|
اقتراح للاإدارة المحترمة
السلام عليكم أرجو وأظن أن الكثيرين يتفقون معى أرجو من الإدارة المحترمة عمل حظر على المواضيع وعدم نزول أى موضوع إلا بعد موافقة المشرف عليه لأننا تعبنا من المواضيع الاجتهادية واللى بتحرق الدم كل شوية عن النتيجة والتثبيت والعقد فالرجاء لاتنزلوا اى موضوع الا بعد موافقة المشرف والتأكد قبلها من محتواه |
موافق وانا نعاه
|
وجهه نظر صائبه اؤيدك بشده او المفروووووووووووض الاداره تعلن ان الى يحط خبر غير موثق او موضوع كاذب يتحرم من المنتدى لمده معينه
|
ماهو المشكلة يا هشام ان المفترض اننا ناس كبار وفاهمين ومثقفين
والمفترض اننا بنعلم الأولاد الصدق والتثبت من صحة الكلام قبل نشره فمش معقول القدوة تعمل العكس .... !!! ساعات بحس ان الناس اللى بيفتوا دول مش مدرسين ولا حاجة وان ربنا باعتهم مخصوص لينا لتقوية الجهاز العصبى ضد الصدمات !! والغريب ان معظم الفتايين عدد مشاركاتهم اقل من 10 مشاركات ممكن نستنتج حاجة ؟! |
يعنى المشرف ده نازل من فوق مهو بشر مثلنا وممكن يصيب وممكن يخطاء ولا ايه
|
أنا اقترح كل واحد مسئول عن كلامه واللي مش متاكد من الخبر الافضل لا يقوله
|
يعنى احنا ناس كبار والمشرف زميل ليكو
اتمنى من الجميع الالتزام وكتابة ما يفيد بعيدا عن الجدال او البلبلة شكرا |
شكرا للجميع على المرور
واستاذ جمال دا المفروض طبعا اننا ناس كبار وما يطلعش مننا الكلام دا لكن الواقع بيقول انه بيحدث وملاحظة الاستاذ محمد فوزى دقيقة ان اغلبهم ناس مشاركاتهم لاتتعدى العشر معنى كدا انهم مش مننا فانا اقترحت الاجراء دا مؤقتا لحين الانتهاء من موضوع النتيجة ووضوح الرؤية والقرار اولا واخيرا لكم وشكرا |
السلام عليكم
ومش بس المواضيع دا كمان فى الرد الى مش عاجبة رد بيرد بمنتهى السخرية وبيغلط كمان فى الشخص ومش بيحترم حاجة اسمها راى اخر ولو رديت يزيد الفلط |
أتفق معكـــــــــــــــــــــــــــــــــــتم
|
اقتباس:
|
الناس كلها متفقة ماعدا الاشراف!!
ع العموم شكرا للجميع |
السلام عليكم ورحمة الله ولكم جزيل الشكر
|
وعليكم السلام ورحمة الله وبركاته
العفو! |
اقتباس:
مع احترامى لحضرتك 1ــ واضح ان حضرتك غير محايد ومش منطقى بدليل جملتك ( معنى كدا انهم مش مننا ) 2ـ فين احترام الرأى والرأى الآخر 3ــ انت مع حضرتك دليل واحد او مصدر موثوق فيه على التثبيت ولا الحقيقة هى كده دائما مرة 4 ــ العضو من وجهة نظر سيادتك بعدد المشاركات بمبدأ العدد فى اليمون يعنى أين الكيف مش الكم يا معلم الأجيال 5ــ اخطاءك الاملائية واللغة العامية تدل على مين اللى مننا ومين اللى لا يستحق مسملى معلم وشكراً |
ده رد للاستاذ/ عسيوى على احد الاعضاء فى موضوع (النتيجة اقتربت استعدو يا متعاقدين )
ههههههههههههه انت تانى!!! اقتباس: المشاركة الأصلية كتبت بواسطة محمد عاشورر http://www.thanwya.com/vb/life/buttons/viewpost.gif ياجماعة للاسف الكلام حقيقي هايكون عقد جديد من خمس سنين لا تعليق |
شكرا لحضرتك وشكرادى وجهة نظرك وأنت حر فيها لكن انت اتهمتنى بعدم الحيادية ما المقصود بالحيادية فى خبر يقول ان هيكون تعاقد بعد النجاح او ان النتيجة بعد ساعات المفروض من يقول ذلك هو الذى يأتى بالمصدر وليس أنا!!!! (البينة على من ادعى) أنا أحترم الرأى الآخر لكن أنا لاأرى رأيا أخر بل أرى كذبا واضحا واختلاقا للاشاعات واحد يقول انه هيكون تعاقد والتانى يعمل موضوع ويقولك النتيجة هتظهر بعد دقايق لان موقع الاكاديمية وقع!!! وواحد يقولك علامات قرب ظهور النتيجة وغيرها من الموضوعات المملة التى تحرق أعصابنا أنا لاأقيس العضو بعدد المشاركات لكن لما الاقى واحد عضويته جديدة ومواضيعة متخصصة لحرق الاعصاب فقط فانا اجزم انه ليس منا بل دخيل على مهنة التدريس لو كان مدرسا ولو عاوز دليل ارجع لقانون الكادر وهو يقولك انه تعيين دائم وان المعلم المساعد فقط هو من يكون بالعقد واطن القانون واضح ولا يحتاج لتفسير (ممكن تذهب لمتخصص قانون يفهمك) أماللغة العامية فأنا لاأكتب مقالاأو كتابا أنا أخاطب مجموعة من الشباب نحمل هما واحدا أما كونى لاأستحق معلم فأنا معك فى هذه النفطة لانى متخرج بتقدير ممتاز مع مرتبة الشرف وترتيبى السابع على الكلية فكنت المفروض أكون فى مكان أخر غير التدريس! واعذرنى على أخطائى الاملائية فمنكم نستفيد وممكن حضرتك تبقى تشرحلى اخطائى عشان اتعلم! اقتباس:
|
اتفق معكم
لابد من رقابه قويه محايده |
شكرا استاذى على تاييدك
اقتباس:
|
ده من واقع كلامك(((ولو عاوز دليل ارجع لقانون الكادر وهو يقولك انه تعيين دائم وان المعلم المساعد فقط هو من يكون بالعقد واطن القانون واضح ولا يحتاج لتفسير
(ممكن تذهب لمتخصص قانون يفهمك) مش ده القانون مادة(73) يكون شغل وظيفة "معلم مساعد" بالتعاقد لمدة سنتين قابلة للتجديد سنة أخرى بقرار من وزير التربية والتعليم ويجب على شاغلها خلال هذه المدة الحصول على شهادة الصلاحية لمزاولة التعليم بالمرحلة التعليمية التي يتقدم لها فإذا لم يحصل على الشهادة خلالها انتهى عقده تلقائياً دون حاجة لأي إجراء. ويتم التعاقد مع المعلمين المؤقتين الذين يباشرون فعلاً أعمال التعليم في تاريخ العمل بهذا الباب لشغل وظيفة معلم مساعد وذلك متى توافرت فيهم شروط شغل الوظيفة. ويعين بقرار من المحافظ المختص في وظيفة معلم من أمضى سنة على الأقل في وظيفة معلم مساعد وحصل خلالها على الشهادة المشار إليها وثبتت صلاحيته للعمل وفقاً للمعايير التي تحددها اللائحة التنفيذية . ويسري حكم الفقرة الأولى على الأخصائيين الاجتماعيين والنفسيين وأخصائيي التكنولوجيا وأخصائي الصحافة والإعلام وأمناء المكتبات المشار إليهم في المادة (70) من هذا القانون الذين يعينون بعقود مؤقتة مش ده القانون ودى المادة اللى فى الكادر هى جملة((يعين بقرار المحافظ)) يا محترم يعيين تطلق ايضا على العقد هات كلمة تعيين دائم او تثبيت فى المادة السابقة ولو واحد قالك تعيين دائم يقصد بالعقود هيقولك يا اخى هيمشوا ليه يعنى كل مرة هيجددو العقد واهو دائم برضه انت بقى اقرأ اللائحة التنفيذية للقانون مفيش لفظ تعيين دائم ولاتثبيت تعيين على درجة معلم اما بالتعاقد او التعيين((تثبيت )) يعنى اللى يقول تثبيت فى نظرك هو الحق واللى يقول مفيش تثبيت مثير للشائعات حسنا الله ونعم الوكيل عموما الايام بيننا وهتثبت مين على حق ويا رب اخلف ظنى ويكون فى تثبيت |
ده كلامك (((أماللغة العامية فأنا لاأكتب مقالاأو كتابا أنا أخاطب مجموعة من الشباب نحمل هما واحدا
أما كونى لاأستحق معلم فأنا معك فى هذه النفطة لانى متخرج بتقدير ممتاز مع مرتبة الشرف وترتيبى السابع على الكلية فكنت المفروض أكون فى مكان أخر غير التدريس!))) اولا من ناحية اللغة وانك بتكلم مجموعة من الشباب اسف انت مش فى شات انت فى منتدى تعليمى وكل الموجودين مدرسين افاضل مش مجموعة شباب بيدردشو فى شات ويضيعوا وقتهم بل بيناقشوا مستقبلهم ومستقبل اولادهم ثانيا حضرتك تقديرك امتياز والسابع على الدفعة برافوو بس ممكن اذكر بعض من سيرتى انا خريج تربية ومحضر ماجستر وهاخد الدكتوراة خلال عام يعنى اخر واحد ممكن يتمسك بوظيفة معلم فصل فى مدرسة ابتدائى فى قرية من قرى الصعيد كمان رافض مبدأ الدروس الخصوصية كمان معى 2 تاكسى الخلاصة الحمد لله مستورة لكن انك تبقى شغال ب 340 ج وشايل 36 حصة وغيرك مش شغال وياخد مرتب وكادر ولايدرس مطلقا ومجرد جدول وهمى وكمان ينظر للعقود واصحابها نظرة دونية فهنا لابد من وقفة للحفاظ على ماء الوجه للمعلم المتعاقد واخذ حقه وبالقانون وتوصيل صوتنا الى اعلى المستويات |
يا استاذ قاهر الاسود يعنى حضرتك مقتنع تماما ان احنا مش هنتثبت خلاص دا رأيك
بلاش تفرضه وتقنعنا بيه غيرك ياسيدى مش مصدق أو مش عايز يصدق ولو حتى هنصدق نعمل ايه يعنى؟؟؟ نقيل الوزير بلالاش حرق دم كفايه اللى احنا فيه |
ولما التعاقد هو التعيين القانون فرق بينهم ليه؟!!
حتى فى قانون الوظيفة يقولك شغل الوظيفة بالتعيين أو التعاقد ياسيدى هناك فرق بين الكلمتين تعاقد معناها واضح وتعيين معناه دائم ويتم التعاقد مع المعلمين المؤقتين الذين يباشرون فعلاً أعمال التعليم في تاريخ العمل بهذا الباب لشغل وظيفة معلم مساعد وذلك متى توافرت فيهم شروط شغل الوظيفة. ويعين بقرار من المحافظ المختص في وظيفة معلم من أمضى سنة على الأقل في وظيفة معلم مساعد وحصل خلالها على الشهادة المشار إليها وثبتت صلاحيته للعمل وفقاً للمعايير التي تحددها اللائحة التنفيذية |
اما حضرتك متمسك باللغة العربية قوى كدا ليه ما بتكتبش انت بها!!!
لم تقولون مالاتفعولن!! وربنا يوفقك فى الدكتوراة وتتعين كمان فى الجامعة لكن نصيحة لو فى دروس اعطى وماتقولش لا الدورس مش عيب ولا حرام مادمت قمت بواجبك وأرضيت الله فى عملك ويعنى ايه معاك 2تاكسى؟ هل تعمل سائقا؟ اقتباس:
|
اقتباس:
اما لو صدقت فمن حيث نعمل ايه نعمل كتير اعتصامات واضراب عن العمل احنا ربع مليون متعاقد اظن مش بسهولة التخلص مننا وبدون ما صوتنا يوصل للرئيس هو احنا اقل من الاطباء وضباط الجيش والشرطة وباقى الهيئات اللى التثبيت فيها مستمر |
عيسوى اهدا وخد بالك من ردودك
خفف حدة الكلام قاهر الاسود عدىىىىىىىىىىىىىىىىىىىىىى |
اقتباس:
على الرغم من مهنة السائق مش وحشة انت عارف دخل السائق فى اليوم مايقلش عن 100 اى 3000 ج فى الشهر عموما بحاول اتكلم لغة عربية على قدر المستطاع مش عامية صرف كده واحنا مجموعة شباب مع بعضيين يا راجل احنا فى شات ويا سيدى روووووووووووق ويارب نتثبت وننجح كلنا |
ممكن تقرأ عنوان الموضوع بدون زعل ((اقتراح للاإدارة المحترمة )))
اذا كان العنوان به كلمة (((للاإدارة)) ده كلام بداية القصيدة كده تكتب الكلمة هكذا (((للإدارة)) وأسال اى معلم مهما كان تخصصه انت قلت انك حاصل على تقدير امتياز مع مرتبة الشرف والسابع على الكلية وتستحق مكان غير التدريس بصراحة انا معااااااااااك اللى ادلك الشهادة واللى عينك مدرس ظلمك وظلمنا وظلم التعليم بدون زعل |
ياسيدى انا اسف على الإزعاج وإنى دخيل عليكم فى التدريس
وحكاية الحروف الزيادة أو الناقصة دى بتحصل من السرعة فى الكتابة وعدم التركيز وأشكرك على تنبيهك لى على الأخطاء |
ممكن نهدا شوية يا استاذ/عيسوى
يارب يا سيدى تصدق انت ونثبت كلنا اللهم امين |
اقتباس:
اوك يا استاذ/محمد والاختلاف فى الرأى لا يفسد للود قضية يا أستاذ/عيسوى |
أكيد طبعا الاختلاف فى الرأى لايفسد للود قضية
وربنا يوفقنا لما فيه الخير |
امين يا رب العالمين
يارب الكل ينحج ويثبت هو ده المراد من رب العباد |
كلااااااااااااااااااام صحيح
|
السلام عليكم
ألا يوجد مسؤل يفصل القول في هذه القضية المصيرية لآلاف البشر ؟ أمر عجب ! |
وجهه نظر صائبه اؤيدك بشده
|
ماشي كلامك على عينى وراسي مش هنتكلم الا لما تطلع النتيجه ربنا يستر
|
أوافقك الرأي لابد من عمل ضبط للموضوعات التي تحرق الدم
|
شكرا على التأييد
وفى انتظار الاشراف لوضع حد لهذه المهاترات |
اين الاداره ياريت تضع حد للمواضيع المضلله وطبعا وكتير من الاعضاء يتفق معى ان المواضيع دى بتصيبنا كلنا بالاحباط
ثانيا موضوع التثبيت او غيره انا من انصاره وارى ان شاء الله خير وهيكون تثبيت والقانون بيقول كده وكمان التعاقد هيتلغى ودا واضح فى قانون الوظيفه الجديد ومصطلح رخصه مزاوله المهنه فدا شىء معمول بيه فى امريكا المدرس يحصل على رخصه واحنا كنا فى كليه تربيه وبندرس تربيه مقارنه واخدنا التعليم فى امريكا ودا كان نفس اسلوب العمل هناك لكن هل معنى اختلافنا ان احنا نزعل من بعض ونتصيد لبعض الاخطاء احنا كلنا مدرسين محترمين وكلنا تقديرات عاليه يعنى مفيش اى مجال للمفاخره من عضو على حساب زميله وايضا جميعنا نحمل الخير لانفسنا وكلنا بنتمنى التثبيت وكلنا همنا واحد ومشكلتنا واحده ...اخر حاجه ربنا بيقول فى كتابه ان مع العسر يسرا والرسول عليه افضل الصلاه والسلام بيقول انما بعثتم مبشرين ولم تبعثوا منفرين وياريت كلنا نرجع اخوه زى الاول ونتحمل بعض اكتر من كده |
اقتباس:
|
فينالادره اتضح ان مش كلنا كباروفى ناس ظريفه اوى ومفيش عندها دم ولا احساس وللازم الادره تتعامل معهم بحزم عشان سمعه المنتدى لانه اصبح ملىء بالاشاعات
|
moto 2010
عندك حق |
| جميع الأوقات بتوقيت GMT +2. الساعة الآن 01:33 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.