بخصوص فصل الكادر عن المرتب
 

السيد وكيل الوزارة بمحافظة سوهاج يطالب بفصل المرتب عن كادر المعلم و بالتالى يمكن صرف الكادر عند توفر نقدية بعد عدة شهور فهل هذا من حقة ام هذا رد على حرمان الاساتذة العاملين بالمديريات و الادارات من الكادر الا لو قاموا بالتدريس الفعلى ام هو قرار وزارى فارجو من السادة المعلمين بالمحافظات الافادة مع العلم بان قانون الكادر هو فى الاصل قرار جمهورى فكيف يتم تعديل القرار الجمهورى بقرارت وزارية او محلية ام هناك شئ غير واضح نحن لا نفهمة

ما هو مصدر الخبر

اشكرك على مساهمتك و الخبر مصدرة منشور من مكتب وكيل الوزارة قراتة بنفسى وكان هذا المنشور هو المبرر لرفض ادارتنا استلام استمارات المرتبات مدرج فيها خانة الكادر لشهر يناير

هذا الكلام في سوهاج فقط لاني من شوية قرات واحد في المنتدي كاتب علي الموضوع ده ومن ردود الافعال كان انه في سوهاج بس

احنا مش عارفين حال المعلم هيوصل لغاية فين كادر وامتحنا ونجحنا وحصلنا على فلوس الكادر كما لو كانت بيتفضلوا علينا بيها

وبعد ين ؟؟؟؟ فيه موظف حكومى بيحصل له زى ما بيحصل للمعلم ؟ هو ده الإصلاح الذى نادى به سيادة الرئيس للمعلم؟


ياترى الناس بعد ما رتبت أمورها على الدخل الجديد هاتقدر ترجع تانى ؟

شكرا على مشاركتك لكن السؤال الان هل من حق السيد وكيل الوزارة التصرف فى صرف الكادر بهذة الطريقة

شكرا على المشاركة لكن هل سياتك من محافظة سوهاج ولا حضرتك من محافظة اية و هل هذا يحدث فى محافظتك ايضا

ايوة انا من سوهاج ادارة سوهاج التعليمية بالفعل موجود اعلان بالفصل الكادر عن المرتب بس بحجة

اعطاء كل مدرس نصابة القانوني من الحصص بس انا اعتقد انها امور سرقة بحجة النصاب القانوني للحصص

وكيل وزارة سوهاج حرامي دي من الاخر ؟

شكرا على تعليقك لكن لا زال السؤال هل من حق السيد وكيل الوزارة (ولة كل الاحترام) حرمانا من الكادر بهذة الطريقة بعد ماتعودنا علية و رتبنا امور حياتنا بناء علية و منها التوقف عن الدروس الخصوصية ثم ان مبررة لا علاقة لة بفصل الكادر عن المرتب ام هى فقط حجة و الهدف الحقيقى مبهم

طبعا حرامي لان الفلوس بتيجي من شهريا مع المرتب لكن هو هيفصلها شهر او اثنين وياخد فايدتها في جيبه, دة غير ان هو بس دلوقتي انتبه لحكاية النصاب دي كان فين من بداية الصرف, المفروض هو ميوقفش الصرف لكن يخلي الموجهين يوزعوا المدرسين اللي نايمين في مدارس المدينة بتاشيرات سيادته وكل واحد واخد 6 حصص

شكرا على مشاركتك اللى جابت من الاخر مع التحفظ على اى كلمة مسيئة

شكرا على تعليقك لكن اللى تستغربى لة ان سوهاج هى المحافظة الوحيدة اللى ماشيين فى المدارس بنظام مدرس و مدرس اول وملهمش دعوة بمسميات الكادر الجديد اللى بيعتبروها هوجة و هتنتهى شوفتى التفكير وصل لاية

أعتقد أن ترسلوا بفاكسات الى الوزير الجديد 0000 لعل وعسى يكون الجديد ممن يستمعون الى اصحاب الحقيقية وليس الى الساده المستشارين فى الوزارة

شكرا على المشاركة و ان شاء الله هيحصل

لا بد أن يكون لنا _ مدرسي سوهاج _ وقفة وإذا لزم الأمر التهديد بمنع امتحانات الفصل الدراسي الأول
البلد دي لا ينفع معا إلا العين الحمرا

اشكرك على المشاركة واتفق معك تماما بس مش عايزين كلام و بس و ياريت نبتدى بجد

شكرا على المشاركة و يا ريت اى حد من الزملا يكتب لنا رقم الفاكس

حسبنا الله ونعم الوكيل في سوهاج والعاملين في التربية والتعليم فيها

شكرا على مرورك

ارجو من المعلمين فى سوهاج التوجه إلى اعضاء مجلس الشعب والشورى فى المحافظة لمحاولة منع وكيل الوزارة من التصرف فينا كيفما شاء وإلا سوف نقوم باضراب عام عن الامتحانات بس نبقى يد واحدة ضد هذا الحرامى

شكرا على المشاركة بس المهم الفعل مش كلام و بس

هما حاسن انهم انعموا علينا بالكادر وحاسين انه حاجه امله للمعلم والموضوع وسع منهم مش عارفين يسرفوا ازاى طبعا الفلوس فى البنوك اما يديها لنا كل شهر مش حيطلع له منها حاجه زى لو حن علينا هو كل كام شهر على الفلوس متجيب ربحها والله المستعان

افيدونا واعطونا اخر كلام مدير ادارة التعليم الابتدائى مسكن معلم خبير وفضله سنه على المعاش يروح يدرس ويترك الادارة فمن يشغل الادارات بعد ذلك

سوهاج
 

الى من يهمه الامر
الان الادارات التعليمية خلت من القادة واللى بيشغل الادارة ادارى اواثنين هل هذا معقول
هل الكاد جاء خراب على التعليم
طيب لو عايزين تسدو العجز فى التدريس وتوفرو فلوس الدوله
لماذالم يتم تنفيذ القانون 155 بحذافيره
الموجه له 40 مدرس يوجه عليهم (ولكن حتى الان هناك توجيهات بها 13 موجه منتدب وفى الاصل توجيه يحتاج ال2 موجه فقط ) هل هذا معقوق

شكرا على المشاركة لكن هو مش بيدينا من جيبة واحنا لو فى بلد متحضر مكنش فكر سياتة مجرد تفكير فى انة يحرم الالام من اموالهم اللى كفلها لهم القانون

شكرا على مرورك لكن دا مفيش مشكلة بالنسبة لة لان خلاص فاضل لة سنة و يرتاح عقبالنا

كلام جميل كلام معقول و ننتظر تنفيذ القانون بحزافيرة

نيابة عن مدرسى ادارة جهينة التعليمية

نحن نشجب ونستنكر وندين قرار وكيل وزارة التربية والتعليم بسوهاج بحذف المستحقات المالية للكادر من مفردات المرتب
مهما يكن سبب هذا الحذف ،ونتوجه الى الوزير الجديد ان يتدخل فى هذه الكارثة حتى لا نضطر الى الاعتصامات والاضرابات

والله دا تهريج .....ازاى واحد من نفسه يعمل كده
المشكلة ان دلوقتى العاملين بالتربية والتعليم قسمان
1- قسم فرحان لخصم فلس الكادر لان ملوش فيها
2-قسم هيطق لانه فلوسه ومستحقاته ضاعت
ربنا يرحمنا.....وسلملى على اصلاح على التعليم

في إدارة سوهاج قلق من مرتبات يناير وحاسين بأن فيه حاجة مريبة مش بعيد يقولولنا هاتوا الفلوس اللي أخذتوها واحنا ملحقناش نفرح بيها احنا بتوع كادر مايو يدوب شهر واحد كان المفروض الواحد يتصور جنب الكادر ده اليتيم ويجعله عامر .........

الواحد مصاب باحباط شديد ومش قادر اتفائل بالمستقبل ..... دا احنا المعينين من 99 فما بالك بالمتعاقدين ... الله يكون في عونهم ما بين الدبلوما والـ icdl ... أو بين المطرقة والسندان ... يا رب اجعل للكل مخرج من هذا الكادر اللعين ...واجعل دار المسئولين عن التعليم في مصر خرررررررررررررررررررررررررررررررررررراب .....

شكرا للمشاركة و للعلم التفكير فى الاضراب فى عقل مدرسين كل الادارات وليست ادارة جهينة فقط

شكرا للمشاركة و مش للدرجة دى متقلقش ان شاء الله مش هيتنفذ قرار وكيل الوزارة

معك حق الا فى الدعوة الاخيرة فلنطلب لهم الهداية

شكرا على المشاركة الجميلة و بالفعل هذا ما حدث و الحمد لله

شكرا على المشاركة و لقد وصل فاكس بالفعل اليوم الى مديرية سوهاج بانة لا مساس بالكادر

بصراحة أعتقد إن وزارة التربية والتعليم هى الوزارة الوحيدة اللى فيها كل التخبط ده فى الأراء وماحدش عارف هانوصل لغاية فين كل من وصل إلى منصب يريد أن يظهر بأنه القمة فى صدور القرارات ولا توجد معارضة لتصرفاته

جميع المحافظات منذ ظهور نتيجة الكادر بدات التطبيق والكل ماشى صح طبقاً لقواعد الكادر , وهو فيه وكيل وزارة عمل ده قبل كدة .

نحن نناشد السيد الرئيس بسرعة التدخل لايجاد حل لمشكلة محافظة سوهاج مع وكيل وزارتها

انا أتسائل ياترى لو محافظ سوهاج أصدر قرار بوقف مايصرفه وكيل الوزارة عن أعمال الامتحانات والكنترولات ماذا سيكون رد
فعله ؟ هل سيقول أن المديرية لا يوجد بها فلوس ؟

اتفق معكى تماما فى كل ما قلتى لان السيد وكيل الوزارة لا يطبق قانون الكادر طبقا للقرار الجمهورى و يترك الموجهين و الاداريين يفعلوا ما يحلو لهم مثل استخدام المسميات القديمة كمدرس اول و تفضيلة على معلم اول أ الذى لم يكون مدرس اول قبل الكادر وهذا على سبيل المثال

اتفق معكى ايضا فى هذا الكلام ولكن الذى يهمنا هو عدم المساس بالكادر يا سيادة الوكيل

نيابة عن معلمى إدارة البلينا التعليمية

نتوجه إلى السيد اللواء محافظ سوهاج
وإلى السيد الدكتور/ أحمد زكى بدر وزير التربية والتعليم

مطالبين سيادتهما بالتدخل السريع لمنع المهزلة التى سوف تحدث فى سوهاج من بين كل محافظات مصر وهى إيقاف صرف المرحلة الثانية من الكادر لمعلمى سوهاج أو فصل الكادر عن المرتب وهو ما لم يحدث فى أى محافظة أخرى ونطالب سيادتهما بالتدخل الفورى لمنع مايحدث أسوة بجميع زملائنا فى جميع محافظات مصر

اشكر مشاركتك و اخبرك بانة تم بالفعل ارسال فاكس لمدديرية سوهاج من الوزارة بعدم المساس للكادر

الرجاء رفع صورة الفاكس الوارد للمديرية للاهمية القصوى وهل هذا الكلام صحيح ولا اشاعة

شكرا على المشاركة و نرجو من الزميلة امل التى جاء الفاكس بمدرستها رفعة على المنتدى ولكى جزيل الشكر او اى زميل اخر لدية صورة الفاكس ولة جزيل الشكر

وكفايه بدل النقدي هو في نقابه ولا