموضوع وصاحب التعليق خير الجزاء فى امان الله |
خلاص بقى مش حنتخانق مين اللى بدأ التعميم :d
الراجل موجودين وسيظلون موجودين وهما فعلاً كتار جداً بس لازم ميكونوش واضحين يعني أكيد مش حيشد انتباهك واحد بيشتغل في بيته لكن حيشد انتباهك واحد ماشي بيتدلع ولو السيئة تعم يبقى مجتمعنا كله بناسه نوعاً وسناً ومنصباً ووظيفة ابن ...... ومش كويس وبعدين الى حيفتح في سيرة الرجالة حفتحله في سيرة الستات كل واحد خليه في نفسه احسن :d وشكراً لاستاذة رانيا للاطراء |
هناك علاقة قويه بين الرجولة والتدين
فالرجولة من مفهومها تحمل معني الشهامة والمروءة والأمانه والشجاعة وهي من متطلبات الدين والتدين أيضا (( وان كنا رأينا بعض المتديين تنقصهم شئ من الرجوله فهذا النقص يكون في الشخص نفسه ويكون ايضا ينقصه بعض التدين )) لانهما متوافقان في ما بينهما من الصفات ولنري معا مفهوم الرجولة في القران حتي لا يختلط الأمر علينا : لم ترد في كتاب الله إلا في مواطن معدودة ولا ترد إلا في أمر ذي بال ولا يُقال ( رجـل ) إلا لمن استكمل صفات الرجولة لا لمن تأنـّـث ! أو تشبّـه بالكفّـار ، فالتّشبّه ضعف وتبعية مقيتة ، تأمل معي – رعاك مولاك – تأمل معي في آيات الكتاب العزيز : في قصة موسى مع قومه : ( قَالَ رَجُلاَنِ مِنَ الَّذِينَ يَخَافُونَ أَنْعَمَ اللّهُ عَلَيْهِمَا ادْخُلُواْ عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ وَعَلَى اللّهِ فَتَوَكَّلُواْ إِن كُنتُم مُّؤْمِنِينَ ) . وفي خبر النذير الذي جاء إلى موسى : ( وَجَاء رَجُلٌ مِّنْ أَقْصَى الْمَدِينَةِ يَسْعَى قَالَ يَا مُوسَى إِنَّ الْمَلأَ يَأْتَمِرُونَ بِكَ لِيَقْتُلُوكَ فَاخْرُجْ إِنِّي لَكَ مِنَ النَّاصِحِينَ ). وفي قصة مؤمن آل فرعون : ( وَقَالَ رَجُلٌ مُّؤْمِنٌ مِّنْ آلِ فِرْعَوْنَ يَكْتُمُ إِيمَانَهُ أَتَقْتُلُونَ رَجُلاً أَن يَقُولَ رَبِّيَ اللَّهُ ). وفي قصة صاحب يس : ( وَجَاء مِنْ أَقْصَى الْمَدِينَةِ رَجُلٌ يَسْعَى قَالَ يَا قَوْمِ اتَّبِعُوا الْمُرْسَلِينَ ) . ومضى في موعظته لبني قومه : ( اتَّبِعُوا مَن لاَّ يَسْأَلُكُمْ أَجْرًا وَهُم مُّهْتَدُونَ * وَمَا لِي لاَ أَعْبُدُ الَّذِي فَطَرَنِي وَإِلَيْهِ تُرْجَعُونَ * أَأَتَّخِذُ مِن دُونِهِ آلِهَةً إِن يُرِدْنِ الرَّحْمَن بِضُرٍّ لاَّ تُغْنِ عَنِّي شَفَاعَتُهُمْ شَيْئًا وَلاَ يُنقِذُونِ * إِنِّي إِذًا لَّفِي ضَلاَلٍ مُّبِينٍ * إِنِّي آمَنتُ بِرَبِّكُمْ فَاسْمَعُونِ ) . حتى قيل له : ( ادْخُلِ الْجَنَّةَ ) . فـ ( قَالَ يَا لَيْتَ قَوْمِي يَعْلَمُونَ ). وفي أصحاب محمد قال سبحانه : (مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلا ) . وفي شأن المؤمنين : ( فِي بُيُوتٍ أَذِنَ اللَّهُ أَن تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالآصَالِ * رِجَالٌ لا تُلْهِيهِمْ تِجَارَةٌ وَلا بَيْعٌ عَن ذِكْرِ اللَّهِ وَإِقَامِ الصَّلاةِ وَإِيتَاء الزَّكَاةِ يَخَافُونَ يَوْمًا تَتَقَلَّبُ فِيهِ الْقُلُوبُ وَالأَبْصَارُ ) . هذه صفات الرجال في كتاب ربنا ، وفي آيات المواريث ورد بلفظ ذَكـَــر، ليشمل الرجال وغير الرجال ! ، قال سبحانه : ( لِلذَّكَرِ مِثْلُ حَظِّ الأُنثَيَيْنِ ) ، وقال لوط لقومه : ( أَتَأْتُونَ الذُّكْرَانَ مِنَ الْعَالَمِينَ ) . فهؤلاء ذُكران وليسوا برجال ! فالرجولة مظهر ومَخْبر والرجولة مطلب . ونقول إن الرجولة مطلب لأمة الإسلام أجمـع ، تُريد الأمة اليوم رجالاً كأصحاب محمد صلى الله عليه وسلم . |
ههههههههههههههههه
أنا أكتر واحد بقا يعرف العينات دى كويس أوى |
انا آسفة ياجماعة مش هاقدر ارد حاليا
فاعذرونى وان شاء الله لى رد على كل مشاركة وجزاكم الله خيرا |
| جميع الأوقات بتوقيت GMT +2. الساعة الآن 02:18 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.