اخر اخبار تصحيح امتحانات كادر المعلم المساعد
 

10/1/2010
سيبدأ التصحيح

طب لو كلمك طلع غلط وهما اللي صدقوا في كلامهم هتعمل ايه

-من المفترض ان النتيجة تظهر في شهر يناير حتي يتسني لهم التجديد لمن لم ينجح
-اي نتيجة في العالم طبقا لعلم القياس والتقويم التربوي لابد ان تكون متفاوتة وبها نجاح ورسوب
-الدرجة المالية للمعلم المساعد تحسب باقدمية عامان ( تاريخ بداية العقد) لان اي شخص لابد ان يمر عليه عامان علي الدرجة الثالثة ليسكن علي وظيفة معلم اما بدل الاعتماد يتم صرفه من تاريخ شغله وظيفة معلم
ولماذا اقدميةايضا؟ لانه بالطبع اذا خذ المعلم المساعد الدرجة فالمعلم المساعد في هذه اللحظة مش مجبر علي اخد تربوي او اي سي دي ال لنه هيكون في الحالة دي متثبت محدش يقدر يميشيه اذا ماخدهمش
ولماذا ذكر القانون 3 سنوان معلم مساعد في جدول معادلة الوظائف بعد ذكره عامان ضمن مواد القانون؟ تحسبا للتجديد سنة ثالثة استثنائية للبعض

وطبقا للعقد فان العامان يتهوا بانتهاء الشهر الحالي ولابد ان تتحدد الصفة القانونية لشغل الوظيفة في السنة الجديدة : اما بتجديد العقد لسنة ثالثة او التسكين والتثبيت

شكلك كده فاهم!!!!!!!!!!!!!!!!!!!!

واية مصدرك ؟
ولو كلامك صح لية امتحنونا دلوقتى كانوا امتحنونا فى شهر 5 او 4 طالما انهم مش عملين حسابهم ياريت ياجماعة لو سمحت مفيش حد يفتى ويطلع اشااعات ولى عنده خبر يقول مصدره وكفاية اشاعات

كلامك مظبوط وغير دليل انهم لو فية ازمة مالية او مماطلة او مش عاملين حسابهم الا على السنة المالية الجديدة ماكنوش امتحنونا فى شهر 11 وكانوا مثلا امتحانونا فى شهر 4 او 3 ونتيجة تظهر على 6 او 7 مع السنة المالية الجديد وكمان لية محددين ان اخر يوم فى تقديم الاصول للاكاديمية اخر شهر ديسمبر 31/12/2009 كانوا يخلوها مفتوحة طالما فى نية فى المماطلة؟


النتيجة يوم 15 يناير 2010 ودة كلام وزير التعليم وقالها من يومين

يا جماعة ياريت اللي يجيب خبر يوثقوا ويكون متاكد منه

الدولة تنفذ خطة موضوعة بعناية فلا تقلقوا 0 الميزانية متوفرة 0 ل400 ألف معلم مساعد

الكلام منطقى ليه امتحنونا فى11 ما هما لو عايزين ممامطلة كانوا اجلوها ل4 او5 صح بس والله الواحد مهو عارف يصدق مين لنا الله ان شاء الله ربنا يكرمنا

Thankxxxxxxxxxxxxxxxxxxx

على فكرة الكلام ده من مصدر بلجنة التصحيح ولسة مفيش ورقة اصتححت هما عقدوا اجتماع وقرورا التصحيح فى بداية من 10/1/2010 والتصحيح مش حياخد اكتر من 3 ايام والنتيجة مقرر لها فى 15/1/2010 بس انا بأقول من الممكن التأجيل لسة محش عارف لانهم مش حيثبتوا حد الا بعد انتهاء السنة المالية وبكره الميه تكدب الغطاس

بس كل واحد عارض كلامى انا ليا عنده حق عرب

وعلى فكرة دى اخر مرة اجيب فيها اخبار وشكرا

يا جماعة هي مش حتفرق شهر يناير من شهر يونيه المهم يكون في نية فعلية لتثبيتنا يعني احنا صابرين لينا سنتين وأكثر ومش حنصبر الكام شهر دول المهم يارب بس يثبتونا في الاخر

ياباشا اصلا مافيش تعيينات بتم الا فى شهر 7 ودى حاجه معروفة
التعيينات بتم مع السنة المالية الجديدة

لكن حكاية النتيجة بقى هاتتأخر ولا لا دى قصة تانية مالهاش دعوة بالتعيين او غيره

لازم نفتى فى كل حاجة يا سلام لو نبطل كلام

الاخ زياد أرجوا أن يكون صدرك رحب ولاتحرمنا من أخبارك ومقترحاتك وآرائك
فى سبيل فائدة زملائك المعلمين
وكل منا يجتهد فى أخباره وقد يصيب
ومع احترامى للجميع فكلام الوزير والمسؤلين مصدق

للأخوة المتعقدين
فيما يخص التعيين قادم ولكن لن يتم إلا مع السنة المالية الجديدة يعني شهر 7
أما النتيجةربنا يقررررررررررربها لكم

ومنين حضراتكم جبتم الكلام دا كله للاسف كلام وخلاص بدون دليل والنتيجه ان شاء الله فى منتصف يناير ثانيا مش هيصدر الترخيص للمهنه الا للى معاه الاىسىدىال والى مش معاه هينتظروا لما يقدم الشهاده دا المفيد غر كده كلام من وحى الخيال والله اعلى واعلم

كلكم بنكلموا عن التثبيت ويسر الجمل قال كذا وأنا سمعت من مصدر موثوق كذا
ونسيتم إن التثبيت ليس بيد أحد غير وزير التنمية الإدارية " أحمد درويش " ونسيتم كمان إن هناك قرارات واضحة وصريحة للتثبيت زى قانون 5 لسنة 2000 الذى ينص على بأنه يتم تعيين العمالة المؤقتة طبقا للقانون رقم 5 لسنة 2000 والذي تنص الفقرة الثانية من المادة "23" منه علي أنه "يجوز استثناء من حكم المادة "17" تعيين العاملين المعينين بمكافآت شاملة علي اعتمادات الأجور وفقا لأحكام التأشيرات العامة للموازنة العامة للدولة والهيئات الاقتصادية والذين مضي علي تعيينهم بهذه الصفة ثلاث سنوات علي الأقل في الوظائف الشاغرة بدرجات بداية التعيين بالجهات التي يعملون بها إذا توافرت فيهم شروط شغل الوظيفة وذلك بعد موافقة الجهاز المركزي للتنظيم والادارة" وكذلك الكتاب الدوري رقم "6" لسنة 2000 بشأن تعيين العاملين المعينين بمكافأة شاملة والمبدأ المستقر رقم "14" والصادر بشأن كيفية معاملة المعينين بالتشغيل الحكومي وفقا لأحكام اللقانون رقم "5" لسنة 2000 والذي ينص علي "لا يجوز اتخاذ أي اجراء من إجراءات التعيين إلا بعد اخطار الجهاز المركزي للتنظيم والادارية بالاعداد المطلوب تعيينهم علي درجات دائمة والحصول علي موافقته ويتم التعيين في حدود هذه الموافقة وعند التزاحم بين المؤقتين يتم التفضيل لمن قضي مدة أطول للعقد المؤقت وفي حالة التساوي في المدة يتم تطبيق أحكام المادة 18 من القانون رقم 47 لسنة 1978".
ــــــــــــــــــــــــــــــــــــــــــــــــــ ــ
معلش متزعلوش منى أنا حبيت أوضح لأن التثبت يتم طبقا للأقدمية فى العقد وهناك معلمين معينين فى الجهاز الإدارى بالدولة منذ سنوات طويلة ما يقرب من ست سنوت من عام 2004 وعددهم 82 ألف متعاقد
إذا من المفروض تثبيت هؤلاء أولا كما ذكر وزير التنمية الإدارية لأنهم معينين على على الباب الأول أجور بند ( 2 ) مكافئة شاملة نوع ( 2 ) أجور موسميين ....
وهذا مدون فى العقد المبرم بينهم وبين جهة عملهم لذا أدعوا كل متعاقد بإعادة قراءة عقدة والتأكد من أنة معين على الباب الأول أجور بند ( 2 ) مكافئة شاملة نوع ( 2 ) أجور موسميين .. أم لا .
بسرعة وردم على وأنا تحت أمركم فى أى إستفسار ..

ياجماعة انا النهاردة فى الاكاديمية لقيت اوراق معلقنها باسماء المتعاقدين اللى عندهم اخطاء فى الورقة الامتحانات سواء كا خطأ كود او كود الامتحانات فهذا دليل قاااااااااااااااااطع ان الامتحانات بتصحح الايام دية واللى مش مصدقنى ينزل اكاديمية المعلمين الزقازيق هيلاقى النشرة باسماع المتعاقدين اللى عندهم اخطاء فهذا دليل انه بيتم تصحيح الامتحانات الان وياريت محدش يسمع كلام برة او اشاعة ولا من مصدر خارجى او سماع كلام موظف لانه لا يعلم شىء وانه بيفتى لان اللى عارف كل حاجة الوزير وهو المصدر الموثوق منه لان احنا سمعنا كلام كتير من موظفين وطلع كلامهم فشنك

وبالنسبة للتطبيق الكادر :
الناس كلها فى التعليقات بتقول ان االكادر هيتنفذ فى السنة المالية الجديدة اى فى شهر 7
كانوا عملوها مع الناس اللى امتحنوا فى سبتمبر يعنى هم مش مرتبين لهذا الموضوع واذا فرضنا انهم مرتبين ذلك فكان من الاولى انهم يمتحنونا شهر 4 او 5ومكنوش بعتوا نشرات للادرات ولا على موقع الاكاديمية وانهم مكنوش حددوا ان الامتحانات يوم 20/11 فى يوم وليلة بل انهم مرتبين الموضوع وعملين دراسة

انت بتقول ان مفيش تعيينات الا فى شهر 7؟ وكمان دية حاجة معروفة؟ومين قالك الكلام دة؟
مكنوش قبضوا الناس اللى نجحوا فى شهر 9 اللى فات وكانوا قبضوا فى السنة المالية الجديد زى ما سيادتك بتقول ومكنش اللى امتحنوا فى 8 قبضوا وتم تعيينهم للدرجة التالية واخدوا الكادر

هي علي العموم شكلها كده هتبان في منتصف يناير ربنا يستر لاننا بقينا في العد التنازلي كله يدعي

مشكلتنا هنا فى الفزلكة
وكل واحد فاكر نفسه فاهم كل حاجة
ويقعد يخترع كلام مالوش اصل ويجيبه هنا على انه حقائق

(تعليقى على التعليقات وليس صاحب الموضوع الاصلى)

انا شايف ان اللى كاتب الموضوع هو اللى بيفزلك وبيخترع وانه بيقول ان هناك مماطلة نفسى افهم فين المماطلة دة ؟ انت سيادتك شايف ان فية مماطلة ؟

وكلنا قرينا فى الجرايد ان وزير التعليم بيقول ان نتيجتنا 15/1/2010 فهل ذلك ليس مصدر موثوق ولا الموظف هو المصدر الموثوق؟
وانا قلت الدليل على ان الامتحانت بتصحح ان فى الاكاديمية النهاردة معلقين اسماء المتعاقدين الذين لديهم اخطاء فى تظليل الاكواد او ارقام الجلوس فهل ذلك فزلكة منى؟

اكتب النمط 3 - 1 - 5 - .......- 4 -........
ياريت الاجابه عليه تخيلوا ان ده في كتاب اولي ابتدائي

أوضح الوزير انه سيتم التعاقد لوظيفة معلم مساعد لمن تنطبق عليه شروط القانون 155 لعام 2007 عقب اعلان نتيجة الاختبارات التي تمت لمنح الترخيص لوظيفة معلم والتي عقدت يوم 20 نوفمبر الماضي في منتصف يناير 2010 حيث تقدم لها 7260 معلما وسيتم التعاقد مع من يعمل حاليا في المدارس وتنطبق عليه الشروط بديلا لمن منح الترخيص لوظيفة معلم وحيث سيكون هذا أسلوب التعاقد ومن المنتظر التعاقد مع 400 ألف معلم مساعد خلال السنوات الخمس القادمة.
جريدة الجمهورية

طب الكلام المؤكد بقى مفيش نتيجة الا اخر يناير ابقوا افتحوا بقى الموقع يوم 15/1 وشوفو فيه نتيجة ولا لأ وعلما بان الوزير صرح النهاردة فى الجمهورية ان النتيجة فى ميعادها 15 /1
وبعدين ابقوا احكموا على الاخبار
الخبر التانى النتيجة رايحة تعلن للكل حتى اللى معندهمش اي سى دى ايل
الحاجة التانية انهم وجدوا بيانات خطأ فى اوراق بعض المتعاقدين بعتوا لاصحابها بغرض تصحيحها او اعادة كتابتها للناس الللى نسيوا يكتبوها وذلك بغرض وضع جميع الاوراق مظبوطة على جهاز الاسكانر ازاى بالعقل كدة يصححوا ناس ويسيبوا الناس التصحيح او وضع الاوراق على الاسكانر حيكون دفعة واحدة للكل ومش حياخد غير ايام قليلية لانه الاسكانر بيصحح كذا الف ورقة فى اليوم

سبحان الله!
هو انا ذكرت اسمك
انا قصدى اللى انت اصلا علقت عليهم زى اللى قال شهر 7 وغيرهم
يعنى ردى تاييد لك مش العكس!!

لا حول ولا قوة الا بالله
انت برضك مش مقتنع ان النتيجةفى منتصف يناير
بالفعل وجدوا اخطاء فى بينات بعض المتعاقدين وانا قلت امبارح ان فى الاكاديمية الزقازيق معلقين اسماء الناس اللى عندهم اخطاء واللى كان عنده خطأ كان بيطلع الدور التانى للاكاديمية عشان يصححوها يعنى العملية مش معقدة ولا فيها تعقيد ولا تستدعى المماطلة او التاخير

لا اله الا الله

ياريت تقرأ الكلام اللى انا قايله وردك وانت هاتلاقى انك اتسرعت فى الرد

اللى انا كاتبه ان مافيش تعيين الا فى شهر 7 تعيين مش ترقية

كل اللى امتحنوا قبل كده معينين بالفعل احنا بس اللى ان شاء الله لسه هانتعين

ولو بصيت على اى تعيين حصل قبل كده لعدد كبير هاتلاقيه حصل فى شهر 7 طبعا بيبقى فيه حالات خاصة من تحت الطرابيزة فى شهور تانية بس بتبقى على درجات موجوده اصلا

لكن احنا مالناش درجة مالية نتعين عليها وما يقدروش يحطوا الدرجة المالية الا فى شهر 7

ده اللى انا اعرفة من اللى شفته قبل كده وياريت يا سيدى نتعين الشهر ده قبل اللى جاى

عامة كلها شهرين وكل حاجه هاتبان ان شاء الله ومش كلامى ولا كلامك اللى هايحدد ايه اللى هايحصل

الززير مقالش 15/1 قال منتصف يناير ومعني منتصف اي من 13 ال 20

يا جماعة كدة بالعقل تبقى امتحانات نص السنة شغالة ويربكوا الناس بالنتيجة

على العموم الاخبار الاكيدة كالاتى
1- كله ناجح
2- لن تحجب النتيجة عن احد حتى اللى ممعهوش icdl
3- مفيش امتحان دور تانى لاحد بالتالى
4- اللى امتحن فصل وهو مادة مش رايحيين يعملوا ليه حاجة
5- التعيين على درجة من 1/7/2010
6- النتيجة بانتهاء شهر يناير وليس منتصفه حسبما اعلن الوزير
7- التصحيح حيبدأ 10/1/2010 القادم حسبما اتفقوا فى لجنة التصحيح
8-حاليا مرحلةتصحيح وتظبيت للبيانات والاكواد بتاعة الكراسات تمهيدا لتمرير الورق كله على الات الاسكانر

وبعدين الاخبار دى حلوة مفروض نفرح بيها حتى ولو كانت غلط من باب بشروا ولا تنفروا
مش نفندها على انها اقاويل لا صحة لها
هو انا قلت مثلا النتيجة 50% وومفيش تثبيت وبتوع الاسي دى ايل مش حتيعينوا اللا لما يجيبوها والكلام ده

التصحيح هيبدا 10/1/2010؟
طيب والورقة اللى معلقنها فى الاكاديمية باسماء المتعاقدين اللى عندهم اخطاء فى البيانات فى ورقة الاجابة بتاع الكادر جبوها منين ولا هما بينقوا اى اسماء وبيعلقوها

وان معاك انهم كانوا بيراجعوا البيانات بس هما خلصوا المراجعة خلاص والدليل على كدة انهم علقوا اسماء اللى عندهم اخطاء وعلقوها فىالاكاديمية عندنا يوم الاتنين بتاريخ28/12/2009 دة دليل انهم خلصوا مرحلة المراجعة البيانات اية بقى اللى يخليهم يصححوا يوم 10/1/2010

وكمان مالها متحانات نص السنة بالنتيجة؟ انت بتقول انها هتلهى الناس؟ لية هى نتيجة ثانوية عامة؟ دة نتيجة حوالى 72000 معلم وهتظهر مساءا مش ساعة الامتحانات يعنى

وبالنسبة تنفيذ التعيين انت بتقول اها هيتم فى 1/7/2010 كان عملوها مع المدرسين اللى امتحنوا فى اغسطس وسبتمبر ولا اية راى حضرتك هو مفيش حد عندك فى المدرسة مدرسيين امتحنوا فى سبتمبر واعسطس نجحوا واخدوا الكادر ولا هيستنوا معانا مع السنة المالية الجديدة؟

وحضرتك كلام اللى انت كتبه ده هو اللى صح وكلام الوزير هو اللى غلط او كلام الموظف اللى اقلك هو كلامه اللى صح وكلام وزير التعليم هو اللى غلط؟


على فكرة الوزير كان عندنا فى الشرقية امبارح
http://www.thanwya.com/vb/showthread.php?t=174328

هو حضرتك معلم مساعد؟

http://www.thanwya.com/vb/showthread.php?t=174316

5.3 مليار جنيه لتسكين مليون معلم في المرحلة الثانية للكادر
معايير موحدة لترقيات المدرسين كل 5 سنوات




لية مش استنى فى السنة المالية الجديدة اللى هيبدأ 1/7/2010؟

التصحيح فى 10/1 لانه مش حياخد اكتر من 3 ايام وانا فعلا معلم مساعد يعنى مصلحتنا واحدة وهما مستنيين برضه لاكتمال باقى الاوراق

على فكرة الوزير بيغلط احيانا والدليل ثوانى

الجمهورية تنفرد.. وتنتظر تكذيب الجمل
تعديل مواصفات امتحانات التيرم الأول
اختصار أسئلة الانجليزي لجميع الصفوف
دروس التعليم الذاتي.. لن ترد في الأسئلة
المدرسون: ياخسارة.. نحن آخر من يعلم
التعليمات وصلت.. بعد أن جلس التلاميذ في بيوتهم
سيد جاد ومحمد بهاء الدين
تنفرد "الجمهورية" بنشر التعليمات الصادرة من مكاتب مستشاري المواد إلي§ موجهي العموم والموجهين بشأن وضع امتحانات النصف الأول من العام الدراسي الحالي.
.. وكما أنفردت "الجمهورية" من قبل بنشر ما تضمنته نشرات المستشارين بشأن حذف أجزاء كبيرة من المناهج وأسرع المسئولون بتكذيبها علي خلاف الواقع وتنتظر "عقول تتفتح" رد المسئولين وفي§ مقدمتهم الدكتور يسري الجمل وزير التربية والتعليم علي ما تنفرد به اليوم.
أصدر المستشارون نشرات وزعوها علي§ مديريات التربية والتعليم "والله أعلم" إذا كانت هذه التعليمات مرت علي§ الدكتور الجمل والمسئولين بقطاع التعليم العام أم سيفاجأ بنشرها كما حدث في§ واقعة نشر المحذوف من المقررات.
تضمنت النشرة التي اعتمدتها سعاد شاكر مستشار اللغة الانجليزية يوم الاربعاء 18 نوفمبر وأرسلتها إلي مديريات التربية والتعليم بالمحافظات أنه نظراً للظروف التي تمر بها البلاد وحتي نخفف العبء علي ابنائنا الطلاب نرجو اتباع الآتي في امتحانات الفصل الدراسي الأول:
* اعتبار كتاب الأنشطة "workbook" دفتر التكليفات ويجب علي المعلم تصحيح التدريبات المكلف بعملها التلميذ بالمنزل وكتابة ملاحظاته عليها.
* أن تكون الاختبارات التحريرية للشهور مشابهة للتدريبات التي قام المعلم بتدريسها بالفصل.. وأن تكون اسئلة الورقة الامتحانية في§ اللغة الانجليزية اسئلة موضوعية مثل الاختيار من المتعدد والمزاوجة والترتيب ويتم استبعاد الاسئلة التي تتطلب الحفظ والاستدعاء.
* أن تكون اختبارات الشهور نموذج نهاية الفصل وأن تصل هذه الفكرة..مؤكدة علي أن تخلو الاختبارات من التعقيد وتتسم بالاختصار والوضوح.
طالبت مستشار اللغة الانجليزية الموجهين القائمين علي§ أعداد امتحانات الفصل الدراسي§ الأول للعام الدراسي 2009/ 2010 بالالتزام بأن تكون امتحانات الصف الأول والثاني الابتدائي شفهية كما هو متبع.
أضافت أنه بالنسبة لامتحان الصف الثالث والرابع والخامس الابتدائي يتم توزيع درجة السؤال الأول والثاني بالمادة السمعية "listening" علي باقي الأسئلة.. بمعني أن تكون ورقة امتحان الصف الثالث الابتدائي خمسة أسئلة فقط والرابع الابتدائي ستة والخامس الابتدائي سبعة.
أشارت إلي شأنه بالنسبة للصف السادس الابتدائي يتم الغاء السؤال السادس "a" و"b" وتوزع درجة السؤال علي§ باقي الاسئلة الثمانية.. ويلغي السؤال رقم "6" أيضاً من ورقة الصف الأول الاعدادي وتوزيع درجته علي§ باقي الأسئلة الثمانية وكذلك في الصف الثاني الاعدادي يتم توزيع درجة السؤال رقم "6" "a" و"b" علي§ باقي الاسئلة الثمانية.
اضافت سعاد شاكر انه بالنسبة لورقة امتحان طلاب الشهادة الاعدادية يتم الغاء السؤال رقم "6" الخاص بالقواعد "rewrite" وتوزع درجة السؤال علي§ باقي الاسئلة الثمانية الاخري ويتغير السؤال رقم 9 "a" الخاص بالقصة المقررة إلي الأتي:
ان يتم اختصار اسئلة القصة لسؤالين فقط بدلاً من أربعة وعلي§ الطالب أن يختار أحدهما وتحسب له نفس الدرجة وهي "4" درجات.. أما السؤال رقم 9 "b" وهو التكملة فيختار الطالب أحدهما وتحسب نفس الدرجة "درجتان".
قالت سعاد شاكر أن ورقة امتحان اللغة الانجليزية للصف الأول الثانوي ستتضمن سبعة أسئلة فقط.. حيث تم الغاء السؤال رقم "4" "a,b" والسؤال رقم "7" أيضاً مع توزيع درجاتهم علي باقي الأسئلة.
أضافت أنه بالسنة للسؤال رقم 8 "a" والخاص بالقصص القصيرة يوضع سؤالان علي كل قصة ويختار الطالب الاجابة علي§ سؤالان فقط وتحسب له الدرجة كاملة درجتان لكل سؤال.. وبالنسبة للسؤال رقم "8 b" يوضع سؤالين علي القصتين يختار الطالب الإجابة علي أحدهما وتحسب الدرجة كما هي "ثلاث درجات لكل جزئية درجة".
وبالنظر للنشرة التي تم توزيعها والتدقيق في السطر الأخير الذي تضمن كلمة القصتين.. فقد جانب سيادة المستشارة الصواب لأن المقرر علي طلاب الصف الأول الثانوي ثلاث قصص وليس قصتين حيث إن الثالثة تركت للتعلم الذاتي حسب تصريح الوزارة في§ السابق والتعليمات صريحة وهي عدم تضمين ورقة الأسئلة لأي جزئية من دورس التعليم الذاتي.
من جانبهم أعرب المدرسون عن استيائهم من النشرات السرية التي تصدرها الوزارة وتأتي قبل الامتحانات بأيام ويكونوا قد دربوا الطلاب علي الانماط القديمة للورقة الامتحانية.
أضاف المدرسون أن الموجهين يرفضون اعطاءهم النشرات الكتابية خوفاً من وسائل الاعلام وجميع التعليمات شفهية.. مؤكدين علي أن التعليمات التي صدرت لهم تتلخص في ان تكون الأسئلة واضحة ومباشرة أو بعبارة أخري من العناوين.
أتفق المدرسون علي ان المسئولين بالوزارة يتلاعبون بالألفاظ في الأونة الأخيرة وجميع قراراتهم لاتتسم بالشفافية فبدلاً من استخدام مصطلح الغاء أو حذف يستخدمون مراوغات اخري مثل مصطلح توزيع الدرجات وكأنهم يخشون الرأي العام أو يخافون من مطالبة أولياء الأمور بحذف هذه الأسئلة في السنوات القادمة مادام قد اعترفوا بأنها اسئلة حفظ ولاتعتمد علي الفهم

أنا في إعتقادي إن شاء الله النتيجه في واحد لانها غالبا مبتتأخرش عن شهرين