|
بخصوص ال icdl المطلوبه فى اصول الورق
السلام عليكم ورحمة الله وبركاته يشرفنى انى اكون معاكم لانى عضوه جديده فى المنتدى وانا مدرسة انجليزى تعاقد مميز وامتحنت ونجحت الحمد لله وطبعا قدمت اصول ورقى بس لسه ال icdl لانى اتأخرت فيها بسبب ظروف خاصة ليا انا محتاجه امتحنها ياجماعه ومش عارفه اقدم فى الوزارة ولا فين وعاوزه حد يفيدنى بخصوصها لانى بجد مش عارفه وحاسه بل متأكده ان الوزاره هتاخرنى كتير لانها زحمه جدااا انا هروح بكره ان شاء الله اقدم عليها وزى ماتيجى بس قلت قبل مااروح حد يفيدنى يمكن الاقى مكان تانى يكون بيمتحن بسرعه ومعتمد طبعا ياريت اللى امتحن واللى لسه ماامتحنش يفيدنى بخصوص الموضوع دا باى حاجه تعرفوها وجزاكم الله كل خير :) |
انا مدرب تبع التطوير من شهر 10 اكتوبر2009 ولسه لغاية دلوقتى
مبعتوليش عشان امتحن وزى ناس كتير اوى شكلى كده هاخدها تانى بره وأمرى لله |
شكرا استاذ طه لردك
بس تعرف انا احبطت اكتر من الاول بس انا مش فاهمه انت مدرب تبع تطوير ايه ...مكان ايه دا يعنى؟ على فكره كمان المفروض متستناش انت لما يبعتولك لازم تروح بنفسك للمكان دا وتسأل بس ايه هو اللى بتقول عليه دا الاول؟؟؟ |
الوزارة عندها قايمة انتظار طويلة جدا الأفضل تخديها فى مكان خاص بس تتأكدى الأول إنه معتمد من اليونسكو |
أختى الفاضلة الافضل لك أن تذهبي لمركز خاص وتقوليلهم أنا عايزه أخد الدورة على حسابي
بيفتح لك سكيل كارد بحوالي 130 ج والمديول ب 25ج ده لو أنت جاهزه للامتحانات وده الى أنا عملته |
طب اخر ميعاد لتقديمها امتى هل هو 25 /2
|
شكرا للناس اللى ردت
انا اصلا عمرى مافكرت انى اخدها فى الوزاره ولا اى مكان تبع التربيه والتعليم بس انا اعرف ان هما مش بياخدوا الناس اللى شاغلين فى التربيه والتعليم ياترى لو حد يعرف مراكز قريبه اقدر اروحها ووالله حتى لو على حسابى مش مشكله بس حد يساعدنى فى مراكز تكون قريبه من حلوان او المعادى مثلا |
ياسيد يا محترم فى هناك اشخاص تضرب الشهادة وبمبلغ 850 فقط ويمنحن بدل منك شخص اخر
|
طب حددي الاول حضرتك منين وانا اقلك اقرب مركز بلنسبالك انا مخلصها كلها السنه الي فاتت
|
حاولي تسرعي أختي الكريمة لان الشهادة بتأخد وقت عشان تطلع
لو أنتي جاهزة ومعاكي واسطة كويسة عشان الزحمة اللي في التطوير هتدفعي 120ج كتأمين وهتاخديهم تاني مع إستلامك للشهادة الامتحانات يوميا من الأحد إلي الخميس ثم الأحد والاثنين من الأسبوع التالي مباشرة سيتم تسليمك إفادة بالموديلات كاملة ومختومة بختم مركز التطوير مركز التطوير يتابع بإستمرار صدور الشهادة الأصلية للحصول عليها في أسرع وقت ممكن ودي ميزة كبيرة جدا بتميزه عن المراكز الخاصة بصرف النظر عن التكلفة تحياتي |
اقتباس:
الاخت المحترمة اذهبى الى اى مركز خاص ادفعى حوالى 240 جنيه امتحنى اول موديول : الويندوز مع مساعدة من اى استاذ او استاذة بيعطى درس يحفظك الاسئلة و الاجابات تخلصى فى اقل من شهر و بعدها ب 60 يوم تأتى لك الشهادة من اليونسكو مع عتاب لك : و هو : ما الذى جعلك تنتظرى حتى الآن ؟؟؟؟؟؟؟؟؟؟؟؟؟؟؟؟؟ |
اقتباس:
انا من حلوان وياريت لو تعرف فعلا وتفيدنى بخصوص كدا يبقى جزاك الله كل خير |
اقتباس:
انا رحت فعلا النهارده بس للاسف التقديم الخميس الجاى وشكلها كدا فيها تاخير جامد طيب لو انا قدمت فى التطوير هقعد اد ايه على بال ماابدا الامتحانات ؟؟؟ مش عارفه بجد اتصرف ازاى حاجه تخنق |
اقتباس:
اقتباس:
-------------------------- مانا قلت لحضرتك كان عندى ظروف هى اللى اخرتنى للاسف دا غير انه اصلا ماجليش تدريب نهائى لو حضرتك تعرف مركز معتمد امتحن فيه على طول ومش مهم الفلوس فيدنى لانى سالت فى مراكز كتير والله بس كلهم تدريبات بس ومش عارفه اعمل ايه انا من حلوان ايه المراكز طيب اللى تكون قريبه منها لو حضرتك عندك فكره |
السلام عليكم بجد منتدي جميل (لو سمحتو عاوز الامتحانات بتاع icdl )
|
هو مفيش حد رد ليه لغاية الوقتى؟؟
|
يا أختي في الله كل الناس اللي ردت عليك تحبذ ان تاخذي الدورة بره وامتحني وخلصي بسرعة وكل الاخوه قالوا من زمان icdl مهمة قبل التربية والتعليم ما تطلبها شدي حيلك
|
السلام عليكم و رحمة الله
اختى العزيزة توجهى الى التطوير التكنولوجى الخاص بالمنطقه التعليميه او الاداره التعليميه الخاص بكم وتقدمى بطلب للحصول على icdl وتقومى بتسديد مبلغ وقدرة 120 جنيه فقط تامين فى البدايه ............. وان شاء الله بالتوفيق....................................... محمود الاقصر مدرس كمبيوتر تعاقد وزارى |
خدوا بالكم ياجماعه حكاية انك تضرب شهاده صعب جدا ومن الافضل انك تعتمد على مجهودك
وان شاء الله ربنا معاكم جميعا :078111rg3: محمود الاقصر |
اقتباس:
هيعطيكى كل المراكز المعتمدة على مستوى الجمهورية وفى كل محافظة اكثر من 5 او 6 مراكز معتمدة شوفى اقرب مركز معتمد ليكى واذهبى اليه |
|
اقتباس:
بعد التقديم بأسبوع أو اتنين بالكتير لانه زي ما قلت الأمتحانات يوميا وكل يوم 5 مجموعات بتمتحن هما كانوا عملوا حاجة يخففوا بيها الأقبال الشديد شوية وهي إنه لازم يكون معك إذن (عبارة عن ورقة مكتوبة من مركز التطوير في الإدارة التعليمية للمركز الرئيسي بأن فلان الفلاني قادم إليكم .. ألخ) بس أنا روحت مركز التطوير لكي أمتحن وطالما تم ملأ الإسكيل كارد محدش له عندك حاجة حاولي أولا مع التعليم (مش عشان المجانية ولو إنها برضه مهمة) بس عشان سرعة إستخراج الشهادة وبعدين حاولي المراكز الخاصة .. وأنا مش عارف حضرتك منين بس فيه في المنصورة وبورسعيد مركز اسمه فيرجتك شغال تمام وفيه مراكز جديدة دخلت في الموضوع لانه واضح إن الأمر بقى سبوبة حلوة لناس كتير خلي بالك بس من المركز عشان فيه مراكز بتضرب الشهادة وربنا معك تحياتي |
الف شكر ياجماعه وربنا يسهل
|
السلام عليكم نفس المشكلة كنت فيها قدمت فى التطوبر فى الزقازيق من شهر رمضان اللى فات يعنى فى شهر 10 وكل شويه اسأل يقولوا قدامك شهر لحد مازهقت وبدأت ادور على المراكز الخاصة فى الزقازيق وللاسف كانت الامتحانات واقفة فى كل المراكز الكلام ده فى 15 /12 المهم فضلت ادور على المراكز اللى فيها امتحانات شغالة لما وصلت لمركز فى العباسية تايع للجهاز المركزى للتعبئة والاحصاء وبالفعل اتصلت بيهم وحجزت ورحت اول يوم ودفعت 160 سكيل كارد و25 لكل امتحان ودخلت وبندوز ونت الكلام ده يوم 2/1/2010 والحمد لله خلصت السبع مديولات يوم 16/2/2010 وقدمت الافادة. انصح اى حد عايز يخلص بسرعة يروح مركز التدريب التابع للجهاز المركزى للتعبئة والاحصاء بجوار نقابة التجاريين بالعباسية وده التليفون الخاص بالمركز 0223421804 ولو لقيت الخط مشغول افضل حاول لما يردوا ساعات بيكون فى ضغط جامد وعلى فكرة الحجز بيكون السبت وممكن يفضل للاحد عشان الاماكن http://www.capmas.gov.eg/map.gif وده الرابط اضغط هنا |
الف شكر يامستر
بجد كنت محتاجه المساعده دى من بدرى وربنا يسهل |
اقتباس:
|
| جميع الأوقات بتوقيت GMT +2. الساعة الآن 06:49 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.