|
المفاجئه الكبرى
http://img512.imageshack.us/img512/5452/19885899.gif طبعاً من اسم الموضوع أكيد أغلب الأعضاء عرفوا إيه هيا المفاجئة من غير ما أقول وهيا عبارة عن حاجه رئيسيه هيا المنتدى الجديد لكن المفاجئات التانيه كتير أولا : إنه ده مش منتدى مجاني زى أي منتدى تاني عادي ده عبارة عن موقع كامل زى ثانوية وجواه منتديات كتير أهمها طبعا منتدى كليتنا ثانيا: في مميزات كتير في الموقع ده مش موجوده في ثانويه ده غير انه احدث وفي موضوع بيعمله مصطفى في الموقع فيه شرح لشويه حاجات ممكن تكون صعبه والموقع ها يبقى تجريبي لحد الدراسه وها تلاقوا تطوير مستمر ده غير اننا اتفقنا نغير شكله تماما كل شهر علشان الملل ثالثا : أي عضو لي أي طلب بخصوص الموقع ها نقدر نعملهوله ان شاء الله بكل سهوله ده غير اننا لينا تحكم كامل في أي رد او موضوع او أي حاجه في الموقع رابعا : احنا عملنا في الموقع قسم خاص بالاراء والاستفسارات علشان لو في أي مشكله لاي عضو يرفعها في القسم ده واحنا ها نحلهاله ان شاء الله خامسا : ها يبقى في موضوع في الموقع خاص بالتعديلات ده ما حدش ينفع يشوفه غير المشرفين وان شاء الله لو اتعمله باسورد ها ابعته لكل المشرفين الموقع ده احنا كنا عايزينه لكل المجموعه الطبيه بس احنا للاسف شايفين ان في كليات معينه مش بتشارك او احنا منعرفش حد منهم زي صيدله وعلاج طبيعي وصعب انهم يعرفوا الموقع فالموقع بقي بتاعنا احنا وبشري بس بس عايز اقول حاجه ده مش معناه انه ملغبط او أي حاجه هما ليهم منتدى خاص بيهم في الموقع واحنا منتدى تاني بتاعنا وباقي المنتديات العامه زي الاسلامي والفكاهة والحاجات دي مشتركه وده ها يساعدنا كتير لان كل ما هاتزيد المواضيع دي ها يبقى مستوى الموقع احسن وها نلاقي حاجات اكتر وانا بشكر كل الاعضاء اللي ساهموا معانا باي فكره مهما كانت بسيطه واتمنى انه يبقى فيه نظام وكل واحد يكتب الحاجه في الموضوع الخاص بيها لان ده ها يريحنا كتير وانا عايز كل عضو يسجل يكتب رايه في قسم الاراء ولو شايف أي تعديل على الموقع يقوله لان الموقع لسه مازال في مرحله تجريبيه يعني لسه ما خلصش وممكن أي حد ياخد باله من حاجه عدت علينا نلحق نعملها وبالنسبه لاعضاء ثانويه ليهم حريه الاختيار انهم يسجلوا بنفس الاسم في ثانويه او اسم جديد بس لو ها يسجلوا باسم تاني يا ريت يقولوا اسمهم في ثانويه علشان ها نعمل لون أسماء الأعضاء بطريقه حلوه اقترحها مصطفى و مهما كان الموقع فهوه أحسن من هنا بكتير لان هنا لو كويس كان المفروض أصلا إني مقدرش اعمل موضوع زى ده في دعايا لموقع تاني الموقع ده اللي دلنا عليه واسسه واحد صاحبي اسمه الدكتور محمود هوه إلي صمم الموقع وانا ومصطفى اينعم تعبنا في الموقع بس مش قده وانا بشكره جدا جدا وابقوا ادعوله ربنا يوفقه ويجاذيه خير على كل اللي عمله لانه بجد خدمنا كتير جدا في حكايه الموقع ديه وهوه اسمه في الموقع dr.besto انا اسف اذا كنت طولت عليكوا وطبعا الموضوع ده مش ها اقولكم مستني ردودكم ولا مشاركتم لاني مستنيها في الموقع الجديد واتمنى في النهايه ان بعد المجهود ده نكون قدمنا حاجه كويسه تفيدنا كلنا ولوفي أي مشكله ممكن تترفع للاداره يعني تتبعت ليا لو لدكتور مصطفى او دكتور محمود او تبلغوا المشرف وهوه ها يقولنا وياريت كلكم تبدأو تسجلوا في الميعاد الي هوه ان شاء الله يوم الجمعه الساعه 11 مساء علشان نعين مشرفين والي شايف نفسه ها يبقى مشرف كويس على أي قسم يا ريت يقول وهيا مش حاجه صعبه ولا حاجه والدكتور مصطفى هايقولكم على طريقه الاشراف في الموقع والميعاد خليناه وخري بناء على طلب بعض الاعضاء هنا والموقع مفيش فرق بينه وبين ثانويه غير انه انجليزي واحنا قاصدين كده لان دي حاجه كويسه تتناسب معانا كدكاتره وباقي الحاجات كلها احسن من ثانويه ان شاء الله وان شاء الله ها اقولكم على اسم الموقع قبل الميعاد بكام ساعه كده لاني لو قولتلكم دلوقتي محدش ها يصبر وكله ها يدخل دلوقتي ولسه في حاجات بنعملها في الموقع وفي النهايه بشكر كل الناس الي وقفت جمبنا وشجعتنا وقالت لينا أي فكره مهما كانت صغيره وربنا يوفقنا كلنا ان شاء الله مع تحيات الدكتور عبد الرحمن سند والدكتور مصطفى وطبعا الدكتور محمود |
ربنا يكرمكو يا دكاترةو احنا واثقين ان الشغل هيطلع جامد ان شاء الله
بس ف الوقت اللي بنسجل فيه هتفتحو الان سبيك |
ربنا يجازيكوا خير يا دكاترة
وبما ان المنتدى الجديد بكل الامكانيات دى يعنى اكيد حضارتكوا تعبتوا فيه فعشان كده باذن الله هنحاول نخليه احسن منتدى ان شاء الله ومش هنضيع تعبكوا |
اقتباس:
قبل المعاد وبعده الروم هيكون مفتوح ان شاء الله لكن الساعة 11 ان شاء الله هنحط الرابط بتاع الموقع .. اقتباس:
وجزاك الله كل خير .. ومستنينكوا ان شاء الله ف المنتدى الجديد .. |
انا كنت عايز اقول ان لو في حد معترض على الميعاد عادي ممكن نغيره بس انا شايف انه انسب وقت وبيبقى كله فاتح في الوقت ده
وشكرا ليكم يا دكاتره ومستنيكم في المنتدى |
ماشاء الله يادكاترة
ربنا يكرمكم يااارب واحنا ف انتظار المنتدى الجديد |
السلام عليكم.....
بداية,شكرا ليكو يا دكاترة على التعب والمجهود الصعب ده وباذن الله ربنا هايكرمكوا والمنتدى الجديد يكون احسن من المنتدى ده بكتيييييييير بالنسبة للميعاد هو كويس فعلا بحيث ان كله بيبقى فاتح بالليل بس المشكلة ان الميعاد ده متضارب معايا فاعتقد انه عادى ان اى حد يسجل فى اى وقت ولا هوjust الميعاد ده بس؟ |
اقتباس:
|
اقتباس:
|
اقتباس:
|
:av4056bb7jp3::av4056bb7jp3::av4056bb7jp3::av4056b b7jp3::av4056bb7jp3:
هييييييييييييييييييييييييييييي اخيرا المنتدى اتعمل شكرا يا دكاترة على مجهودكم وجزاكم الله خيرا اقتباس:
طيب هو انتى تعرفينا ؟ |
مبروووووووووووووووووووووك يا جماعه وان شاء الله المنتدى ده يكون حاجه كويسه وتعينا وميكنش تعبكم فيه راح هدر
وربنا يوفقكم لان دى ايجابيه منكم واحنا بنفرح قوى باى عمل ايجابى وان شاء الله المنتدى ده يكون نواه لعمل اكبر منه يخرج من المجموعه دى كلها ويكون حاجه فعاله على ارض الواقع وطبعا لازم نخص بالشكر الدكتور مصطفى و الدكتور عبدالرحمن واكيد زميلكم اللى ساعدكم وجزاكم الله كل خير |
شكرا على المجهود الرائع
يمكن تكون مشاراكتى قى المنتدى قليلة لكن ان شاء الله فى المنتدى الجديد هاكون ايجابية اكتر |
[
اى ده هو حضرتك دكتورة معانا ؟! طيب هو انتى تعرفينا ؟[/quote] بصراحة اناحاولت اعرف مين حضرتك ونو واى ودكتوره اسراء بس معرفتكوش بس انشاء الله نتعرف بعد الاجازه |
احلى حاجة ان كلنا بنطلع اننا عارفين بعض ف الاخر
والواحد يتخض معقول انتي كذا ف المنتدى :d طيب انتي سكشن كام ياتويت ؟ |
[quote=No_Way;1924951]احلى حاجة ان كلنا بنطلع اننا عارفين بعض ف الاخر
والواحد يتخض معقول انتي كذا ف المنتدى :d طيب انتي سكشن كام ياتويت ؟[/quot اناسكشن4 وانتي |
جزاكم الله خيرا جميعا
مجهود رائع جدا منكم يا دكاترة شكرا ليك |
اقتباس:
انا ف سكشن 3:078111rg3: |
اقتباس:
ويارب يتم على خير .. علشان ف شوية مشاكل ظهرت ف الفترة الاخيرة .. بس عادي ان شاء الله هتتحل .. ------------- اقتباس:
---------------- اقتباس:
الشكر لله يا دكتورة .. حضرتك تشرفينا ف اي وقت .. وان شاء الله نشوف مشاركاتك ف المنتدى الجديد ان شاء الله ------------ اقتباس:
-------------- اقتباس:
وجزاكم الله مثله .. مستنينك ان شاء الله يا بيدو .. ف المنتدى الجديد ... |
اقتباس:
هوانتى لوعرفتى اى حد منا هيقولك على الباقى اقتباس:
اقتباس:
|
بسم الله الرحمن الرحيم هوه بصراحه في اكتر من مشكله قابلتنا في الموقع النهارده واحنا كنا ناوين ناجل الميعاد بس ها نحاول نلتزم بيه على قد ما نقدر وان شاء الله الدكتور مصطفى ها يدخل يفهمكم على كل حاجه وها نبقى فاتحين انسبيك انا ومصطفى ان شاء الله من الساعه 10 وده رابط الانسبيك لو حد عايزه http://www.inspeak.com/dl/inspeak528_setup.exe ولشرح برنامج الانسبيك http://www.thanwya.com/vb/showthread.php?t=167509 واسم الروم في الانسبيك bestdoctors |
سلام عليكم
احناوعدناكم ان المنتدى يكون جاهز النهارده بس احنا قابلتنا شويه مشاكل بسيطه ملحقناش نحلها بس علشان مانرجعش في كلامنا الحمد لله لقينا حل للمشاكل ديه مؤقت وهيا اننا نفتح الموقع من الفير فوكس وده الرابط بتاعهه http://releases.mozilla.org/pub/mozi...20Beta%204.exe وكمان الروم مفتوحه في الانسبيك في الميعاد بس اسمها bestdoctors والموقع اسمه وانا بتمنى من كل الاعضاء يكتبوه اراءهم فيقسم الاراء ويستخدموا الفير فوكس لحد ما المشكله تتحل على بكره ان شاء الله |
يا دكتور هو دلوقتى الروم مفتوح
|
يا سمايلى ادخلى تانى الغرفة اللى دخلتيها
هتلاقينا ان شاء الله |
تم تغير اسم الروم minia future dentist
|
يا جماعه انتوا على النسبيك ولا فين انا دخلت على المنتدى الجديد وسجلت باسم كاريزما وانا مش هينفع ادخل على الانسبيك فيا ريت تسجلوا في المنتدى الجديد
|
طيب هو دلوقت في مشكله مش عارفه اسجل دخول
كل مدخل بيقولي اهلا وشكرا وبتاع وبعدين بيحولني ع صفحه مش مسجله فيها دخول |
لوسمحت يا دكاترة اسم المنتدى ايه مش اسم الموقع اسم المنتدى لان انا الفاير فوكس متحمل عندى اساسا ومش هيدخل غير لما اقوله اسم المنتدى او اسم اى حاجة فيه
|
في شرح للمنتدى الجديد موجود في قسم support&suggestion في الموقع
ولافضل تصفح استخدم الفير فوكس من هنا |
بسم الله الرحمن الرحيم
احنا قفلنا المنتدى مؤقتا هامه جدا بنعدلها فيه ومشاكل ظهرت لبعض الاعضاء بنصلحها وان شاء الله ها يكون جاهز خلال يوم او يومين واول ما يجهز ها اكتب هنا |
نعذر يا جماعة ع اللى حصل
احنا فضلنا نقفله لغاية ما يتصلح ان شاء الله بس يا جماعة هو ستايل المنتدى كان حلو ولا كنتوا تحبوا نغيره ويارب مصر تفوز ان شاء الله |
يا جماعه احنا حسدناكوا ولا ايه وبصراحه بالنسبه للمنتدى انا حاسه ان فى حاجه غلط بس ايه هى مقدرتش اعرف
بس انا شخصيا مقابلتنيش مشاكل وربنا يوفقكوا ومبرروووووووووووووووووووووووووووووووووك لمصر |
والله دا اللى قولناه انا والدكتور عبده .. يمكن اتحسدنا ولا حاجة :p
هيا عموما حاجة بسيطة لكن ولدت من وراها مشاكل كتير ان شاء الله هتتحل قريب جدا واحنا مكناش فاكرين انها تاخد الوقت دا منا او حتى تعمل كدة والا مكناش فتحنا المنتدى اتنمى انكوا تتفهموا وضعنا .. وان شاء الله هيرجع قريبا .. احنا ان شاء الله حطينا ايدنا ع المشكلة وجاري انهائها بس دعواتكوا انها تكون اول واخر حاجة .. ويارب نرجع ف اسرع وقت ممكن ونكون عند حسن ظنكوا .. وشكرا .. والسلام عليكم ,, |
والله هيا الحكايه زي ما قال مصطفى بالظبط بس كل المشاكل اللي في الموقع موجوده مع الاكسبلولر بس لكن لو فتحنا من اي متصفح زي الفير فوكس ها نلاقي كل حاجه صح بس احنا بنحاول نصلحها لانها مشكله صعبه جدا جدا جدا واحنا ان شاء الله بدل ما الموقع يفضل مقفول ها نشغله لحد ما نحل المشكله بس يا ريت كله يفتح من الفير فوكس ومش ها يلاقي اي مشكله ان شاء الله
|
ههههههههه
واضح ان الموضوع فيه عين اكيد بس مش مشكله ياجماعه اكيد ان شاء الله هتقدرو تحلوها ربنا معاكو ياااارب واي خدمات احنا موجودين |
والله المنتدى ده طلع عنينا ان ومصطفى ومحمود اي مشكله صغيره نقعد عليها يوم كامل ونقلب المنتدى كله عشانها وبقينا نلف حوالين نفسنا :049gc0:
اه لو اعرف مين اللي حسدنا كنت قتلته حرام عليه والله ده احنا غلبانين ومش بنأذي حد ليه كده بس:040vk0: اه صح هوه حد بدا يذاكر ولا ايه طيب الهستولوجي ده ايه نظامه ماده غبيه زي .............no comment |
ماذا نحن بفاعلون ..
ناخذ من رجل قبيلة .. يا عمي .. سيبها ع الله .. وربنا هيسهل .. وكل تاخيرة وفيها خيرة والحمد لله .. الله اعلم كان ممكن يحصل اية لو كان مفتوح .. الحمد لله على كل حال .. وربنا يسهل ,, |
اقتباس:
اما بالنسبة للهيستولوجى اى نعم هو مادة رخمة وغبية بس على الاقل معانا له كتاب ممكن الواحد يذاكر منه اما بقى المصيبة الكبيرة كيمياء التركيب الذرى وكيمياء الاتزان لا كتب نافعة ولا محاضرات............... فى الاخر كله على الله وربنا يسترها:blush: |
اقتباس:
بالنسبه للهستولوجى فى رغى كتير المفروض ان كل نسيج هنطلع منه origin,structur,site,function بس وكمان فى انسجة مش فيها origin,structure يعنى فى الاخر هيرسى على ان الكتاب مفهوم ومنظم شويه لكن بقه هتعملوا ايه فى كيمياء دكتورة ايمان بصراحة الكتاب ميتذاكرش منه كلمة واحده والمحاضرات مش نافعة.....ايه الحل.......؟؟؟؟؟؟؟؟!!!!!!!!!!! |
يادكتور الهستولوجي ممكن حضرتك تبدأ تذاكره من الورق اللي جبناه من مكتبه شمس ده الاول
هتعرف كتير عنه وبعدين تشوف النقص ف الكتاب ده اللي ناويه اعمله ان شاء الله المشكله بجد ف الكيميا انا لا معايا محاضرات والكتب اللي عندي دي معرفش كل كتاب بتاع مين وعندي كميه ورق رهيبه بردو مش عارفه بتوع مين ولا ايه ربنا يستر بجد لازم نشوف حل للكيميا دي احنا اتأخرنا شويه ع فكرة |
بصراحه انا شايف ان اصعب حاجه الهستولولجي وانا احتمال اسيبه وبدات فسيولوجي فعلا
لكن الكيمياء ان شايف انها سهله انا مش عارف بتقولوا كده ليه انا ها اسيبها لحد الدراسه لاني بصراحه مذاكر العضويه والاتزان قبل كده ما بقيش غير د.ايمان ولو حد عارف ايه التقسيمه بتاعه الامتحان يقول لاني سمعت ان الهستولولجي عليه 2 وكمان الحمد لله احنا صلحنا كل المشاكل اللي في السيت وها يفتح النهارده باذن الله |
اولا الف مبروك ع السايت وبجد هو حلو جدا وشكرا لمجهودكو الكبير اما بالنسبة للهستولوجي فانا مش شايفة انه صعب اوي هو بس مشكلته انه كبير ومحتاج تنظيم الانسجة والخلايا وانشاء الله هتعدي انا اصلا ابتديت امبيريولوجي وخلصته الحمد لله اما الكيميا هي مشكلتي بجد ربنا يستر وربنا معانا كلنا
|
ازيكم ياجماعة
ألف مبروك لمصر ومبروك ليكم على الموقع الجديد يارب يكون فاتحة خير علينا ان شاء الله . بس في مشكلة إنه الموقع مش راضي يفتح معايا خالص ياريت لو حد يقدر يحل لي المشكلة دي لأني عايزة أشارك فيه كمان بالنسبة للامتحانات أنا مش عارفة أذاكر الكيمياء العضوية خاصة محاضرات الدكتور كمال يوسف لأن الكتاب بصراحة مايتقريش الامبريولوجي والفسيولوجي في منتهى السهولة لكن الهستولوجي في منتهى منتهى منتهتى الرخامة ومش عارفة أذاكر من الكتاب ازاي مشكلة إن الدكتورة ليلى رجعت في كلامها ورفضت إنها تحذف حاجات من المنهج وفعلا لو كان عليه 2 أنا هذاكر منه اللي هاقدر عليه وأسيب الباقي مبروك مرة تانية على الموقع |
ازيك يادوكتور بتونيا انا برضه عضو جديد هنا بالنسبة للموقع يمكن مش بتكتبي اسمه صح www.bestdoctors.tk انا بيفتح معايا كدة وجربي تستخدمي متصفح الfirefox وهتلاقي الدكاترة هنا حاطين رابط التحميل بتاعه وعاوزين نشوفك في المنتدي الجديد
|
إن شاء الله هكون متواجدة دايما
أصل في البداية كان في بعض المشاكل اللي بتمنع التواجد الدائم في المنتدى لكن الحمد لله المشاكل اتحلت وهجرب الرابط زي ما قولتيلي ادعيلي يدخل |
شكرا علىالنصيحة الغالية
الموقع فتح معايا الحمد لله ألأقاكي في الموقع الجديد إن شاء الله |
| جميع الأوقات بتوقيت GMT +2. الساعة الآن 07:53 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.