زيادة فى المرتب للمتعاقدين
 

سمعت النهارده من زميلخ ليا ان فى زيادة للمتعاقدين كلهم ماعدا اللى استلموا الشهر الى فات واحنا بنقبض 339 وبالزياده هيبقة 380 وان شاء الله يكون خبر اكيد علشان سمعنا خبر زى كده وكان صح
والاجمال ان هيتصرف باثر رجعى من شهر 1
يارب الخبريكون فى كل المحافظات وانا اول ما اعرف جديد هقلوكم




اختكم بنت سوهاج





بشروا ولا تنفروا

قبضنا المرتب ومفيش زيادة ولا حاجه في الدقهلية

السلام عليكم
يارب يكون الخبر صحيح
ولكن أتسأل لماذا هذه الزيادة؟
ويارب يكون الخبر صحيح مرة ثانية

انا اللى اعرفه ان البدل النقدى زاد 12 جنيه..

لكن ماسمعتش عن اى زيادات فى المرتب غير كده.. ادينى هاقبض كمان يومين ان شاء الله.. لو فيه جديد هاقولكم

الزياده مش فى المرتب الشهر ده انا قبض النهارده ومفيش الزياده
وانا زى ما سمعت قلت ياجماعه والله انا مش بالف من عندى
ويارب خير

الزيادة دى سببها ايه هل الكادر ولا دى زيادة من الحكومة للتعاطف معانا

والله الى قالت لى انه مش الكادر دى زيادة للكل ماعد المتعاقدين الجدد الذين تم التعاقد معهممن شهر

صرفنا الرتب فى دمياط ولا جديد

ياجماعة احتمال من مرتب الشهر الجاى
انا قبض النهارده ومفيش زيادة

بالبلينا لا جديد

والله انا مش بكذب انا سمعت الخبر وقلت لكم وانا اقصد خير مش اكتر وان شاء الله الخبر صح وتتدعولى ولا قدر الله يكون غلط وتسمحونى




انا اسفه ع الازعاج

انا من البلينا
وان شاء الله يوم السبت هسال تانى واتاكد او
اقتل الى قلتلى الخبر:abdoog8:

السلام عليكم
اكيد انتم ازهر
احنا تربية وعليم ومن زمان بناخد378

احنا عام او بمعنى اصح انا عام مش ازهر

أنا من البلينا وقبضت اليوم 340 فقط لا جديد تحياتي

انا من ادارة شرق الزقازيق ومفيش اى زيادة فى المرتب الشهر دة والمرتب هوهو 315 بس
هو انتوا بتخصموا منكم تامينات ونقابة ومعاشات ؟ وانا على فكرة استلمت كرنية النقابة

ياجماعه احنا بنقبض من شهر 7 اللى فات 365

انا في الأزهر لا حد قال تعين ولا تثبيت ولا حتي تجديد

الازهر متدلعين في كل حاجه كل حاجتهم سهله يارب نبقى زيكم
المرتب الشهر ده في خصم مش زياده فرضوا ع المتعاقدين اتاوه جديده اسمها صندوق الزماله وهيخصموا 10 من المرتب اللي هو358 ملطوش

ياجماعة م ش ملاحظين ان كل واحد فين بيقبض مرتب مختلف ولا ايه احنا عام وكنا بنقبض 310 بعد كده زاد بقى 320 بعد كده اصبح 339 وقبض يوم الخميس وقالولنا ان فى زياده باثر رجعى من شهر واحد
والى خلانى متاكده اوشبه متاكده ان سمعت قبل كده ان فى زياده وطلع صح
بس الى اطلبه ان كل واحد يقول هو تبع ادارة ايه ؟ وقطاع ايه ؟ وبيقبض كم ؟


علشان اكيد فى لعب فى المرتبات


وبرضه الى يعرف العوارض كم, وتبدا امتى ؟لوسمحتوا يقول شكرااااااااااااااااااا

محافظة شمال سيناء
ادراة الحسنة التعليمية

المرتب ( 355 جنيه )
حوافز 25% + 90% ( 158 جنيه )

الجملة = 513 جنيه

وبالنسبة للاجازات العارضة هما 7 ايام فى السنة ( بحد اقصى يومين كل شهر ) و بتبدأ من اول شهر يناير

والله احنا مرتبنا بعد زيادة عيد العمال الىفات بقى 339 جنيه بالحوافز بكل حاجة
والعوارض قالوا 6
بس
وكل واحد من تاريخ تعينه تبدا العوارض

ازاى ده احنا مرتبنا 339
والله ياجماعه فى لعب فى المرتبات

انت تبع محافظة ايه
احنا بنقبض339
والمفروض فى العقد اصلا 400 وحاجة وبيخصموا علشان التامينات


وع فكره الى كانت بتسلمنا المرتبات كانت بتاخد2 جنيه كل شهر علشان واحد يعملها الشغل بتعها
بس احنا اعترضنا وجبنا حقنا

مرتبات التربية والتعليم اكثر من مرتبات الازهر

وفى النهاية الجميع فى سفينة واحدة اوشكت على الغرق

ياجماعة دانتوا بتتكلموا فى 300

بسم الله ماشاء الله ... ربنا يزيد ويبارك
انا ازهرى
وبنقبض عندنا فى المعهد 233 (مائتان وثلاثة وثلاثون)جنيها فقط لاغير
وبيقولولنا الخصم دة خصم جهاز مركزى
مش عارف اية المركزى دة
وهيقعد كدة لحد شهر 7
بقالنا سنة بنقبض 233
الحمد لله ومفيش غيرها دايما على لسان الواحد

بالنسبة للاجازة احنا في المدرسة كانوا بيحسبوها من اول شهر 9الى شهر8 رحنا شئون العاملين جنا ورقة بالاجازات وقالوا انها بتبدا من شهر يناير و7عرضةو 15اعتيادى و10مرضى باجر و10بدون اجر و3شهور وضع باجر
بالنسبة للمرتب احنابنقض347 وكان فى الاول345وزاد2جنيه من فترة

بالنسبة للاجازة احنا في المدرسة كانوا بيحسبوها من اول شهر 9الى شهر8 رحنا شئون العاملين جنا ورقة بالاجازات وقالوا انها بتبدا من شهر يناير و7عرضةو 15اعتيادى و10مرضى باجر و10بدون اجر و3شهور وضع باجر
بالنسبة للمرتب احنابنقض347 وكان فى الاول345وزاد2جنيه من فترة

ياجماعة الخير تفاوت مرتبات المتعاقدين سببه المحافظات
ثانياً بالنسبة للاجازات المتعاقد له 6 أيام عن السنة التعاقدية كعوارض

يا جماعة المهم التثبيت والزيادة هتيجى بعد التثبيت مش التعاقد 300 و350 ايه فى ناس بتعدى 1000 وأكثر بس لأساسى .المهم التثبيت لازم نعمل حاجة مننتظرش حد يساعدنا لازم حل سرييييييييييييييييييع

الزيادة اكيده اكيده فى راتب شهر 7 اخت توتاه ولا يهمك مشكورة على الخبر ولكى جزيل الشكر ولا احد من اخوانك هنا قصد انك تكذبى انت تعرفى انهم معلقون بقشه واى خبر بيربكهم الله معكم

ايه ياجماعة انتو متعاقدين وبتقبضو كدة ازاى انا مش بحسد والله بس انا متعاقدة مميز فى كفرالشيخ وبقبض 318.25 ومش انا بس دة كل زمايلى كدة احنا بقى عكسكو احنا كنا السنة اللى فاتت 322 وبعد كدة قبضنا مرة 339 بس دلوقتى رسينا على 318 يلا الحمد لله ربنا يزيد ويبارك:049gc0:

كل المتعاقدين فى الازهر تم توحيد المرتب ل 310 قديم زى جديد والكلام دا من شهر 7 الماضى

اولا شكراااااااااااااا على مرورك
ثانيا : والله العظيم ان سمعت الخبر من وزميله معايا وقبل كده سمعتخبران مرتب هيزيد منها وطلع صح وزاد علشان كده ان قلت افرحكم واسعدكم والله انا هشعر بالذنب وانا لسه مقبتش شهر 4 لو فى زياده كما قيل لى الحمدلله وان لا هكتب اعتزار وانا اسف واتمنى للجميع ان يسمعوا دائما ما يرضيهم واسفه اسفه

ياخ طارق حضرتك من ادارة البلينا ويخيل ليا انها الاداره الوحيده الى مش فاهمه حاجه فى اى حاجه واكيد حضرتك عارف الوضع هناك صح اصلا مكتوب فى العقد7 يبقى ازاى 6 واحنا فى المدرسه قالوا نفس الكلام وكل ده من الاداره

وهو ده الصح شكرااااااااااااااااااا لك اخى مشكور

الاخت توتا احنا فى ادارة طهطا بنقلض 330جنيه فقط رغم اننا نفس المحافظة فهذا امر عجيب

احنا في جهينة بنقبض 339جنيه
كله علي بعضه

بسم الله الرحمن الرحيم
أخوكم من سوهاج
أولا أتمنى أن يكون الخبر صحيح ولكن الأهم هو التثبيت

والله انا مش فاهم حاجة وكل حاجة فى البلد دية ماشية بالبركة

اشمعنا احنا الازهر بناخد 310 جندي مش هيزيدوا بقى

انا مرتبي 353
وفي العقد مفيش رقم للمرتب

انا مش فاهم حاجة انا تبع إدارة القنايات بمحافظة الشرقية ومرتبنا 325 وأغلب إدارات الشرقية كلها كده وتتراواح من 315 إلي 325 يعني محدش فاهم حاجة بس احنا بيتخصم مننا نقابة وتأمينات هل المعلمين اللي في الإدارات التانية بيتخصم منهم نفس الحاجات ام ماذا وياريت حد يجاوبني

كل واحد يقول علي محافظته ومرتبه

طيب احنا كان نفس الموقف وكنا بنقبض 330 بس وبعد كده مدرس متعاقد من سوهاج فى مدرستنا قال ان فى زياده رحناللى مسؤول عن الصرف وقلنلها واتاكد انت وبتقبض انك بتاخد كل مليم مكتوب والا ماتمضيش

ياجماعه احنا عايزين نطالب بان الاجور المتعاقدين تتساوى حسب اعلى مرتب وده حقنا يعنى ايه ده يقبض330 وده320 وده400 عايزين توضيح واكيد فى لعب فى المرتبات

احنا مدلعين انا مدرسة بالازهر بنقبض من شهر 5 اللى فات 310

بوسوا ايدكم وش وضهر وقولو الحمد لله سواء كنتم 310 او 320 او حتي 400 المهم انتم شغالين الحمد لله