أخر أخبار كادر المعلم المساعد - منطقة الشرقية
 

ذهبت اليوم إلى منطقة الشرقية الأزهرية - قسم التعيينات كادر المعلم
ووجدت إعلان معلق فى المنطقة يفيد بتسليم ملف أخر وبه
1- صورة من النتيجة وبها صورة شخصية
2- صورة من العقد + صورة من المؤهل
3- أفادة icdl ومعاها صورة من الأسكيل كارت ( أو الشهادة الأصلية )
4- صورة من البطقة الشخصية
5- تقرير من ( شيخ المعهد + الموجه )

وسألت الأستاذ / إبراهيم الهابط المسئول عن الكادر ( بالدور الثالث ) عن الناس اللى سلمت الحاجات دى قبل كده ، فرد الأستاذ مشكورا بتوضيح أنهم عايزين نسخة تانية

ونظام التسليم كل معهد هيعمل حافظة بكل المتعاقدين اللى نجحوا فى الامتحان ومعاهم icdl ويسلمها للقسم التابع له والأقسام هتسلمها إلى المناطق

أما بالنسبة للتقرير فقوم برفعه اليوم

استمارة التقييم موجودة بالرابط ده
http://www.4shared.com/file/22478731...___online.html

جزاك الله كل خير

فعلا ده الكلام اللى شفته برة باب المكتب
لكن المشكلة انه قالى انه لسه موصلوش اي كلام وقالى عدي عليا يوم السبت

شكرا لمرورك الكريم


استاذة شيماء ممكن نخلى الموضوع ده خاص باخبار الكادر للمعلم المساعد وخاصة منطقة الشرقية
وبما أن حضرتك متابعة دائما لأخبار المنطقة الأزهرية فياريت تكونى مصدر المعلومات ودى ثقة منا كلنا ليكى

جزاكم الله خيرا

شكرا جزيلا لحضرتك
بصراحة مش عارفة اقولك ايه
احرجتم تواضعنا
ربنا يسهل لينا كلنا باللي فيه الخير
واي معلومات توصلني عن اي حاجة تخصنا كمعلمين مساعدين اكيد هاعرفكم بيها احنا كلنا اخوات
ومصلحتنا واحدة

النهاردضه السبت أول أيام الدراسة
كل سنة وأنتم طيبين

النهاردضه بالمنطقة لا يوجد أى تعليمات عن تسليم الأوراق
ونفس الكلام السابق عن التسليم عن طريق المعاهد ثم الأقسام ثم المنطقة

احنا موصلناش اى منشور عايزة اعرف اللى معملش الاى سى دى ال مطلوب منة يسلم الاوراق دى ولالا؟

واحنا في الفيوم ولا حس ولا خبر

كل اللي سلمناه صوره طبق الاصل من الاسكيل كارد

من ضمن الأوراق المطلوبة أى حاجة سواء أفادة + صورة اسكيل كارت أو الشهادة الأصلية

لكل إذا كنت مسجل بالدورة فحاول أنك تقدم ورقك لغاية ما تخلص الدورة
بدل ما تعطل نفسك
وبعد ما تخلص ممكن بسهولة تودى الشهادة
أنا لسه مخلص الدورة أنا أخدتها على حسابى امتحانات بس فى أقل من أسبوعين ولو عايز الامتحانات أنا هرفعها النهاردضه

أحنا فى الشرقية رفضين يستلموا حتى الأسكيل كارت
مستنين التعليمات
بس أحسن حاجة موضوع التسليم عن طريق المعاهد والأقسام مجمعة منعا لضياع أى ورق

مسيو ايهاب هو لازم صورة الاسكيل كارد مختومة بختم المركز بتاع الامتحان ولا صورة طبق الاصل وخلاص

حضرتك اللى أنا متتأكد منه أن صورة الأسكيل كارد كده كده هيتراجع عليها فى الأكاديمية
عن طريق الرقم ويطلعوا ليك هناك تقرير بالامتحانات
أو موضوع يكون الأسكيل مختوم صورة طبق الأصل ، معظم المراكز المعتمدة وخاصة مراكز القوات المسلحة معندهاش ختم نسر ولو عندها مش هترضى تختم ، فالأحسن صورة طبق الأصل وأى ختم من المركز ومعاه ختم المعهد

واحد زميلى أكد ليه النهاردضه أن المنطقة بدأت فى استلام الأوراق
وأنا رايح بكره ولما هرجع هقولكم على أخر الأخبار

انا النهاردة كنت في المنطقة
وسألت أ / ابراهيم الهابط
قالي هاتي أصول الاوارق
حتى العقد لازم الاصل ( يعني هتقد من غير عقد معاك وتكتفي بالنسخة الللي في المعهد )
كمان بالنسبة للIcdl صورة الاسكيل كارد مختومة من المركز ومن المعهد + الافادة

وفيه حاجة مهمة
انك تجيب احصائية من المعهد بالمدرسين المتعاقدين
وهو قال ان الاستمارة دي موجودة في المعهد جاهزة لملء البيانات
ولازم استمارة منفصلة لمن لم يحصل على ال icdl
بس برضة اللي مش معاهم icdl هيسلموا أصول ورقهم

أنا مش فاهم موضوع استمارة المدرسين المتعاقدين

المطلوب في منطقة الشرقية يا جماعة هي كما ذكر الاخ مسيو ايهاب

1- صورة من النتيجة وبها صورة شخصية(مختومة من المعهد الصورة والنتيجة مختومين )
2- صورة من العقد + صورة من المؤهل ( طالبين اصول العقد واصل المؤهل )
3- أفادة icdl ومعاها صورة من الأسكيل كارت ( أو الشهادة الأصلية ) مختومين من المعهد ومن مركز التدريب
4- صورة من البطاقة الشخصية مختومة من المعهد
5- تقرير من ( شيخ المعهد + الموجه ) طبعا مختومين
+فيش جديد ( وسمعته بيقول لأحد الاشخاص ممكن يجيب الكعب بتاع الفيش )
+ احصائية من المعهد (انا عملت لكم واحدة طبق الاصل من اللي خدتها امبارح من المنطقة اطبعها واملئها )

يا جماعة أنا عرفت أزاى ممكن نعمل فيش مستعجل
علشان نخلص
المكان : القاهرة - وزارة الداخلية - مصلحة الأحوال الجنائية
المواصلات : من بلبيس أو الزقازيق إلى السلام - ومن السلام إلى رمسيس - ومن رمسيس إلى التحرير وهناك هتسأل على وزارة الداخلية هتلاقى فى مكان جنبها اسمه مصلحة الأحوال الجنائية
التكلفة : تكلفة الفيش 6 جنيه ( مستعجل ) بس للأسف بتسلمه انى يوم من الساعة 11 إلى الساعة 2 الظهر
أنا لسه جاى من هناك ولو فى أى حاجة أنا فى الخدمة

بس كلنا بنشكر مس شيماء على مجهودها بس ليه استفسار طيب أنا هنديهم أصل العقد وأصل المؤهل والواحد يخاف عليهم منهم هما كد خدوا كل المؤهل واحدة لما تعاقدنا وواحدة لما قدمنا فى الجيش وادى ثالث شهادة والعقد 3 نسخ وحده عندهم وواحدة معانا ووحدة فى المعهد

انا قبل كده عملت فيش مستعجل في قسم الظاهر
برضه استلمته تاني يوم
بس المواصلات كالتالي
مثلا من الزقازيق لمسطرد
وبعدين اركب لباب الشعرية وقله نزلني عند الظاهر
وهناك اسأل على قسم الظاهر هتمشي حته صغيرة مش كبيرة وهتعمل الفيش بكل سهولة و ب6 جنيه
وممكن لو رايح قطر وتنزل رمسيس تدخل عند اول شارع الفجالة وتأخذ تاكسي ب 5 جنيه هيوصلك القسم بتاع الظاهر برضه

العفو يا مسيو ايهاب
انا دائما باطبق حديث الرسول - صلى الله عليه وسلم - : حب لأخيك المسلم ما تحب لنفسك
بالنسبة لاصل المؤهل عادي مش تخاف
ممكن تروح الكلية وتطلع شهادة مؤقتة تاني وتدفع الرسوم وتستلمها بعد اسبوع
لكن المشكلة الحقيقية فعلا في نسخة العقد
كده احنا هنكون بدون نسخة معانا
2 في المنطقة
1 في المعهد
واللي كانت معاك بتسلمها لهم
بس ربنا يسترها
انا هاحافظ على عقدي القديم برضه للاحتياط ومحدش عارف ايه اللي حيصل
بس اذا حصل لاقدر الله ضرر هيكون على الكل .

وكمان ان شاء الله هآخد صورة من العقد مختومة طبق الاصل من المعهد يمكن يرضى يأخدها ويسيب ليا الاصل

انا رفعت الاحصائية المطلوبة
واللى حصلوا على ICDL يعملوا كشف لوحدهم
واللى لسه لم يحصل عليها هيعملوا كشف لوحدهم
رابط الأحصائية
http://www.4shared.com/file/22871664.../__online.html

وشكرا جزيل لميس شيماء

طبعا لازم كلنا نتعاون
ايد لوحدها متسقفش :friendsxs3:

من المعهد القسم ملوش علاقة

الأحصائية تتخم من المعهد طبعا والقسم ملوش دعوة بأى حاجة

أسف ميس شيماء مشفت رد حضرتك
طبعا زى ما قالت مس شيماء المعهد بس
وبكرر أسفى

مفيش داعي للاسف
كلنا بندور على المصلحة العامة
بس للاسف النهاردة واحدة زميلتي راحت المنطقة علشان تسلم الورق
أ/ ابراهيم الهابط رفض يأخد الافادة بتاعة ال icdl وقالهم لازم الشهادة الاصلية
وطبعا الشهادة بتأخد 6 شهور على ما تطلع
ولما المدرسين قالوا لهم ان الاكاديمية قبلت من التربية والتعليم الافادة
رد وقال ملناش دعوة بالتربية والتعليم
لو استمر الوضع على كده لازم كلنا نبعت فاكس لشيخ الأزهر لحل المشكلة دي

يادى الحظ ايه يا جماعة ايه الحل بس!!!
حد راح المنطقة واستلموا منه الافادة؟؟؟؟؟؟؟؟؟؟؟
وشاكرين لجهود ميس شيماء ومسيو ايهاب

أنا النهاردضه جبت الفيش من القاهرة
ويوم السبت هروح اسلم ولو مرضاش يستلم الأسكيل كارت أو الأفادة أنا هطلع لوكيل الوزارة
وهجهز من دلوقتى فاكس لشيخ الأزهر وهنرفعه بكره على المنتدى وياريت بجد الناس كلها تبعته مش هيكلفك أكثر من جنيه بس لازم يعرفوا أنهم بيتعاملوا مع مدرسين ورثة الأنبياء والا بلاش منها كفاية بجد مرمطة وقلة ادب

ياجماعه منطقه طنطا استلمت مننا الافادات مختومه طبق الاصل من المعهد سواء صوره الشهاده او الاسكيل وده من قبل ظهور النتيجه بايام

انا عاوزه اعرف فى حد من منطقه الغربيه عارف ايه المطلوب بالظبط لانه لاحس ولاخبر

أنا اللى متأكد منه أن منطقة الشرقية ومنطقة سوهاج نفس الطلبات
والمفروض أن الأزهر فيه إدارة مركزية
بس برده لو حد راح المنطقة عندكم ممكن قول أيه الطلبات
وجزاكم الله خيرا

والله بجد الأزهر ده حال يصعب على الواحد
كل موظف بيعمل أى حاجة أى حاجة من غير رقيب وكأنه هو صاحب القرار
وبيعمل نفسه فاهم وهو ولا فاهم يعنى الأستاذ اللى طالب الشهادة وعارف أنها بتأخد من 6 شهور فأكثر ومش راضى يعترف ولا بإفادات ولا صورة أسكيل كارد أقول عليه أيه غير ربنا يسامحه

منطقه المنصوره بتستلم الاصل او افاده مختومه من المركز +صوره الاسكيل كارد

المفروض كان يستلم الصور طبق الأصل لكن أ / إبراهيم الهابط ليه وجهة نظر تانية أن الأصول لازم وهو ملوش دعوة بالأصول اللى احنا سلمنها قبل كده
أصل سلمنا أول التعاقد أصل المؤهل والنسخة التانية سلمناها للذكور التجنيد
أما العقد فعندهم النسخة الأصلية لأن العقد كان بيتحرر من 3 نسخ وحده معاهم بصفتهم الطرف الأول وواحدة معانا بصفتنا الطرف الثانى وواحدة للمعهد للعمل بها
أما بخصوص ICDL فتسليم الأصل مش مشكلة بس المهم الحفاظ عليها والأهم أنك تكون عندك صورة ليها وعارف رقم Skill card بتاعك علشان لو حبيت تطلع واحدة تانية من مكتب اليونسكو بالقاهرة

هى دى تعليمات الأكاديمية بس المسئولين فى محافظة الشرقية ليهم وجهة نظر تانية بس بجد لازم لو اتمسك أ / إبراهيم بموقفه يكون لينا موقف صارم وأنا بكره هبدأ وأنا بسلم لو رفض هبعت فاكس لشيخ الأزهر

ياجماعة أنا حصلت على نسخة من الكتاب الدورى اللى بيحدد المطلوب مننا علشان التعيين
ودى الرابط بتاعه
http://www.4shared.com/file/23036908.../__online.html

أنا طبعت وهودى السخة بكره للأستاذ إبراهيم الهابط وأنا رايح الصبح هبعت الفاكس لشيخ الأزهر ورئيس قطاع المعاهد الأزهرية

اتمني ان الكل يكون مجتمع علي كلمة واحدة بكرة يوم السبت وان شاءالله نكون اصحاب كلمة هناك ويقتنع استاذ ابراهيم
يا جماعة الخير انا معايا فيش ...عدي عليه اكتر من تلات شهور تفتكروا هينفع يستلموه؟؟؟؟؟؟؟؟؟

ياريت حد يفهمني اعرف تاريخ الفيش منين؟؟
يعني الاقي التاريخ في انهي ناحية من الفييش
لان ججنب كلمة تاريخ الصدور مش مكتوب تاريخ
لكن الناحية اللى جنبها ممضي بتاريخ 10/10/2009

بصوا الأول موضوع الفيش المنتهى أ / إبراهيم هيكون ليه حجة أنه ميخدوش على الرغم أنه معمول ليهم
بس ريح دماغك والحق وأعمل زى ما عملت فيش مستعجل وتأخده تانى يوم يا أما فى مصلحة الأحوال الجنائية أو فى قسم الضاهر
أما بالنسبة لموضوع الأفادة والأسكيل لو مرضاش يأخدها بكره أنا فى المنطقة هتطلع ابعت فاكس لشيخ الزهر ورئيس قطاع المعاهد الأزهرية وكمان اليوم السابع ومعايه صورة من الكتاب الدورى وكمان معايه صورة من فاكس راح لمنطقة المنصورة يفيد التسليم أما الشهادة الأصلية أو صورة طبق الأصل من الأسكيل كارد بس ياريت يا جماعة مكنش لوحدى زى كل مرة لأن فى كل مرة بلاقى نفسى لوحدى ورغم كده انا بقف ضدهم فى المنطقة وهما عرفنى أنى عنيد بس لو مدرسى الأزهر ليهم رابطة وموقف حاسم كان الموضوع اتغير من زمان

ايه الاخبار يا جماعة اتمنى الكل يكون قدر يقدم
ياريت تسمعوا لكلام ميو ايهاب كويس
لانه الحمد لله قدر يسلم اوراقه انهاردة ...وبصراحة هو انسان محترم جدا وقدر يقنع الموظف اللى هناك بكل كلامه
ويااريت زى نما قال الكل يجمع على ان كل الماطق هتاخد الصور بتاعة الاسكيل كارد عادى

شكرا بجد لذوقك ميس شيماء
وسعيد بمعرفة حضرتك
أنا الحمد لله سلمت النهاردضه وبمنتهى الهدوء
يا جماعة لازم تكونوا أيد واحدة اقنعوا الموظف ومش مشكلة فهموا بالراحة وياريت الابتسامة متفرقش عنيكم وبهدوء وكل حاجة هتبقى تمام

أما بالنسبة للأوراق بالضبط :
1- أصل المؤهل الدراسى
2- اصل أخر عقد وأول عقد ( وهو هناك يستلم اللى هو عايزه )
3- فيش جديد ( وتلحق تعمله مستعجل فى أى مكان بالقاهرة يا أما مصلحة الأحوال الجنائية أو قسم شرطة الضاهر )
4- أفادة بأربع موديلات + صورة طبق الأصل من الأسكيل كارد مختومة ( أو الشهادة الأصلية ) ولو مرضاش يأخدها صورله الالكتاب الدورى ونبه عليه أن كل الماطق سلمت الأسكيل كارد والأفادة لأن الشهادة بتأخد أكثر من 6 شهور
5- صورة طبق الأصل من البطاقة الشخصية
6- صورة من النتيجة وعليها صورة شخصية ومختومة من المعهد
7-الأحصائية بتاع المعلمين المتعاقدين
8- تقرير أداء من الموجه أو شيخ المعهد
9- حافظة بلاستك
وأنا تحت أمركم فى أى استفسار
0107744811

على فكرة اللي ردت عليك يالول مش انا لا اختنا مارو
والحمد لله انهم قبلوا من الاوراق
ان شاء الله هاروح يوم الثلاثاء علشانابقى اودي ورقي وربنا يسهل

اديله صورة طبق الأصل ولو مش راضى هديله صورة من الكتاب الدورى
ولو مكنش كده عرفنا وأنا أوعدك بأنى ارفعلك التظلم وساعاتها هنبعته لشيخ الأزهر ورئيس قطاع المعاهد الأزهرية