|
بدر صرح بكل شىء إلا المتعاقدين
اليس غريبا ان يتحدث الوزير الجديد فى كل شىء ؟ ويتجنب الكلام عن المتعاقدين هل هذا مقصود ؟؟ أليس غريبا عدم توجيه أى سؤال بشأن التعاقد فى البرامج الكثيرة التى استضافته ؟ ما سبب التعسف والظلم ...... التعيين حق للمتعاقدين |
التعيين حق للمتعاقدين
|
طيب ياريت حد يقول الوزير قال ايه تاني
|
ان شاء الله خير
|
طيب ومدرسين الاجر لم يتكلم عنهم ايضا
|
تحدث عن الثانوية العامة
تحدث عن التعليم الفنى تحدث عن الاداريين ووعد بحل تحدث عن الجودة تحدث عن الضرب تحدث عن المناهج اتخذ اجراءات تجاه المستشارين السابقين ...وتحدث كثيرا فى برامج تلفزونية وتصريحات صحفية هل من الصدفة نسيان المتعاقدين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟ |
المدرس المتعاقد لايوجد في حسابات اي وزير
لانة يعتبرهم ( شوية عيال) و( ملهمش لزمة) لكن في الواقع المعلم المتعاقد هو الذي سيقوم بتطوير التعليم وهو القادر علي تطويع العلم والتكنولوجيا في افادة المتعلم وهو القادر علي استخدام التكنولوجيا الجديدة في التعليم |
المشكلة ان الواحد مش عارف ياخد حقه وبنقول اهو عقد حكومة احسن من عقد فى مدرسة خاصة وبعدين هما مايقدروش يعملوا حاجة لانهم محتاجين لينا 100% ومايقدروش يعملوا حاجة
|
يجب ان يعرف الزملاء الجدد المتعاقدين :
عندما يتم الالتزام القانونى لحصص كل مدرسة وفقا لقانون الكادر 155 وكذلك نزول العاملين بالادارات والمديريات للمدارس لصرف الكارد سيكون هناك فائض كبير فى معظم التخصصات بجميع المراحل لذا فأن ظهور النتيجة لايعنى عقد تعيين لان جميع العقود لمدة بينية محددة وفقا للقانون المذكور نعم تمنوا واحلموا ولكن العمل فى التربية والتعليم سيكون شاق فى المرحلة القادمة للموجودين بالخدمة او من سينذضم لهم فى الفترة المقبلة فأهلابكم مدرسى المستقبل |
ان شاء الله خير
|
اقتباس:
حضرتك بتقول ان الاداريين لما ينزلوا المدارس هيكون فيه فائض مع احترامى ليهم كلهم نسوا التدريس لانهم بالفعل فى المدرسه الى انا فيها من يوم ما نزلوا قاعدين فى االشمس والا بيعملوا اى حاجه ومش هما بس انتوا عارفين الى شايل المدرسه المتعاقدين وكام مدرسه عندهم ضمير يعنى المدرسه الى انا فيها بها 8 مدرسين رجاله وسيدات مش شغالين اصلا مع ان لهم نصيب فى الحصص وفى كل حاجه . لهم جدول وكل حاجه ولكن الفصول فى وقت الحصص بتاعتهم بتبقى فاضيه وبيجاملوا بعض ولما قلت هشتكيكم ثاروا عليا واول واحد المدير كتب فى مذكره للاداره التعليميه بدون وجه حق مع انه اول واحد بييجى المدرسه بعد ما يكون خلص كل مصالحه الى بره ومازال لحد دلوقتى ما يعرفش حاجه عن المدرسه لانه من القيادات الجديده فى الاخر انا بقول كل ده لان حضرتك مستقل بدور المعلم المساعد الى هو اصلا المفروض ميكنش معلم مساعد لان ده حرام بجد اسف للاطاله ولكن حبيت اقول رايى بصراحه مدرس متعاقد علوم:mad::mad::mad::mad::mad::mad::mad::mad: |
ملحوظه اخيره انا بدرس مادتين فى المدرسه علوم ورياضيات لان مدرس الرياضيات مش فاضى يدرس مادته ومقدرش اتكلم لانهم بيقولوا انت تخصص علوم والرياضيات والعلوم قسم واحد
لو حد عنده اى اقتراح لى ياريت يكتبه ويحل المشكله دى |
كلام منطقى فعلا ً
اقتباس:
اقتباس:
كلام منطقى فعلا ً |
على فكرة يا جماعة فعلا المدرس المتعاقد هو اللى يقدر استخدام التكنولوجيا فى التعليم لكن معظم الاساسيين الحاليين يتبعوا نظام تعليم بدائى مع احترامى للجميع دا كلام من الواقع و محدش يزعل منى انا قولت معظم مش كل و ربنا يقدم اللى فيه الخير
|
اقتباس:
انما لو مدرس الرياضيات ده موجود هل له جدول ونصاب قانونى حتى ولو على الورق اى جدول وهمى يبقى كده متقدرش تعمل حاجة انما لو مليهش جدول دى حاجة تانية واثباتها سهل |
اقتباس:
احنا اللى منقدرش نعمل حاجة لو الاداريين والموجهيين نزلوا يدو حصص واصبح لهم جدول حتى ولو وهمى من غير مايشرحوا فعليا انما الواقع هيقول انه الجدول تمام لما ينتهى العقد بتاعنا هيقولك للاسف مش هنجدد العقد احنا تعاقدنا معكم لسد العجز ودلوقتى مفيش عجز هتقولو نشكى ونتظاهر ونقلب الدنيا بعد فسخ العقد انتهت متقدرش تعمل اى حاجة وبالقانون هيقولك العقد شريعة المتعاقدين والعقد انتهى ومفيش اى بند فى العقد بينص على التجديد ثانيا فى بند تانى فى العقد انه عند فسخ العقد يفسخ حتى بدون ابداء الاسباب ولا يحق للطرف الثانى ((المتعاقدين)) فى الشكوى يعنى يفسخ بالقانون وكمان بدون ابداء الاسباب وكمان ليس لك الحق فى الشكوى وانت تقول ميقدروش يعملوا حاجة |
اقتباس:
إلغاء التدريس..بنظام الحصة الاستفادة من خبرات المعلمين لأكثر من 15 عاماً.. ودعم الإداريينكتب مجدي عبدالرحمن:نقل الدكتور رضا أبوسريع مستشار وزير التربية والتعليم إلي لجنة التعليم في مجلس الشعب برئاسة الدكتور شريف عمر بشري هامة وأعلن أنه لن يكون هناك معلم من غير المعينين يعمل بنظام الحصة في المرحلة المقبلة لتلافي المشكلات المترتبة علي ذلك. قال خلال حواره مع النواب إن فلسفة كادر المعلمين تستهدف إطالة الفترة التي يقضيها المعلم في التدريس بدلاً من قضاء 15 عاماً فقط في التدريس بعدها ينتقل لوظيفة إدارية وذكر أن الوزارة ترغب في الاستفادة من خبرات هؤلاء المعلمين لأطول فترة ممكنة مؤكداً في الوقت نفسه أن الوزارة تدعم بكل طاقتها الإداريين باعتبارهم جزءاً من العملية التعليمية. من جانبه أوضح محمود عابدين رئيس الأكاديمية المهنية للمعلمين أن المشكلات التي يواجهها كادر المعلمين موجودة في وزارة التربية والتعليم وفي التعليم الأزهري أيضاً وفي مقدمتها تعيين بعض الخريجين الحاصلين علي ليسانس فرنساوي كمعلم فصل وهو ما يعد ظلماً له وللتلاميذ الذين يدرسون لهم. في الوقت نفسه قال النائب السوهاجي محمود أبوعقيل إن التعليم في مصر ينتحر منتقداً تعيين معلمين في وزارة التربية والتعليم من غير خريجي كليات التربية. انتقد هاني مبروك عدم صرف الحافز الخاص بكادر المعلمين للعاملين بالإدارات التعليمية ومديريات التربية والتعليم وعدم نقلهم من ديوان عام المديريات إلي المدارس للاستفادة من الكادر. |
مش ها يحصل ان الاداريين ها يدوا حصص ده من رابع المستحيلات واللى حاصل فى المدارس دلوقتى اكبر دليل على كلامى
|
اقتباس:
مع الاسف حصل فعلا وخدوا جداول علشان يقبضوا الكادر بس المصيبة انها جداول على ورق وهمية بس قانونية انت معاك جدول علشان تاخد جدول ايوة اهوا وادى دفتر التحضير وكل تستيف اوراق وحصصهم هيشليها اللى اقل منهم رتبة من باب المجاملة والنفاق والخوف |
شكرا لمروركم المشرف ومشاركاتكم الايجابية
لكن لا نود التطرق لمواضيع فرعية لا خلاف على ان المتعاقدين اصبحوا الآن عصب العملية التعليمية فى مصر وان أى إضراب أو امتناع جماعى من المتعاقدين عن العمل سيصيب التعليم بشلل تااااام خاصة فى التعليم الابتدائى والاعدادى الـــــــــــــســـــــــــــــؤال هـــــــــــــــــنـــــــــا : التعيين حق المتعاقدين....... كيف الوصول اليه ؟ |
| جميع الأوقات بتوقيت GMT +2. الساعة الآن 07:38 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.