امتحان 2010
 

قرر السيد الوزير احمد زكي بدر ان امتحانات الثانوية العامة 2010 سوف تكون مختلفة عن الاعوام السابقة تماما

ممكن بس توضح مختلفة ازاى؟

يعني مسائل التافه اللي في المنهج وصعبة

انا سمعت انها هاتبقى صعبه ونسبه كبيرة منها "ربع ورقه الامتحان للطالب المتفوق"
ده شاكله ناولنا على نيه جميله

بالعربي الامتحان جاي ناااااااااااااااااااااااااااااااااااااااااار

ياخب بفلووووووووووووووس

والله انا مش بنام بسبب الموضوع ده وعايزه حد يطمنى مش يرعبنى

علي فكرة الأمتحان اتحط قبل ما الوزير يجي

حرااااااااااااااااااااااااااااااااام انا بدات اقلق

لا بالعكس دا انا بقة سمعت ان الامتحانات جاية سهلة
علشان انفلونزا الخنازير و قفل مدارس كتيرة
و عموما سهلة و لا صعبة احنا نعمل ال علينا و خلاص

ههههههههه نعم القول والله .......... فعلا احنا مش هانشوف اللى غير اللى مكتوبلنا

حتى لو جه صعب يعنى

افتكروا الايه ديه على طوووووووووووول

بسم الله الرحمن الرحيم

{ ولا تحسبن الذين قتلوا في سبيل الله أمواتا بل أحياء عند ربهم يرزقون .}

على قد مجهودك هتكون درجتك
وربنا مش هيظلم حد

ربنا يستر
ان شاء الله ربنا مش هيضيع لحد تعب أبدا
بس كل واحد يستعين بربنا وياخد بالأسباب
ويعمل اللى عليــــــــــــــــــــه

:bosyht9:انا من رأي ان الثانوية ديه تعجيز للطالب
ما هو لو حبوا يحدمونا وجابوا الامتحان سهل يجيبوا السهل الممتنع ويقرفونا فى الدرجات و التنسيق
ام لو جابوا صعب يبقى معقد ومبيتحلش
انا نفسى اعرف كان هيحصل ايه لو دخلنا الجامعة من الاعدادى مش كان هيبقى اريح لينا وليهم!:excl:

ربنا يسطر لسه جديد و هيشتغل علينا احنا دفعه التجارب

ما هو زمان مكنشي حد يقدر يجيب 99% ولا حتي 95% دا كان الاول ممكن يكون جايب 89% وكان بيبقي طاير من الفرحة وكان بيدخل طب وهندسة وكل الي عاوزة الحكايه بس عاوزه شوية صبر و اذا الامتحانات جت صعبة زي ما بيقول لازم ينزل التنسيق وان شاء الله ربنا يوفقنا.

بس خلاص ايه التشاؤم الى انتم فيه ده كفايا حرام

هههههههه فكرة جميله انا معاك فيهاااااا وبعدين ليه من اعدادى من ابتدائى احسن وكل واحد عايز يدخل كليه معينه يدرسها من البدايه بدل وجع القلب الى احنا فيه وبعدين انا هاعرض على الوزير الحكايه دى مش جاى يقلب الدنيااا يقلبها بالمرة بقى
والى موافقه ياجماعه يقول علشان نكتر ونطالب بكده والله احسن بجد

انا عايز اعرف اللى هوا فى وقت نذاكلر ولا القطار فاتنا خلاص

طب مدام محدش هيجيب ف التسعينات يبقي اكيد التنسيق هيقل يعني مش معقولي الطلبة هيجيبوا80ف الميه وطب تبقي من 98 ف المية مين اللي هيدخل

مش هنقدر نقول الا ربنا معانا

ربنا يسطر يا جماعه والإمتحانات تيجى سهله بس أنا سمعت ان الأمتحانات موجوده قبل ما الدكتور أحمد زكى بدر ما يدخل الوزاره والإمتحانات فى الوزاره وكل واحد هياخد على قد نيته وربنا يسطر
اعمل يا ابن ادم كما تدين تدان
************************

حسبي الله ونعم الوكيل في كل المسئولين في مصر بداية من الكبير الي الصعاليك ومحدش يقولي ان ان غلط

ياجماعة مترعبونيش انا خايفه اوى

]شكلها كدة سنة سودة علينا وهو فعلا الامتحانات وضعت قبل ما الوزير دة يمسك الوزارة بدل الجميل المهنينا اللي كان قبله ارجو الرد سرررريعااا
[/

انتوا كده قلقتونى اكثر ما انا قلقانة
يعنى اصدق انا مين دلوقتى ؟؟؟
على العموم ربنا معانا كلنا
واللى فى خيييير حيقدموا ربنا ان شاء الله
و احنا نذاكر كويس و نعمل اللى علينا

للاسف هوده الى عايزينه بدل ماكل سنه الاف يدخلوا طب ومحدش بيتعين فقالوا يحلوا مشكله البطاله على حسبنا وبعدين ياجماعه كفايه كلام عن الامتحاانات ويياريت محدش يشغل باله وزى ماانا قولت الثانويه دى مساله نصيب وتوفيق من الله بس
وتقريبا لو الوزير ده ناوى على حاجه مش هتبقى سنتنا لانه لسه جديد ومش عايز يقلب الدنيا عليه توقعه ده السنه الى جاييه
وادعو اااااااااااالله ربنا يكرمنااا

مش معنى ان الوزير يقول ان الامتحان ح يجى بشكل تانى يبقى جاى صعب طبعا لأ
لأن المنهج بتاع الكيمياء متغيرش من فترة كبيرة وطبعا اتعرف خبايا المنهج وده احنا نقدر نعرفه من خلال حلنا لامتحانات كتيرة ومتخافوش من الامتحان

بسم الله الرحمن الرحيم
أعتقد إن الطلبة وظيفتها المذاكرة و الاجتهاد و التوفيق من الله
( إن الله لا يضيع أجر العاملين)

انا عايزة ادخل طب وذاكر ليل ونهار مش حرام يتساوى كله ببعض وعلى فكرة اخي كان في البلوى العامة وكان المفروض يجيب 98%بس جابها بالعكس اى 89% من الحسد اللي نازل عليا انا وهو من كل الناس وبالذات اقاربنا وجيرنا ومن كتر الحسد لبسنا نضارات وهو دخل علوم وبيشد في شعره يعني كله محصل بعضه

خطة لإصلاح مصر
1-إقامة مصانع لصهر المخلفات وتصنيع مادة أقوى من الصلب .
2-اخذ الصلب الناتج وإقامة جسر يوصل بين الإسكندرية والسودان وإقامة 12جسر عرضي متفرع على جوانبه .
3-إقامة 3 منشآت نووية للصنيع عالي الجودة والعلاج المعقد.
4-إقامة وكالة فضائية عالمية وتشغيل بها خريجون العلوم قسم علوم الفضاء.
5-إقامة مستشفيات تعالج الأمراض الخبيثة وتعيين بها أطباء قسم أورام.
6-إقامة 10مصانع لتصني الأجهزة الطبية المعقدة .
7-جعل التعليم عبر الانترنت المدرسي وتوسيع نطاق المعلومات المعرفية للطلاب .
8-إقامة منشأة ضخمة تعمل على توليد الكهرباء من خلال إقامة سخانات شمسية بالصحراء الغربية .
9-إقامة مجمع جامعات لتعليم النانو تكنولوجي والطب المتطور والزراعة عالية الجودة.
10-تخريج علماء قادرين على الاستكشاف الفضائي.

:039uw8:

طب حد يقولى مين الدكاترة اللى حيتوا الا متحانات

يالهوووووووووووووووووووووى عليكم الوزير قال انه هيخلى 25 فى المية من الامتحان نسبة ذكاء والنسبة دى اصلا كانت فى الامتحانات مجابش التايهة يعنى

ربنــا يسترها علينا كلنا ان شاء الله

اولا لازم نستعد كويس جدا لمواجهة اى امتحانات وعلى العموم انا اسمى احمد ومن بنى سويف ولو حد طلب منى اى مساعدة فى اى وقت انا موجود ورقمى 0118949243

يا جماعة ان شاء الله كل حاجة تبقى كويسة

بس نقول يارب

وده كلام عمو احمد ذكى بدر

http://knowledge.moe.gov.eg/NR/rdonl.../170120103.jpg
وعن امتحان الثانوية العامة هذا العام، أوضح سيادته أن الامتحان
سيكون مختلفا عن الأعوام السابقة، بمعنى أنه لن يكون أصعب
، ولن يقيس مستوى الحفظ فقط ،
ولكن سيقيس أيضا مستوى تحصيل الطالب وقدرته على الابتكار والتفكير
، وهناك مواصفات للورقة الامتحانية وضعها المركز القومى للامتحانات والتقويم التربوى
سيتم تحقيقها بالمستوى المطلوب.

يا جماعة ده كلام فاضى والامتخانات لا صعبة ولا حاجة كل سنة بيقولوا الكلمتين دول عشان يخوفونا وخلاص والامتحانات بتيجى عادية جدا
وبعدين حتى لو جت صعبة السنة دى ايه يعنى هيبقى أحسن عشان يبان الفرق بين اللى بيذاكر طول السنة ويجتهد وبين اللى مقضيها لعب وعايز يدخل طب
وياريته فعلا يغير من اسلوب الامتحانات اللى بتعتمد على الحفظ فى المقام الأول ويدى بقى فرصة لعقول الطلبه انها تشتغل شوية بدل ما عقولنا قربت تصدى وعايزالها وشين صنفرة من كتر الحفظ وقلة التفكير

احنا نعمل الى علينا وربنا معانا وفعلا ملناش دعوة بالكلام يمكن يكون حقيقة ويمكن لا

ان الله لا يضيع اجر من احسن عملا

والله يا اخواني انا خوفت بجد عشان انا لسة جاية من السعودية السنة دي وجاية على تانية ثانوي وفي علمي وانا اساسا ضعيفة في شوية مواد كدة انتوا عارفين بقى زي الانجليزي اللي انا في عقدة منه ادعولي
بس والله اللي يظلم حد ربنا مش هيسيبوة وربنا على اللي يظلم بالذات الغلابةاللي زينا
وانا عن نفسي هذاكر واعمل اللي هقدر علية بس انتوا ادعوا

يا جماعة من الاخر اللى مذاكر بجد وبحق ربنا وبيتعب اوى اوى ربنا هيجازيه على اد تعبه
والخوف من الامتحان ده حاجة غلط جدا لان الخوف والرعب هيخلينا نخاف ومنعرفش نحل حتى لو السؤال تافه

المفروض نعمل اللى علينا
اللى علينا بجد مش هزار
ونسيب الباقى على ربنا سبحانه وتعالى
وسيبكم من الكام الاهبل اللى يقولك امتحان صعب او سهل ما ييجى زى ما ييجى
المهم نذاكر ومنخليش اى حاجة عبيطة زى دى توقف حماسنا
من الاخر صعب او سهل مش هييجى من برة المنهج المهم نتمسك بحلمنا واملنا ان احنا نجيب مجموع كويس
ولازم ندعى ربنا كتير اوى ونصلى بلاش يكون البريك بتاعتنا ناكل او نقعد قدام التليفزيون خليها احسن ركعتين شكر لله عز وجل ودعوة من القلب عشان نرتاح نفسيا ونحس ان احنا زاكرنا بجد ومش مقصرين

ربنا معانا كلنا يا رب

لايشغلكم الموضوع ده وركزوا فى عملكم

de a7san 7aga 2oltha ya 3m smsm bs ana 5ayf mn eny ad5ol emt7an we t2blny 7aga s3ba f ansa kol 7aga zkrtha 7ta el shl we momken at3sb we athgem 3l mora2eb we el nas el a3da we ma ashofsh odamy we 3la fekra ana 3mlt keda f sna mn el seneen .bs el 7kaya we kol ma feha eny m2drsh at7kem f enf3laty we de 7aga feya mn zman ll2sf lw 7d 3ndo 7l ye2oly lw sm7tom