|
لو كنت مكانى هتعمل ايه ......ياريت الكل يدخل بجد محتاج ارائكم
الســـلام عليكم ورحمــــه الله وبــــركاته اسعد الله صباحكم ومســـــــــائكم عندى سؤال ياريت الآقى اجابــــــــه عليه ........اتمنى ذلك لكن قبل السؤال احب اذكركم بحديث الرسول صلى الله عليه وسلم عن أبي سعيد الخدري - رضي الله تعالى عنه - قال: قال رسول الله صلى الله عليه وسلم: من رأى منكم منكرًا فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان أخرجه مسلم. لو كنت مكانى وعارف انه فيه كذا معهد كدا بيجمعوا فلوس و كدا علشان الغش فى الامتحان وبيجيلهم ورق الاجابه مطبوع :oمفيش عليهم بقى غير انهم يكتبوا .......ناقص يجيبوا حد يكتبلهم كمان:angry2: ها لو انت مكانى بقى هتسكت ........ولا ممكن تعمل حاجه ........ولو هتعمل هتعمل ايه ...:confused:.. انا طبعا نفسى اعمل حاجه .......محدش يقول يعنى انت هتصلح الكون ......لا انا مش هصلح بس لو كل واحد سكت هتبوظ الدنيا خالص.......مع انها بايظه اصلا المهم ......لما اقول قدام حد نفسى ابلغ على المعهدين دول يقلى حرام عليك .......هو الغش حلال ولا ايه يا جماعه .....حد ينبهنى يحسن اكون هعمل حاجه غلط ولا حاجه :)متبخلوش بالنصيحه بقى ها انا قلتلكم القصه ........وكمان الموضوع وما فيه بقى انى انا اصلا متغاظ ومضايق يعنى مش حرام لما ازاكر واتعب نفسى واجى الاقى واحد اقل منى بقى دكتور مثلا لانه مدرس حلله الامتحان وانا مجرد غلطتين واروح فى داهيه وماهو لو مفيش غش وانا نقصت عادى التنسيق هينزل لكن بقى نقول ايه ................. غير كدا البلد هتبوظ دكاتره بقى فشله ......انتوا مسمعتوش ان اوائل الثانويه العامه كلهم نزلوا فى كليات الطب .....البلد هتتدمر من الفشل دا مش هيكون فى دعامه تتسند عليها لما تمر الايام والجيل كله يبقى فااااااااااااااشل :oاه مستغربين ليه الغش بيعمل اكتر من كدا والله يمكن تفتكرونى ببالغ طيب اسمعوا بقى القصه دى وفى زيها كتتتتتتتتتير متعدوش فى واحد كانت فى تالته ازهر من كام سنه كان قريبه بيغششه دخل صيدله بياخد السنه بسنتين واوقات بيعدى يعنى هتقولوا ماهو اخد جزاءه .......اه صحيح بس بعد فوات الآوان عارفين ليه لانه اخد مكان واحد كان ممكن يبقى عالم واو حاجه مفيده يــــــــــــــلا معلش طولت عليكم بس ياريت ............ياريت الآقــــــــــــى ردود كمـــــــــــان تقولولى ابلغ ازااااااااااااااااااااااااااى عن المعاهد دى .........متبخلوش بالرد مستنى اسمع ارائكم قبل ما اسيب الموضوع هختمه بالى بداته بيه عن أبي سعيد الخدري - رضي الله تعالى عنه - قال: قال رسول الله صلى الله عليه وسلم: من رأى منكم منكرًا فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان أخرجه مسلم. دمتم فى حفظ الله |
كالعاده مشاهده بدون رد طيب ليييييييييييييييييه:(:confused: المشاهدات 8 الردود صفر بقيت احس ان الكلام بفلوس:confused: ههههههه لما اشوف هلاقى اردود ولا لا ولا محدش هيقلى رايه |
انا من رايى لو انت عندك دليل على ان المعاهد دى بتغش فعلا
اكيد لازم تقول للمنطقة الازهرية وهما بقى يتصرفوا معاهم لانك لو انت مقولتش لحد تعتبر مشترك معاهم فى الغش ده فلازم تبلغ وانت اكيد طبعا عارف الكلام ده واعرف ان انت لو بلغت مش هتعمل حاجة شر ولا غلط انت كده تصلح ارجو ان اكون اصبت وانتظر راي باقى الاعضاء ومن رايى اكيد لازم تبلغ وبالله التوفيق |
اقتباس:
شكرا لمرورك راي حضرتك مقنع جدا وانا متفق معاك فيه لكــــــــن الى يعرف حاجه يبلغ ازاى؟؟ |
تروح المنطقة التعليمية الازهرية ومعاك الادلة على ان المعاهد دى بتغش فعلا
هما هناك هيتصرفوا انا عارفة ان الغش بقى كتيييير اوى الله يصلح حال الجميع |
عندك حق ياخي
وهو دا رأيي الغش مفسدة وإن أصلح |
فاكس شيخ الازهر 0225883064
فاكس رئيس القطاع 022293226 وفقك الله |
و آدى المستر قالك على فاكسات
يارت تبلغ بجد وبالله التوفيق |
ياريت الكلام ده عندنا وانا رايي انك تحاول تمتحن في المعهد دوت وخلاص واهي خربانه خربانه
|
لا طبعا ازاى
مينفعش يسكت لانه لو سكت كأنه مشترك معاهم فى الغش ده وبعدين ده لمصلحته |
اقتباس:
شكرا لمتابعه حضرتك للموضوع .....دا شرف كبير ليا وشكرا على النصائح الغاليه حضرتك عندك حق وكمان قل لن يصيبنا الا ما كتب الله لنا جزاك الله خيرا انا بس حبيت انى اناقش المشكله فى ناس كتير بيتعبها الموضوع دا حبيت اقدم الحل كدا مفيش عذر لحد :):):):):):):):):):):):) |
ربنا يوفقك
|
اقتباس:
ودا موضوع مينفعش حد يشوفه ويسكت وربنا يوفقك |
اقتباس:
ويوفق جميع المسلمين |
ربنا يوفقك وعايز اقلك ان الله يضيع اجر من احسن عملا انت اجتهد ومكانك محجوز والله وان اظلمت رنا هيعوضهالك فى حاجة تانى مش ممكن الكلية التدخلها تبقى فيها دكتور جامعى وهو لايقل اهمية ان لم يكن يزيد عن الاطباء والمهندسين وحسبنا الله ونعم اوكيل فى الكان السبب فى دمار الازهر انت مدايق علشان المعهد الانت مش فية بيغش والله انا كان بيحصلى الكلام دة فى الجنة الجمبى هما علشان الوسايط بيغشوا ويجيبوا درجات عاليا وفيهم ناس كانت بتجيب اكتر منى فهقولك بلغ وبرضوا حسبنا الله ونعم الوكيل فى الكان السبب
|
اسف على الغلطة اقصد ان الله لا يضيع اجر من احسن عملا
|
اقتباس:
السلام عليكم ورحمه الله وبركاته مين قال انى زعلان ان معهدى مفهوش غش حضراتكم فاكرين ان انى زعلان لان الغش مش عندى مع العلم انا كنت فى المعهد التانى العام الماضى بس حولت ورحت مكان غيره ربنا يوفق الجميع والله لو الكل هياخد حقه مفيش مشكله خالص شكرا لمرورك بالتوفيق ان شاء الله اتمنى انك تحقق كل الى انت بتتمناه وزى ما انت قلت ......ان الله لا يضيع اجر من احسن عملا كمان -------قل لن يصيبنا الا ما كتب الله لنا نورت الموضوع .................. |
ما احنا عارفين ان انت متضايق علشان معهدك فيه غش
فعشان كده بنقولك بلغ:) |
اقتباس:
من اول السنه ....متفرقش معايا اى معهد المشكله عندى واحده |
ربنا معاك...
|
اولا يا محمد
انا فى معهد زى بتاعك اللى كنت فيه انت بتقول هعمل ايه انا عملت وقلت مش عاوزة ورق تانى حاجة اوعا تفتكر ان الورق اللى مطبوع صح ميه فى المية دا لو كدا كان كله دخل طب السنة اللى فاتت شوف المضحك اللى جاى واحدة من اللى كانت بتغش بالتليفون راحت عملت تاجيل فى مادة وفى اليوم اللى مش قاعدة فيه ابوها راح بلغ انى فى غش فى اللجنة تخيل مين اللى تتفتش الوحيدة اللى قالت مش عاوزة اغش |
والله زى ماتكون انا اللى بكتب
بس فى والله اكتر من كدة :angry2: انا اما اتعصبت كلمت المدرس اتضايق منى خالص وبص كانوا فى البداية اصحابى بيتضايقوا منى بس بعدين اعتادوا كدة وعرفوا ان اللى بيكون فى لجنتى لازم يذاكر بس طبعا فى كام لجنة فى المعهد وكام معهد فى المنطقة وكام منطقة فى الجمهورية دى اصعب مشكلة ممكن تواجهك:angry2: وشوف بقى علشان مش عايز تغش ولا يكون فى غش بيجيلك الغش على طبق من فضة:o اه والله تلاقى حد يقولك خلصت الامتحان ...طب عايزة حاجة... اجيبلك كتاب ايه؟؟؟:o اخويا السنة اللى فاتت قالى انهم كانوا فى من اصحابه بيدخلوا بالقواميس فى امتحان المستوى:oيا الهى معقوله.:frown:...وكل مجموعة عاملة دويتو مع بعضها :039uw8: وهو اما قال لا المدرسين فى منهم احترمه وفى اللى.........يلا بقى الماساة الحقيقية اما النتيجة طلعت ولقى اللى غش بقى اعلى منه ودخلوا كليات قمة..... قال مش مهم نصيبى كدة واما راح كليته لقى بقى الزملاء الجدد ما يعرفوش اى حاجة ماهو كل واحد دخل على قد ماغش ...يلا وتصدق بقى انهم يقولو لك حرام عليكى انتى مانعة اصحابك اللى معاكى من الغش وباقى المعهد غرقان فى الغش:angry2: ويقولولك ما انتى ذاكرى ومالكيش دعوة بحد وخدى درجتك من مجهودك وطبعا زى ما حضرتك قلت هاخد درجتى بس التنسيق بقى عالى هعمل ايه هما هيدخلوا طب وهندسة وصيدله وسنة وهيسيبوها بس انا مش هينفع اروح اقولهم انا عايز اخد مكانى اللى خلاص فيضى لى:d والله انا كل اما افكر فى الموضوع ده اتعب بس هعمل ايه؟؟ واحنا اصلا السنة دى فى ايد ناس تانية يعنى مثلا لو قلت فى اول الامتحانات مش عايزين غش والكلام ده ضايق المدرس ياسلام بقى لو جه يمتحنك شفوى:giljotiiniug3:يبقى امتحانك مش فايت يمكن اصعب شىء السنة دى انها مصير كل سنة كان ممكن اعاند اه ما انا مش هاممنى ........بس السنة دى اعمل ايه؟؟؟ لو عرفت حل ابقى اتصل على00000000099999 ماشى ربنا معاك معلش طولت عليكم انا اسفة بس اتخنقت بجد:angry2: |
اقتباس:
|
اقتباس:
متنسيش تفكرى بقى فى حــــــــــــــــــــــــل :d:d |
لو هفكر فى حل يبقى ان شاء الله السنة القادمة هكون مع اصحابى بنوع تانية السنة دى
انا حلى زى ما هتيجى معايا هخبط على قد عملهم ربنا يستر |
اقتباس:
|
الامتحانات خلاص قربت والطلبه اتفقوا مع مدرسين يحلوا الامتحان:o ربنا يستر :039uw8::039uw8: |
السلام عليكم ورحمه الله
بالنسبه لموضوع الغش والفاكسات وكدا فى معهد اعرفه تبع مركز فرشوط (معهد فتيات فرشوط) دا بقى الى اعرفه ان الامتحانات بتروحلهم مع ورقه الاجابه :bosyht9: اعرف بنات كانوا معايا حولوا هناك مخصوص استاذ الرياضه جاهز بالاسم وهيحل امتحانات الرياضه التلاته واحنا شغالين مزاكره والى يقول الفرع دا صعب ودا سهل وغيرنا ياخدها على الجاهز:angry2: لا ولما تقول قدامهم هبعت فاكس ولا يتاثروا عارفين ليه لان المركز كله بايظ السنه الى فاتت كانوا المراقبين كلهم الاساتذه ماعدا واحده بس كانت ابله دخلت لجنه العلمى ولعتها قالت الموبايل اشتغل رن بقى رئيس القطاع بنفسه :oقلها دول زى ولادنا خففى عليهم شويه وكدا واولياء الامور والوسايط اشتغلت كان يوم هى قالت صعبوا عليا بس مرضتش اخالف ضميرى تانى يوم لقيت نفسها احتياطى وجابوا كل بياناتها قولولها انتى مش من كذا وبنت فلان ابن فلان و خلوها احتياطى علشان يريحوها اكيد مش علشان كدا كلنا عارفين ليه!! طيب كدا عرفنا ان المركز كله بايظ وعلى فكره انا بتكلم جد مدرس الرياضيات جاهز وبتاع الفيزيا والكيميا ,اما الانجلش فمجانى بقى هديه من مدرس من البلد بس فى واحده جايبه واحد احتياطى:) طيب تفتكروا الحل ايه ؟ :confused:الى يقدر يعمل حاجه يا ريت يعملها انا البنات صحباتى تاعبهم اوى الموضوع دا وانا تاعبنى اكتر منهم بس محدش عارف يعمل حاجه الضمير كاد ينعدم فى الناس :( ربنا يستر دعواتكم فى حفظ الله |
اقتباس:
اما بالنسبه لصاحب المقال فالحل بسيط معاك فاكس شيخ الازهر ابعت فاكس وانت حاتشوف الى حصل او اتصال بمدير المنطقه وكانك ولى امر طالب وهددهم انك حاتتصل بالقنوات الفضائيه علشان تجى تصور المهذله وبعدين المشايخ عارفين يلعبوها ازاى حاتلاقى باعتين موجه صعب فى يوم ذى الانجليزى او الكيمياء كل الى اتربله يبوظ وتاكد من حاجه ان مستحيل الغش يوصل للطب ولا للهندسه لانى انا مدرس انجليزى وكنت اشوف الورق المحلول والله كله اخطاء والطلبه مش فاهمه حاجه بس تاكد من حاجه كل انسان مقدر له شى لاذم بيشوفه والحمد للله على كل شىء |
اقتباس:
|
اقتباس:
اكيد كلامى كان شديد شوى بس هقول لحضرتك حاجة اولا انا اول اما اتكلمت ما قلتش المدرسين كلهم انا قصدت اللى بيسمحوا بالغش .... واكيد المدرس اللى مش عاوز غش فى اللجنة هينفذ ده لان شخصية المدرس بتحكم الموقف كله وانا عارفة والله قد ايه المدرس اللى بيمنع الغش يبقى فى معاناة بس برضك الطالب اللى بيمنع بيكون فى معاناة وحضرتك عارف والمفروض المدرس يستحمل المعاناة بتاعته لما يفكر فى طالب .......... قولى بالله عليك يا استاذ ايه راى حضرتك اما تكون قاعد ليلة الامتحان مش عارف تنام ومش قادر اصلا تنام وبعدين مفيش فى دماغك مبدا انك تسمح لنفسك بمساعدة صديق زى ما بيسموها وتفاجا بان ده يعتبر منكر بالنسبة للناس لدرجة تخليك تقول هو انا صح ؟؟؟؟؟ وتلاقى اللى انت ذاكرته وحدك تلاتة اربعة مذاكرينه سوا يعنى المنهج متقسم عارف حضرتك بقى ساعتها هتكون حالتك ايه؟؟ والله انا مش بجيب الكلام ده من دماغى ده انا كنت بشوفه عارف حضرتك لو هم معترفين ان ده حرام كنت قدرت اكلمهم من الناحية دى لكن للاسف بيعتبروا ان الطالب الازهرى مواده كتير وبيذاكر فمش فيها مشاكل لو يكون فى مساعدة من اتنين مستوى واحد!!!!! بيقولوا حاجة من الاتنين يا اما انتى عارفة الامتحان كله ومش عاوزة تديه لحد او مستبيعة وربنا يعلم ان ده مبدا مش اكتر وموضوع الامتحان المحلول ده غالبا بيكون فى الاقاليم مش عارفة اذا كان هنا فى ولا لا بس غالبا بتكون جهود ذاتيه ...... قول لى حضرتك انا بقى اعمل ايه ؟؟؟ ادينى همتحن بعد كام يوم واصحابى حاطين فى دماغهم انهم اكيد لو فى مساحة حرية هيستغلوها وانا حاجة من الاتنين اما هخسر اصحابى يا اما مبدأى والاخير مستحيل اخسره باى ثمن بس مش لو ما كانش فى غش اصلا انا ما كنتش هخسر شىء صح؟؟؟ وعموما انا بحترم اى مدر س مش بيسمح بالغش وشكرا لاهتمام حضرتك وردك وعلى فكرة فى طلبه كتير غشوا ودخلوا طب وهندسة لان الغش بيكون من الكتاب هو اكيد طالب مذاكر علشان كده بيعرف يغش من الكتاب بس ده برضك ما يحللش الموضوع..... وعلى فكرة والله بينقل بعدين ويروح كليه على قده انا بسمع طلبة كتير بيقولوا احنا هنغش بس عاوزين اى كليه وخلاص بس اما بيجيبوا مجموع كبير حاجة من الاتنين 1 يدخلوا الكلية اللى فى مستواهم وخلاص 2 بيجربوا كلية عالية لانهم خلاص ضمنوا المجموع فعادى بقى انا اسفة طولت على حضرتك وارجوا انى اكون ما زعلتش حضرتك |
ومعلش هقول لحضرتك شىء تانى بالنسبة بقى للتصحيح ايه راى حضرتك فى تصحيح الازهر
مش برضك ده ضغط تانى على الطالب ؟؟ |
والله انا من رأى انك تطلب طلب نقل من المعهد ده وقبل ما تستقيل اذهب الى المنطقة واشتكى وياريت تبدر فى الشكوى لا نهم عالم معندهمش ذمة ولو عاوز حاجة منى دة اميلى واجيبلك ردود كل الناس
|
اقتباس:
|
حضرتك تنصح اولا فان استجابوا لك فبها ونعم والا بلغ المختص واقل ما فيها انك اعذرت الي الله بهذا امرنا الله واذقالت امة منهم لم تعظون قوما الله مهلكهم او معذبهم عذابا شديدا قالوا معذرة الي ربكم ولعلهم يتقون
|
شكرا لمروركم جميعا ربنا يعدى السنه دى على خير الشكر لله والله انا من رأى انك تطلب طلب نقل من المعهد ده وقبل ما تستقيل اذهب الى المنطقة واشتكى وياريت تبدر فى الشكوى لا نهم عالم معندهمش ذمة ولو عاوز حاجة منى دة اميلى واجيبلك ردود كل الناس modernman2012 هو حضرتك تقصد مين بالضبط بالمناسبه فعلا رئساء المناطق فى المراكز بيكونوا راضيين بالغش ;) الفاكس هيعمل ايه على كدا :excl::excl: |
اقتباس:
لا ماتخافش يا استاذ انا فى معهد فتيات الكوم الاحمر ثانوى واعدادى فى 6 اكتوبر ياريت والله نفسى بجد يبقى مفيش غش ونلاقى حد يظبط اللجان جزاك الله خيرا واما نشوف حضرتك هتيجى ولا لا |
بسم الله الرحمن الرحيم
السيد الأستاذ الدكتور فضيلة الإمام الأكبر شيخ الأزهر السلام عليكم ورحمة الله وبركاته مقدمه لسيادتكم مدرسو معهد عويس القرني ع / ث بنين نرفع شكوانا لفضيلتكم للتكرم والنظر فيها حيث تعرضنا للظلم والتعسف من قبل المسئولين في مركز التصحيح بأطفيح ومحتوى الشكوى كالتالي :- 1. كنا نقوم بالحضور والتصحيح وخصوصا مدرسي اللغة العربية والمواد الشرعية وهى على حسب علم فضيلتكم المواد الأكثر في أيام التصحيح وكنا نطلب منهم التوقيع بالكشوف المعدة للحضور والانصراف ولم نجدها وللعلم كان البعض منا حاضرا ووجد نفسه متغيب وتم تعديلهم لذلك بل وقد تم تحويل عدد 54 مدرس للتحقيق ولسيادتكم النظر في ذلك والتحقيق فيه من قبل المسئولين 0 2. لم يقم المركز بدوره السليم في العملية التصحيحيه فكنا نصحح من أول ميعاد التصحيح ويزيدوا لنا الأوراق كلما تأخر الوقت وتأخر البعض من محسوبياتهم الخاصة 0 3. تعرض الأوراق للخطر من خلال التنقل داخل السيارات المتواضعة الموجودة لخدمة الأسواق والتي لا تصلح للتنقل بأوراق مهمة كهذه 0 4. السيد محمد أمين حماد كان يوقع لأبنه مدرس لمادة ثقافية داخل الكشوف في حين تغيب ابنه عن أيام التصحيح 5. كنا نقوم بتصحيح معاهدنا ويأتي إلينا البعض من معاهد أخرى للتوصية بأوراقهم وكنا نرفض وهم يغضبون ولا يعطونا كشف الحضور والانصراف قائلين اتفضلوا مع السلامة ولدينا الأدلة في أوراق هذا العام مادة الفقه ثانوي على سبيل المثال غيرها كثير ومعاهد أخرى كذلك وكل كذلك رهن التحقيق من قبلكم 0 لذا نطلب من سيادتكم النظر في شكوانا بعين الرأفة والرحمة في إسقاط مركز التصحيح ( مركز المحسوبيات ) وتطبيق تبادل التصحيح بين المعاهد كبعض المناطق الأخرى وذلك نظرا أيضا للمعاناة في المواصلات وعدم وجود الدخل المادي الذي يكفى بتغطية التنقلات في المواصلات وخصوصا مدرسي اللغة العربية والمواد الشرعية لطول فترة التصحيح المرهقة بعد قيامنا بتولي أمر اللجان صباحا وحتى الواحدة ظهرا ثم الانتقال إلى مركز التصحيح مما يرهقنا ماديا ومعنويا وجسمانيا لذا نرجوا من فضيلتكم النظر بعين الاعتبار والرحمة وجزاكم الله عنا خير الجزاء ووفقكم الله لما يحب ويرضى والسلام عليكم ورحمة الله وبركاته |
اقتباس:
حضرتك بتكلم شيخ الازهر بعتله رساله على اساس انه هيشوفها مفيش حد سامع صوتنا لحد ما صوتنا رااااااااااااح:( اهو اتكلمنا عن الغش فى اسامى معاهد ذكرت بالخصوص وهنشوف هيحصل ايه حضرتك الظاهر بتتكلم عن امتحانات لنقل لانها هيه الى بتصحح فى المراكز:excl: احنا بنتكلم على الثانويه الازهريه (الثانويه المصيريه) لما نشوف اخرتها ربنا يعدى السنه دى على خير اللهم انى سلمنا امرنا اليه فوفقنا لما تحبه وترضاه آآآآآآآآمين شكرا لمرور حضرتك |
الحمد لله تمت الامتحانات والنتيجة طلعت والحمدلله
الغش كان فى المعاهد زى ماهو ............... واللى غش جاب مجموع واللى ذاكر نجح .................. والتصحيح زى ماهو .................والف سلامة على الازهر |
عندك حق يا حمامه الغش الظاهر حلال
واحنا الى غلطانين حسبى الله ونعم الوكيل |
الغش كان فى المعاهد زى ماهو ............... واللى غش جاب مجموع واللى ذاكر نجح
.................. والتصحيح زى ماهو .................والف سلامة على الازهر بالظبط كده الله ينور عليكي يا حمامه و الله عبرتى عن كل اللى بيحصل فى الازهر ربنا يسترها عاللى بعد كده هيكون على ايامهمن ايه اكتر من الورق اللى بيدخل ممدبس الاجابه مع الاسئله و الله داخلين ينقلوا الاجابه بس و الله تعبوا اهم يا جماعه بينقلوا الحل المفروض يجيبولهم ككراسه الاجابه فيها الحل كفايه انهم هيكتبوا البيانات |
الكل يعلم ان الغش منتشر فى معظم المعاهد الازهريه ومدراس التربيه والتعليم
ابدا بنفسك و لا تسمح بغش فى اللجنه الموجود بها واعلم ان الجميع سيحترمك اعتقد من اهم اسباب تدهور العلاقه بين ولى الامر والطالب من جهه والمدرس من جهه اخرى معرفة ولى الامر ان ابنه سينجح بوجود الغش ونرجع بعد كده ونقول ان الطالب لايحترم شخصية المدرس وان شخصية المدرس فى تدهور |
اقتباس:
|
:giljotiiniug3:جميع ما قيل صدق من غش وخلافه ولكن ماهى المحصله طبعا صفر اللى غش غش وخلاص ولكن اين الضمير الطالب اوالطالبه اللى غشوا سيكونوا اكيد فشله ومينفعوش لانهم غشاشين فافيقوا بازهرناولاتصدق المقوله اللى بتقول ان الازهريه دول فت........... عفوا نريد علماء افاضل وعالمات فطناء فافيقوا ياازهريه حراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اام.
|
اقتباس:
|
كل الى اقدر اقوله سلام ع الازهر اكبر غلطه ف حياتى انى حولت للازهر
عملت اعاده تصحيح لقيت الاجابات زى النماذج والاسئله متصححه صح لكن الدرجات تقديريه منهم لله عمرى ما هسامحهم بعد ما كنت متفوقه انا قلت مهما نزلت ادخل هندسه لكن ع لمجموع دا علوم مش هتقبلنى يمكن فرصه علشان ابعد عن الازهر الى دمر حياتى الفشله هيدخلوا طب وصيدله انا وزملاتى ربنا يستر علينا محدش يقلى اعمل شكوى كله بايظ حتى الكنترول بايظ لناس معينه مستقبلى ضاع بسبب مين ناس معدومه الضمير لو مش عايزين يصححو ا خلاص ميرحوش حرام الى عملوه معانا الاستاذ الى رصدلى لدرجات قلى دول بهايم لما شاف ورقى بس يا خساره مش هيعرف يعملى حاجه حاولت ابعت فاكس لشيخ الازهر مع انه مش فاضى كيد للى زينا بس لقيت الفاكس متعطل كل الى اقدر اقوله محدش يدخل اولاده لازهر كانت غلطتى كنت ف لعام اصريت انى احول ازهر غلطت عمرى واتحملت لنتائج ادمرت كان قدامى فرصه ادخل متحان تالثه ثانوى عام لسنه دى وسبته وامتحنت الازهر فكراهم بيعاملوا الناس بحلولهم مش من غير ضمير معلش بس مهما قلت مش هدا انا مكنتش بنام غير الفجر واخد دروس وارجع متاخر مكنش يهمنى غير مذاكرتى الكل كان يسترغب ع الى بعمله ف الاخر كل حاجه ضاعت الازهر يا جماعه كان زمان دلوقت انتهى الى عايز يدرس دين يروح يدرسه ف مكان تانى لان د ا مكان مش بيعمل بالى بيدرسه بيامروا بالعدل هما ظلمه وبالصدق وهما كذابين ومخادعين صعبه اوى لما يكون شيخ بالطريقه دى خلاص الدنيا باظت ودمرت زى حياتى تمام هيذكر التاريخ انه كان ف ازهر حرام الى بيمعملوه دا يسموه ازهر ولا يعرفه احلى حاجه لما تلاقى معهد غش وكل لبلاغات موصلتش ناس واصله بئه نقول ايه واحلى حاجه لما واحد يقلك دى مش درجتى المفروض انقص لانى غلطان تلاقيه النهائيه ولله فى ناس مستغربه ع درجاتها وناس هتجنن من درجتها بيلعوا بورقنا ميعرفوش انه مستقبل انا عمرى ما هسامح اى مصحح صحح ورقى ربنا يردهاله ف اولاده علشان يعرف قيمته الى عمله معايا مع اهلى ومع كل الطلبه والاهالى صعب اوى لما تلاقى ناس فشله جابت اكتر منك صعب اوى لما تلاقى ناس مزاكرتش ولا فى مواد متعرفش بتتكلم عن ايه وتلاقيهم يجيبوا اكتر منك صعب لما حد يقلك اعرف ناس ف لكنترل حسوا بينا بقا انا كل ما اهدى ولاقى نتيجه التنسيق قربت بضايق اكتر وبتعب اكتر عارفا الموضوع ممكن يتحذف وممكن اتوقف بس لو صح ف حريه تعبير ف ديمقراطيه زى ما بيتقال ياريت موضوعى ميحذفش لان دا ريى الاختلاف ف لراى لا يفسد للود قضيه |
دا جزء من الموضوع الى تحذف فعلا الحقيقه ملهاش مكان الخداع الكذب والظلم هو لى قانون الغابه الى عايشين فيها
طالبه .................. |
عليك ان تبلغ لو معك دليل او شهود
|
طيب احنا عملنا زى ما حضراتم قلتم ابدا بنفسك
بعد كده صحباتى دعوا عليا قالولى الناس كلها غشت وجابت مجموع وانتى منعتى الغش وادينا كلنا زى بعض |
| جميع الأوقات بتوقيت GMT +2. الساعة الآن 09:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.