|
ارجو الساعده من طلبه كليات الهندسه ارجو الدخول
انا طالبه بالصف الثالث الثانوي وطبعا علمي رياضه لان امنيه عمري التحق بكليه الهندسه
انا معلش محتاجه مساعدتكو وارائكم في رياضه 2 اصلها صعبه شويه ارجوكو ساعدوني انا عارفه ان الوقت اتاخر وده شهر 12 بس ارجوكو ساعدوني اعمل ايه انتو كنتو بتذاكروها ازاي حليتو ايه ملخصات وكده يعني ارجوكو ساعدوني وانا هدعيلكو العمر كله |
من واقع تجربتى و رأيى الشخصى من أفضل الكتب الموجودة و المريحة هو كتاب 100% مراجعة مستمرة و نهائية + كتاب المعلم مراجعة نهائية و توقعات الامتحان كتاب ملخص من الآخر و أفكار شاملة سهلة و صعبة و متجمعة من كتب و امتحانات و التانى أفكار عميقة و رغم أنها قليلة إلا إنى أرشح أنها تتحل حبة حبة طول السنة و يكفى إنه جه منهم أسئلة كتير فى الدور الأول و الدور التانى و كذلك السنة اللى قبلها أما اللى يقول كتاب لامى أفضل كتاب هو مش أفضل كتاب و لا أصعب كتاب فى رياضة 2 هو بس اصعب كتاب لسة بيتباع فى السوق و للعلم عمرى ما اشتريت الكتاب ده و اللى هيقول المعاصر أحلى كتاب فى رأيى الكتاب ده فى الثانوى مش تمام خالص كفاية أنه بخط الايد و متحدثش من سنة 2000 تقريبًا و كله كلام و إن شاء الله يعدلوه السنة اللى جاية و إلا هيفقد مكانته فى الثانوى لأنه كتاب روتينى أوى وعمومًا فيه فئة كبيرة بتحب الكتاب ده و ناس هتقول الممتاز أقول أنه ضخم بس حلو فى كل الأحوال و مهما اشتريتى كتاب نصيحة أخوية يكون معاهم كتاب 100% مراجعة و بالمرّة لو حضرتك شاطرة فى الرياضة متنسيش تاخدى مستوى رفيع رياضة لأنه هيفيدك فى الثانوى و هيفيدك إن شاء الله لما تدخل هندسة أى استفسار آخر ؟ بالمناسبة كنت مقفل المادة رغم إنى عندى غلطة ^_^ بيجبروا بخاطرى ربنا يسترهم دنيا و آخرة |
بالمناسبة الوقت ما اتأخرش بس يا ريت ميضيعش وقت أكتر من كده
|
انا متشكره قوي علي اهتمامك انا معايا فعلا المعاصر لكن ان شاء الله اجيب المراجعات ديه
انا اخدت المستوي عربي خلاصوحسب مفهمت اني اشتري 100%-المعلم)مش كده انت حظك كويس انهم زودوك درجه اما انا بقي بحل صح وبنقص درجات بالهبل يلا الحمد لله ومتقليش اكيد غلطانه لاني مراجعه مع مدرسين وفي البوابه هنا بس هي حظوظ عندي سؤال تاني معلش هو انت كنت بتذاكر الماده نفسها ازاي يعني تحفظ القوانين بعدين تفضل تحل ولا ايه وهل الدليل مهم وشكراااااااااا ليك مره تانيه يا باش مهندس وادعولي ابقي مهندسه معاكو بالتوفيق ان شاء الله |
أنا شغال فى المعاصر + الماهر
والطريقة الأفضل لاستيعاب أى مسئلة هو فهم وأكرر فهم وليس حفظ مثال واحد فقط والتطبيق على أكثر من مسألة يعنى من الأخر مذاكرة الرياضة مش بالحفظ ولا ببداية المنهج من جديد المذاكرة بتبقى بحل الامتحانات والتمارين وبعد عدد معين من التمارين هتلاقى نفسك لوحدك بتحلى أى مسألة بس أهم حاجة التركيز والصبر والحل فى هدوء أرجو أن أكون أفدتك وهذه نصائح طالب ثانوى بيعشق الرياضيات بكل فروعها |
متشكره قوي علي النصائح ده
وبجد ربنا يوفقك ان شاء الله مهندس المستقبل وعاشق الرياضيات شكرررراااااااااااااااااااااااااا |
كتاب 100% مراجعة جنبى و أقرأ الملخص و الأمثلة المحلولة اللى فيه و أحل أى حاجة
وفى حل الامتحانات أحل و المعلومة اللى تقع شوفيها من الكتاب على فكرة الغلطة بنص بس هى كانت إشارة فى وسط مسألة إثبات و برده الإثبات طلع صح لو كنت واخدة إحصاء أو معاك آلة حديثة ممكن تدورى فى موضوعاتى عن استخدام الآلة الحاسبة و هى مفيدة بحركات كنت بعملها فى الثانوى فى التفاضل و فى الإحصاء و الأعداد المركبة بس مرحلة الآلة ده بعد التمكن من المنهج الأول توكلى على الله و ابدأى تراجعى اللى فاتك علطول و السلام عليكم و رحمة الله و بركاته |
متشكره يا باش مهندس وهدور علي موضوعاتك في الاله
|
كتاب المدرسة ودليل التقويم :d
مش بهزر بجد بس ياريت تتحل تمارين الكتاب ودليل التقويم في الاول واللى يخلص إن شاء الله بعد خمس سنين كده يبقى يفتح كتاب خارجي 100% افتكر انا كنت جايبه في تانية كان كتاب الحلول بتاعه مليان اخطاء وانا المسألة اللى ميبقاش ليها حل قدامي ملهاش لازمة اهم حاجة عندي اعرف انا وصلت ولا لأ الرياضة في اي مكان طريقة مذاكرتها هي الحل لازم تحلي كل تمارين كتاب المدرسة ولازم مدرس يأكد عليها صح ولا لأ دليل التقويم مش بيتحل كله لأنه فيه مسائل تعجيزية أهم حاجة الحل الكتير وكتاب المدرسة ده حسب ماكان على أيامنا يعني :d |
ازاي 46 مشاهده وردين فقط
كنت متوقعه مشاركه اكبر من كده من طلبه الهندسه شكرررررررررررررراااااااااااااااااا جزيييييييييييييييييييييييييلا للردو عليا |
شكراااااااااااااااااا ليك banzer
ومعاك حق بعد خمس سنين هرد عليك لمل اخلص الدليل يعني mercy |
اقتباس:
وعلى فكرة كل مرة انتي بتدخلي فيها نفس موضوعك بتتحسب مرة يعني انا لوحدي ليا فيهم تلاتة :d |
كتاب المدرسه ثم كتاب المدرسه ثم كتاب المدرسه
وبردو تشوفي دليل التقويم دول لازم يتحلوا كويس وباهتمام وتركيز وبعد كده شوفي اي كتاب انت عايزاه انا عن نفسي وقت الشرح كنت شغاله من لامي بس من اول ما بدات مراجعه كان كل شغلي من كتاب المدرسه والدليل وطبعت الامتحانات اللي كانت في موقع الوزاره وحليتهم وفي الاخر شوفت امتحانات السنين اللي فاتت من كتاب خارجي |
فعلاً كلام بانزر إلى حد كبير صحيح و كلام الأعضاء كلهم
بس هو كتاب 100% مراجعة مجمع الأسئلة المهمة سواء من كتاب المدرسة أو دليل التقويم أو امتحانات قديمة أو جديدة و عمومً كتاب المدرسة أساسًا كنا بنحله واجب و هو الاستاندرد للطلبة و للامتحان بغض النظر عن بعض المسائل الصعبة اللى فيه |
متشكره ليكي يا eng
ومتشكره كمان لعبد الرحمن انا شوفت كل موضوعاتك بصراحه من ناحيه الاله مفهمتش حاجه اما في ملفات رياضه انت منزلها لمدرس معين طبعا التحميل منفعش صلاحيتها خلاص يعني وانا بشكرك بجد علي اهتمامك |
امممممممم انا مش شايف حاجه جديده اقولها لان الناس قالت كل حاجه بس انا عن نفسي اللي كنت بعمله اني كنت بدور علي اي مسائل محلوله واحلها واتاكد من الحل ولو مش محلوله مش باجي جمبها الا اذا كانت واجب درس او كتاب مدرسه
من وجهه نظري المعاصر كتاب جامد وانا كنت شغال منه لامي كنت شغال منه في الاول بس اكتشفت انه مش قد كده اهم حاجه انك متعتمديش علي شرح مدرس الدرس بس او واجبه انا كنت جايب المعاصر وبذاكر منه سواء شرح او حل بالاضافه للدرس طبعا اخر حاجه عايز اقولهالك وان كان لسه بدري عليها شويه بس افتكريها لغايه مييجي وقتها وهي انك تركزي جداااااااا في الامتحان وتراجعي كويس اوي لانك هتجيلك اسئله سهله وتحليها وتقولي دي سهله مش هراجعها او تراجعيها بسرعه وبعد متخرجي من اللجنه تلاقي يا اما فيه رقم غلط ياما في سؤال عبييييط جدا حلتيه غلط ومتعرفيش ازاي فحاولي تركزي اوي في حكايه انك متكتبيش ارقام غلط لاني مجربها وربنا معاكي بس انتي مقولتلناش انتي جايبه كام في 2 صحيح؟ |
شكرااااااااا ليك a7mad علي المعلومات ده انا فعلا في اللجنه بتكون دماغي مش معايا خالص لموت واعرف يتروح فين ههههه
انا ماجله مواد لكن مواد تانيه الي امتحنتها جبت فيها93.3 ومواد سنه 3 98.9 يعني السنتين 96.3 ومعايابقي الثلاثي المرح كيمياء -فيزياء-رياضه2 بالمناسبه ترشحو ايه ملخصات فيزياء وكيمياء |
تفتكرو في امل ادخل هندسه يا ريت تطمنوني
|
اقتباس:
93% ؟ 93.3%؟ معتقدش حتزيد اوي يعني وبمجموعك ده صعب تنزلي اوي كده يعني هو اي نعم دول اصعب تلات مواد ومكنش المفروض يتجمعوا مع بعض في سنة واحدة بس في اسوأ الظروف - الطبيعية :d - حتجيبي هندسة بإذن الله بالمناسبة الكيميا انا كنت بحب جداً اذاكرها من كتاب المدرسة اول كتاب احسه محترم ينفع يتذاكر منه |
اقتباس:
|
'طبعا زي مبشمهندس بانذر قال مجموعك ان شاء الله يجيب هندسه مستريح واينعم المواد اللي معاكي مش سهلين بس لما يبقوا لوحدهم فسهل يتلموا ان شاء الله
بالنبه للملخصات فمش هقدر افيدك لاني مبحبش اذاكر تلخيص ابدا بحب اذاكر الماده كلها من الشرح الاصلي وكنت بجيب تلخيص كتير بس مش بفتحه وانا شايف ان ده احسن بس لو حد قالك علي ملخصات كان بيذاكر منها فمش هتخسر بشرط ان مذاكرتها تبقي زياده علي مذاكره الماده مش تكتفي بيها وربنا يوفقك ان شاء الله وتدخلي هندسه |
اقتباس:
يا جماعه هو انت مجميعكو كانت زيي كده ولا اكتر يا ريت تطمنوني |
اقتباس:
اقتباس:
جبت اول سنة 93 والتانية زيها وبدرجة المستوى الرفيع كملت 94 يعني الموضوع سهل والله مش زي ما انتي متخيلة ولا احنا كنا عباقرة لدرجة إننا قدرنا نوصل هندسة _____ عن نفسي مكنتش بطلع بره كتب المدرسة ومذكرات الدروس مبحبش اجيب ملخصات خالص ومنصحش بيها إلا لو كانت مذكرات الدرس وحشة والكتاب وحش بس المواد اللى معاكي الفيزيا والكيميا الاتنين كتابهم كويس وأهم حاجة الاسئلة اللى بتبقى من ورا دي |
متشكره قويييييييييييييييييييييييييييييييييييييييييييييييي يييي ليك banzer
بجد انت بتهديني شويه يعني انت كده الفيزياء والكيمياء اعتمدت علي اسئله الكتاب اللي بعد كل درس والرياضه الكتاب والدليل والله انت بتحسسني ان لسه في امل فيا العموم انا هاخد بنصيحتك وربنا يستر انا مدرسيني في الدرس ممتازين جدااااااااااااااا بس مشكله مدرس الفيزياء بيلغي كتير جدا من اول السنه اخدت 14 حصه بس يعني انا لسه في الفصل الرابع بتاع ارشميدس وده اللي مخوفني لكن هو اكتر من ممتاااااااااااااااز اما الرياضه فانا مبطقش حاجه اسمها تفاضل ابداااااااا وربنا يعدي السنه ده علي خير |
اقتباس:
انا قلت دول مهمين وكان قصدي على الاسئلة اللى في آخر كتاب الفيزيا من ورا اخدنا حصص المراجعة حليناهم كلهم فوق 100 سؤال ومسألة لكن اكيد نهتم باسئلة كل درس ولو بقدر الامكان حلينا من دليل التقويم يبقى جميل خالص |
ماشي يا banzer انا باذن الله هحل كتب المدرسه ودليل التقيم في الثلاث مواد
لكن واضح انك مجبتش ملخصات خارجيه تحلها ده اللي انا اقصده ارجوكو تدعولي ربنا يقف معايا السنه دي علشان انضملكو هنا في المجموعه الهندسيه |
انا عايز اطمنك علي حاجه واحده بس وهي انك فاكره انك متاخره
انا عن نفسي درس الكيميا والفيزيا بداتهم تقريبا في نص شهر عشره وبالنسبه لمدرس الفيزيا كان تعبان جامد وكان بيلغي كتير عشان تتخيليه التعب فهو اتوفي في يوم امتحان الفيزيا بتاعنا ربنا رحمه والحمد لله رغم كل ده كان في وقت كتير فانا مش عايزك تقلقي خالص من الوقت حتي لو كنتي ضيعتي كتير فانتي لو عملتي اللي عليكي من دلوقتي للاخر هيبقي الموضوع سهل اوي ان شاء الله |
ربنا يطمنك a7mad3liشكرا قوي علي كلامك ده ربنا يكرمك بجد انت وكل اللي ردوا عليا بترفعو من معنوياتي كتييييييييييييييييييير
اتمنالكو التوفيق جميعا من كل قلبي شكرررررررررررررررررررررررررررررررررررررررررررررررر رررررررا |
ربنا معاكي شدي حيلك بس عشان تدخلي هندسه و تشوفي البهدله اللي ع حق
|
شكرا ليك eng pato علي الرد المهم ادخلها الاول بعدين اتبهدل براحتي
|
باركوووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووولي
انا جبت 96% انا متشكره قوي لكل اللي عملتوه معايا يلا بقي انتظروووووووووووووووووووووووووووووووووووووني |
| جميع الأوقات بتوقيت GMT +2. الساعة الآن 10:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.