|
سينما كافيه على طريقة ايه سيفن ايه!!
سلام عليكم http://www4.0zz0.com/2010/02/07/20/967372083.gif ازى حضراتكم يارب تكونو بخير ... فى الوقت الذى ادركت فيه ان "القناعة كنز لا يفنى" وان" الغالب بالشر مغلوب" ادركت ايضا "ان اللى يئامن للعيال زى اللى يئامن للقرد فى السنغال"... هذه المقدمة لا علاقة لها بموضوعنا طبعا ! قبل ما ابدأ الموضوع احب اقول كلمتين " هذه الموضوع قد يحتوى على الفاظ خارجة لذا ننصحكم بتوخى الحذر اثناء القراءة" هذا الموضوع للكبار فقط "18" بدون رقابة هنتكلم عن الرقابة وبداية نبدأ بتعريف بسيط من وحى الكاتب ... الرقابة : هى منظومة وظيفتها تصنيف المنتج وبيان مدى ملائمته للنشر من عدمه... وبلغة ابناء البلد هى منظومة بتقول اذا كان الفيلم دا ينفع يتعرض واللا لا... فى ظل امطار الافلام الغزيرة التى تسقط على سينيمات مصر ... نجد ان للرقابة دور فعال فى الحفاظ على المادة السينامئية ...حيث انها تعمل جاهدة للتخلص من اى مادة خارج المنهج السينمائى المقرر بدور العرض... ومن ضمن مجهودها الفعال ...انها سمحت فى احد الافلام باحد الالفاظ مثل" A7A"التى تم ذكرها فى فيلم دبور ... ومن هنا نجد ان الرقابة تحافظ على اللغة العربية لانها ارادت ان تعلم الناس ان لفظ A7A لفظ يدل على الاعتراض !! ومن مجهوداتها ايضا انها سمحت بلفظ ...MOTHER FUC لانها ارادت ان تعلم الناس عن طريق الخطأ ان معنى هذه الجملة سحقا لك او تبا لك وهذا ان دل على شىء فأنما يدل على ضعف اللغة الانجليزية عند الرقابة.... ومن هنا نجد انها تقوم بدعوة قوية للتخلى عن اللغات الاجنبية والاكتفاء باللغة العربية تدعيما لمنظومة العروبة والعرب!! ومن ضمن الجهود المبذولة ايضا من جانب الرقابة نجد انها سمحت لبعض الافلام الهامة بالعرض مثل " بدون رقابة " تدعيما للديموقراطية... حيث ان الفيلم تم عرضه بدون الرجوع اليها لذا تم تسمية الفيلم " بدون رقابة " حيث ان الفيلم بع دعوة صارخة لحرية الرأى واللبس والمشاهد الساخنة والكلام الخارج والحركات المخلة بالاداب!! وفى هذا الفيلم منعت الرقابة بوليس الاداب من القبض على ابطال الفيلم ...حيث تم ضبطهم فى مشاهد مخلة بالاداب واللى شاف الفيلم اكيد عارف انا بتكلم على ايه!! فشكرا للرقابة التى تسمح بظهور هذه المشاهد الساخنة بل والاكثر اثارة من مشاهدة الافلام الاباحية... فلا بد ان نرفع لها القبعة على ما نراه فى الافلام الجديدة من خلاعة! ومياصة! وقلة ادب! من الفنانين الذين سمحو لانفسهم بالظهور فى تلك المشاهد التى يعاقب عليها القانون وشكرا لمخرجى الافلام الهابطة الذين يبررون مواقفهم من تلك المشاهد بقولهم ان الشباب عندها كبت ولازم يشوفو الحاجات دى لانها بتعرض الواقع بطريقة زبالة!! ومن هنا نجد دعوة صارخة من الرقابة بعدم أخذ الخطيب لخطيبته الى السينما لانه عيب وميصحش... كما تدعو ايضا لعدم اصطحاب الاطفال والنساء والشيوخ الى السينيمات لانه عيب وميصحش بردو !! فشكرا للرقابة على كل ماقدمته من رقابة وهذا الكلام ينطبق على باقى الافلام ايضا ابتداءا بالكوميدى ومرورا بالدراما الرومانسية انتهاءا بالاكشن بالاضافة الى العك الذى لا ينطبق عليه لفظ افلام ايضا !! وما قلته قليل من كثير وغيض من شخاليل.... وشكرا لكل بنى ادم وصل للسطر دا وفى هذه اللحظة سمعت مخرج الموضوع بيقول CUT برافو يا محمود the end دمتم فى رعاية الله |
صـــــــــــــــــــــح لو قولتلهم كدة
يقولولك تقدموا واعملوا زى افلام الاجانب ولسة دول بداية بس اللى جى اكتـــــــــــــــــــــــــــــــر واكتـــــــــــــــــــــر |
لو كان التقدم والتطور هيبقا بكدا
فمش عايزين تقدم ولا تطور عايزين ربنا يسامحنا بس شكرا على المرور دمتم فى رعاية الله |
اممممممممم
مش عارفة اقول ايه اكتر من اللي انت قولته المشكلة انك تيجي تسالهم بقولولك احنا بنعبر عن الواقع اللي حولينا واقع ايه منكم لله :o ربنا يولع فيكم بجاز:angry2: |
اقتباس:
منك لله يا محمود كان لازم تكتب الكلمة دى ماما شافتنى و انا بشوف الفيلم قصدى باقرا الموضوع قالتلى اقفلى يا بنتى الكلام الفاضى ده اكيد بكذب طبعا بس يعنى لو كان الافلام دى محدش بيدخلها كانوا هيعملوها لاء طبعا لان ده سوق بيعتمد على العرض و الطلب يعنى انت لو مش فيه حد رد على مواضيعك مش هتكتب تانى غالبا يعنى بس لو الناس ردوا يبقى انت هتتشجع و تكتب اكتر ده بالظبط اللى بيحصل يعنى لو الناس كانوا م الاول اعترضوا على فيلم الريس عمر حرب مكانش خالد يوسف عمل الفيلم المقرف اللى اسمه كلمنى شكرا ده بس هو الراجل بصراحة ماثرش يعنى هو طبعا عشان الحبكة الدرامية (محاضرة ادب انجليزى اهوه عشان مبقاش حرمتك من حاجة) لازم يعدى على شوية مشاكل كده على الماشى عشان يقنعنا انه بيحكى الواقع يلا اسيبك انا بقى عشان اروح اتفرج على فيلم اقرفنى شكرا!! |
انا بقالى كتير جدا مروحتش السينما عشان الانحطاط اللى في الافلام ده,,
كل الافلام بقت على نمط واحد ..ولما تيجى تسأل المخرج الكبير طبعا خالد يوسف وامثاله يقولك ده واقع وبنعيشه والعايز يتفرج يتفرج والمش عايز عنه ما اتفرج .,,السينما بقت هدفها الفلوس وبس .. لكن نقول ايه ...غير حسب يالله ونعم الوكيل لانهم بينشرو الفساد من خلال افلامهم وده على ما اظن الهدف التانى .. ميرسي ع التوبيك ..:mad: |
اقتباس:
طب وال تحت كده يقرأولا يطلع بره انا على فكرة لسه مفكرتش أقرأه غير لما اسمع الجواب بس لحسن احنا عيلة محافظة:romarioxp6: |
قال يعني خلاص
قلدنا الغرب في التطور التكنولوجي والاخلاص في العمل والدقة والاتقان ومبقلناش غير القرف عشان نقلدهم فيه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!! بجد ربنا ينتقم من المخرجين دول ومن الممثلين دول ومن الكتاب دول وكل العاملين في الافلام الهابطة دي !!!!!!!!!!!!!!!!!!!!! وكما قالت بنت دمنهور بيستهبلوا واقع ايه ؟؟؟ انتم الى عيزين تعملوا واقع على مزاجكم يا شوز انت وهو ( أول مرة اشتم ف المنتدي ) وفعلا يا جماعة لو مفيش حد بيدخل هيعملو تانى ليه زي ما قالت لمى ؟؟؟ لو حد يا جماعة يعرف خبر سقوط اي فيلم من الافلام دي ياريت يحطوا في قسم خبر وتعليق عشان يبقي عبرة لمن يعتبر.......... حسبنا الله ونعم الوكيل فيهم بجد و جزاكم الله كل الخير على الموضوع |
اقتباس:
ياللا ربنا يهديهم بلاش الجاز علشان سعره غالى دلوقت او ممكن نخليه جلز وسخ اهو حتى رخيص وبيوفر شكرا على المرور دمتم فى رعاية الله |
اقتباس:
دمتم فى رعاية الله |
اقتباس:
بس بلاش الوش اللى فى الاخر دا علشان بخاف:d |
اقتباس:
فمن باب اولى انك تقرى الموضوع لو حبيتى يعنى لو مش حابة تقريه يبقا كفاية انك شرفتينا فى الموضوع :d اقتباس:
:d |
اقتباس:
شكرا على المرور دمتم فى رعاية الله |
عندك حق والله......
بجد بقت حاجة تقرف......ويقولك ديه حرية التعبير والراي ..... والله لو هنتطور وتبقىعندنا حرية بالمنظر ده الله الغني عن ده تقدم وحرية ...... وللاسف زي ما البعض قال انلو الافلام ديه مبتنجحش او مبتجبش فلوس يعني زي ما هما عايزين عمرهم ماهيفكروا في كده بس للاسف الافلام ديه زي ما بيقولوا كده ليها زبونها..... ربنا يهدي الجميع .......ميرسي على التوبيك......... |
اقتباس:
ربنا يهديهم ويرحمونا منهم شكرا على المرور دمتم فى رعاية الله |
اقتباس:
توخي الحذر على اساس مبصش عالكلمة اول ما اشوفها يعني :d واحلى حاجة إنك حاطط سنك هو اقل limit للموضوع عشان تعرف تحطه والباقي يولع :d مع إنه بيبقى مصدر جذب اكتر ما بيكون شرط (كالعادة :d) للأسف الافلام دي والتي بتمثل (جزء) من واقع حياتنا بره بيشوفها على إنه ده هو (كل) واقع حياتنا فاصبحنا نلقب بشعب الافلام والمسلسلات الخليعة والشباب المتتمر(تمورة حسني) وابناء فيفي عبده لأنه ببساطة وللأسف ده هو الواجهة الوحيدة لمصر قدامهم يعني الخطر مش في الداخل بس ابقى اتفرج عالافلام دي بنظرة تأملية واجيلك تاني عشان نعرف نتناقش بقى :d ربنا يهديك ويهدينا ويهدي الاعلام المصري :romarioxp6: |
اقتباس:
عشان اكون كملت 18 بقي:stickjo4: يلا بقي مش اول ولا اخر واحدة تزور في المواضيع:d بجد موضوع جميل جدااا وعصري كمان وكله حصري ع بوابة الثانوية العامة :p الرقابة علي الأفلام المحترمة (ان كان فيه أصلا) علي الافلام التي لا تحارب الدين الإسلامي بجد بقي حاجة سخيفة أوي لما تفتح التليفزيون و500 قناة ادامك ومعظمهم بيعرض أفلام حقيرة والله الواحد بيتكسف يتفرج ع الإعلان بتاع الفيلم معروف الإعلان دا إعلان مش محترم وفيه صور مش محترمة والابشع من كدا تلاقي واحد طالع في أول الفيلم وبيقول يارب تحسب أن الفيلم كويس وتسمع لباقي كلام الشاب تحس بسوء أدب مع ربنا وبعد كدا تلاقي المشهد حقير ومش ادامك اللي انك تشيل الفيشه:oبسرعة وتكره اليوم اللي التليفزيون جيه عندك بس المشكلة مش فينا أحنا كناس كبيرة مثلا فأنت عارف ان دا صح ودا غلط ودا حرام ودا حلال أاما الأطفال والله الخوف الأكبر عليهم وبالذات في الأسر اللي هي مش بتعلم اولادها حاجة اللي بتسيبهم كدا من غير متابعة ادام التليفزيون ولا بتكلمهم ولا حاجة يعني موقف حد ادامي كدا كان فيه طفل (خلي بالك من طفل دي) بيتفرج ع التليفزيون وامه في المطبخ وبعدين اللي الولد بيتفرج عليه فيلم مش محترم (الافلام دي بتتعرف من السمع والناس بتقول لبعض) عارف الأم لما جت عملت ايه ولا حاجة وقالت طول النهار قاعد ادام التليفزيون وانا مش قادرة عليه دا كلام أم اللي هي هتتحاسب أصلا علي أبنها تلاقي أسر كثيرة كدا بل في حاجات وقحة أن بعض الناس بتضحك لما يجي مشهد مش محترم خالص عشان الأبن بيتفرج ومركز بجد عالم دماغها فاضي ... تفتكر دول الأطفال يعني مش بعد كدا هيشفوا كل حاجة عادي حتي الحاجات الحرام عندهم هتبقي عادي لانهم مش اتربوا صح من الأول .... الممثلين عايزين يبقوا زي الأجانب تعرف انا مرة سمعت أن الصين أو اليابان مش بيعرضوا الافلام العنف الا بعد الساعة 9 بالليل وومنوع مشاهدة الاطفال للأفلام دي سألت نفسي يعني هم بيخافوا علي أطفالهم واحنا لا هم مش مسلمين واحنا مسلمين ومع ذلك ناس مش قادرة تحمي أطفالهم موضوع متميز فعلا ياباشمهندس ربنا يرحمنا برحمته ويهدي العالم دي بقي اقتباس:
فعلا زي ما بانزر بيقول كل اللي بيشوفوا الأفلام والمسلسلات دي بيفتكروا أننا كدا ع فكرة دا لا يمثل اي شيء من الواقع المصري دول شوه المصريين بالأفلامهم دي معظم العرب بيحبوا الأفلام والمسلسلات المصرية يلا ربنا يهدي |
موضوع رائع ويستحق النقاش
|
انا بعد ماشفت اعلانات فيلم كلمنى شكرا
مابقاش فيه كلام ينفع يتقال خصوصا ان في صحيفة زكرت ان اسرائيل علقت عالفيلم المصرى كلمنى شكرا ووصفته بالاباحية واحنا زى الهبل اول مانشوفو واحده هدومها ع قدها نجرى نتفرج ده بقي ضحك عالدقون ع راى اللي قال زمان كنا بنقول علي هند رستم ملكة اغراء السينما المصرية يجو يشوفو دلوقتى حسبنا الله ونعم الوكيل |
سورى ياجست نسيت اشكرك عالموضوع
تسلم ايدك |
اقتباس:
دمت فى رعاية الله |
اقتباس:
شكرا على المرورو بجد نورتى الموضوع دمتم فى رعاية الله |
اقتباس:
شكرا على المرور اقتباس:
اقتباس:
هند رستم مين بس كل الموجودين دلوقت او معظمهم خمسين هند رستم فى بعض دا هند رستم محترمة بالنسبالهم اقتباس:
اقتباس:
ولا يهمك شكرا على المرور دمتم فى رعاية الله |
بجد والله لو الحريه بالمنظر ده الله الغنى عنها
احنا عايزين منكش متحضرين بس نكون بلد محترمه تسلم ايدك على الموضوع |
| جميع الأوقات بتوقيت GMT +2. الساعة الآن 11:14 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.