يا جماعه حد راح سلم الاصول فى الاكاديميه
 

يا جماعه حد راح سلم الاصول فى الاكاديميه عملتوا ايه فى الصحيفه الجنائيه مطلوبه تانى يعنى هنعمل واحده تانيه
ويا ترى هيخدو الاصل ولا بيطلعو عليه بس

انا مدرسة رياضة حاصلة على icdl على مستوى مدرستى وزملائى من محافظة القليبوبية

لما قرات الخبر بلغت زملائى وذهبت الى الاكاديمية اليوم فرع القاهرة

قالوا نريد اصول الاوراق مثل اصل الموهل ،اصل شهادة ICDL ،صورة من العقد والاصل للاطلاع و الفيش

والذى ليس معه شهادة ICDL او صورة SKILLCARD لاياتى لان التنيجة لاتظهر الا بتقديم ICDL OR SKILLCARD

طيب الفيش انتى عملتى واحد جديد

ارجو الرد احنا سلمنا مره اصل الفيش هيحتاجو واحد تانى ولا ايه

هل مطلوب فيش تانى

احنا عندنا فى اسيوط الاكاديمية لم ترسل اى شى للمديرية والادارة لاتعلم شيئا منهم لله

انا اتصلت وسألت على الفيش قالوا ان الفيش القديم لغاية لما النتيجة تظهر هايكون عدى عليه اكتر من 3 شهور والفيش صلاحيتة 3 شهور بس.. فقالوا احتياطى اعملوا واحد جديد

احنا عندنا فى محافظة قنا الموضوع مختلف تماما ........
اولا مش عايزين فيش تانى
ثانيا مش عايزين اصل العقد كفايه اقرار القيام بالعمل من المدرسة
ثالثا قالو لو مش حاصل على ال icdl مفيش مشكلة والنتيجة هاتظهر عادى جدا والموضوع ملوش دخل بالنتيجة

لو سمحتم بالقليوبيه طالبين الفيش تانى ولا لاءه الناس ايلى راحو عملو ايه

كلمت واحد معرفة وهو مسئول فى فرع الاكاديمية قال لى ان هم عايزين اصول المستندات ولكن اللى هيجيبها هو مسئول من الادارةة وليس المعلمين المساعدون ..

لو سمحتم بالقليوبيه طالبين الفيش تانى ولا لاءه الناس ايلى راحو عملو ايه

ياجماعة ياترى المتعاقدون بتاريخ 1/12/2008 ةاللى لسه ما امتحنوش هايسلموا الاصول والا ده للناس اللى امتحنت بس اللى عنده معلومات يقولنا

الاستاذ (المستر) متأكد من الخبر ده

يا جماعه الناس راحت فى زميله معلقه على الموضوع قالت انها ذهبت وقدمت

يا جماعه عايزين نعرف هنعمل الفيش ولا لاءه

ايلى ممتحنش مش هيسلم حاجه

اعملوا واحد جديد مين القديم اللى قال كده
ليه هو ايه ده كل يوم فيش
ده يبقى تهريج واللى يقول كده ربنا موجود
وهو المنتقم

للأمانة ياجماعة فرع الاكاديمية بعد ماقال ممكن اقرار القيام بالعمل بدل اصل العقد رفض وقالو لازم اصل العقد وممكن تاخده من الادارة بتسهيل من الاكاديمية للاطلاع عليه وبعدين يرجع تانى الادارة

لماذا انا من قنا وانتى فرحتينى ليه تزعلينى تانى هو الاستاذ المختص بالادارة هيرضى يدهولنا ونرجعو تانى

اولا الإداره استحاله تعطيك العقد لان كده عيعرضوا للمسأله القانونيه وممكن يمضيك على استقاله الى ان تأتى با لأصل مجدداً
ثانيا:
اصل العقد ؟؟؟ ممكن من المدرسه وترك صوره طبق الأصل عنده بس فيه مدارس ممكن توافق والغالبيه مش هيوافق
ال icdl ????? اللى معاه الشهاده هل يعطيها لهم ولما يأخذوها من وين نأتى بشهاده اخرى فى حين الحاجه للشهاده مره اخرى !!!
الفيش ؟؟؟ سهل ان شاء الله
الشهادة الجامعيه ؟؟؟ ان شاء الله اكيد يسيرة جدا
كلمهم غير منطقى فى موضوع ال icdl ممكن اللى مش معاه شهاده انه يطلع تقرير بالدرجات وكمان صوره من السكل كارد ويختمها من المركز والمدرسه بختم الشعار وده والله ان شاء الله سهل بس المشكله فى اللى معاه اصل الشهادة ........!!!!!!!!!!!!!!!!!!!!!!!!!!!!!

صح الصح
صح الصح

عندنا فى محافظه كفرالشيخ بالفعل تم التبليغ

و لكنهم طلبوا كل الاصول مع صوره الاسكل كارد او icdl و لكنهم لم يتم اخبار احد بالفيش

ياجماعة حد يدلنى اختم الاسكل وافادة الicdl منين بختم الشعار والادارة ترفض ذالك

ازاى باخدو اصل icdl مستحيل بعد التعب ده وبقيت الشهادة معايه اسلمها للادارة علشان يودوها الاكاديمبة حتى لو للاطلاع
ممكن معرفش اخدها تانى!!

مهما طال ليل المتعاقدين ( المتعقدين) . شمش التثبيت لابد ان تشرق

كل خير ان شاء الله

في جهينة سوهاج مدير الادارة اعطانا تصريح باخذ أصل العقد بناءا علي اوامر وكيل الوزارة

يا جماعه انا كنت هناك انهارده و الورق المطلوب هو
1- أص شهاده المؤهل + البلوم التربوى لغير خريجى كليات التربيه
2- اصل التعاقد ( معلم مساعه لمده سنتين )
3- أفاده بأربع مستويات مختومه ختم شعار الجمهوريه ( الختم يتم من الاداره او من موجه القسم )
و لازم يكون معاها الريبورت بتاع الدرجات ( و دا بتجيبه من من المكان اللى بتاخد فيه الدوره و بيطله بخمسه جنيه فقط - و لازم يكون مختوم ختم النسر هو كمان و برده من الاداره اللى انت تابع ليها )
4- اوعى تنسى تاخد معاك الرقم الكودى بتاعك لانهم بيحتاجوه و ممكن ترجع لو مش فاكر الرقم بتاعك .
و يارب التوفيق للجميه و اخيرا الموظفين هناك بيأكدوا انه ان شاء الله تثبيت و ليس عقد لمده خمس سنوات كما كان يشاع و لكم كل الشكر و التوفيق للجميع .

ممكن تختم اخى بختم شعار المدرسة اللى انت فيها دا لو مدرستك اعداديه
اما اذا كانت مدرستك ابتدائى روح للمدرسه الاعداديه اللى انت بجوارها وهم هيختمولك بس يكون لك فيتمين واو هناك
يعطيك العافيه

مفيش حاجة جت عندنا فى المدرسة

مفيش حاجة جت عندنا فى المدرسة لأن المدير نايم فى العسل

وبعدددددين انا بالف حوالين نفسى العقد مفيش الاصل ....... فى الادارة مش هايدهولى لو عملت ايه ...... فى الاكاديمية مش راضين غير بأصل العقد ...... ياريت حد يقولى اعمل ايه