|
أدخل وقول اللى فى نفسك بصراحة
:av4056bb7jp3:السلام عليكم ورحمة الله وبركاته:av4056bb7jp3: يــاريت الطلبة اللى على المنتدى تهتم بالموضوع ده جامد جدا هوة الموضوع عبارة عن كل واحد نفسه يبقى ايه بس بامانة وبصراحة ومش كدة وبس وكمان يكتب السبب وهوة ممكن يضيف ايه جديد للمهنة اللى هوة عايز يمارسها لما يكبر علشان انا هحتاج ارائكم باذن الله فى موضوع انا بدرسه فى الوقت ده :slap1qk6:أرجو من جميع الطلبة الاهتمام بهذا الموضوع :slap1qk6: :slap1qk6:وباذن الله انا هرد على كل استفساراتكم :slap1qk6: :slap1qk6:وأسئلتكم الخاصة بالموضوع:slap1qk6: :078111rg3:والسلام عليكم ورحمة الله وبركاته:078111rg3: |
أنا مفسي أكون عالمة أو دكتورة
و في كلا الحالتين علشان أساعد و أعمل حاجات جديدة و اكتشافات و اختراعات و كل حاجة مفيدة بس لما بأقول عالمة دي للبعض بيستغريها مش عارفة بس من ناحية الكلية عاوزة طب علشان مجموعها نفسي أجيبه و كلية علوم مجموعها قليل عليها بصراحة لأنها بتخرج علماء ممكن إنها تتساوي بالطب |
والله اللى نفسه يطلع عالم لابد انه يكون بيحب الابتكار والابداع فى كل شىء حوله والصفة الثانية ان يكون منظم ومرتب فى كل شىء والصفة الثالثة ان يكون لديه معرفة كاملة بقيمة الوقت وكيفية استغلال الوقت فى خدمة الاخرين وفى الختام اتمنى ان تحققى أملك فى الحياه بس ياريت ماتنسانيش أوك
سلام عليكم |
انا بقى نفسي ابقى مهندسة كمبيوتر
لآني بحب الرياضة جدااااااااااااااااااااااا والحاسب كمان |
انا بقى يا مستر نفسى وحلم حياتى انى ابقى مهندس كمبيوتر لانى بموت فى حاجة اسمها كمبيوتر وانا بحب اخترع فية حاجات حتى انا دلوقتى بعرف اصلح الاجهزة البايظة وعارف كل اسرار الكمبيوتر الحمد لله يعنى وان شاء الله هحقق الحلم دة باذن الله لانة حلم حياتى ومن حيث اللى هعملة انا هخترع برامج وحاجات جامدة هبقى اديها لحضرتك يا مستر بس اما احقق الحلم هههههه تحياتى للجميع |
يارب الناس كلها اللى بتحلم انا تكون حاجة معينة وقدامها هدف معين تحققه وانا من رأى اللى عايز يتخصص فى مجال معين ويبدع فبه سهل جدا ولكن مع الجد والاجتهاد وطبعا الناس اللى عاوزين يطلعو مهندسين كمبيوتر أكيد حاليا يعرفو معلومات كتير عن نظم التشغيل ومفهوم الانترنت وكيفية التعامل معاه ويحاول ان يستفاد من اللغات اللى بيدرسها كمان هتفيده جدا فى المجال ده وربنا يوفق الجميع باذن الله والسلام عليكم ورحمة الله وبركاته
|
على فكرة الموضوع ده مش خاص ب 3 اعدادى بس ولكن لجميع طلاب المنتدى ولكم جزيل الشكر
|
أنا نفسى اطلع مهندسة كمبيوتر عشان اعمل جامعة هندسة ليا واجيب الطلاب الجداد اللى متخرجين من هندسة واعلمهم واخليهم يدرسوا عندى عشان كل الناس تجيلى من جميع انحاء العالم واخليها تعليم مجانى على احسن مستوى
وشكرا |
وكمان عشان اطور الكمبوتر واخترع برامج وينشا جيل عربى متعلم
|
موضوع لذيذ اوى يا مستر
و اصحابى سألونى السؤال دا كذا مرة بس لغاية دلوقتى معنديش هدف محدد على اد ما انا عارفة قدراتى وعارفة انا ممكن انجح فى ايه بمعنى ان انا بفكر فى حاجات كتيييييير يعنى ممكن اشتغل فى الصحافة والاعلام او التأليف لانى بعشق المجال دا يمكن لان الناس الى فيه بيقدروا يعبروا عن نفسهم ويقولوا رأيهم فى كل حاجة او ممكن ادخل كلية السن عشان بحب اتعرف على ثقافات الشعوب بالذات اليابانيين وخصوصا ان مفيش كتب كتير مترجمة من اليابانى للعربى فا انا هترجم عشان انقل ثقافتهم لينا لانهم بجد شعب فوووووووق الوصف فى كل حاجة وفى حاجات تانية برضو بس دول اكتر حاجتين بس كدا |
والله انا فخور جدا بكلامكم وطموحاتكم كلكم مهما كانت هذه الطموحات ولكن يا نفرتيتى انا ممكن أقول لك ان طموحاتك كلها اللى انتى ذكرتيها دلوقتى كلها أدبية أو مش طموحات علمية وده نادر جدا علشان معظم الناس اللى بيتكلمو عن طموحاتهم دائما ماتكون علمية ولكن لابد ان تهتمى من الان بالثقافة العامة والتاريخ بصفة عامة وخصوصا تاريخ مصر القديم والمعاصر واتمنى ان اراكم فى هذه المجالات والتخصصات التى تسعون من أجلها ان شاء الله ولكم جزيل الشكر
|
ربنا يحققلك كل أمالك وطموحاتك يا نيفين باذن الله ولكن تسعى لها باذن الله وجزاكم الله خيرا
|
على فكرة انا اسمى مريم ونيفين اسم مامتى
|
انا اسف جدا على الخطأ
|
انا دكتورة ذي بابه ومضيفه علشان بحب السفر
|
ان شاء الله دكتور
|
أنا نفسى ربنا يوفقنى لما يحبه ويرضاه لكن أكيد ليه أحلام نفسى بجد أدخل كليه هندسه قسم (الهندسه الطبيه) أولا لأنى بحب الهندسه اقوى وبحس ان الحياه من غير المهندسين هتبقى عقيمه لولا المهندسين مكنش هيبقى فى الكمبيوتر ولا التلفزيون ولا النت ولا الشبكات ولا المبانى ولولا مهندس الطبيه مكنش هيبقى فى السماعه اللى الدكتور بيستخدمها ومكنش هتبقى فى أجهزه الاشعه والعمليات وغيرها لولا مهندس الاتصالات مكنش هيبقى فى التيلفون ولا الموبيل لولا المهندس المدنى والمعمارى مكنش هيبقى فى المبانى والطرق والكبارى لولا مهندس الحاسبات مكنش هيبقى الكمبيوتر وشركاته ومجالاته لولا مهندس النسيج مكنش هيبقى فى المكينه اللى هتصنح اللبس اللى احنا بنلبسه ولا السرير اللى بنام عليه لولا مهندس الكهربا مكنش هيبقى فى الأضاه اللى على أحسن مستوى لولا مهندس الميكانيكا مكنش هيبقى فيه الماكينا والمصانع اللى احنا بنستهلك منتجاتها لولا مهندس البتروك مكنتس المواصلات هتمشى ولا كنا هنلاقى وقود لأى حاجه ....................... وغيرها المهندسين ناس بتفكر بجد بجد نفسى ابقى مهندسه لو فيها خير وابقى دكتوره فى كليه الهندسه وده بسبب أختى ( طالبه فى كليه الهندسه ) هى سبب احترامى الشديد لهذه الكليه _______________________ شكرا جزيلا لطرح هذا السؤال الهام جزاك الله كل خير |
الموضوع رائع جدا ادعولي ابقي دكتورة في كلية علوم ان شاء الله
|
السلام عليكم ورحمة الله وبركاته
بعد التحية أود ان اوجه النظر الى كل من يتمنى امنية محددة أن يوفقه الله فى تحقيقها ويسعى اليها لكى يصل الى مايبتغى من الله فالعلم لابد ان يقترن بالتطبيق العملى ولكن التطبيق الايجابى وليس السلبى فهناك من يستخدم نظريات العلم ويطبق الجوانب السلبية فيها أى الجوانب الضارة ولكن الصحيح أن نطبق هذه النظريات فى مجالات السلم وراحة الانسان وتقدمه فأرجو من الله العلى القدير أن يوفقكم جميعا الى مايحب ويرضى ولكم جزيل الشكر |
جميل ان يكون ليك مثل أعلى وطبعا مثلنا الأعلى هو الرسول وقدوتنا أيضا هو الرسول فى أخلاقه وأفعاله فيجب أن نتخلق بخلق الرسول عليه الصلاة والسلام
|
انا نفسي اكون كاتبة بس مش مستنية لما اكبر انا بكتب شعر وقصص ومقالات
وكنت عاوزة ادخل كلية دار العلوم او كلية اعلام بس بعد ما قعدت مع نفسي لقيت اني نفسي اكون حاجات كتير بعدين عرفت انا عاوزة ايه اكون مدرسة لان المدرس هو اللي بيخرج كل دول وهعلم تلاميذي حب مصر والاخلاص في العمل عشان لما يكبروا يبقو كلهم مخلصين في اعمالهم وعندهم انتماء لمصر الغالية ومش يطلعوا برة وفي نفس الوقت همارس هواياتي |
برافو عليكى يا ياسمين انتى ممتازة بس والله مش علشان قولتى عايزة تطلعى مدرسة لكن قصدى ممتازة فى تفكيرك العملى والعلمى الصحيح ولكن هل يستطيع الانسان ان يمارس هواياته بجانب رسالته الاصلية
ارجو من الله العى القدير ان يوفقك فى حياتك ويحقق لكى امالك التى تسعين لتحقيقها والسلام عليكم ورحمة الله وبركاته |
كل اما اسئل بنت تقولى نفسى ادخل طب بس انا نفسى ادخل صيدلة او اقتصاد وعلوم سياسية بس للاسف مش عندنا كلية الاقتصاد والعلوم السياسية يلا ادعولى بقى ادخل صيدلة واحقق حلمى
|
السلام عليكم
فى بداية الامر احب اشكر حضرتك على الموضوع الرائع ده ثانيا انا حلم حياتى انى اكون اكبر دكتور مهندس فى العالم لان نفسى اعمل حاجة اتطور بيها هندسة المعمار فى جميع انحاء العالم ايوة ممكن دلوقتى اكون مش عارف ايه هى بس باذن الله فى المستقبل هعرفها نفسى العالم كله يتكلم عنى وعن الى هعملة واخدم بيه العالم والبشرية جميعها نفسى العرب يتجمعوا زى الاول نفسى تسطع سماء الابداع العربى من جديد وظهور اجيال قادرة على اعلاء الوطن العربى الغالى نفسى احقق جميع طموحاتى وباذن الله تتحقق جميعا |
ربنا يوفقكم جميعا وتحققه كل امانيكم ولكن لا تنسو الله الذى وفقكم الى الوصول الى هذه الدرجة من العلم والمعرفة حتى الان لابد ان تذكروا الله دائما وتشكروه على ما وصلتم اليه من علم وتعليم والله الموفق
والسلام عليكم ورحمة الله وبركاته |
ممممممممممممممممم
مش عارفه ممكن اكون ايه بس عارفه اني مهما كانت مهنتي هكون مخلصة فيها ومتفوقه ومبدعة في مجالي واتمنى اننا كلنا لما نكبر نبقى مبدعين في مجلاتنا |
اقتباس:
وشكرا على الموضوع انا حسيت بالامل وبما اننا احنا امل المستقبل المستقبل هيبقى رائع كلنا بجد احلامنا مش بس متعلقة بينا كمان متعلقة بالمجتمع و مصر لما جيلنا ده يكبر هنبقى مفخرة الاجيال السابقة بس انا اقصد هوايتي الكتابة يعني هبقى مدرسة شاعرة قصاصة كاتبة هعلم تلاميذي واوصل فكري للناس التنيين رسالتي هي رفع شان البلد باخراج جيل مثقف عنده انتماء وحامل للرسالة وكمان مبتكر ...زي مدرسيني كل المدرسين اللي تعاملت معاهم عرفوني معنى ان المدرس محور المجتمع لكن للأسف مش كل المدرسين حاسين ورسالتي ايضا اني اساعد في تنقية ثقافة الناس وتنقية مخ المجتمع من العبط والكلام الفارغ زي امير الشعراء وشاعر النيل والعقاد والمنفلوطي |
مقدرش أقول عشان ممكن يكون عندي طموح وهدف لحاجة بسة مقدرش أعملها وغير راي وعمل حاجة تانية وخصوصا اني متنوع الهوايات
|
بارك الله فيكم جميعا ولكن أود ان الفت انتباهكم الى ان الشخص اللى مابيعرفش هدفه أو خايف من الفشل دائما ده عمره ماهينجح فى حاجة لأن الخوف ده هيقفله فى كل خطوة بيخطوها ولكن دع العنان لأفكارك وشد الرحال الى مافى قلبك وعقلك دائما والله خير حافظا وهو أرحم الراحمين
|
لأ انا مش عاجبنى العد اللى علق على الموضوع مش معقول الباقى كله ماش محددين هدف فى حياتهم
انا قولت هستفاد من رأيكم وأهدافكم فى موضوع انا بدرسه دلوقتى ياريت الناس تساعدنى ولكم جزيل الشكر |
أرجو الاهتمام بالموضوع لانه مفيد جدا لجميع الطلبة والطالبات ولكم جزيل الشكر
|
شكرا على الأهتمام بالموضوع وجزاكم الله كل الخير
|
انا نفسى ابقى دكتورة اطفال بجد لانهم بيصعبوا عليا جداااااااا
لانهم بيبقوا تعبانين ومش قادرين يعبروا عن اللى بيحسوه عشان كدا نفسى ابقى دكتورة اطفال يمكن ربنا يجعلنى سبب فى تخفيف الامهم |
السلام عليكم ورحمة الله وبركاته
شكرآ ع الموضوع الرووووووووووووووعه جعله الله فى ميزان حسناتك انا عندى احلامى الخاصه كتيـــــــــــــــــــر اوى لما ربنا يكرمنى واطلع حاجه منهم هبقى اقول وانا دلوقتى بعمل ع حاجه معينه لو مشيت فيها بأذن الله هقول لحضرتك بقى والسلام عليكم اختكم جهاد بدر |
يارب الناس كلها تحقق اللى بتحلم بيه ولكن بخطوات منتظمة مش عشوائية وأرجو الاهتمام بالقراءة والثقافة العامة وربنا يوفقكم جميعا باذن الله
|
السلام عليكم ورحمة الله وبركاته موضوع جميل جدا يا مستر .. شكرا لك .. اني أستكشف علاجات للامراض اللي لسه مش لها ادويه ..اكيد السبب العام هو انقاذ الارواح لكن السبب الخاصهو ان امي واحده من المرضي اللي مش لهم علاج وفي اي وقت ممكن مش الاقيها _ لقدر الله ._ ودا اللي هعمله في الواقع ان شاء الله وادخل صيدله .. وبحلم انى أتعمق في دراسة الطاقه النوويه .. بس مش اظن اني هحقق الحلم دا .. وكمان عايزه ادرس اثار مصر الفرعونيه و افسر اسرار الفراعنه والتحنيط .. والسلام عليكم وحمة الله وبركاته |
جزاكم الله كل الخير
|
هو انا حاليا للأسف ف صيدله
كان نفسى اوى اخش علم الرياضه وأخش هندسه كوميونيكاشن او حاسبات ومعلومات ياعنى كان نفسى فيها م ناحيتين انا حابه الرياضه اوى وم ناحيه ان انا حابه ان ده يبقى الكارير بتاعى عايزة افهم واتعمق ف المواضيع دى بس شائت الظروف انى اخش علمى علوم وادخل صيدله حاسه انى ولا طولت ولا سما ولا أرض و لادخلت الحاجه اللى كونت عايزاها ولا حققت الحاجه اللى كنت عايزااها م علمى علوم قدر الله وماشاء فعل بقى |
موضوع رقيق و جميل
:abdoog8::abdoog8::abdoog8:
بس يا مستر نفسي في حاجه بس مش عايزه حد ياخد الموضوع بهزار انا نفسي اطلع رائدة فضاء فتنصحني ادرس ايه لان مفيش اي جامعه في مصر بتدرس علوم الفضاء :mad::mad::mad: :abdoog8::abdoog8::abdoog8: يا ريت تنصحني يا ماستر انا الموضوع بتاع الفضاء ده واخد كل وقتي نفسي ادرس علوم الفضاء و الكواكب http://annececile.blogs.com/blog/spa...ronaut-blk.gif |
السلام عليكم ورحمه الله وبركاته
بصراحه الموضوع مش عاجبنى لان احيانا بنقول حاجات كتير وفى الاخر مش بنفذ حاجه منها يعنى مثلا المدرسين بيقولوا انهم هيتقوا ربنا فى علمهم ومش هيتاجروا فيه ويستغلوا منصبهم اسوء استغلال حلمى ان اكون مدرس وخصوصا كمياء بس خايف جدا من الموضوع ده ومش عاوز اكون زى باقى المدرسيين اللى بيدوا دروس خصوصيه وبيتربحوا من وراء وظيفتهم مشكله والله يامستر ولا ايه رايك ؟؟ ياريت الاهتمام الاهتمام الاهتمام شكرا |
اقتباس:
يا دكتور نغم فعلا كلية صيدله ملهاش اي لازمه بتبقوا زي البياعين اديني اسربين اديني دوا مش عارف ايه ملهاش اي لازم ولا فيها اي فكر و لا انجازات ؟؟؟؟؟؟؟؟؟؟؟؟؟؟؟؟؟؟؟ و من المفترض ان يغيروا لقب طبيب صيدلي الي "بائع صيدلي" :abdoog8: مفيش غير علوم الفضاء |
نفسى اكون دبلوماسية امثل بلدي فى كل مكان فى العالم و نفسى اسافر دبى وامريكا هههههههه تعرفوا انا نفسى في ايه كمان انى كون وزيرة تربيه والتعلبم علشان اصحح الاخطاء البتحصل كتييييير نتيجةالاهمال بتاع المسؤلين ونفسي اكون مع الناس اعرف مشكلهم واحلها واساعد على سعادتهم ويعيشو ا حياه كريمه بدل الكهر العيشين فيه الله بحب احلم كتيييييير مممممم بس نفسي احلمى تتحقق اتعلمت حكمه جميلة اوووووي وهى من حق كل انسان ان يحلم ب النجوم ولكن لا ينسى انا قد مية على الارض يااااااااارب سلام
|
اقتباس:
يا سميه (ELEVEN) عايز تكوني سفيره يعني ولا ايه (ممكن تكون سفيره لنوايا البلح) متزعليش مني لاني الدبلوماسي بيكون كلامه مرتب و منظم عن كده و كلامك متناقض ازاي وزيره تربيه و تعليم و دبلوماسيه يا ستي كلي عيش احسنلك. اما دبي و امريكا قمة التناقض هتروحي تعملي ايه هناك هناك في إرهاب و ممكن لو لاقوكي مسميه نفسك سميه 11 يفتكركوكي تبع 11 سبتمبر و اسامه بن لادنhttp://alanany.files.wordpress.com/2009/06/bn-laden.jpg و فيها ايه لو الانسان حلم بالنجوم ما النجوم دلوقتي سهله الوصول ليها و مش معاكي في حكاية انه لا ينسي ان قدميه ع الارض لان في اخوانا معوقين و بيتحدوا الاعاقه و في اللي عندهم شلل اطفال الحكمه بتاعتك دي ممكن تكسر نفسهم فين بقا الدبلوماسيه ؟؟؟؟؟؟؟؟؟؟؟؟؟ http://www.ozgurbedenler.com/images/...e-klasik-e.jpg |
ربنا يشفي
انا بقي نفسي اتجوز يامستر
ولا عايز ابقي عالم فضاء ولا سفير نوايا بلح انا عايز اتجوووووووووووووووووووووووووووووووووز معندكش عروسة يا مستر ؟؟ |
انا بقي مش عايز ابقي عالم فضاء ولا ابقي سفير نوايا بلج
انا نفسي اتجووووووووووووووووووز بس يا مستر :abdoog8::abdoog8::abdoog8::abdoog8: جوزوووووووووووووووووووووووزززززوووني معندكش عروسة يا مستر ؟؟؟؟؟:049gc0: |
اقتباس:
كميه كرابيج بنت ............... ايه ياعم ده اقفلوا الموضوع ده بقا تهريج |
يوم الإمتحان يكربج المرء أو يهان
السما بتمطر كرابيج
يوم الإمتحان يكربج المرء أو يهان الكرباج هو وسيله للتعذيب :abdoog8::abdoog8: http://www.elaphblog.com/Blog/mosaab...8%A7%D8%AC.jpg |
ايه كميه الكرابيج بنت التييييييييييييييييييت ده
ارجو غلق الموضوع لانه اصبح تهريج بشكل بشع مش معقوله كده |
(الكرباج) : وهي أداة الضرب ومن الضروري حملها وليس من الضروري استخدامها فهي عند الحاجة .
|
ايه يا ولاد
مالكم يا ولاد في اي ايه حكايتكم زمن العربجيه انتها دلوقتي احنا في زمن التوك توك
الكرباج أو السوط كان يستخدم في قديم الزمان و في الجاهليه فلماذا محتفظ به هذا المنتدي الي الان و اديني في الكرابيج و انا احبك يا معلم :abdoog8::abdoog8::abdoog8::abdoog8::abdoog8::abdo og8: |
| جميع الأوقات بتوقيت GMT +2. الساعة الآن 06:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.