ما قاله معلقا الفضائية الجزائرية أثناء مباراة مصر وغانا
 

وجه الصحفي الأردني موسى برهومة نقدا لاذعا لقناة الجزائر الفضائية بسبب تشجيع معلقيَّ المباراة المنتخب الغاني أثناء لقائه المنتخب المصري.
وقال برهومة: ظل المعلقان يقولان إن "غانا هي الأكثر استحواذا على الكرة"، وإن "كل الهجمات المصرية تتكسر على مبعدة 20-25 مترا من المرمى الغاني"، وإن الحكم البنيني كوفي كودج الذي أدار مباراة الجزائر ومصر الخميس الماضي يعد "لطخة عار في جبين التحكيم في إفريقيا"، وتمنيا "ألا يتواجد" في دورة كأس العالم المقبلة.
وأضاف الصحفي الأردني الذي شبه العداء ضد مصر بالعداء ضد إسرائيل" بقوله: وبلغت روح العداء للاعبين المصريين حد أن أحمد حسن عندما سقط بعد ارتطامه بزميله الغاني وخرج من الملعب على حمالة، وُصف بالخداع، حيث قال أحد المعلقَين بغضب شديد: "إنك دائما تحاول التأثير على الحكام، لكنك لن تظفر أبدا بركلة جزاء".
وأبدى برهومة اندهاشه من حزن المعلقين الجزائريين بعد هدف مصر قائلا: فما سمعت إلا صوتا خافتا يقول إن "هذا الهدف لم يكن منتظرا في هذا الزمن الحرج"، حيث لم يتبق من وقت المباراة إلا خمس دقائق، وعلا صوت المعلق بحماسة: "هناك متسع من الوقت أمام المنتخب الغاني، وكل شيء ممكن في كرة القدم".
واتهم برهومة المعلقين بالحقد على المنتخب المصري الذي لا ذنب له سوى أنه هزم الجزائر 4 -صفر الخميس الماضي.
وطالب برهومة الفضائية الجزائرية ـ التي قال إنها تابعة للحكومة وتعبّر عن وجهة نظرها، وتنطق بلسانها ـ بالاعتذار عن أداء المعلقَين غير المهني الذي يسيء إلى الجزائر.
وتساءل برهومة: هل يرضى هذان المعلقان أن ينبري أبناء مصر إلى تشجيع المنتخب الخصم، أم أن حرارة الدم العربي ستتفوق على كل الضغائن، وسيهتف المصريون والعرب لـ"الخضر" وهم يرفعون رايات الانتصار في جنوب إفريقيا؟

بيموتوا من مصر
عندهم غل وحقد مش على حد
هو فعلا الحكم كوفي كودج ظالم
بس ظالم انو محسبش 3ضربات جزاء لينا فى ماتش مصر والجزائر

وبيقول على احمد حسن مخادع هههههههههه
دول من لامسة بيستموتوا فى الملعب
لا حول ولا قوة الا بالله ناس غريبة

عندك حق يا رحاب بالمناسبة عاملة إيه فى الإمتحانات بس على فكرة إحنا بردو هنشجع الجزائر فى كاس العالم لأنهم عرب مسلمين زينا ياريت بس يفكروا بنفس الطريقة ويعرفو مش مجرد مباراة تفرقنا ربنا ما يجعل فيه فرقة

أنا بصراحة مش هجع الجزائر
هشجع أمريكا وانجلترا
رغم مافعلوه في العراق
بس دي أكيد المرة الوحيده اللي هشجعهم فيها
عذراً أيها الساده
أنا مصري

عموما مصر كبيرة ومش محتاجة تشجيعهم
الجزائريين متغاظين واحنا واحنا ايلي غيظناهم

القافلة تسير وال.......................... تعوى

ياجماعة مصر كبيرة و هتفضل كبيرة و قلب العرب غصب عن اى حد
وعشان كدة الجزائر هتموت من الغيظ رغم اننا بعد فضل ربنا من اسباب انهاء الاستعمار الفرنسى ليهم اللى حولهم من عرب مسليمن لفرنسيين ........!!
ونسوا كل ده و اللى بيحصل فى ماتشات الكورة ده بيحصل من زمان اصلا و قبل كدة صفوا عين الدكتور بتاع المنتخب
بس لو عايزين يدخلولنا راجل لراجل فييجوا و احنا نوريهم داحنا نبعت 100 راجل من سوهاج يوضبوا شعب الجزاير كله و يعرفوه مقامه
والحمدلله طبعا اننا ردينا كرامة المصريين بأربع اجوان حلوين :022yb4::022yb4:
وعرفنا العالم كله مين هما الفراعنة واننا احق بالوصول لكاس العالم
وكفاية اننا غلبناهم 4 على بياض و كسبنا كل الماتشات اللى لعبناها و خدنا البطولة الكبيرة 3 مرات على التوالى
ودى محصلتش فى العالم كله ان منتخب ياخد كاس بطولة قارة ل3مرات على التوالى
واذا كانوا عايزين يلاعبونا تانى فلازم ياخدوا الكاس 3 مرات على الاقل عشان احنا مش بنلاعب منتخبات مش من مستوانا :078111rg3::049gc0::friendsxs3:
وفى النهاية مبروك لمصر و شعبها و مبروك ضم منتخب مصر لقائمة اعظم منتخبات العالم

الاسرائيليين حالة شاذة دول سيبك منهم
لكن سواء امريكا سواء بريطانيا اي فريق محترم
انا حشجع المحترم (مع إني مش بشجع كورة اصلاً :d)

الفريق الامريكي لا يمثل امريكا
كل فريق لا يمثل إلا نفسه

وفريق الجزائر ايضاً لا يمثل إلا نفسه
فحتى لو قولنا الجزاير تبعنا فالفريق ضدنا
ونحن ضد الفريق
ولا اعرف كيف يمثلنا فريق عربي في كاس العالم مش عارف يقول نشيد بلده بالعربي !!!

معنى كلامك يا بانزر ان منتخب مصر لايمثل غير نفسه؟!
اعتقد لا
الفريق بيمثل البلد بحالها
والا مكناش فرحنا لما خدنا الكاس
لانه لو مكنش بيمثلنا
مكناش فرحنا
وزى ما بيقولو
العروسة للعريس والجرى للمتاعيس :d
بس مش متخيل انى اشجع امريكا واللا اى دولة مطينة عيشتنا
عامة
ربنا يهدى الجزاير ويهدى مصر
ويهد واكرر ويهد كل واحد عايز يوقع ما بينا

دعنى استنكر ما قرأت
 

لماذا حضرتك لا تشجع الجزائر؟؟؟؟
و الأمر إنك تشجع اسرائيل !!!!!!!!!!

اقتباس:

المشاركة الأصلية كتبت بواسطة مستروجيه (المشاركة 1941015) كفايه انهم حرقوا دمى الله يحرق دمهم و ينصر مصر

الحمد لله مصر انتصرت بفضل الله و توفيقه و شجاعة المنتخب و إيمانه بالله إنه سينصرهم و لو بعد حين إيمان عقائدى من أصل التوحيد حضرتك أم لك نظرة أخرى .

اقتباس:

المشاركة الأصلية كتبت بواسطة مستروجيه (المشاركة 1941015) والرئيس مبارك دائما فهو اب لكل المصريين وان بحبه موت

ماش يا مستر و لكل أجل كتاب !!!!!!!!!!

اقتباس:

المشاركة الأصلية كتبت بواسطة مستروجيه (المشاركة 1941015) ربنا يخليك لينا ياريس ومبروك فوز مصر بالبطوله

على فكرة المصريين الحقيقيين لا يحبوا الطبل و لا الزمر و لنجعل تفكيرنا فى التخطيط الجيد للقادم
و على فكرة أنا نبض بلا روح استنكر مشاركة حضرتك من أولها إلى آخرها :040vk0:
و ربنا يهدى

يا جماعة انا مبولعش فيها ولا حاجة بس بذمتكم دا كلام يتسكت علية!!!!

متشجعش الجزاير
لكن
تشجع اعداء الدين والاسلام
تشجع الى بيموتوا في رجالنا ويرملو نسائنا ويدبحوا اطفالنا ويخربوا بيوتنا ويحرقوا مساجدنا ..................
:040vk0::frown::frown::frown::frown::040vk0:

اي منطق ده ؟؟
وكيف تفخر بكونك مصري
وانت تشجع عدونا الاول والاطر والاكبر ؟؟؟
:040vk0::040vk0:
ولا حول ولا قوة الا بالله

ولا حول ولا قوة الا بالله
اى كلام ده ؟؟
الجزايرين حرقوا دمك
لكن الاسرائيلين حرقوك وحرقوا ابوك وامك واهلك ودينك وشرفك وعرضك ومسجدك واحتلوك
ويريدون ان يستولوها عليك وعلى افكارك وعلى عقلك
ويجعلوك عبدا لهم
اليهود اعداء الله ضربت عليهم اللعنة
فبأى منطق ينادى بتشجعيهم ؟؟؟:frown::frown::frown::frown:

بنقولهم ميضربوناش ونروح نضرب مثلاً ؟
ولا متكسروش في الملعب وبنكسر ؟
ولا كفاية عليكم المصرييين اللى ضربتوهم واحنا بنضرب الجزايرين اللى في مصر ؟

ايه اللى هما معملهوش عشان لسه حنقولهم متعملهوش ؟