|
الفيس بوك حرام شرعا!!
القاهرة – العهد - أطلق رئيس لجنة الفتوى السابق في الأزهر، الشيخ عبد الحميد الأطرش، فتوى أثارت صخباً واسعاً في الشارع المصري. حيث قضى الأطرش بحرمة الدخول على الموقع الاجتماعي 'الفيس بوك' بعد زيادة معدلات الطلاق وانتشار الخيانة الزوجية.' وتابعت: 'وأشار رئيس لجنة الفتوى السابق بأن الآثار المترتبة على الدخول لذلك الموقع الإلكتروني شديدة الخطورة على الرأي العام والشعوب بصفة عامة خاصة العربية والإسلامية التي لها خصوصيتها الشديدة، واعتبر 'الفيس بوك' أداة هدم، فيما له من علاقة بإقامة علاقات محرمة شرعاً.' وكان فريق من المركز القومي للبحوث الاجتماعية والجنائية قد أعد دراسة استغرقت عدة أسابيع كشفت أن 'حالة من كل خمس حالات طلاق تعود لاكتشاف شريك الحياة وجود علاقة مع طرف آخر عبر الإنترنت، من خلال موقع 'الفيس بوك'. http://www.alaahd.com/arabic/?action=detail&id=31573 ::::::::::::::: هل السكينة حرام عشان فيه ناس تقتل بيها! |
رغم أنى بكره الموقع ده
بس أعتقد زى حضرتك ماقولتى أنه مش حرام والله أعلم |
اقتباس:
لا انا مقلتش مش حرام ومقدرش احرم واحلال انا انسانة عادية زي البشر بس انا سمعتها من شيخ انه مش حرام عشان لكل حاجة ايجابيات وسلبياتها ع العموم نورت:) |
وليه الفيس بوك فقط ؟ ! مايحرم النت كله أحسن !!! والكمبيوتر والتليفزيون كمان !!! العيب ليس فى وسائل التكنولوجيا ولكن العيب فيمن يستخدمها شكراً على الخبر :078111rg3: |
اقتباس:
كل ما في الموضوع ان دلوقتي في مصر بيتولي الاول لغير أهله:bosyht9: ربنا يرحمنا برحمته حضرتك نورت:022yb4: |
اقتباس:
والله كنت داخل اقول نفس الكلمة !!! هو يعني مكنش في حالات طلاق قبل الفيس بووك بسبب النت !؟؟؟ عالم بتهيس ! |
لا اله الا الله
ياعنى هو الفايس حاجه والنت حاجه تانيه المفروض ان الناس دى تبقى اكتر ناس عارفه ان التحريم والتحليل مش لعبه كده ربنا يهدي |
اقتباس:
أيووووووووه الكلمة الاخيرة صح :) نورت ياباشمهندس |
اقتباس:
ياحبيبتي واحد شيخ من الازهر رد عليه رد مقنع زي الرجل دا اكيد عايز يظهر نفسه كل واحد بقي هيتحاسب علي كلامه ربنا يهدي فعلا نورتي ياقلبي;) |
لكل شىء مميزات وعيوب والاختيار مسئوليتنا نحن
|
اقتباس:
أكيد طبعا يبقي ندم نصايح للناس اللي بتستعمل الحاجة غلط مش نعممم ربنا يهدي حضرتك نورت الموضوع:av4056bb7jp3: |
شكرا على الخبر
وتعليق الاعضاء الكرام اوجز كل ما يدور حول الفتوى ورحم الله اسلامنا الحنيف من العقليات الغير مستوعبة لمستجدات التطور . |
كلكم ضد الشيخ الى حرمه
الله اعلم الحلال بين والحرام بين وبينهم متشابهات استفتى قلبك ولو افتوك لو قارنا العيوب والمصائب والبلاوى لكل الشباب من كل الفئات والاعمار بالمزايا لحرمناه جميعا............... ربنا يتولانا ويهدينا جميعا ويهدي بينا ويصلح حال امتنا اللهم امين |
هههههههههه فكرنى بالكتاب اللى قريته و كان بيحرم اكل البط و الوز:d الذكاء واخد مع العالم دى حقه و زيادة;) |
اقتباس:
أكيد اللى حرمه كان مش لاقى ياكل :d وعجبى |
اقتباس:
|
|
هل السكينة حرام عشان فيه ناس تقتل بيها!
صح بس الانسان اللي يستخدم النت عامة صح مش الفيس بوك بس |
مع احترامي لرأي الشيخ الفاضل سواء أصاب أم أخطأ فلست صاحب فقه لكي أعلق على رأيه الفقهي
و مع احترامي لأراء الزملاء المعلقين على هذه الفتوى أقول للزملاء و الزميلات مهما قال علماء الدين فلا يجب بأي حال من الأحوال السخرية منهم أو الاستهزاء بهم و كلامي واضح أقول علماء الدين لأن هناك من يظهرون على الفضائيات لا يعرف شيئاً عن الدين و يفتي بغير علم و لكن العلماء الذين بذلوا جهدهم و مالهم و وقتهم من أجل الدين فلا يحق لنا إلا أن ننحني لهم احتراماً وصاحب هذه الفتوى كان يشغل منصب رئيس لجنة الفتوى بالأزهر الشريف فلا يحق لجاهل مثلي و مثلك أن تقلل من قدره بالسخرية و هدانا الله و إياكم إلى الصراط المستقيم |
بالطبع لا يصح السخرية من عالم دينى مثل رئيس لجنة الفتوى السابق في الأزهر، الشيخ عبد الحميد الأطرش
لأنه عالم رغماً عنى وعنكم ونحن بالنسبة له جهلة فى الدين بالتاكيد له أسبابه المقنعه في هذا التحريم ونحن لا نملك إلا التعليق فقط دون أدنى سخرية من هذا العالم فقد جاء في صحيح البخاري:- حدثنا عبد الله بن يزيد المقرئ المكي حدثنا حيوة بن شريح حدثني يزيد بن عبد الله بن الهاد عن محمد بن إبراهيم بن الحارث عن بسر بن سعيد عن أبي قيس مولى عمرو بن العاص عن عمرو بن العاص أنه سمع رسول الله صلى الله عليه وسلم يقول إذا حكم الحاكم فاجتهد ثم أصاب فله أجران وإذا حكم فاجتهد ثم أخطأ فله أجر وشكرا على الخبر |
كل حاجه بيبقى ليها سلاح ذو حدين ..
على كده بقى يلغى كل حاجه طالما بيشوفها بسلبياتها بس !!!!!!!!!!!!!!! تسلمى ياقمر ع التوبيك .. |
اقتباس:
إذن من حرمه هو مجرد عالم دين أي أن السبب الذي ذكره بأي حال لازم يكون مقنع لبقية البشر انا ممكن اعدلك دلوقتي سلبيات النت اضعاف اضعاف سلبيات الفيس بووك بس للأسف مش حينفع احرمه عشان متقلش على اسمي شيخ ولا مفتي الناس اللى زي دي بتشوه سمعة الاسلام |
الفيس بوك اللي زود حالات الطلاق (من وجهة نظرهم) هو نفسه اللي زاد عدد المسلمين الأجانب
ببساطة حابة أقول إنه سلاح ذو حدين والشخص اللي بيستخدمه هو اللي يقدر يقرر إذا كان حرام ولا حلال وزي ما قلتم ..من باب أولى نحرم النت والالتجمعات دي كلها (على اعتبار انه اختلاط يعني) ربنا يعينهم على الاجتهاد في الفتوى ولسه.... |
الصراحة انا لاحظت في تعليقاتكم استهزاء بالشيخ اللي قال الفتوى
زي ما قال الاستاذ محمد حسين والصراحة الراجل يبقى شيخ ازهر يعني مينفعش نقول تهيييس على راجل افقه مني ومنك بس عايز ارد عليك يا بانزر في موضوع ان القران والسنة محرموش الفيس بوك ايضا القران والسنة محرموش السجاير ولا المخدرات فهل هم حلال ؟؟ في حاجات استجدت على العصر اللي احنا فيه ومكنتش ايام زمان وبعدين انا اتفق مع الشيخ في تحريمه بس مش مطلقا يعني اللي هيقدر يمسك نفسه ويسيطر على نفسه وعنده وازع ديني واخلاقي فده من نظري حلال انه يستخدمه اما اغلب الشباب والبنات عكس كده خالص وبعدين الفيس بوك بيضيع الوقت جامد جدا والرسول قال في حديثه ويسأل عن عمره فيما افناه الصراحة دي وجهة نظري الشخصية واشكركم جميعا :):) |
واحب ارد على اللي قال ان السكينه كده برضه هتبقى حرام
الصراحة تشبيه غير عادل |
اقتباس:
لإنه اللى قاله انسان زيك في موضوع السجائر تم مقارنة ذلك بالخمر وتم التفسير على أنها مضيعة للمال ومضيعة للصحة وفي الحالتين مضرة ولم يثبت ابدا اي ايجابية للسجائر ده كلام محترم ويدخل العقل اقتباس:
اقتباس:
ازاي بتقول بس انت حتعدل على كلام اللى افقه واعلم منك !!! ولا انت بتعترض على اعتراضك :d اقتباس:
وتشبيه السجائر بالخمر تشبيه عادل إذن ما وجه الشبه بين الفيس بوك والشيء اللى تم تحريمه !!! وما هو اصلاً :bosyht9: |
بص اولا السجائر تحريمها مش لانها شبه الخمرة
العلماء استدلوا بتحريم التدخين من الايات (ولا تلقوا بأيديكم الى التهلكة ) (ولا تقتلوا انفسكم ) وطبعا انت عارف ان السجائر بتضر بالانسان وبتؤدي الى موته تانيا انا قصدي بكلمة بس يعني التحريم ميبقاش مطلق على الكل لان في بعض الناس بيستفيدوا وبيفيدوا غيرهم معلى الفيس بس مش الاغلبية صح ؟؟ اما حكاية السكينة فالسكينة ليها اضرار وفوائد بس فوائدها اكتر بكتير اما الفيس فبرضوا ليه اضرار وفوائد بس اضراره اكتر بكتييييييييييييير |
...........
|
اثارت الفتوى التي صدرت عن لجنة الفتوى في الأزهر بتحريم الدخول إلى ''الفيس بوك'' واعتبرت زائريه آثمين شرعاً الجدل بين علماء الأزهر، فأنقسم العلماء بين معارض للفتوى وبين مؤيد لها . فقال الدكتور عبد المعطي بيومي عضو مجلس البحوث الإسلامية، وعميد كلية أصول الدين الأسبق، إن الفيس بوك شأنه شأن أي شي في الحياة حلاله حلال وحرامه حرام ، فمن يستخدمه في اكتساب المعلومات واجراء الحورات والاستفادة في منه في كل سبل الحياة فلا حرمانية عليه في شي . وأضاف أن الأمر بيختلف باستخدام الالة، كالسكين فمن يستخدمها في غرض مشروع فهي حلال ومن يستخدمها في غير ذلك فهي حرام . |
اقتباس:
السكينة عندما يقتل بها فهي جريمة وكبيرة ولكن الطلاق ليس حراماً وإنما مكروهاً يبقى مين الاولى بالتحريم ؟؟ اقتباس:
وبحرم الطوب (بس) للى بيبني بيها مباني للأعداء شفت إنه انت كمان بدأت تهيس :d بالمناسبة التهييس دي مش شتيمة اي واحد فينا معرض للتهييس والشيخ ده مش راجل كامل عشان نقول مش ممكن يهيس دي ناس عندها الفلوس والشهرة اهم من الحاجات التانية ماتيجي تبص لسبب حالات الطلاق عالفيس بووك ايه السبب فيها ؟ بعد الزوجات والازواج عن الدين وعدم التكافؤ بين الزوجين وبالتالي كل واحد بيدور على اللى كان عايزه تاني او اللى في بيته مش مكفيه فبيشوف حد تاني او واحد فيهم قاهر التاني ومش مخليه حاسس بالاستقرار وبيدور على حد في الفيس بووك عشان يحس بالامن مع حد تاني ليه منحلش المشاكل دي اصلاً من البداية ليه منعملش رقابة عالنت اللى في البيت من البداية انت فاكر الفيس بوك هو الطريق الوحيد للشات ؟ الفيس بوك هو نويتت (تصغير نت) مشابه للعالم الكبير الانترنت فيه جروبات سياسية وجروبات دينية وجروبات رياضية وتقدر تستعمله كمنتدى وكموقع شات وملتقى مع اصحابك يبقى لو عايزين نتكلم بجد يبقى تحريم النت من تحريم الفيس بووك والتحريم بيبقى عالكل مينفعش تقولي بس ومبسش |
|
اقتباس:
وعندك عقدة تانية من التهيييييس :d انت كلامك في نسبة كبيرة منه صح بس انا لسه على موقفي من انه حرام للي مش بيعرف يستخدمه صح يعني اكيد مش كل الشباب بيدخلوا على الفيس عشان يشتركوا في جروبات رياضية ودينية وسياسية والاصحاب يتكلموا مع بعض بس الاغلبية مش كده وعلى فكرة انا عندي اكونت على الفيس وعادي بدخل وكل حاجة بس عارف انا بدخل ليه وبعمل ايه واللي بعنله ده صح ولا لأ وحرام ولا لأـ بس بعتقد ان اغلبنا مش كده على فكرة علماء الازهر نفسهم مختلفين فمفيش مانع اني انا وانت نختلف مع بعض على العموم شكرا ليك وده رأيي وده رأيك وانا احترم رأيك :078111rg3: |
اقتباس:
ومعدتش عليا قبل كده في حكم اي حاجة في الاسلام دايماً الحرام حرام للجميع والحلال حلال للجميع لكن خلاص مادام ده رأيك مفيش مانع واكيد الاختلاف بيننا مش مشكلة وتحياتي ليك |
اقتباس:
تحريم مطلق وتحريم مقيد تحريم مطلق يعني محرم من اصله تحريم مقيد يعني تحريم مقيد بشرط معين اذا تحقق تبقى الشيء ده حرام وفي حالتنا دي ان اللي مبيعرفش يتعامل صح مع الفيس وممكن ينجر للوقوع في الحاجات الغلط والحرام فيبقى حرام عليه استخدامه انا الكلام ده درسته من زمان وطبقت الحرام المطلق والمقيد على حالتنا ومش عارف ممكن يبقى تطبيق صح .. فهمت حاجة ؟؟ |
الانسان اليى عايز يعمل شىء خطا بيعمل باى طريقة
والمهم التربية |
لا تحريم الا بنص
وكل واحد قدامه الصح والغلط ومخير انه يعمل الصح والغلط |
اقتباس:
لإنه كل حاجة ممكن تستخدم سلاح ذو حدين وايا كانت فده لم يكن محور تحريم الشيخ فتحريم الشيخ مطلق وعشان كده مازلت مصراً على إنه "بيهيس" |
السلام عليكم
والله أنا رأى طبعا زى كل الآراء التى اجمعت على ان الانسان يستطيع ان يحمى نفسه او يضرها بمعنى ان كل التكنولوجيا الموجودة الأن فى العالم قد تضر وقد تنفع ولكن علينا ان نحكم عقولنا قبل الاستخدام وايضا كلمة حلال وحرام أعتقد اننا لا يجوز ان نحكم بها فالله وحده هو الذى يحدد لنا الحلال والحرام , ولكن قد نقول مستحب او غير مستحب والله اعلم |
اقتباس:
أنا معاكم هو بالغ شوية بالتحريم , يمكن وجهة نظره كانت " الباب اللى ييجى لك منه الريح سده و استريح " خدوا بالكم الريح اللى عاوز يواجهها حتاخد فى وشها مجتمع بحاله , عشان كده خدوا من كلامه المفيد و ابلعوا الحاجات التانية . :039uw8: |
الفتوى بقت فى كل حاجة ........
|
جزاكى الله خيرا
|
ما كان يحرم النت عموما والتلفاز ما كله بتحصل حالات طلاق
لكن فى المستخدم هو اللى بيتحكم فى التكنولوجيا استخدام صحيح او سئ |
يقطع النت على الانتيت الى ينتطو عليه الفيس توك ده حراااااااااااااااااااااااام
|
هههههههههههه الفاضي يايطلع فتوي يا يلعب كوره يا يسترجل ويشرب بريل :d يكش تولع :) شكراً علي الخبر |
| جميع الأوقات بتوقيت GMT +2. الساعة الآن 06:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.