|
<div align="center">باختصار يا جماعة أنا عاوز أقول حاجة صغيرة
أنا نفسي أدخل المطبخ واشارك وكده كهواية مش أكتر بس أنا طول عمري بكره المواضيع المنقولة فبيتهيقلي مستحيل أعمل أكلة من موضوع منقول لأ أنا مش عاوزكم تتعبوا نفسكم خالص مش مطلوب منكم تفكروا في أكلة معينة تنزلوها أو تدوروا على طريقتها وتعملوها كل إللي أنا عاوزوه إن الموضوع ده أو واحد تاني يتعمل لطلبات الأعضاء ويكون فيه فعلاً واحدة أو واحد مش تفرق المهم يكون بيدخل المطبخ ويقول طريقة الحاجة ديه في المطبخ معلش يمكن الطلب رخم شوية لكن على أي حال من حقكم تقبلوه أو ترفضوه وهو دعوة عامة يعني أي حد عاوز يقدم طلب للحصول على طريقة أكلة أو أي حد قادر إنه يرد بس بدون هذار كتير يعني واحد يدخل الموضوع ويقعد يقول ويعيد وفي الآخر يطلع مش بيعرف حاجة وداخل يهرج بلاش لو سمحتم ده إذا حد اهتم بالموضوع أصلاً المهم نوعية الأكلات إللي أنا أصلاً عامل الموضوع عشانها حاجات أساسية أو تقليدية يعني مثلاً ممكن أطلب طريقة الرز :D بس ما يكونش معجن :angry: أحسن ليا خبرات في الكشافة الله ما يوريكم :lol: مثلاً طريقة عمل المكرونة بس برضه من غير ما تطلعلي معجون مكرونة إللي بيطلع في الإعلانات ده يعني م الآخر عاوزين حد يكون بيدخل المطبخ فعلاً وبيعمل الحاجات ديه ونطلب منه الطريقة والفكرة بتتمثل في أكتر من نقطة إن هنا ممكن أنا أطلب أكلة ممكن واحد تاني يطلب حاجة تانية أنا ما كنتش هطلبها فالتنوع هيكون موجود ثم إن ده هيكون بمثابة سجل للطبخات الممتازة إللي هتتقدم ;) يعني لو أنا بقيت لوحدي في يوم من الأيام وحبيت أتنيل على عيني وأطبخ وبلاش أكل جاهز أو دليفري هتصرف إزاي؟ يلله يا ريت تبدأو بالرز ويكون عن تجربة وما يكونش منقول :( بس التجارب الحسنة مقدمة على التجارب السيئة :ph34r: أوك؟ لو حد موافق من غر ما يقول رأيه في الموضوع يتفضل يقوللي إزاي أعمل الرز؟ وأوعد إني أكون تلميذ نجيب لكل من يقدم الوصفات و هطبق عملي :D طريقة عمل الرز المصري العادي وبلاش فذلكة وبعديها هطلب الكبسة ما تخافوش بس يكون واحد عملها فعلاً مش سمع عنها <_< يلله بانتظار طريقة عمل الرز من أحد المحترفين / المحترفات في المطبخ أو بانتظار انتقال الموضوع لما في أعالي البحار أو وراء الأراضي أو بانتظار الحذف :unsure: </div> |
ممممممممممممممممممممم
اسمع يا سسيدي طريقه عمل الرز اولا كالعاده هتنئيه يعني هتشيل كل الحاجات اللي ملهاش لزمه زي الحجر الاسود دا والقش اللي فيه وكدا تمام بعدين بتروح تغسله في الحوض لحد ماتبئي الميه في الحله بيضه تماما وتنئعه شويه حوالي ربع نص ساعه انتا وحالتك النفسيه وبعدين بتحط شويه ملح وحبه زيت يعني مقدار تلات تربع معلقه كبيره ملح و معلقتين زيت وبعدين بتحطه علي النار في نار عليا وبعدين اول اما تلائي الميه نشفت تروح مهدي النار خاااااااااااااالص حذاري تحط ايدك في الرز ابل ما الميه تنشف هيعجن ودا الرز العادي جدا فيانواع تانيه زي الرز بتاع السمك والرز بالشعريه والرز اللي هو لونين دا فانتا وحالتك النفسيه يعني لو عايز ائولي سلام |
السلام عليكم ورحمة الله وبركاته
أولاً شكراً لك أخي صلاح الدين على الموضوع،، فكرة جديدة وجميلة.. بالنسبة لطريقة عمل الأرز فـ فنكوشة المنكوشة قالت لك،، بس أنا بعمله بطريقة تانية :huh: وبإذن الله لي مشاركات في الموضوع إن شاء الله.. السلام عليكم |
اولا السلام عليكم
ثانيا موضوعك جميل على فكرة انا بعرف اطبخ كويس يعنى اى حاجة تعوزيها اسالينى و انا هقولك على الى انتى عيزاة ثانيا طريقة عمل الرز انا مش عرفة انتى اصدك انهى نوع بلظبط انا هقلك على الرز الى بالشعرية لان دة اكتر نوع بيتعمل بصى يا ستى هتنقى الرز طبعا و تغسلية كويس لحد متلاقى المية بقت بيضة تماما و بعدين حطية فى مصفة علشان يصفى المية على متحمرى الشعرية و متخليش الشعرية تتحمر اوى يعنى متخليهاش غمقة علشان متغمقش لون الرز و بعدين حطى على الشعرية الرز وشوحية شوية وبعدين تحطى الملح حسب الرغبة وبعدين تحطى المية بصى بالنسبة لموضوع المية تحطى كمية المية بحيث تكون مغطية الرز واعلى شوية وعيزة تعرفى المية كتير ولا قليلة بعد متقلبى حطى المعلقة فى نص الحلة ولو وقعت تعرفى ان المية كتير وبعدين تسيبى النار علية لحد الرز ميشرب المية وبعدين تقلبية كويس وتهدى النار خالص اوعى تهدى النار قبل ميتشرب كويس لحسن يعجن وابقى قوليلى لما تعملية طلع اية حلو ولا معجن يلا سلام معلش طولت عليكى |
<div class='quotetop'>إقتباس(صلاح الدين سابقاً و مستقبلاً @ Mar 20 2007, 02:51 AM) [snapback]285834[/snapback]</div><div class='quotemain'>
<span style="color:#660000">شكرا على الاقتراح ممكن طلب يا جماعة دلوقتى العضوة نورا 11 كانت شغالة الله ينور فى المطبخ حلو جدا وردود الاعضاء وتريقتهم أحبتطها ممكن شوية تشجيع ليها |
والله يا جماعة مش عارف أقول إيه
إنتوا بجد أحرجتوني بمشاركتكم في الموضوع شكراً جزيلاً لفنكوشة المنكوشة على الطريقة والمشاركة والاهتمام شكراً فتاة الإسلام على المشاركة شكراً يا منة أنا فعلاً كنت عاوز الرز بشعرية بس إظاهر إني نسيت إن أهم حاجة في المطبخ الدقة في الوصف شكراً جزيلاً جداً لمشرفة القسم على التشجيع ولو هنخل يالموضوع ده لطلبات الطبيخ ممكن أغير الاسم ومتأسفين جداً لنورا أنا أول مرة فعلاً اعرف حكاية التريقة ديه وزي ما قلت أنا مش بحب المواضيع المنقولة فلو شاركت بمواضيع من عمايل إيديها بإذن الله هكون من اول المشجعين عاوز بس أقولكم حاجة يا جماعة لو حد تاني هيطلب طلب اكل يستنى شوية معلش عقبال ما اخلص الواجب :D عشان انا فعلاً عاوز اتعلم البتاع ده المطبخ فانا الوصفة اللي هخدها هطبقها واقلكم عملت ايه وبعدين نشوف اللي بعده شكراً جزيلاً ليكم :) |
إنتا لو هتخصص الموضوع دا لطلبات الطبيخ أكيد هيتثبت عشان الكل ياخد باله من الموضوع الجميل دا
إنتا لو هتخصص الموضوع دا لطلبات الطبيخ أكيد هيتثبت عشان الكل ياخد باله من الموضوع الجميل دا |
شكراً للتثبيت يا إمممممم
مش عارف إنتوا بتحبوا أنهي أكتر ألقابكم ولا أسمائكم المستعارة ولا أسمائكم الحقيقية؟ خلينا في اللقب وخلاص يا مشرفة المنتدى شكراً للتثبيت وشكراً لحسن المتابعة من الأعضاء وعندي خبر جديد اتفقت إنهاردة مع ست الكل إني هعملها الرز عارفين لو الدنيا خربت هخليها تيجي تشوف الموضوع وتهزقكم براحتها خبرة خمسون عاماً في المطبخ :D بإذن الله الرز إنهاردة عليا لو الدنيا حلوة هجي أقول النتيجة وأطلب وصفة جديدة أما بقى لو الدنيا كحلي نهاركم ............... أبيض بإذن الله سلاموز |
باركولي يا جماعة
دلوقتي انا بكلمكم بعد خروجي من غرفة العمليات لأ خالرج استراحة قصيرة وراجع بس بوافيكم بآخر الأنباء الحمد لله قدرت أكسب معركة تنقية الرز وخرجنا من معركة الشعرية بدون خسائر على الإطلاق وتم وضع الرز والشعرية والمياه على صفيح ساخن وبانتظار الغليان على رأي مصطفى محمود [نقطة الغليان] ولما النتيجة تطلع هقولكم ومش عاوز حد يتضايق لما يعرف إن أي وصفة هعملها لازم تكون تحت إشراف طبعاً :D إنتوا تقولوا الطريقة وبعدين مجلس القيادة يحط الخطة :) شكراً لمشاركتكم وانتظروا آخر الأخبار واستعدوا توصوفوا وصفة جديدة :) |
الحمد لله يا جماعة
تمت العملية بنجاح Operation Last Thunder ما تسألونيش معناها إيه لأني مش فاهم خلونا في المهم عملت الرز جايز تحسوا إن ده شئ عادي أو تقليدي أو بمعنى أصح مش جديد لكن أي واحد أو واحدة عمل لأول مرة في حياته حلة رز أكيد هيحس بإللي انا حاسس بيه دلوقتي حاسس كده إني عاوز أزبرنشق وإني أكون هنتليس محلق ما علينا تعبتكوا معايا معلش كفاية طبخ في الفترة الحالية أنا آخد نفسي وأستريح من المطبخ أحسن أنا بنهج دلوقتي وإنتوا تستريحوا من كتابة الوصفات الطويلة دلوقتي مش عاوز وصفة أكل عاوز وصفة لمشروب مشروب تقليدي جداً بس عاوز كل الطرق المتاح يا ريت وتكون في متناول الإنسان المصري العادي يعني مش عاوز واحد يقوللي هتحتاج في الوصفة ديه 1/2 معلقة لبن العصفور ويكمل الوصفة بسهولة ولا كأن حاجة حصلت المشروب إنهاردة القهوة عاوز أعرف الطريقة الرسمية لشرب القهوة عشان أقارنها بطريقتي وعاوز لو واحد اخترع طريقة في عمل القهوة يقول والأهم بقى عاوز أعرف القهوة التركي والقهوة العربي بتتعمل إزاي وأي أنواع بالشكلية ديه وشاكر ليكم بجد :) آه صحيح ما تنسوش تباركولي ع الرز ;D |
مبرووووووووووووووووووووووك إبقى إعزمنى عليه مرة
إل الامام يا بطل |
الف الف مبروك بس انا سمعت عن حاله تسمم مشعرفه بقى الرز بتاعك ده ولا ايه
انا هقولك ازاى تعمل القهوه التركى المقادير ايه فنجانين ماء ملعقه سكرصغيره خالص ومعلقتين من البن حط الميه فى الكنكه وبعدين تحط السكر والبن وتفضل تحرك الكنكه وبعدين تستنى لحد اما تغلى وتخفف النار شويه وترفع الكنكه وتحطها تانى بعد كده تحطها فى الفنجال وخلاص على كده |
أيوة كده إرجعى زى زمان
|
علشان خاطرك بس
|
مستنية مواضيعك الجميلة
|
<div class='quotetop'>إقتباس(timon&bomba @ Mar 23 2007, 10:59 PM) [snapback]287470[/snapback]</div>
اقتباس:
<div class='quotetop'>إقتباس(نورا11 @ Mar 23 2007, 11:22 PM) [snapback]287483[/snapback]</div> اقتباس:
نورا أنا عملت الطريقة إللي قلت عليها لاحظت أكتر من حاجة 1- الرغوة بح ما فيش رغوة خالص وأنا مش بشرب القهوة من غير الرغوة بس جيت ع نفسي المرة ديه وشربتها :blink: 2- لما القهوة بتغلي ببعدها عن النار مدة قد إيه؟ أحسن أنا لما باعدتها ورجعتها بعد حاولي 10 ثواني لقيتها غليت بسرعة وقمت طافي النار :D 3- كنت هسألك إن كنتي متأكدة إن هي ديه طريقة القهوة التركي بس بحثت ع النت ولقيت الطريقة مظبوطة كده قدامي احتمالين: أ- يا إما أنا عملت القهوة غلط ب- يا إما القهوة ديه هفكر مليون مرة قبل ما أشربها شكراً مرة تانية على الطريقة ويا ريت تقولي ملحوظاتك أنا مهما كان تلميذ لسه :P الوصفة الجديدة بما إن أنا بتعلم أساسيات الطبخ لسه فأنا قررت أتعلم الملوخية من أولها لآخرها اتفقت مع والدتي هعملهالها بالكامل بكرة لو جيتوا بعد خراب مالطة :ph34r: هعديهالكوا المرة ديه عشان أنا بسأل في اللحظات الأخيرة لكن لو لحقتوني وقلتولي الطريقة عشان أظهر قدامها إني عارف الطريقة :rolleyes: يبقى كتر خيركم شكراً كتير على تشجيعي وعلى تنشيط الموضوع :) |
حد يحب يكمل الموضوع؟
أنا ضاع مني مصيف السنة ديه عشان مش بعرف أطبخ :mad: ملوخية وبطاطس وبامية ورونا شطارتكم في المطبخ :cool: |
انا يابني شيف اوروبي والله بعرف اعمل كل الاكل المصري وشويه اكلات تركيه واسباني وفرنسي وروشي
اسئل المجرب ولا تسئل البنات |
االسلام عليكم انا احب اشترك معاكم يا جماعه على فكرة اناالحمد لله بعرف اطبخ كويس
اى حد عاوز اى وصفه يسالنى وان شاء الله هفيده وميقلقش مش هيحصل له حاجه ان شاء الله هههههههههههههههه سلام عليكم |
انا ياجماعة بحب البيتزا اوى وهى اكتر حاجة بحب اعملها واللى عايز الوصفة يقولى انا
|
ممكن حد يقولى ازاى اعمل العيش السورى
|
هو محدش بيرد عليا ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
دى أنا لقتها لحضرتك يارب تفيدك
العيش السورى مع شاورمه اللحم لعمل العيش السورى : كوب دقيق ملح / كوب لبن لعمل الشاورمه : نصف كيلو لحم شرائح / قليل من الزيت / 2 بصله مفرومه (ماء البصل فقط ) / ملح/ فلفل/ بهارات / كوب زبادى/ نصف كوب خل / 2 ملعقه مسطرده / شرائح بصل/ شرائح طماطم / حزمه بقدونس مقطع الطريقه : لعمل العيش السورى : يوضع الدقيق فى الخلاط ثم يضاف الملح واللبن ونخفق المكونات جيدا ثم توضع فى إناء . توضع طاسه تيفال و يفضل صاج على النار ثم نتركها قليلا لتسخن ثم يوضع مقدار من العجين السابق ليفترش قاع الطاسه أو الصاج ويقلب الخبز السورى على الجانب الاخر بعد ان يتماسك ثم يرفع من الصاج ويترك جانبا . لعمل الشاورما: توضع جميع المقادير فى اناء وتخلط جيدا فيما عدا شرائح البصل والطماطم والبقدونس وتدخل فى الثلاجه لمده 3 ساعات ثم تخرج وتوضع فى اناء مرفوع على النار به قليل من الزيت ويقلب جيدا حتى تنضج شرائح اللحم يتم بعد ذلك إضافه شرائح الطماطم والبصل والبقدونس وتشوح معا لمده 3 دقائق ثم توضع الشاورما فى الخبز السورى ويضاف اليها سلطه الطحينه وتقدم ساخنه . |
شكرا جدا جدا
|
العفو
أنا فى الخدمة |
ععايزه وصفه المكرونه بالبشاميل
|
اقتباس:
|
شكرا ليكى يا حنونة ويارب كدة سباقة فى المطبخ
|
اقتباس:
المشكلة إنى مش بعرف أطبخ |
انا عايز بقى اسرع اكلة تتحضر
لاني اتخنقت من الاجل الجاهز ولاحاجات النص مقلية عايز اكل طبيعي |
اقتباس:
الرز أسهل حاجة بصراحة شفتها واشترى سمك يلا فين هديتى جبتلك وجبة سريعة اهى |
اقتباس:
اسهل واحلى اكله بطاطستين محمرين وخلاص |
اقتباس:
بطاطش نص مقيلية سريعة التحضير جمبري نص مقلي سريع التحضير دجاج تكا نص مقلي سريع التحضير سمك نص مقلي سريع التحضير شوفولي حاججة ميكنش فيها مقلي خالص شرط تكون سريعة التحضير بالنسبة للعندليب الحزين المفروض ان اللبن يغلي لان في ميكرلاوبات مبتمتش الا عند الغليان والمفروض بعد الغليان تحطه في فريزر الثلاجة وهو بيغلي حاجة اسمها التبريد المفاجيء لان برده في ميكروبات مش بتموت الا عند درجة حرارة قليلة جدا |
بقترح على حضرتك بطاطس مسلوقه
وبعدين تتهرس وتقطع عليها كسبره خضراء او بقدونس وبعض الملح تؤكل بالعيش افضل واطعم ملحوظه لو لم تتوفر الكسبره الخضراء ممكن استبدالها بكسبره مطحونه البيض المسلوق سريع ومغذى |
اقتباس:
فيه لحمة مشوية فراخ مشوية سمك مشوى |
اقتباس:
هههههههههههههه الحمد لله البيض دا الحاجة الوحيدة إل بعرف أعملها وكمان بطلعه محروق |
اقتباس:
خليكىجنبى عشان لما نجوع هنشحت إن شاء الله هنقول لله يا محسنين لله |
اقتباس:
بس المشكلة برده هي فين البطاطس البطاطس هنا عملة نادرة أوي لانها بتستورد من مصر ومن بلاد اخرى يعني صعب نلاقيها ولو لقيناها تبقى غالية بس انا وجدت الحل خلاص انا هقضيها فول وطعمية من عند ابو شقرة أو جاد ليهم فروع هنا في الامارات والغدا برياني لحم ااو دجاج أو جمبري مقلي الظاهر مفيش فايدة علفكرة البيض ده كنت باكله يوميا لانه اسرع حاجة في التحضير لما زهقت بقيت اشوفه مش عايز اقربله |
اقتباس:
ههههههههه وماله الفول والطعمية الأكلة الشعبية المصرية يلا عشان تفكرك بمصر |
اقتباس:
يعني طبق الفول ب 5 درهم يعني ما يعادل 7.50 الطعمية الاتنين بدرهم يعني الواحدة واقفة ب 75 قرش في مصر وتقوليلي عندكم غلاء احمدوا ربنا على النعمة اللي انتم فيها |
[quote=zizo2_22;457111]انا عايز بقى اسرع اكلة تتحضر
لاني اتخنقت من الاجل الجاهز ولاحاجات النص مقلية عايز اكل طبيعي[/quote انت ممكن تعمل ملخيه بس متجبهاش خضره علشان حتتعب فى التقطيف و التخريط ممكن تجبه نشفه وممكن تعملها من غير لحمه او فراخ او ارانب اعملها بمرقه والطريقه : 1-حط حبت ملخيه صغيرين فى حلله ماء صغيره فيها المرقه "مرقه فوريه" وتحط الملح زى مانت بتحبه على النار تغلى غلوه 2-والملخيه بتغلى تكون داءء ثوم وبتحمره فى شويط زيت على شرت ميغماش لون الثوم "تحمّر لحد لون الثوم ميبقى دهبى" 2-تكون محدر غطاء فايدك اول متحط التوم على الملخيه تغطيها لمدت دقيقه وبعد كده تشيل الغطه . 2-ولو عايز تعملها على طريقت تيته تزود خطوه انك تشهق فيها"تعمل الصوت الى بيطلع وانت مغضوض" دى اسهل طبخه طبيعيه ممكن تعملها ومش مكلفه خـــــــــــــــــــــالص |
وعلى فكره لمى تيحى تسخن الملوخيه متغطهاش علشان متسقطش
|
اقتباس:
هنا لا في ملوخية خضرا ولا ناشفة |
طيب هو فى ايه هناك كلو الرمل بقى احسلكو دى الواحد لو كان فى كده حيهج منها مستحمل ازاى كده ربنا يكون فعونك
|
وعلى فكره فى مجمده علشان تبقى عارف بقى حتلقيها فى السوبر ماركت ابقى ضور عليها لو عايز
|
اقتباس:
هى مكرونة مسلوقة بس بتضيف عليها مرقة خضار (ولا دى كمان مش موجودة) 1-حط الحلة نصها ميه ولما تغلى ضيف المكرونة 2-وقلبها كل شويه عشان مش تلزق 3-وضيف عليها المرقة والملح و متصفيهاش صدقنى بتبقى حلوة اوى |
خلاص ان شاء الله هجربها شكرا ليكي
|
لو سمحتم نريد طرق عمل البروكلي وياريت تكون كذة طريقة
|
انا اريد طريقة عمل العيش الفينو
ملك@الشاااااااااااااااااات |
lllممكن حد يقولي على اكلة الشاورمة؟
|
| جميع الأوقات بتوقيت GMT +2. الساعة الآن 10:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.