السلام عليكم

النهارده بئا جايبالكم فكره انما ايه

اعضاء منتدي الثانويه العامه كلكم كلكم من اول عضو لاخر عضو دخل المنتدي

اعلن عن بدا مسابقه لتنشيط المنتدي العام وياريت الفكره تنال اعجابكم
وبدون ما اطول عليكم يعني من غير رغي .. رغم اني هرغي كتير اوي
ما علينا المهم

طريقه الاشتراك في الدوري الثقافي


زي ماشفتوا الموضوع اسمه الدوري الثقافي
والموضوع مش معتمد علي عضو لواحده
لا علي نظام الفرق
ازاي يعني
اكيد كل عضو هنا يعرف اعضاء كتير ويعرف مواضيع او ناس

هنا في المنتدي والقدام هنا كلهم يعرفوا ناس كتير اوي اوي دا اكيد اوي يعني

المهم
المطلوب منك في الوقت الحالي انك تكون فريقك من الاعضاء اللي تعرفهم حتي واللي متعرفهمش
مجرد حتي اعجبت بكام موضوع ليهم
بعد كدا تسجل نفسك كرئيس الفرقه وتكتب اسماء اعضاء فرقتك بشرط ان اعضاء فرقتك كلهم يسجلوا موافقتهم في الموضوع

بعد كدا يكون انتا والحمد لله سجلت في المسابقه وتنتظر الخطوه القادمه
طب يافنكش انا لسه جديده ومعرفش حد هنا في المنتدي
[color=#999999]بسيطه خالص انتا ممكن تعلن استعدادك للانضمام لاي فريق
وبعد كدا هنساعدك للانضمام للفرقه اللي انتا عايزها

بالنسبه لعدد افراد الفريق هيكونوا من 3 الي اربع واذاكانوا 3 يحق لي ان اشرك عضو معكم في
الفريق دا طبعا بعد موافقتكم
بالنسبه بئا لعدد الفريق الحد الاقصي 15 فرقه وكل فرقه تسمي الفريق بتاعها باسم بحيث يعني يكون اسهل

كدا كلنا فهما ازاي هنسجل في المسابقه


الخطوه اللي بعد كدا

طريقه واسلوب الدوري الثقافي


شوف ياباشا
بعد تكوين الفرق
هنبدا المسابقه وطبعا هي عباره عن مواضيع هادفه جدا جدا وكمان كل المعلومات عن الثقافه
موعد تحديد بدا المسابقه بعد تكوين الفرق باذن الله
المطلوب من كل فريق تنزيل موضوع يوميا كحد ادني اللي 3مواضيع كحد اقصي
بشرط الا تكون المواضيع مكرره والمكرر سوف يحذف ويخرج بره المسابقه
وكل موضوع ينكتب عليه اسم الفريق علشان حساب الدرجات

نعم يختي ايه حساب الدرجات دا

هفهم بس شويه
المهم
المسابقه هتكون من ايام السبت والحد والاتنين والثلاثاء
اما الاربعاء والخميس يتم فيهم حساب الدرجات والجمعه اعلالان ترتيب درجات الفرق

واقل عدد درجات لفريق هيتم ابعاده من المسابقه
وسيتم ذلك كل اسبوع حتي يتم الاعلان عن الفرقه الفائزه
بالنسبه بئا لحساب الدرجات
1
1- كل موضوع منقول من منتدي اخر يحسب له 3 درجات
2- الموضوع الخاص بالفريق اللي كاتبه يعني كاتبه بتفسه هيكون ب5 نقاط
3- اذا كان الموضوع مميز جدا ووسط كل المواضيع اليوميه هينضاف للدرجات 4 حتي لو كان منقول
4- ردك فعلا الهادف البنا ء في مواضيع الفرق هينضاف لفريقك نصف درجه
5-لو فات يوم علي فريقك ومنزلتش موضوع هيتم حذف نقطتين من رصيد نقاطتك

وللامانه نرجو كتابه كلمه منقول في اخر الموضوع لو كان منقول

وهكذا واقل فريق هنعلن عنه يوم الجمه وهيتم استبعاده ونكمل في الاسبوع المقبل بدونه وهكذا حتي نصل للفريق الفائز

طب ايه الهدف من دا كله[color=#999999]

طبعا الهدف الاتول ان احنا نفيد ونستفيد كلنا سواء اللي في الفرق واللي برا الفرق
ولو حتي معلومه صغره لان دا هو اللي بيزود خبرات الفرد في المجتمع حاليا
ونفسي الفكره تلالاقي اعجابكم والدوري مش يتم مره ولا مرتين عالطول يارب ان شا الله
دا غير المنافسه الشريفه اللي فيه ودي لوحدها اجمل متعه ممكن تتخيلها

علي فكره كل الفرق عادي انها ترد علي بعض في موضوعات بعض
ودا بيزيد من حساب الفريق اللي بيرد علي الموضوع رد بناء وهاده

انا كدا خلصت كل كلالامي اللي في دماغي

اللي عايز اي استفسار انا موخوده تحت خدمتكوا
احتما كبير يساعدني في الاشراف علي الدوري 2 او 3 علي الاقل
وسيتم اعلان اسمائهم قريبا جدا جدا
يلا بئا سلام عليكم

انا موااااااااااااااااااااااااااااااااااااااااافق جداا فكره اكثر من رائعه يا فنكوشه
انتظروا فريقى القادم ;)

واااااااااو
واحنا منتظرين الفريق يا ابن الخطاب بسرعه

قبل عدد الفرق ما يكتمل

مفيش وقت

أنا موافق
ومستعد أكون تحت أمر أي حد يحب يضيفني لفريقه
فكرة ممتازة يا فنكوشة
:)
بالإضافة لموضوع شلة بنات
وبالتالي
لو كنتي هتكوني فريق
أفخر إني أكون من أعضاؤه
:)

انا للاسف مش هكون تبع اي فريق يا صلاح علشان انا هكون اساسا المسئوله
عن المسابقه
الله يخليك بجد علي رايك انا فرحانه ان الفكره عجبت ناس يعني

انا كدا اقدر اطلب ثبيت الموضوع وقلبي جامد جدا
لو انتا عاوز تكون فرقه اوكيه
لو مش عاوز

استنه لما فريق يكون اعضائوه وانتا ممكن تشترك معاهم
سلالام يا جميل

لو مش هتكوني في فريق فأنا هنتظر رئيس فرقة كويس يدخلني معاه
مش كنوع من السلبية ولا حاجة بس يعني أحسن لي ما يكونش ليا فرقة خاصة بيا وأنا رئيسها
الأفضل يكون ليا رئيس أنا فرقته
ولو تكوين الفرق اتأخر يكون ليا الفخر برضه إني أكون فريق كنوع من الإيجابية على الأقل
:)
شكراً ع الموضوع

<div align="center">بصراحه الموضوع جميل بس
أنا مش هشترك

</div><div align="center"> </div>

بص يا صلاح
انا زيك مابحبش الاشراف والحاجات دي
ماعلينا انتا ممكن تكون فريق متكونش انتا رئيسه مش اشكال يعني
وانتا وراحتك اولا واخيرا

اما بئا ياسادات مادام الفكره عاجباك ماتشترك يا اخي وتستفيد
ولا ايه وعالعموم برضه انتا وراحتك

سلام

<div align="center">انا موافق يا فنكوشه على الدورى ده

شكرا على موضوعك
</div><div align="center"> </div>

اوكيه مستنين فركتك بئا مش تتاخر علينا


ملحوظه يا جماعه في
معاد لتحديد بداء المسابقه سواء اكتمل عدد الاعضاء ام لا

وهيتم اعلان معاد البدء قريبا

سلام

ايه يا جماعه هو فين بقيه الناس
مش ناويين تكملوا المسابقه ولا ايه

انتوا يابشر
براحتكم اولا واخيرا

سلام

أوك يا سارة الفكرة جميلة
هيتثبت لفترة لغاية ما اشوف تفاعل الاعضاء مع الموضوع
اه انا مشترك فى المسابقة دى على فكرة اعملى حسابى
سلام

السلام عليكم ورحمة الله وبركاته

انا مستعد للدخول وهكون فريق ان شاء الله

وكمان هعملكوا شهادة تقدير ونعمل موضوع للفريق الفائز بعد اذن المشرف طبعا ويثبته وكل ما فريق يفوز ينزله شهادة تقدير

بس عايزين نشوف تفاعل الاعضاء

بس الفريق اللى هيخسر لازم يدفع فلوس مش كده ولا ايه

يالا منتظرين الباقى

سلام

<div align="center"> :) :) :) :) :)
[/right]</div>[/center]<div align="center"> </div>

و انا معاكم و ها اكون فريق

جميله جداااا وانا موافقه

انا باذن الله هبقي معاكوا

ربنا يوفقك وتكملى الموضوع ويطلع فى احلى صورة

و انا معاكم يا فنكوشه

أنا عندي فكرة كويسة :
ان النقط كمان تتوزع على حسب المكان الي نازل فيه الموضوع منحيث:

1- مناسبة الموضوع للقسم

2- نشاط القسم الي نازل فيه الموضوع ( بمعنى ان الموضوع الي ينزل في العام او قسم الصور ما يكونش زي الموضوع الي بينزل في حي على الفلاح والجرافيكس )
وده لتنشيط كل اقسام المنتدى

وانا ان شاء الله هنزل شهادة التقدير

بس اما اخلصها

موافقين ولا ايه

سلام

نو مش داخل انا هنسحب تانى مفيش فايده مفيش فايده

انا بقا فى اى فريق
حد يقوللى
واللا الغى الدورى

وانا وانا
انا عايز اشترك
ممكن :)
ها ممكن
شكرا علي الموضوع :)

<div align="center">السلام عليكم ورحمة الله وبركاته</div>
<div align="center"> </div>
<div align="center">طبعا انا مشترك وهنزل اسم فريقى قريب جدا</div>
<div align="center"> </div>
<div align="center">بس داخل اوريكوا شهادة التقدير</div>
<div align="center"> </div>
<div align="center">ومستنى رايكوا فيها</div>
<div align="center"> </div>
<div align="center">http://img411.imageshack.us/img411/3205/51026529jt5.jpg</div>
<div align="center"> </div>
<div align="center">سلام</div>

ممتاز يا أحمد و أنا ها أكون فريقى و أكتبه :)

<div align="center">بجد شكلها تحفه يا أحمد
</div><div align="center"> </div>

و دى تانى مجموعة تكمل:
1- أنا محمود
elma7et
:)
2-أحمد
طالب الجنة
:)
3-المشتاقة الى الجنة
:)

و اسم الفريق هو :
شباب الأسلام :)


و يلا شدوا حيلكوا عايزين فرق أكتر :P

السلام عليكم ورحمة الله وبركاته

بعد اذنك يا محمود " الماحت "

الفريق بتاعنا اللى انت رئيسه

يتكون من

الماحت
المشتاقة الى الجنة
نورا 11
طالب الجنة

اسم الفريق
شباب الاسلام

سلام

أوك و انا موافق على التعديل :)

الفكرة جميلة جدا .................
وان هاكون فريق وهادخل معاكو ..................
...........ماشى الكلام............

سلاموا عليكوا ازيكوا يا جماعه

انا مبسوط والله ان الفكره عجبتكوا بعد ماكنت احبط انها معجبتش حد
المهم
اولا كدا انا عايزه من قبل المسابقه اضيف سبع درجات علي الفريق
بتاع شباب الاسلام شهاده التقدير اللي اتعملت من اجل الدوري

بنبه بان كل فريق لازم يكون ليه توقيع مشترك علشان
يكون موضوح ان تبع المسابقه

بما انوا الدوري الثقافي المسابقه هتكون في العام وفلاسفه تحت التمرين
واخر الاخبار
فقط لا غير

انا دلوقتي معايا فريق
عايزه كل مشاركيه يكتبوا موافقتهم في اشتراكه
ومبسوطه ان دا اول فريق والله

شدوا حيلكوا يا شباب المسابقه ادامها وقت قريب وهتبدا


اللي مش لاقي فريق يشترك فيه يا جماعه
يكتب وانا هتصرف وهيكون في احسن الفرق ان شا الله
عايزه بجد اشوف الفرق كملت
ونبدا المسابقه والمنافسه الشريفه تبدا
يلا سلام

شكرا اوي يا اسلام علي التثبيت
سلام

وانا معاكم وبدون تردد

طب يلا يا جماعه بسرعه
بجد عايزه اشوف الفرق بئا

وعدد الفرق تاني حد اقصي 15 فرقه
قابل للزياده حسب يعني
ازيك يا استاذ زيزوا
سلام

طالما الناس كلها معانا

ليه محدش بيبادر باعلانه بتكوين فريق وهتلاقى الاعضاء دخلوا فى الفريق علطول

انما كل عضو يقول انا داخل طب وبعدين

دى فرق يا جماعه وليست فردية

سلام

طيب انا عاوزة اكون فريق

اعمل ايه يعنى؟؟؟؟؟؟؟؟؟؟؟؟؟؟؟؟؟؟

خلاص بصي الفكرة دى

يا جماعه عاوزة اكون فريق

الطلبات :

واحد قائد ذكى وربنا كارمه كده وصدره رحب وعاقل وطوله ميزيدش عن 180 سم

واحد هيبقي عضو عادى زى حضرتى كده

بس :lol:

بناء علي طلب المشاهدين

تم تحديد بدايه المسابقه يوم السبت القادم

المعاد غير قابل للنقاش :P

وبفكر في حاجه تانيه هئولهالكوا بعدين
سلام

لا قوليها دلوقتى يا فنكووووشة

كان نفسي اشترك من البداية
بس إظاهر ما حدش عاوزني معاه في فريقه
:(

ازاى بتقول كده يا صلاح

انت رئيس فريق

انا شايف كل الناس عايزه تشترك ومحدش عايز يبقى هو رئيس الفريق

منتظركم

سلام

ايه يا عم هو رئيس الفريق دى شتيمة؟ و الله يا صلاح لو ما كان فريقى كمل كنت خدتك بس برضه انا تحت أمرك يا باشا انتا مكسب لأى فريق و يا عم لو زعلان افك فريقى وآجى معاك أنا ليا الشرف

مش الفكرة والله يا محمود
بس ديه وجهة نظري من أول الموضوع ما اتفتح
وكنت من أوائل اللي ردوا ومش متأثر بحد يعني
أحب أن يكون لي رئيس أنا فريقه أكثر من أن أكون لي فريقاً انا رئيسه
:)

واحنا ممكن نجمع فريق

zizo2_2
فتاة_ الإسلام
وصلاح الدين لو يقبل يكون معانا

<div class='quotetop'>إقتباس(zizo2_2 @ Mar 25 2007, 04:49 PM) [snapback]288269[/snapback]</div>و عمرو جبر لو تقبلوا

يكون ليا الشرف طبعاً يا أستاذ زيزو
وأنا أطول
حضرتك إللي بتقول لو يقبل
:(
أنا موافق بدون أدنى قدر من التردد
:)

خلاص يبقى الفريق اكتمل


zizo2_2
فتاة_ الإسلام
amr_gabr
صلاح الدين

وطبعا قائد الفريق هو صلاح الدين

<div class='quotetop'>إقتباس(صلاح الدين سابقاً و مستقبلاً @ Mar 25 2007, 04:18 PM) [snapback]288255[/snapback]</div>يا أستاذ زيزو
الموضوع مش موضوع عند والله
ولو فيه إصرار
فأنا أفضل إنه يكون بالتناوب لأن كده كتير بجد والله
وفي نظام التناوب رغم إني اقترحته عشان مش بحب أزعلكم والله
مش هكون أنا أول واحد اعذروني معلش :unsure:

اسم الفريق ايه يا استاذ زيزو لو سمحت

واحنا هنغير اسم الفريق بتاعنا

من شباب الاسلام
الى معا لنصرة الحبيب

سلام

خلاص بقا انا هنسحب
واضح ان محدش عايزنى معاه
اوك سلالالالام

مين ده اللى ينسحب
يابنى نزل اسمك وقول انا رئيس فريق حد معايا

والله هتلاقيهم وافقوا علطول

سلام